طلقني...وعاش جحيم بدوني ...ويبغا يرجعني ...ارجع له ولالاء؟

[سوسوكبيرا]

ياربي...........ياقو قلبك!!!!!!!!

شلون افرح واتهنى بزواجي واخواني ماحضروه!!!!!!!!!

هذا اللي صار
لاني كنت ابيه واحبه ومستعده اضحي عشانه
وبعد كل هالتضحيات انا ابي احافظ عليه
؟
مادري وش ممكن اسوي بعد
مادري

 

[المتفائله بالله]

لا حولا ولا قوة الا بالله ونسال الله العافيه والسلامه والله يهديكم ولا تعلمي هل هو خير لكي او لا والله اعرفي وحدها اطلقت واتزوجت ولد واعرف بنت تركت شباب كثير اتقدمولها ونصيبها كان مطلق وعنده طفل يا اختي ما تدري الخير لك فين اهم شي رضى امك والاستخاره وفكري بعقلك مو بقلبك تقبلي مروري ولا تنسي الله قبل كل شي

 

[زوجه عنيد]

اهليين اختي ... لا ترجعين لـــــــــه والله شخصيه زوجك ضعيفه يعني مايرجى منه خييير ,,,

اختي انا مثلك مازلت بالعده وجلست معه شهر ونصف ورمى علي الطلاق ,,, والمشكله بسبب تافهه ليش ...

فعلا ان اخواانه حاولو يرجعونا بس جالست مع ابوووي وقلت له ... مصيري عندك بعد شهر ولا شهرين ,,,

لان هذا مايعتمد عليه وش عليه يطلق اللي ضعيف ومايعرف يحل المشاكل ويواجهه,,, صدقيني مايصلح يكون سند لك مهما جااار الزمااان,,,

شوفي انت شكلك من كلامك ماحبتيه تعودتي عليه ,,, بعدين خليه هو اللي يجيك يترجاااك... مو مثل الحرمه يبطبط دموعه ومسوي انه منهااار على الاقل حاااول ,,,,لو بمسج مثل ماارسل الطلاق هذا اللي شاطر فيه ,,,

واذا خااايفه من كلمه مطلقه ,,, المطلقه,,, انسانه الله ابتلاها بيشوف صبرها وقوه ايمانها,, وصدقيني مابعد الضيق الا الفرج ,,, قال تعالى ( ولنبلونكم ايكم احسن عملا ),,,

عيشي حياااتك واهم شي اهلك لاتبيعينهم من شااان رجااال ماراح ولا جااااء .... واكثري من الدعاء والاستغفااار,,

وترى الصلاه تخفف من القلق ,,, وكثير من البنااات يتمنون الطلاق بس عيالهم رابطينهم وهذا اوله ينعاف تاليه وصدقيني لو الرجاال طبيعي كااان عض على زوجته على اقل 6 شهور مو يقول طلاق مثل كيف الحاال ؟

وانتي براااحتك ... عاطفتك بدمرك وبتندمين وترى الرجاااال كلهم مايحبووون الحرمه الرخيصه ,,, وانتي قدمتي نفسك ,,, وارخصتيهااا,,, وصدقيني كل ماشافك قدااامه بيحقرك وبيرذلك ,,, ليش بيقووول اللي مرخصه نفسه ليش مااارخصها لانها راضيه ... وبعدين بتنطمين لاجاك عيااال بتقولين عيااالي وبتشتتين ,,,

خلك انساانه قووويه ازرعي القووه بداخلك ,,, وبعدين اذكري سيئاته من شان ماتضعفين وتفكرين بنفسك ... وبعدين الطلاق مو اخر الدنيا صدقيني خيره لك ,,,

ان شاء الله ربي يرزقك احسن منه واطيب منه ولاتحطين ان السعاده بالزواااج لا والله ,,,,حطي اساسيااات السعااده واخرها الزواج ...

