شوفوا زوجي العزيز شو سوا بي اليوم

[بنت_الحزن]

وعلى الوظيفه الصراحه انا تعبت وانا من النوع إلي ما احب الروتين .. وبغيت تكون حياتي لعيالي لانه الوالده تعبت منهم وروحي بعد كل يوم الصبح اوصلهم عند امايه والظهر ارجع اخذهم .. والله ابويه دوم يقولي ردي لوظيفتج والعيال ترى بيكبرون ونحن اكيد ما بنستغنى عنهم .. والحمد لله انا بنت وعندي شهادتي إلي افتخر فيها وان شاء الله الوظيفه بخليها لبعدين بس اربي ويكبرون عيالي اشوي وراح افكر في هالشي مره ثانيه

 

[ألماسة آسيه]

يا عمري اخيتي
بكل صراحه وقفت على قضيتك بتعجب بين المعجبه بسلوبك وبين المعارضه

اعجبتيني بمنعك ورضفضك للسواقه (تتمتعين بالقوه والاصرار)
فلا تقولين انا ضعيفه وما اقدر وعلى طول اصيح بل انت قويه انظري لما جعلت فكرت السواقه عندك مرفوضه تحملتي بعدما كانت مشاوريك سابقا بكيفك ؟؟والان لا لازم احد يوديك؟؟
فلازم ايضا الان تكوني قويه بمواجهة حياتك
انسى انه موجوده لك ضره واليوم اللى يكون عندها اعتبريه بالدوام
خلى ايامك تجري عادي بل احسن من اول
اذا واجهك لا تبكي بل كوني قويه واذا لم تستطيعي الحديث معه فسجلى ذلك بورقه او بالجوال وارسله له كل ما في قلبك واذا قال ما قال قولى وبكل قوه اقولك الحين ونتفاهم احسن من بعدين عند رب العالمين يوم لا ينفع مال ولا بنون لاننا لا نعلم متي نغادر الدنيا ومن الاول منا (اذا خوفتي الرجال بالله خاف منه ومنك)
اما اسألتك
** اذا قال لك ابي عيالك يروحون معى ...(قولي ابشر ). الى اي مكان عليك بالاستخاره وانت تجهزينهم استخيري الله وراح تشوفين اذا كان خير راحو وانت مطمئنه واذا كان شر تركهم وطلع وانشغل عن روحتهم
>>>>>>>وهذي والله مجربه
** روحتك مع زوجته للعيادة ايضا استخيري الله وراح تشوفين مثل ما قلت لك اذا كانت خير لك سهلها الله واذا كانت شرا لك صرفها الله عنك

وتقبلي مروري اختك آلموسه

 

[ألماسة آسيه]

راح الرد قبل ما اكمل
اسأل الله جل علاة
ان يسهل امرك ويسخر لك زوجك وويوفقك في الدارين

 

[الواثقة2010]

اااخ بس والله حاسة فيج

بس عجبتيني يوم قلتي انج دلعتيه وتم يطرشلج مسجات احبج واحبج
ان شالله دووم

بما انه شمالي .. صدقيني تقدرين تاخذين عقله وقلبه بسهولة


سوي بحث في المنتدى لكل مواضيع الشمالي ... ماتفرق شمالي غربي ولا شرقي المهم شمالي

وشوفي اصول الدلع والكشخة وتعلمي

انسى انه متزوج .. وعيشي حياتج بدونه .. ومعاه

يعني اهتمي بنفسج وخلج واااثقة من نفسج

ترى الشمالي يحب الواثقة والقوية

شوفي مواضيع الشمالي وتثقفي

ومثل ماقالولج.. استخيري على كل حركة على كل قرار على كل شي

وربي يوفقج ان شالله ..استغفري طول الوقت

اهم شي لاتبكين جدامه ..الشمالي يكره الضعيفة والبكاء بالنسبة له ضعف ..اذا بكيتي ابكي بروحج
او تعالي المنتدى احنا معاج .. او اتصلي بوحدة تثقين فيها .. اما جدامه خلج قوية وحلوة وكاشخة طول الوقت

واذا نكد عليج بحركة.. سامحيه وانسيها وعامليه عاااااادي جنه ماصار شي

عقبها بيحبج وبيتعلق فيج اكثر

الله يسعدج ويوفقج ويبرد قلبج ويفرج همج يااارب

 

