رشيقات المستقبل ــــــــــ > الفريق الثاني

[ونيس الروح]

مرحبااا بالبنات الجدد
و حياكم معانااا

أميرة ريلي..

هوه ممكن تضعفين بدون رياضه لاكن انتي تضعفين علشان يصير جسمج حلو صح
ف جسمج علشان يصير حلو لازم ينشد
لانه حتى لو كنتي نحيفه و جسمج مترهل بيكون مب حلو ع الاقل اذا مب جدام الناس لانه تحت الملابس بيكون جدام نفسج و جدام زوجج و الا انا غلطانه

انتي مارسي اسهل الرياضه و هي المشي
لا تقولين ما عندي مكان امشي فيه اقل شي تمشين ف مكانج
على فكره لو مارستي الرياضه بتحبينها مع الايام لانها وايد تغير من النفسيه
جربي ما بتندمين
حتى و انتي تشوفين التي في بدل ما تقعدين امشي ف مكانج

و الوزن ما ينقص بسرعه الا بالرياضه و اذا مب مصدقتني جربي بنفسج

والله ينحفج بالصحه و العافيه و خلينا نشوفج مره ثانيه :icon30:

​

 

[ونيس الروح]

الفطور بيض مسلوووق وتوست بر

الغدااا>لسا بس باكل سلطه وملعقتين رز
ووووبس وباشرب شاهي اخضر مع نعناع وزنجبيل وشاهي اخضر

وبمشي العصررر ان شاء الله

>>معدتي تعورني مدري ليه

و انا بعد احس بويع ف معدتي و بعدها ينتقل لخاصرتي و بعدين لاسفل البطن مع انتفاخ فالمعده و اسفل البطن :strongsad:
انتي نفسي؟؟:sadwalk:
ما ادري هالشي منتشر و الا مرض و الا شو السالفه ما ادري
بس انا بصراحه تعبت وايد منه حتى يتني حمى من كثر ما كانت معدتي و بطني يعورني
الله يبعد عنا شر الامراض و الاوبئه
اللهم امين
​

 

[ونيس الروح]

اما يومياتي

ع الريق شربت ماي دافي مذوب فيه ملعقه عسل

الفطور كان كورن فليكس مع تفاحه وبعدها بساعه شربت شاي اخضر

الغداء كلت 2.5 من خبز الرقاق وحده ناشفه و 1.5 مدهنه بالبيض << سامعه انه خبز رقاق ما فيه سعرات كثيره ف ماصدقت خبر هههه و ان شاء الله اللي اكون سامعتنه صحيح ما اتوهق :blow:
مع استكانة شاي حليب بالسكر

العشاء زبديه شوربه الشوفان بالخضار مع اناناس وبعدها بساعه شربت كمون مع شاي اخضر

اما الرياضه لين الحين ما سويت اي رياضه :thumbdown:
و ناويه اسوي رياضه ع الساعه 3 و هي مشي فالمكان لمده ساعه :showoff:<< ساحره تسوي رياضه وجهه الفجر ههههه​

 

[ام نوف؟؟]

انا راح انظم معاكم ياونيس الروح في التحدي بصراااااااااااااااااحه زدتوني حماااس

 

[ونيس الروح]

حياج معانااا ام نوووف
بس حددي كم كيلو راح تنقصين ف هالشهر​

 

[رومانسيه^^ضايعه]

شوق22
رومانسيه تسلميييييييييين قلبوووووووو ع المعلومات المفيده - الله يسعدج يالغلا

الله يسلمك يا قلبي وشاركينا في عرض تجاربك او تجارب غيرك لعل وعسى نستفيد

ونيس الروح
ما شاء الله عليج الله يزيدج حماس و حماس
حاولي دايما تخلين نفسج متحمسه لا تتركين لفتره لانه ان تركتي لفتره بتحسين عقب صعب ترجعين لحماسج

حلو انج تهتمين بالبشره ف نفس الوقت
انا اهتم بين فتره و فتره يعني اسبوع مهتمه و اسبوع اترك و جيه بس بحاول اني اسويلي جدول سهل و اقدر انتظم عليه و بسهوله

و انا بعد ماشيه مثلج اني اشرب ع الريج ملعقه عسل ف كوب ماي دافي
و ان شاء الله الاسبوع الياي بسوي تنظيف للقولون اذا ما زاد علي التعب و بجربه لمده يومين اني اكل تفاح علا و عسى يكون فيه فايده

كل يوم شوفي قطعه و انقهري اكثر و تحمسي اكثر حطيهن جدام عيونج علشان كل ما تفجين الخزانه تشوفينهن و بين فتره و الثانيه جربيهن يدخلن و الا بعدهن انا جيه اسوي عندي كم قطعه جينز و بين فتره و الثانيه البسهن