والله انا حااسه فيك لاني مثلك بس صدقيني افرح لاشفت امي وابوي يدورون مصلحتي ,,, واشوفهم حولي ,,,

الله يخليهم لي ,,, (((( الدنيا ماتوقف على رجااال ))) ,,,

وانا عندي لك اشياء لازم تسوينها ,,,, والله يفرج همك ,,, ويسعدك ويقدم لك الخير ...

 

[prnsesحلا]

انا خايفه عليك بقوووووووووووووووووووه اخاف انه يصدمك مره ثانيه ماودي تبنين امال وطموحات ويصدمك بالنهايه احس انه ماراح يسوي شي بيماطل كالعاده شوفي ياقلبي انا ماودي اظلمه بس انتي الحين شوفيه اذا تحرك وتحمس للموضوع وراح فعلا يوم السبت زي ماوعدك فهذا دليل على انه الى الان شاريك اما اذا قام يماطل ويسوف معناته قاعد يتلاعب بمشاعرك وعلى فكره المبررات الي قدمها لك بسبب طلاقه لك بالثلاث انا مااشوف انها مقنعه لوزي مايقول كان طلق طلقه وحده موبالثلاث وبمسج اتمنى لك كل خير يارب اذا كان في رجعتها خيره لها يارب سهل رجعتها يارب

 

[امل الصالح]

الله يعوض عليك ويبرد قلبك ويكتب لك احسن نصيب عاجلا غير آجل

بس انت متأكدة ان فيه شئ اسمه طالق بالثلاث !!! حتى لو كتبها ثلاث مرات فمعنى ذلك انها في مجلس واحد وبعدة واحدة وتحتسب طلقة واحدة .

هذا اللي طول عمري اعرفه واسمعه

ماسمعنا عن طالق بالتلاته الا في المسلسلات

خلينا نسوي بحث في قوقل وانت اسألي مفتي وشوفي الحكم

والله انا مستغربة ... لان المحكمة ماتعطي صك بالعبث

او اني فاهمة غلط ... مدري والله شكيت في نفسي

الله يعينك ويشرح خاطرك

 

[امل الصالح]

http://www.ibn-baz.org/mat/3014

هذه فتوى بن باز الله يغفر له ويرحمه ويحرمه على النار

نسختها لك وحطيت الرابط كمان عشان تتأكدييييييييييييييييين وينشرح خاطرك

حكم الطلاق الثلاث أو أكثر بلفظ واحد​

سماحة الشيخ عبد العزيز بن عبد الله بن باز حفظه الله تعالى

السلام عليكم ورحمة الله وبركاته​

سؤال: ما قولكم في رجل طلق ثلاثاً أو سبعاً لامرأته في مجلس واحد. هل وقع الطلاق ثلاثاً مغلظة، أم واحداً رجعياً؟ بينوا تؤجروا، وقد كانت المرأة حاملاً عند طلاقه حتى الآن؟



وعليكم السلام ورحمة الله وبركاته، أما بعد:[1]
فهذه المسألة مسألة خلاف بين أهل العلم قديماً وحديثاً، فيما إذا طلق الرجل امرأته ثلاثاً أو أكثر بلفظ واحد، هل تقع ثلاثاً وتبين المرأة بينونة كبرى، أم تقع واحدة رجعية؟
الصواب في ذلك: أنها تقع واحدة رجعية؛ لما ثبت في صحيح مسلم عن ابن عباس رضي الله عنهما قال: (كان الطلاق على عهد النبي صلى الله عليه وسلم وعهد أبي بكر وسنتين من خلافة عمر رضي الله عنهما طلاق الثلاث واحدة. فقال عمر رضي الله عنه: إن الناس قد استعجلوا في أمر كانت لهم فيه أناة، فلو أمضيناه عليهم، فأمضاه)، وفي مسند أحمد بإسناد جيد، عن ابن عباس رضي الله عنهما أن أبا ركانة طلق امرأته ثلاثاً، فحزن عليها، فردها عليه النبي صلى الله عليه وسلم وقال: ((إنها واحدة)).
وقد بسط العلامة ابن القيم رحمه الله الكلام في هذه المسألة، ورجح هذا القول، وبيّن أدلته في كتبه: (الإعلام)، و(زاد المعاد)، و(إغاثة اللهفان من مكائد الشيطان)، (وإغاثة اللهفان في طلاق الغضبان)، ومن أحب الاطلاع على كلامه، فليراجع هذه الكتب أو ما يتيسر منها.
والله ولي التوفيق، وصلى الله وسلم على سيدنا ونبينا محمد وآله وصحبه، والسلام عليكم ورحمة الله وبركاته.