[حالمه ولكن]

الله يرده لك ويجعلك اجمل واحب منها الى قلبه

 

[عشقي الربيع]

الله يعينك ويصبرك عليك بللجوء لله وقيام الليل

 

[باربيكا]

حبيبتي الله يعينج ويصبر قلبج والله عورتي قلبي
حاولي انج ما تحتكين بشريكتج ولا تكوني على صله فيها بالمره
انسي انه متزوج وعامليه كانه لج بروحج ولا تتنازلين عن حقوقج
ولا تسمحين لها تتدخل بحياتج ولا بعيالج الغي وجودها بالمره احسن لج اذا ما تبين المشاكل
الله يسهل امورج ويصبرج ويرد لج زوجج ردا جميلا ويحفظكم من كل شر 00000000اااااامين

 

[دموع الجوري]

لا حول ولاقوة إلا بالله الله يصبرك يارب ويزيل همك
بس تدرين كبري راسك وطنشيه طنشيه صدقيني مرده لكي
والله يقومك بالسلامه يااقلبو

 

[وردة عموري]

تصرفك حلو لانها شغله مو حرزه شوفي يوم يكون عندك وساويلك موعد والله ييسرلك الخير

 

[سعدية الحورية]

:icon30:

الله يعينج حبيبتي ... اخذيها نصيحة مني صدقيني لو سقتي السيارة ريلج راح يغسل ايده منج وبيخليج انتي تعتمدي على نفسج في طلعاتج وروحاتج ومشاويرج انتي والعيال اللي المفروض هو يسويها وبتريحيه بالمرة عالاقل هالحين تشوفينه على قد المسؤولية ... بعدين لا قلتيله وداني ولا تعالي ... بيتكاسل حتى بيت اهلج ما بيوديج .. خليج بعيدة عن السواقة ودلعي عليه ولزميه هو اللي يلبي طلبات البيت والعيال ومشاويرج ولا ليش قدر يفتح بيت الثاني لانه شاف حريمه سادات عمارهن.

ام بالنسبة لعيالج شو الهدف انه يوديهم عند حرمته واهلها .. يعني هو يبي يعودهم على بعدج الله لاسمح
حبيبتي انت من شكلج طيوبة وعلى نياتج ما حد بيهتم في عيالج مثل ما انت مهتمة فيهم من اكل او روحة الحمام وحتى الاب يمكن يغفل عنهم ... لا تفتحي لنفسج ابواب ماتقدري سكريها وبعدين تقولي ياليت .
واسمحيلي ان طولت عليج..

 

[حنانوو]

جد الله يهديه يارب ويسخره لك ويسحره فيك سحر حلال
كان قلتي له لوهي حامل وعنده موعد بيومي ماعندي مانع توديها البيبي ماله ذنب
جد ادعي ان الله يسخره لك جد الحين الرجال صارو يبون ياخذون اللي هم يختاروهم ذكريه بالعدل جد بعض الحريم انانيات وماتخاف ربها تجلس تزن براس زوجها بس لاتضيقين صدرك وصدقيني ربي بينصرك

 

[سنتين مروا علي]

انا الصراحه بعد هاليلسه الطويله قتله عادي ودهم عندها بس عند اهلها لا .. طبعا هو ما رضى وقالي مثل ما هم عيالج وتخافين عليهم تراهم عيالي وانا بعد اخاف عليهم وانا اعرف عيالي من النوع إلي ما يندمجون ويا الناس إلا إذا كانوا يعرفونهم .. يعني إذا وداهم بيتمون لازقين في ابوهم ولدي مستحيل يسير عند حد بس بنتي إذا قالولها روج ومكياج عادي تسير عند اي حد ..

الله يحفظهم ان شاء الله ..