هلا بك عزيزتي والصراحه خاطري ابدا مثلك في تنظيف القولون بس من بكره لكن اللي موهقني الرضاعه بصراحه يعني اليوم كنت حابه اشرب شوربه على الغدا وعلى العشا اكل فتوش او سلطه ما قدرت وايد اجوع بسبه هالرضاعه فخليتها تخفيف في تخفيف لكن شربت كاسين قشر قهوه مع هيل مع زنجبيل وشربت ماي واشتغلت على جهاز الاوربتراك اللي صرت اعشقه بدل ما هو مكوم عليه غبار من زمان عندي بالاضافه الى شد البطن ومحاوله شفط البطن الى الداخل كل ما كنت قاعده وبصراحه حاسه باوجاع الدنيا كلها في بطني وخاصرتي وظهري لكن ما باستسلم لان مره صارلي شدي وتوقعت تمزق لكن اخوي لانه من هواه النوادي الرياضيه قاللي هالشي معناته انو تحركت عندك العضلات ولازم ما تتركين لان ان تركتي بطنك بيرجع مثل اول واسوأ ولازم تستمري لكن هديك المره تركت وهالمره ما باخلي هالاوجاع ترجعني او تكسلني عن عمل الرياضه باذن الله والجهاز حاطته قدام عيني لان اساسا شقتنا صغيره فكل ما مريت عليه اسوي عليه شوي وان شاء الله خير

ومن بكره باذن الله بارجع لدهن بطني واردافي بدوف ونيفيا لشد البشره بالليل وبالصبح بادهن بخل تفاح مخلوط بماء ورد وبالبس شورت برمودا السونا وان شاء الله خير

سلمين يا قلبي

لا مستحيل اقولج ما تقدرين الا تقدرين و تقدرين يعني اللي ينقصون كيلو اسبوعيا بشوه هم زايدين حماس ما اعتقد ما شاء الله عليج مبين عليج متحمسه كثير و الله يثبتج و ان شاء الله توصلين للوزن اللي تبينه

انا عن نفسي اقتصرت على كيلوين لاني اول شي مقلله مده الرياضه لانه حاليا الجو بارد و ما اقدر اسوي رياضه ركوب الدرج لانها فالخارج اما عن رياضه الجسم بعد هالاسبوع شكلي ما راح اسوي رياضه و راح اكتفي بالمشي ف مكاني لانه معدتي و خاصرتي شابه علي و شاكه و ان شاء الله شكي ما يكون بمحله انه فيني القولون

اوكيه اناا اتحداااج و بنافسج و بنشوف منوه فينا حماسها اكبر
و الموعد تاريخ 7/1 انا بتاخر يومين علشانج

ترى باخبرك شي انا بعد فيني القولون وكان ماكلني اكل قبل حملي السابق والحين شكله رجعلي لان بطني احسه مليان غازات فاشرب نعناع او يانسون ويا كمون وان كنت طفشانه من الغلي اكل ملعقه كمون واشرب وراها ماي
وسلامات وان شاء الله ما يكون فيكي الا العافيه يا قلبي

وقبلت التحدي باصرار وحماس ويارب نوصل للي نبيه

صحيح انا اكثر شي تاثر فيني صور العارضات
اول ما اشوف صوره او اشوف اي مره جدامي لازم اشوف فخوذها و اردافها
صار عندي هوس بالفخوذ و الارداف هههههههه
والله كل ما اشوف وحده فخوذها حلوه اقول ياربي متى بتصير فخوذي مثل فخوذها
بس ان شاء الله بيصير و قريب ان شاء الله
بس البرد يا فوق مش مناسب لاني كنت امارس رياضه ركوب الدرج و ما شاء الله غيرت من شكل فخوذي بشكل ملحووظ يله مب مشكله نحن اصلا البرد ما يطول عندنا و اذا الله مد بعمري برجع لرياضه الدرج و انتحت فخوذي نحت

مثلي تماما اظل اتنهد واندب حظي على جسمي والترهلات الي متروسه فيه بس هم مو احسن منا وان شاء الله نصير احلى منهم يا رب وترى احنا البرد مو لهناك هنا بس مو مخليته يأثر فيني بس باقولك شي بتضحكين علي ترى اليوم بردت فشو عملت لبست دلاغات وتلحفت بجاكيت وركبت جهاز الاوربتراك ولعبت عليه تخيلي منظري كان يفطس من الضحك اشوه زوجي كان لسه في الدوام كان قال شو فيها هاي استخفت خخخخخخخخخخخخخخخ

 

[رومانسيه^^ضايعه]

انا راح انظم معاكم ياونيس الروح في التحدي بصراااااااااااااااااحه زدتوني حماااس

يا حياكي معانا يعني صرنا في التحدي ثلاث

رومانسيه ضايعه + ونيس الروح + ام نوف

بس كم كيلو خاطرك تنزلي في هالشهر ؟؟؟؟؟؟

 