الرئيس العام لإدارات البحوث العلمية والإفتاء​

والدعوة والإرشاد بالمملكة العربية السعودية​

[1] صدرت من مكتب سماحته بتاريخ 25/4/1399هـ.

مجموع فتاوى ومقالات متنوعة المجلد الثاني والعشرون​

​

 

[زوجه عنيد]

روى مسلم عن أبي هريرة: أن النبي صلى الله عليه وسلم قال: “المؤمن القوي خير وأحب الى الله من المؤمن الضعيف، وفي كل خير، إحرص على ما ينفعك، واستعن بالله ولا تعجز، وإذا أصابك شيء، فلا تقل: لو أني فعلت كذا، ولكن قل، قدر الله، وما شاء فعل، فإن لو تفتح عمل الشيطان”.​

 

[امل الصالح]

بس هذي فتوى بن جبرين الله يحفظة
http://ibn-jebreen.com/ftawa.php?view=vmasal&subid=8886&parent=786

رقم الفتوى (8886) موضوع الفتوى الطلاق ثلاث بلفظ واحد السؤاللي أخ بعد أن سافرت زوجته إلى بلدها ألقى عليها الطلاق ثلاثًا وهي غائبة، ثم أتبع ذلك بإحضار اثنين من الشهود والذين لم يسمعوا إلقاء الطلاق ولا يدرون عنه إلا أن أخي قال لهم : إني طلقت فلانة فذهبوا وشهدوا معه في المحكمة على هذا الأساس، وهو الآن نادم أشد الندم على فعله وغير مقتنع نهائيًا بما فعل، وأنه كان في حالة غضب شديد وقتها ولا يدري لم فعل ذلك ويريد إرجاع زوجته إليه مرة أخرى، فما العمل؟ أفتونا في ذلك جزاكم الله خيرًا؟ وللعلم هذه هي المرة الأولى في حياته التي يلقي عليها يمين الطلاق.

الاجابـــةوبعد، لا بد من معرفة صيغة الطلاق الثلاث فإن كان لفظه: هي طالق ثم طالق ثم طالق، فقد حرمت عليه إلا بعد زوج، فإن كان لفظه هي طالق طالق طالق، وقصد التأكيد دون التأسيس لم يقع بها إلا واحدة وتحل رجعتها زمن العدة، أو بعقد جديد بعد العدة، ثم لا بد من الاطلاع على الصك الذي صدر من المحكمة إذا كان فيه أن الطلاق ثلاث حكم بها وحكم القاضي يرفع الخلاف، فإن لم يذكر فيه سوى طلقة، أو طلقتين رجعنا إلى الكلام الأول. والله أعلم.