وثاني شي انا بعد عندي موعد يوم الخميس وهو بيكون في الدوام وبما اني ما اسوق (على فكره انا عندي الليسن بس استوت مشكله بيني وبينه وهو قالي خلاص ما تسوقين وبعدين قالي سوقي فأنا قتله خلاص ما ابغي اسوق واي مكان انته اتوديني ) قالي بخلي حرمتي الثانيه اتوصلج المستشفى ؟؟ وقالي بيشوف إذا هي ما عندها دوام بتوصلني .. قتله اوكي انا عادي عندي .. هل هالشي إلي سويته صح ولا غلط ؟؟ ( انا شفتها مره وحده بالعيد وكلمتها يمكن مرتين يوم ريلي يكون ويايه يعني ما في بينا اي اتصال)

المهم ما خليته يطلع من البيت وهو معصب علي وزعلان مني .. راضيته مع انه هو المفروض يراضيني بس يبتنازل عسب عيالي وراحتي .. اهم شي انه كان مرتاح مني وراضي عني ..

الله يسخره لي ويرده لي ردا جميلا ويبعده عن كل سوء .. احبه بس تصرفاته إلي مالها داعي تخليني اكرهه..

اسمحولي طولت عليكم واتمنى ردكم على اسألتي إلي فوق لاني محتاره ما اعرف شو اسوي


اختي ايش هذا الهباب اللي تقولينه؟؟
ايش اللي لا مارح اودي عيالي وبعدين يخدرك بكم كلمة وتقولين طيب خلاص يروحون معاك عادي؟؟؟؟
ماني فاهمة؟؟؟
هي ايش دخلها في اولادك؟؟
تدرين ليش علشان تكسب محبته عن طريق اولادك
علشان يقول الله ياحبيبتي كيف انتي تحبين اولادي انتي واهلك وزوجتي ظالمتك ..علشان تقول شوف ياحبيبي اني احبها هي وعيالها وهي اللي ماتبيني

وبعدين ايش اللي هي بتوديك المستشفى؟؟
خير ان شاء الله وليش اصلا
واذا حملت ياروحي مين بيوديها؟؟ ياترى انتي اللي حالفة يمين ماتسوقين والا زوجك الطيب الحنون لأنه ياقلبي مستحيل تسوق هي بنفسها بعدين البيبي حقها يخاف من السياقة
وهي ياعمري بتوديك مو علشان سواد عيونك لا ياروحي علشان تشوف انتي ايش ..انتي كيف جاية.. وتبعد عن الاشياء السيئة اللي تسوينها وتكسب خبرة في تعاملك مع زوجك اللي هو زوجها واللي يصير زوجكم
بقولك شيء زوجك يثق فيها تدرين ليش؟؟ لأنها في نظره امرأة قوية والشمالي يحب المرأة القوية واكبر دليل على ثقته انه خلاها تتصل بالمستشفى وطلب منها توديك للمستشفى..
بينما انتي في نظره المرأة الضعيفة اللي بس ماتبي الا الحب ولا منها فايده يعني ماتفيدينه في الانجاز وتحقيق اهدافه كشمالي
على فكرة زوجك شمالي غربي
انتبهي
لاتخلينها تدخل حياتك
مو يرفع صوته عليك وتخقين وتقولين حاضر وعلى امرك
خلي لك شخصية مثل مافرضت رأيها ورفضت انك تروحين موعدك افرضي رأيك استفيدي من قوة شخصيتها لصالحك
خليه يصارخ ويسوي حركات ترى بيرجع بس لا تصارخين
تدرين ليش رجع لك وطلب منك تروحين معاه الموعد؟
علشان ردة فعلك كانت باردة جدا
((شكرا حبيبي))روعة الرد بل قمة في الروعة ..تدرين انك صفعتيه حسستيه انه مايهمك وغير كذا الشمالي حنون
بس الاهم انك تكوني هادئة في ردة فعلك ارفضي بهدوء
افرضي رأيك ولايغيره ولايغسل دماغك
نصيحة لاتدخل حياتك..لأن المستفيد الاكبر من هذا الشيء هو وهي فقط اما انتي ما اتوقع لك فائدة كبيرة
قولي له الولد ياحياتي ولدك وانت لازم توديني المستشفى بنفسك وما ارضى اي احد يوديني غيرك ..وابتسمي له واسفهيها
ولاتقبلي لي محاولة للتقرب منك
تحياتي لك
واسفة اذا كلامي ضايقك
بس انتي بنت حلال وطيبة وشخصيتك ناعمة وتحبين زوجك وتبينين حبك له لدرجة انه وثق انك مارح تتركينه وضمن ذلك علشان كذا لعبها صح وتزوج
من الان ورايح خلي لك خصوصية ياقلبي
تحياتي لك

 