[رومانسيه^^ضايعه]

ونيس هالله هالله في الرياضه لا تنسين وقت الفجر بادعيلك ربنا يقويكي وتظلين على حماسك وان شاء الله تخف الاعراض اللي معاكي بس اتوقع بسبب الرياضه او يمكن لا سمح الله قولون لان انا مثل ما قلت لك عندي هالايام وجع في الخصر بس اكثر شي على الجهه اليمين شوي ورا في الظهر واسفل البطن اتوقع من الرياضه او اعراض الدوره امتزجت مع الام الرياضه


الا باسألك كم عمرك عزيزتي؟؟ ماادري ليش بس سؤال جا على بالي

 

[الــحــلا]

يا حياكي معانا يعني صرنا في التحدي ثلاث

رومانسيه ضايعه + ونيس الروح + ام نوف

بس كم كيلو خاطرك تنزلي في هالشهر ؟؟؟؟؟؟

افااا وانا وين رحت!! انتم 3 بس؟؟

:busted_red:

انااااا ابي انحف 4 كيلوووو وعجزت انقذووووووووووووووووووووووني:tears:

 

[الــحــلا]

يومياتي فطوري زبادي قليل الدسم وووبس
والغدا خبز بر وقطعه لحمه
وشربت شاهي اخضر مع زنجبيل ونعناع

الله ينحفنا يااااااااااااارب

 

[الــحــلا]

و انا بعد احس بويع ف معدتي و بعدها ينتقل لخاصرتي و بعدين لاسفل البطن مع انتفاخ فالمعده و اسفل البطن :strongsad:
انتي نفسي؟؟:sadwalk:
ما ادري هالشي منتشر و الا مرض و الا شو السالفه ما ادري
بس انا بصراحه تعبت وايد منه حتى يتني حمى من كثر ما كانت معدتي و بطني يعورني
الله يبعد عنا شر الامراض و الاوبئه
اللهم امين ​

امين يارب الله يشفيني ويشفيكـ
اتنا لا المي فوق بالمعده

انتي اشربي مويا ع الريق

الله يشفيك ياقلبوو:icon26:

 

[*Vanilla*]

بنااااااااااات وحشتوووووووووونيييييييييييييييييييييييييييي

لي عوووووودة برد مفصل تفصيل ملل خخخخخخخخخخ

 

[*Vanilla*]

عـــــدنا يا احلى بناااااااااااااااااااااااااااااااات

سامحوني ماقدرت ادخل هاليومين وامس كنت بدخل انقطعت الكهربا خخخخخخ

انه الحمد لله هاليومين من ناحية الاكل مخففة وماشي وعزيمتي تمام

حتى امس رحت مع صديقتي تشتري اغراض وهي شرت جوكلت وشبس وانه الحمد لله قاومت :bleh: ووقت العشى كان برع طلبت لي سلطة دجاج

انه ما اقصد ان احرم روحي انه اذا خاطري في شي اكل شيء بسييييط منه

يعني مثل "شبسة" خخخخ قطعة وحده

المهم يومياتي اليوم ::

اول ما قعدت شربت ماي وبعدين خليت فطوري مكسرات 5 حبات و قطعة من كيكة لكن حجمها صبعين

ولاني اقعد متأخر .. غداي بيصير بعدين و حاليا عندي غرشة فيها ماي مخلوط بماي ورد

الرياضة اليوم بسوي خلاص مصختها :busted_red: بمشي على الجهاز و كنت اسوي تمارين عادية


------------------------------------------------------------

الحلا..
معلي انه بعد صايدني كسل واكا خلاص بمشي على الجهاز لان احس حرام مخففه وما امشي اضيع فرصة وما شاء الله يومياتج تمام

النون..
هلا وسهلا اختي

ونيس الروح..
خخخخخخخخخخخ شكلي نقلت لك عدوى الكورن فلكس :bleh:
وما عليج شر ان شاء الله

ام نوف..
يارب توصلين للوزن اللي تبينه حبيبتي واستمري معانا :icon26:


غلا ..
يومياتج تماام يا حبوبة

همووسة ..
تسلمين مشرفتنا على التشجيع :icon31:

رومانسية ضايعة ..
جفتي شلون كلي حركات :harhar1:
واحسن احس الشوربات تخلصينهم بالعافية وحمستيني للرياضة

ترى بنات رومانسية ضايعة قايله شي مهم ان بعد مع الرياضة والرشاقة تهتمين بأنفسكم
انه احاول اسوي خلطات و ماسكات هالفترة بعد يعني لا تنسون اهتمامكم حق روحكم :icon26:

انكسار طفلة ..
حياج ويانا وان شاء الله بتوصلين حق هدفج

شوق 22 ..
اي تفضلي اختي :icon30:

أميرة ريلي..
نورتي حبيبتي وبأنتظار يومياتج


----------------------------

ها اجوف في تحدي وحماس :essen: الله يخليكم والله

القرووب كله بالتحدي يلا شرايكم ؟!!!