عبد الله بن عبد الرحمن الجبرين

 

[فتونه11]

أنتي ماتحبينه ويوم كلمتيه علشان تعرفين ليش طلقك بس
ولا تستعجلين بيغير رايه ويفشلك عن اهلك لانه بيشاور اهله
وبعدين وش جن جنونه كل الموضوع انه يبيك تجين تخدمينه علشان رجعتك اوفر له من انه يجيب خادمه..........تعلمي من تجربت غيرك انتي شفتي وش مسوين في مرت اخوه ومع ذلك اخوه ماطلق بس باين ان زوجك(رخمه) اسفه على تعبير

 

[سوسوكبيرا]

يا بنات
انا احب اني اعطيه فرصه ثانيه
لان الازواج يطلقون عشانهم مدمنين
وراعين علاقات
وما يعتمد عليهم او يضربون او اخذ زوجته بس عشان ربي العيال
انا زوجي ما فيه كل هالمواصفات
يعني يصلي الحمدالله وما يشرب ولا راعي بنات
والوظيفه انا متئكده انه يبي توظف وظيفه سنعه لان شهادته مره كويسه بس التقاس الي هو فيه هذا من الجو الكئب اللي هو عايشه
حتى الدخان ما يدخن هو صارحني وقالي انا جاولت ادخن يومن تركتيني بس ما قدرت
وتخيلو يعني حتى ما حاول يبدل مكاني باحد ما حاول انه يصادق او يغازل او يكلم بنات ؟
يعني كا هذي الشاايء تعتبر من محاسن
ومساوئه طبعاانه استسلم للوضع ولا حتى قدر يصلحه
يعني انا بنظري تساوى فيه الصح والغلط
ومن اللي فينا ماله عيوب
؟

 

[سوسوكبيرا]

أنتي ماتحبينه ويوم كلمتيه علشان تعرفين ليش طلقك بس
ولا تستعجلين بيغير رايه ويفشلك عن اهلك لانه بيشاور اهله
وبعدين وش جن جنونه كل الموضوع انه يبيك تجين تخدمينه علشان رجعتك اوفر له من انه يجيب خادمه..........تعلمي من تجربت غيرك انتي شفتي وش مسوين في مرت اخوه ومع ذلك اخوه ماطلق بس باين ان زوجك(رخمه) اسفه على تعبير

هو رخمه صح
هو يبيني اخدمه صح
هو بيفشلني عند اهلي
صح
مثل ما سوا قبل كذا وطلقني من غير ما يعطيهم خبر وش المشكله بيني وبينه
بس يظل احسن من غيره ويظل قابل للتحسين
ويظل فرصه بالنسبه لي احسن ما اعنس و اتزوج ابدا او اتزوج شخص متزوج
واظل انا احبه
لا تقولين ما تحبينه االا احبه ومنقهره منه
بس وش اسوي اذا حبيت واحد رخمه ويفشل؟
وش اسوي؟
مالي الا اني استحمل واحالو اغيره للاحسن

 

[سوسوكبيرا]

الله يعوض عليك ويبرد قلبك ويكتب لك احسن نصيب عاجلا غير آجل

بس انت متأكدة ان فيه شئ اسمه طالق بالثلاث !!! حتى لو كتبها ثلاث مرات فمعنى ذلك انها في مجلس واحد وبعدة واحدة وتحتسب طلقة واحدة .

هذا اللي طول عمري اعرفه واسمعه

ماسمعنا عن طالق بالتلاته الا في المسلسلات

خلينا نسوي بحث في قوقل وانت اسألي مفتي وشوفي الحكم

والله انا مستغربة ... لان المحكمة ماتعطي صك بالعبث

او اني فاهمة غلط ... مدري والله شكيت في نفسي

الله يعينك ويشرح خاطرك

الله يسلمك يا اختي امل
بس هذا اللي صار
هو زور تاريخ زواجي لانه كانيعرف احد اللي يشتغلون بالمحمكه معرفه شخصيه وقاله ما تبي تروح وتجي صح
انت تبي تخلص من الموضوع قاله ايه
قال خلاص نغير التواريخ وانت طلقها الحين طلاق نهائي
يعني ما توقعت هالتسيب يكون موجود بالمحاكم
لما سئلت شيخ قالي ما افتي الشيوخ اللي بالمحكمه اللي طلعو له الصك هم اللي يعرفون الحادثه اللي صارت وهم اللي يفتونه
وعشان كذا انا بقوله يروح يسئل اللي بالمحكمه
والله يكتب اللي فيه خيره

 

[سوسوكبيرا]

بصراااحة لاتزعلين علي ,, احسكم اثنينكم ماعندكم نضج كافي ... يعني هو رمى الطلاق وبالثلاث بعد ( فرحان الأخ ..على باله يطلب طعمية هو وجهه ..وش يطلق ثلاث !! توكم شهرين ...!!!!!!!