[أم ذياب89]

الله يعينج الغاليه

الله يفرج همج الغاليه

 

[ايام السراب]

الله يكون في عونك طبينه تحر لو فى القبر:icon26:

 

[nany2009]

حبيبتي الله ييسر امورك ويفرج عليك ويسخر لك زوجك
ومتزعليش نفسك وان شاء الله ربنا هيعوضك ويقومك بالسلامه بس لازم تهتمي بالمتابعه الطبيه عشانك وعشان البيبي
بس زوجك مش عرفه اقولك ايه والله لاني مش بعرف في انماط الشخصيه بس ربنا يهديه

 

[بنت_الحزن]

يا عمري اخيتي
بكل صراحه وقفت على قضيتك بتعجب بين المعجبه بسلوبك وبين المعارضه

اعجبتيني بمنعك ورضفضك للسواقه (تتمتعين بالقوه والاصرار)
فلا تقولين انا ضعيفه وما اقدر وعلى طول اصيح بل انت قويه انظري لما جعلت فكرت السواقه عندك مرفوضه تحملتي بعدما كانت مشاوريك سابقا بكيفك ؟؟والان لا لازم احد يوديك؟؟
فلازم ايضا الان تكوني قويه بمواجهة حياتك

الصراحه بعد كلامج هذا خليتني اثق في عمري اكثر وان شاء الله اكون قويه في مواجهة حياتي
مشكوره حبيبتي على كلامج إلي زرع الثقه فيني ..


انسى انه موجوده لك ضره واليوم اللى يكون عندها اعتبريه بالدوام

انا كل يوم احاول اني انساها بس هو الله يسامحه كله يذكرني بوجودها

خلى ايامك تجري عادي بل احسن من اول

بحاول ان شاء الله

اذا واجهك لا تبكي بل كوني قويه واذا لم تستطيعي الحديث معه فسجلى ذلك بورقه او بالجوال وارسله له كل ما في قلبك واذا قال ما قال قولى وبكل قوه اقولك الحين ونتفاهم احسن من بعدين عند رب العالمين يوم لا ينفع مال ولا بنون لاننا لا نعلم متي نغادر الدنيا ومن الاول منا (اذا خوفتي الرجال بالله خاف منه ومنك)

الله يهدي زوجي ومن اليوم ورايح كله بذكره بالله

اما اسألتك
** اذا قال لك ابي عيالك يروحون معى ...(قولي ابشر ). الى اي مكان عليك بالاستخاره وانت تجهزينهم استخيري الله وراح تشوفين اذا كان خير راحو وانت مطمئنه واذا كان شر تركهم وطلع وانشغل عن روحتهم
>>>>>>>وهذي والله مجربه
** روحتك مع زوجته للعيادة ايضا استخيري الله وراح تشوفين مثل ما قلت لك اذا كانت خير لك سهلها الله واذا كانت شرا لك صرفها الله عنك

والله هالنقطه راحت عن بالي .. ان شاء الله بصلي استخاره من اليوم
وتقبلي مروري اختك آلموسه

مشكوره على مرورج إلي اسعدني وزاد الثقه فيني وذكرني بأهم شي وهو صلاة الاستخاره ويارب يكتب لي إلي فيه الخير لي ولغيري

اااخ بس والله حاسة فيج

بس عجبتيني يوم قلتي انج دلعتيه وتم يطرشلج مسجات احبج واحبج
ان شالله دووم

بما انه شمالي .. صدقيني تقدرين تاخذين عقله وقلبه بسهولة


سوي بحث في المنتدى لكل مواضيع الشمالي ... ماتفرق شمالي غربي ولا شرقي المهم شمالي

وشوفي اصول الدلع والكشخة وتعلمي

انسى انه متزوج .. وعيشي حياتج بدونه .. ومعاه

يعني اهتمي بنفسج وخلج واااثقة من نفسج

ترى الشمالي يحب الواثقة والقوية

شوفي مواضيع الشمالي وتثقفي

ومثل ماقالولج.. استخيري على كل حركة على كل قرار على كل شي

وربي يوفقج ان شالله ..استغفري طول الوقت

اهم شي لاتبكين جدامه ..الشمالي يكره الضعيفة والبكاء بالنسبة له ضعف ..اذا بكيتي ابكي بروحج
او تعالي المنتدى احنا معاج .. او اتصلي بوحدة تثقين فيها .. اما جدامه خلج قوية وحلوة وكاشخة طول الوقت