 

[الامل الكبير22]

الامل الكبير المطلوب تخفقفين االاكل وتمشين يوميا وتعطينا يومياتك

هناااا

وبالتوفيق

انا بدأت امس

رجيم " اللبن الزبادي والرز"


ادعولي انحف واستمر

 

[الامل الكبير22]

اقدم شكري الجزيل لاختي

*Vanilla* أميرة فضية

​

واقول لها مشكورررررررررررررررره

ساعدتني في وضع

" شريط الوزن في التوقيع "

 

[رومانسيه^^ضايعه]

افااااااااااااااااااااااااااااااااااااااااا بس كل هذا يطلع منك يا فانيلا لاه لاه لاه وليش ما علمتيني انا كمان احط شريط الوزن في التوقيع خخخخخخخخخخخخ انا بعد ابي هالشريط بما انو ما عملنا توقيع لفريقنا


ترى اليوم حسيت نفسي اوكي لين قبل شوي كلت بسكوت ديجستاف بالشيكولاته بس باعوض هالشي بعد شوي برياضه قاسيه عقابا لي

بديت الفطور بشرب ماي وملعقه عسل وبعدها بنص ساعه انعديت منكم وكلت كورن فليكس بحليب قليل الدسم وعملت لي دله قشر القهوه وزنجبيل وهيل شربت منهم بعد الفطور بساعه وقبل شوي كاس بعد ولما شربت الماي على الريق عملت الكورن فليكس وقلت على ما يبرد اروح وادهن جسمي ودهنته بخل تفاح وماي ورد بس شو صابني الله لا يوريكم حطيتهم على جسمي من الثلاجه خخخخخخخخخخ وبروحي كنت صاحيه وانا بردانه ومتجمده من البرد بس معليش في سبيل الرشاقه يهون كل شي ولبست شورت الساونا وخليتهم على جسمي تقريبا 3 ساعات وقبل لا يجي زوجي خدت لي شور وغسلت ويهي بغسول غارنيه للتفتيح ماشي معاي اوكي وبعد الشور دهنت جسمي بكريمين دوف ونيفيا لشد البشره وبيتمون على جسمي لين بالليل وتغديت فتوش ومتبل باذنجان بس ما كثرت والعشا ان شاء الله تفاح بس ومشروب بذره الكتان

ايه بالنسبه للاهتمام ترى انا طرحت وصفات انا مختارتهم من بعض المنتديات والخلطات اللي مخزنه عندي وحطيتهم في موضوع للاخت :انسى نفسي على هالرابط اللي اتمنى تستفيدون منه مثل ما انا شوي شوي قاعده استفيد:
http://blqees.com/vb/showthread.php?t=192848
ايه عملت بعد الفطور على جهاز الاوربتراك حوالي 200 مره بس كل ما اعمل 40 مره ارتاح دقيقه او اقل لان ركبتي تشد بشكل مو طبيعي
وعملت على جهاز البطن 70 مره وخواصري تعورني من الرياضه بس باتم على الرياضه وما علي من الوجع
ايه وخدت قياسات جسمي وخليتهم على ورقه للمقارنه وقت الوزن

 

[رومانسيه^^ضايعه]

افااا وانا وين رحت!! انتم 3 بس؟؟

:busted_red:

انااااا ابي انحف 4 كيلوووو وعجزت انقذووووووووووووووووووووووني:tears:

طبعا مانسيناك وكنت متأكده انك بتدخلين معانا التحدي ويـــــــــــــــــــــــــــــــــارب تنحفي هالاربع كيلو هالشهر وبنخلي شعارنا ما كو شي مستحيل

 

[الــحــلا]

مشكووووووووووووووره فديتك

يارب يتقبل منك


>مشتهيه قهوه عادي اتقهوا

 

[شوق22]

:tears::tears: اهي اهي ليش انا كذا لا حماس ولاشي خبصت بالاكل اكلت اليوم من الخاطر - رز وخبز وشاي وكل شي مضايجه حييييييل بس حلووو الاكل خخخخخخخخخخخ لااا والبارح رايحه السوبر ماركت تاخذ جبن قليل الدسم هههههههههههه اونها رجيم :busted_red:- بس انتو ماشاء الله عليكم يارب تضعفو وتصيرو رشيقات - بلييييييز شجعوني عطوني كلمات في الصميم خخخخخخخخخخخخ ومن باجر اوعدكم التزم وامشي :tears:

 

[شوق22]

الحلا شدي حيلج قلبوووووووووو - خخخخخخخخ