وانتي مثل المطفوقة رايحة مطفية انوارك تهاوشين اختة الكبيرة في بيتك ... وهو ساكت ومايحرك ساكن ...؟! لية مافية عاقل تتفاهمين معه ؟!

شوفي ... انتي الحين مبادرة بالإتصال ... ومتعاطفة معه ... وعلى هالأساس يمكن يكون جاملك وكان محتاجك عاطفيا وجنسياً ,, يعني احتياج مؤقت !
اسحبي علية لين هو يتصل ويتصرف تصرف رجل ... ولا عاد تردين علية عشان تتأكدين انة يبيك ويبي يرجعك .. خلة يجي من الباب ... وبدون جوالات وسهره لـ الصبح ..!
واما قولتك ..
((يا امه وخواته وين الدلع والخوف عليه وين يومنكم تخطفونه من يديني تخطف >>
هذي قديمة .. هذول اهل الزوج كذا ... الي ساحبين على عيالهم يضاربون الزوجة مضارب علية بعد الزواج ,, والي مسوين الواجب مع عيالهم ومربينهم صح .. يتركونهم يتهنون ويعيشون صح .. لان الراقي راقي من قبل ...,,

فكري صح .. وماني مرتاحة لزوجك هذا .. يعني كان وده يسافر قبل يصلح الموضوع ..... ؟؟
اذا بيرجعك اتفقو عالبيت , وعلى نظام الزيارات , وعلى علاقته بأهلك وعلاقتك بأهلة .. مو كل شوي يقول اهلي وبس ... وانتي امسكي لسانك شوي احسك متسرعة وماخذه راحتك .. وهو الطلاق على طرف اللسان ...بلااااااااش رجه ..:crazy::crazy::crazy::icon28:

صح
انا متسرعه
وانا لساني يبيله ترويض
وتصرفاتي عصبيه
وافكاري هجوميه
وتعلمت من اخطائي وبتعلم وبكبر وبنضج اكثر ولازمني اكون اقل صراحه واكثر نحمل وصبر
بس هالامور ما تجي بين للييله وضحاها يبيلها وقت
وتعلمت كثير من اللي صار
بس هو بعرف هل تعلم ولالاء
ومستعد للتطبيق ولالاء؟

 

[الدكتورة نبضة قلب]

والله يا اختي تبغين الصراحه
انا لا اشوف لا منه ولا منك اي نضج

خاصه بعد كلامج بنسافر برعو احط اساسات حياتي
يعني اسمحي لي
مافي وحده ناضجه تقول هالكلام

انصحج بالتالي
خلوا اذا يبغيج ..باب بيتكم موجود...يدق الباب ويلاقي ابوج
وخلي الموضوع على الرجال

اما اذا الموضوع عليكم انتوا الاثنين بتعفسون الدنيا
​

 

[سوسوكبيرا]

والله يا اختي تبغين الصراحه

انا لا اشوف لا منه ولا منك اي نضج​

خاصه بعد كلامج بنسافر برعو احط اساسات حياتي
يعني اسمحي لي
مافي وحده ناضجه تقول هالكلام​

انصحج بالتالي
خلوا اذا يبغيج ..باب بيتكم موجود...يدق الباب ويلاقي ابوج
وخلي الموضوع على الرجال​