واذا نكد عليج بحركة.. سامحيه وانسيها وعامليه عاااااادي جنه ماصار شي

عقبها بيحبج وبيتعلق فيج اكثر

الله يسعدج ويوفقج ويبرد قلبج ويفرج همج يااارب

مشكوره الغاليه على مرورج وان شاء الله صلاة الاستخاره بهتم فيها واايد ويارب ارتاح .. بس المشكله انه يبغيني استوي ربيعتها ويعني اكلمها واطلع وياها بس هالشي يضايقني وانا ابغي اعيش حياتي بعيد عنها كفايه اني اسلم عليها بالتليفون احس ان هذا يكفي بس ما اعرف كيف اوصله هالمعلومه ..

 

[بنت_الحزن]

الله يرده لك ويجعلك اجمل واحب منها الى قلبه

آمين يارب االعالمين ..

الله يعينك ويصبرك عليك بللجوء لله وقيام الليل

ان شاء الله حبيبتي وبعد اشوي بسير اصلي القيام قبل ما يأذن الفجر .. ادعولي من كل قلبكم وانا ان شاء الله ما بنساكم من دعائي

حبيبتي الله يعينج ويصبر قلبج والله عورتي قلبي
حاولي انج ما تحتكين بشريكتج ولا تكوني على صله فيها بالمره
انسي انه متزوج وعامليه كانه لج بروحج ولا تتنازلين عن حقوقج
ولا تسمحين لها تتدخل بحياتج ولا بعيالج الغي وجودها بالمره احسن لج اذا ما تبين المشاكل
الله يسهل امورج ويصبرج ويرد لج زوجج ردا جميلا ويحفظكم من كل شر 00000000اااااامين

والله احاول كثر ما اقدر بس ريلي يبغني اتقرب لها ما ادري ليش وشو قصده من هالشي .. والحمد لله اني احاول اني انساها كثر ما اقدر .. آمين ومشكوره عالدعوه الحلوه

لا حول ولاقوة إلا بالله الله يصبرك يارب ويزيل همك
بس تدرين كبري راسك وطنشيه طنشيه صدقيني مرده لكي
والله يقومك بالسلامه يااقلبو

آمين يارب ..

تصرفك حلو لانها شغله مو حرزه شوفي يوم يكون عندك وساويلك موعد والله ييسرلك الخير

ان شاء الله حبيبتي ..



مشكوره على مرورج الطيب

 

[اتحدى العالم]

الله يسخره لك ويفرج لك ويرده لك ردا جميل والجميييييييييييييييييع انشاءالله

 

[بنت_الحزن]

الغاليه سنتين مروا علي





اختي ايش هذا الهباب اللي تقولينه؟؟

ايش اللي لا مارح اودي عيالي وبعدين يخدرك بكم كلمة وتقولين طيب خلاص يروحون معاك عادي؟؟؟؟
ماني فاهمة؟؟؟
هي ايش دخلها في اولادك؟؟

ما ادري والله ليش زوجي مصر على هالشي

تدرين ليش علشان تكسب محبته عن طريق اولادك
علشان يقول الله ياحبيبتي كيف انتي تحبين اولادي انتي واهلك وزوجتي ظالمتك ..علشان تقول شوف ياحبيبي اني احبها هي وعيالها وهي اللي ماتبيني

والله يمكن وكل شي جايز بس اتمنى انه هالشي ما يصير


وبعدين ايش اللي هي بتوديك المستشفى؟؟
خير ان شاء الله وليش اصلا
واذا حملت ياروحي مين بيوديها؟؟ ياترى انتي اللي حالفة يمين ماتسوقين والا زوجك الطيب الحنون لأنه ياقلبي مستحيل تسوق هي بنفسها بعدين البيبي حقها يخاف من السياقة
وهي ياعمري بتوديك مو علشان سواد عيونك لا ياروحي علشان تشوف انتي ايش ..انتي كيف جاية.. وتبعد عن الاشياء السيئة اللي تسوينها وتكسب خبرة في تعاملك مع زوجك اللي هو زوجها واللي يصير زوجكم

خوفتيني من كلامك والله اني ما حطيت هالشي ببالي مسكينه والله على نياتي بس هالشي هو إلي قاله هي ما قالت شي بس هو قال إذا هي ما عندها دوام بتوديني .. وهو يمكن وافقت لانها تبغي رضاه وما تبغي تخسره.. والله احترت وما اعرف شو اسوي..

