البيكيني والعذاب النفسي..من تبي تتعذب معاي؟؟....!!(تحدي البيكيني)

[~أغلى الغاليات~]

السلام عليكم بنات..شخباركم..اكيد كل وحده فيكم الحين تبي تعرف شسالفه البيكيني..​

اول شي خل نحط الصور عشان اللي ما يعرفه يعرفه..البيكني هو لباس البحر اللي يلبسونه الاجانب..طبعا في أشكال منه..هم يلبسونه على البحر واحنا في البانيو الله يعزكم هاهاهاي:nosweat: وان كان حظج حلو يكون في بيتج بركه سباحه وتتغطسين فيها على راحتج..
المهم شوفو معاي..​

​

​

​

​

​

​

​

​

​

​

​

انا كل ما رحت دبنهامز اشوف البيكيني معروض على المانيكان وانقهر واقول متى اقدر البسه:tears:..يوم كنت بنت كله كنت اشتكي من جسمي واني لازم اضعف والحين ودي لو الزمن يرجع ورا وارجع جسمي:sad_1:...اللي تدمر من الحمل والولاده :tears:..
المهم انا قررت اني اليوم اروح اشتري لي بيكيني:smoke1: واحطه قدام عيوني عشان اضعف وارتب جسمي والبسه..انا حالي من حال اغلب المتزوجات عندي تشققات من الحمل كم كيلو دهن مني ومناك..:icon1366:..وودي ارجع نفس قبل بس الاراده مو موجوده..فقلت لنفسي خل اسوي تحدي مع نفسي..وان قدرت اغير 50 % من الوضح الحالي فالحمدلله:shutup: ..
طبعا كل مشوار يبتدي بخطوه وانا الحمدلله حاربت في البدايه الترهل اللي في بطني وقدرت عليه:flex: والحين احارب الخطوط البيضا والحرب ما زالت مستمره..وبعد بسوي حرب على الكم كيلو اللي قاهريني..لان ان شاء الله انا مسافره مع زوجي بعد شهرين ونص(ما شاء الله) نجدد شهر العسل:clap: وناويه البس البيكيني في هالرحله:fish: وابي اكون راضيه عن نفسي..فمن بتبتدي معاي في الرجيم والرياضه والاهتمام بالجسم وتدخل معاي في هالتحدي...!!!​

انا طولي 159
ووزني 66
الهدف 59​

طبعا الرياضه بيكون لها نصيب الاسد لاني احب الجسم الرياضي..​

وهذي مواضيعي للي تبي تبتدي الحرب​

خلي جسمج مشدود بدون ترهلات ولا سليوليت وفوق هذا كله نعومه خياليه..​

++بعد الحرب الشرسه على الترهل والقضاء عليه هذي بدايتي بالحرب على السترج ماركس++


​

 

[اخت علي]

والله اتمنى ان جسمي يعود مثل اول وأحسن شوية
بس النفس الامارة بالسوء دائما تخليني عاجزة عن اي شي يسبب التخسيس
بس تراني فى محاولة لمعاندة النفس

 

[~أغلى الغاليات~]

والله اتمنى ان جسمي يعود مثل اول وأحسن شوية
بس النفس الامارة بالسوء دائما تخليني عاجزة عن اي شي يسبب التخسيس
بس تراني فى محاولة لمعاندة النفس

كلنا نعاني من هالنفس :essen: وانا زوجي مو مقصر كل ما عزمت اضعف خرب علي..لان جسمي عاجبه وما يبيني اضعف ..:tears:..بس هالمره لا ما راح اكسل لاني ناويه ارجع عروس ان شاء الله :blush-anim-cl:..تشجعي واشتركي معاي مو خسرانه شي..
​

 

[كنز حبايبي]

انا الحين ابي اسمن يااااااااويلي

 

[~أغلى الغاليات~]

انا الحين ابي اسمن يااااااااويلي

غالي والطرب رخيص كل كيلو بنزله برسله لج:bleh:..هاهاهاهاااي​

 

[ريحانة الفل]

آآآآه من هالموضوع دايم افكر فيه كانك تقرين افكاري..؟
نفسي اغير من جسمي المترهل آآه مره ثانيه..انا ببدا معك احب المشجعين
طولي 160
وزني 53
يبيلي زياده شوي بالوزن وشد لبطني واردافي بالمشي

 

[عزتي بصلاتي]

أغلى الغاليات
الله يوفقك وانشالله توصلين للي في بالج بس للأسف انا مو معاج انا مشجعة فقط

 

[ساحرة بس شاطرة]

حبيبتي انا اشجعك ومعاك

وانا كمان ودي اشد جسمي وانحف شوووووووووييييي

بس لازم نترتب

1/نحدد متى البدايه ومتى النهايه

2/يوم بالاسبوع نتوزن ونجتمع ونشوف الناتج

3/النتظام والالتزام


طولي= 160
وزني= 54
الهدف= 50 + شد الجسم


يالله عمري وياك


............تحياتي

 

[سندريلاااا كيوت]

وانا اسجل حضوري معكم طولي 150ووزني 58اتمنى اوصل لل50واشد الترهل والتشققات اخفيها مره وانا باديه ادهم جسمي بزبدة الشيا بعد الشور ولي يومين شريت خل تفاح طبيعي من العطار واحطه على جسمي وانشالله اشوف نتيجه معكم وبحاول انفذ المعلومات الجديده الي قلتوها واشتري الكريمات ويارب اوصل لمرادي