اما اذا الموضوع عليكم انتوا الاثنين بتعفسون الدنيا​

ليش
بالعكس اذا انا استفردت فيه وفهمته وش المفروض نسوي من غير ما يرجع لاحد ويستشريه ومن غير ما يبين علينا وش نبي من هالحياه ومن غير تدخلات خارجيه
يمكن يمشي الوضع
الا كيد انه بيمشي وبيفهمني اثر من غير ما تزن امه على راسه ولا تجي اخته وتستفزني فيه
وح انا وياه مو ناضجن ونعاني من سيطة الكل علينا
وللاسف الكل ما يبونا نكون مع بعض
السبب حسد
قهر
غيره
استخسار
وانا ارى انا كنا سعداء مع بعض ومتفقين الا اذا جونا اهله او اذا رحت لاهله
تبدا هنا المشاكل
وقلة الحيا

 

[انا لحبيبي]

الله يهديكم يا رب وينورلكبصيرتك. والافضل شاوري ابوكي الان قبل لايسال او يجي يعني تطلبي نصيحة ابوية من رجال كبير و فاهم

 

[سوسوكبيرا]

الله يهديكم يا رب وينورلكبصيرتك. والافضل شاوري ابوكي الان قبل لايسال او يجي يعني تطلبي نصيحة ابوية من رجال كبير و فاهم

ماني مكلمه ابوي الحين
لاء انا ابي اقنعه انه هو يكلم ابوي و يعرف ايش جوابه
سواء برفض او موافقه
لانه اذا رفض ابوي عالاقل انا ابيه يجي يبرر شكلي قدام ابوي
لان ابوي منصدم ومومصدق انه ممكن يطلق على هالسبب التافه
انا ابيه يجي ويوضح لابوي انه راغب فيني وانه غلط بالطلاق
لان هالشي يعني لي كثير ويصلح صورتي قدام اهلي اللي مره منقهرين علي وعاللي صار لي
يعني ابي ارفع من معنوياتهم شوي اذا عرفو اني ما سويت شي غلط وانه متندم عاللي سواه
وبالنسبه للرفض او المرافقه عالرجعه ماني متعديه اوامر ابوي وامي الله يخليهم لي يكفي المره الاولى
واللي صا لي من ورا العناد وسوء التقدير
الله يسهل لي ويفرج لي

 

[أم ميثا]

تقولين بتغضين النظر عشانه مب راعي علاقاااات ولا تدخين وأشوووفه أصغر بوااايد من هالشي للاُُسف يعني كأنك يابو زيد ما غزيت!! أشوووووفه تنقصه الرجوولة أساساً فكيف بتتوقعين منه بعد يتصرف تصرفات الكبار ولاااااااااااا فوق ها كله ما يشتغل ,,,,,تزوج بسهوووووووولة و طلق بسهوووله
الله يعين العيال اللي بييبهم بااجر إذا أزعجووووه شو بيسويبهم!
مادري شقوووولج بس لازم له عقاب شديد عشان ايعرف ان الزواااج مب لعبة يلعب بها لعب اليهال وانج شريكة حياة وملكة في بيتج تامرين وتنهين مب بشكارة لأهله
لااااازم ما تضعفين وقوي قلبج واصبري واستخيري واللي فيه الخير يجدمه رب العالمين

 

[مدام بلقيس]