بقولك شيء زوجك يثق فيها تدرين ليش؟؟ لأنها في نظره امرأة قوية والشمالي يحب المرأة القوية واكبر دليل على ثقته انه خلاها تتصل بالمستشفى وطلب منها توديك للمستشفى..
بينما انتي في نظره المرأة الضعيفة اللي بس ماتبي الا الحب ولا منها فايده يعني ماتفيدينه في الانجاز وتحقيق اهدافه كشمالي

الله يسامحه على هالحركه إلي سواها فيني حسيت نفسي صغيره جدامها .. واايد انقهرت من الحركه ..

بس على فكره انا زوجي واايد يثق في رايي ويعني إذ في اي شي في البزنس ماله على طول يشاورني ووااايد اشيا سويتله قبل زواجه طبعا وساعدته وانا إلي خليته يدخل في البزنس ويستوي رجل اعمال وانا لين الحينه وااقفه وياه في البزنس ويارب يوفقنا ان شاء الله ..بس الله يسامحه ما قدر هالشي ..


على فكرة زوجك شمالي غربي
انتبهي
لاتخلينها تدخل حياتك
مو يرفع صوته عليك وتخقين وتقولين حاضر وعلى امرك
خلي لك شخصية مثل مافرضت رأيها ورفضت انك تروحين موعدك افرضي رأيك استفيدي من قوة شخصيتها لصالحك
خليه يصارخ ويسوي حركات ترى بيرجع بس لا تصارخين
تدرين ليش رجع لك وطلب منك تروحين معاه الموعد؟
علشان ردة فعلك كانت باردة جدا
((شكرا حبيبي))روعة الرد بل قمة في الروعة ..تدرين انك صفعتيه حسستيه انه مايهمك وغير كذا الشمالي حنون
بس الاهم انك تكوني هادئة في ردة فعلك ارفضي بهدوء
افرضي رأيك ولايغيره ولايغسل دماغك
نصيحة لاتدخل حياتك..لأن المستفيد الاكبر من هذا الشيء هو وهي فقط اما انتي ما اتوقع لك فائدة كبيرة
قولي له الولد ياحياتي ولدك وانت لازم توديني المستشفى بنفسك وما ارضى اي احد يوديني غيرك ..وابتسمي له واسفهيها
ولاتقبلي لي محاولة للتقرب منك
تحياتي لك
واسفة اذا كلامي ضايقك
بس انتي بنت حلال وطيبة وشخصيتك ناعمة وتحبين زوجك وتبينين حبك له لدرجة انه وثق انك مارح تتركينه وضمن ذلك علشان كذا لعبها صح وتزوج
من الان ورايح خلي لك خصوصية ياقلبي
تحياتي لك

والله كلامك واايد أثر فيني وان شاء الله راح اتغير للاحسن والافضل وبخبركم بكل شي لاني بعد ما عرضت موضوعي في المنتدى واايد ارتحت قبل كنت اتعب نفسي واايد لانه ما عندي حد اشكيله همومي واقوله إلي يضايقني بس بعد ما شفت تفاعلكم ويايه اكيد بفضفض لكم عشان ارتاح واتمنى انكم تساعدوني على اني اكون اقوى اشوي واثق في نفسي اكثر واكثر

حبيبتي كلامك ما ضايقني بالعكس فتح عيوني على اشيا كنت غافله عنها

والله طيبتي هي مشكلتي ..

مشكوره فديتج على مرورج

 

[بنت_الحزن]

مشكورين فديتكم على مروركم إلي اسعدني واايد

وعلى دعواتكم الحلوه لي

الله يسخر لكل البلقيسيات ازواجهم ويبعدهم عن كل شر

السموحه منكم بسير اصلي وبرقد لاني تعبت وولدي باجر عنده مدرسه يعني لازم انش من وقت

تقبلوا مروري وآسفه إذا ضايقتكم بأي شي وكل جديد ان شاء الله بخبركم وباخذ الخبره منكم

احبكم في الله