 

[ساحرة بس شاطرة]

حبيباتي اود اضيف معلومه

لازم نستخدم خل تفاح طبيعي من عند العطار

1/ يساعد على تذويب الدهون اثناء الحركه

2/يمنع ظهور التششققات+يخفيها او يخففها بالمرة اذا وجدت(من تجربتي)

3/يساعد على شد الجسم ومنعه من الترهل


ولازم نستخدم زيوت قبل الترويش بساعه على الاقل

1/ لنحافظ على نعومة اجسامنها

2/لنحمي بشراتنا من الجفاف المصاحب للتنحيف


شرب الماء بكميات كبيرة

1/لتعويض الناقص خلال التنحيف

2/عدم اصابة الجسم بالجفاف

3/ لسد الشهيه كحل ثانوي (لان كترة الماء تملاء المعده فلا نشعر برغبه بالاكل


............تحياتي

 

[طير حائر]

أغلى الغاليات ... عساك يا رب يخير

والله حسرتينى على نفسى
أموت فى البيكينى لكن فين الجسم اللى يلبسه

معاك فى الحرب على الترهل والدهون والاسترتش ماركس
الله يعيننا جميعاً ويرزقنا جمال الأجسام ومن قبلها الأرواح والقلوب

جزاك الله خير

 

[أميرة الالماس]

الله يعيننا يارب على اجسامنا

 

[دلع وكلي حلا]

يالله فيه ناس تبي النحف وفيه ناس يبغون المتن

عالعموم مشكورة

 

[نبض الوفاء]

ياحبيلكم ا نا وزني 92وطولي 158 وجسمي رايح فيها لكن مافيه امل البس البكيني اللي يقولون الا كان السنتيان والا الكولت احطة شريطة بشعري ههههههههههه لانه بيختفي وسط هالشحيمات ادعولي انحف ودي انحف وربي

 

[حنين احمد]

يسلموا

 

[~أغلى الغاليات~]

مــــــــــــا شاء الله ما توقعت كل هالردود وان شاء الله برد على كل وحده منكم ..بس في البدايه اعتذر لاني غبت هاليومين بس اختكم ذيبه سوت اللي قالته رحت دبنهامز وبقلب قوي :nosweat:..​

اخترت اثنين واحترت بينهم
الاول :​

كان لونه اسود وقلت عشان يضعفني وهذي صورته وتلقونه في موقعهم ​

​

والثاني برتقالي وهذي صورته..​

​

في النهايه ناديت زوجي المصووون وقلت له اي واحد احلا..!!!​

واختار البرتقالي ..:clap:..​

فرحت كملت الطله بشال ينربط على جنب وهذي صورته​

​

وشبشب :cupidarrow:​

​

وأساور عشان تكمل الطله​

​

وهالحلق ..​

​

وطبعا هذي كلباتي الخاصه للشعر..عشان ازين شعري..​

​

وانتهيت من الخطوه المهمه ..وهي اني اشتري شي ابيه يطلع على جسمي روعه واخلق جو للتحدي..:shiny:..​

 

[~أغلى الغاليات~]

آآآآه من هالموضوع دايم افكر فيه كانك تقرين افكاري..؟
نفسي اغير من جسمي المترهل آآه مره ثانيه..انا ببدا معك احب المشجعين
طولي 160
وزني 53
يبيلي زياده شوي بالوزن وشد لبطني واردافي بالمشي

حبيبتي انا تعلمت شي دام في إراده وصبر اكيد في نتيجه ..انا قدرت على الترهل اللي في بطني بعد تجارب طويله في سنه كامله ..وحطيت تجربتي في الرابط..ادخلي وابتدي غيري جسمج عشان تكونين راضيه عن نفسج ..ادخلي هالتحدي معانا وخل نساعد بعض..​

 

[~أغلى الغاليات~]

أغلى الغاليات
الله يوفقك وانشالله توصلين للي في بالج بس للأسف انا مو معاج انا مشجعة فقط

نورتي الموضوع واحنا فعلا محتاجين تشجيع ..

 

[~أغلى الغاليات~]

حبيبتي انا اشجعك ومعاك

وانا كمان ودي اشد جسمي وانحف شوووووووووييييي

بس لازم نترتب

1/نحدد متى البدايه ومتى النهايه

2/يوم بالاسبوع نتوزن ونجتمع ونشوف الناتج

3/النتظام والالتزام


طولي= 160
وزني= 54
الهدف= 50 + شد الجسم


يالله عمري وياك


............تحياتي

اهلا بج في تحدي البيكيني..بس لازم تاخذين بيكيني عشان تشوفين جسمج قبل وبعد:bigsmile:..خلاص من يوم السبت نبتدي التحدي وكل سبت نحط الوزن ..ونسجل يومياتنا قد ما نقدر..​

 

[~أغلى الغاليات~]

وانا اسجل حضوري معكم طولي 150ووزني 58اتمنى اوصل لل50واشد الترهل والتشققات اخفيها مره وانا باديه ادهم جسمي بزبدة الشيا بعد الشور ولي يومين شريت خل تفاح طبيعي من العطار واحطه على جسمي وانشالله اشوف نتيجه معكم وبحاول انفذ المعلومات الجديده الي قلتوها واشتري الكريمات ويارب اوصل لمرادي

تأكدي ان من جد وجد..ولا تيأسين ..وان شاء الله بعد هالتحدي كلنا بنتغير للافضل..​