السلام عليكم حبيبتي
انت زوجك نسخة عن زوجي
و زي مايقولوا اسال مجرب و لا تسال طبيب
ترى عالم الرجال كبير و واسع
و الرومانسية عندهم بس في الافلام حتى لو تشوفي اغلب الممثلين حياتهم طلاق في طلاق
المهم
اللي باقوله انه العيب في زوجك و ليس في اهله لازم تركزي زييييييييييييييين على هالنقطة
لانه هو يحس ان الجماعة هي الاكسجين حقه
اناتزوجت و سافرت يعني ما في اهله
بس يوم صباحيتي فطروا و تغذوا اصحابه عندنا
اسبوع الزواج كامل وانا اغدي و اعشي و انا اللي اطبخ و اغسل اللصحون مايعترف بشئ اسمه شغاله حتى الحنة طارت من ايدي
ساعات ابكي لوحدي و ساعات اكون مبسوطة لانه مبسوط و ما واجهته و ظلينا على هالحال تصدقي اني يوم خرجت من المستشفى في اول ولادة و كنت لحالي عمري21 سنة خرجت المسا الثاني يوم جايب 2 رجال عالغدا
المهم احس انه مو سبب الصراحة اخسر زوجي عشانه
انا ما كنت جريئة مثلك بالرغم من اني شمالية شرقية
و انت هم اخطاوا فيك مية بالمية بس انت ما عرفت تاخدي حقك و طلعتي انت الغلطانة في نظره
المهم انا ظل زوجي على هالحال و انا ضجرت لانه صار عندي اولاد يحتاجوني و صاروا الحريم ينوروني و يقولولي حرام الي مسويه فيك و الرجال ينصحوه و هو عاد يزيد ينتفخ و الله لو يستلف عشان يعزم ما عنده مشكلة
صرت احكي معاه بهدؤ اخر الليل يقولي كلامك صحيح و ثاني يوم يجيب ضيوف
كل ما رن تليفونه ما يسكره الا لما يحلف للمتصل ترى و الله غداك او عشاك عندنا اليوم
كن هو بس اللي مرته تطبخ
و الله ما طاح اللي في راسه و بطل هالعادة ا لا لما تلدغ من الناس مو من اول لدغة لا لالالالالالالالا
عاد الحمد لله اقتنع و تغير 360 درجة لدرجة يقولي لو جا ابوي و انت مو مستعدة و جاك بدون موعد استعدري منه طبعا انا ما اسويه لكن االحمد لله صار همه اسرته و بس
و قال هالكلمة لانه حتى ابوه لما احتاجه ما وقف معاه و ما لقاني الا انا و عرف قيمتي اللهم بارك
فانا الصراحة اذا كان هو هاد بس عيبه اصبري عليه لين ما هو يكتشف لحاله و بلكي اكتشافه يكون مبكر بعد هالسالفة
و ان شاء الله لي عودة احكيلك شو سوت صديقتي لمثل حالتك

 

[محبة النبي محمد]

والله يوم قلتي انه يصلي ولا يدخن ومستقيم
والله انصحك انك ترجعين له ...
وخصوصا انه تحبينه ومرتاحه له ومنسجمه معاه ...
وعلى طاري الضرب والعلاقات والحريم !!!
هاذي ما تبان في شهرين تبان بعدين ...
وان شاء الله انه مو راعي ضرب وحريم ...
بس اذا تبي ترجعين ارجعي راسك مرفووووووووع
انا بصراحه ابددددددددددد مو ضد رجعتك
بس احس الطريقه في الرجوع هي اللي غلط ...
زوجك خصوصا يبي له وحده تعلمه
قيمة الزواج لانه لعاب مرررررره
واخذ كل شيء بسهووووووووله
لازم يجي لأهلك ويكلم ابوك من رجل لرجل
وخربطة المبزره يتركها ويعتذر لأبوك
ويحاول يقنعه انه يخليك ترجعين ....
قولي له انا ماراح اقنع ابوي تبيني انت كلمه
غيررررررررررره ما عندي
ولا انا في طريق وانت بطريق ...
وانتي اذا رجعتي لا تطرين الطلااااااااااق ابد ابد
خلاص انسيه لانه اسلوب مبزره
والزواج اكبر من اني اطري الطلاق
على الصغيره والكبيره !!!!!!!!!!!
((امل الصالح ))الا فيه شيء اسمه طلاق ب 3
حتى اختي طلقها زوجها في نفس المجلس قال ..
فلانه انتي طالق طالق طالق ...
وحكم الشيخ انها وحده لانه سأل زوج اختي
انت وش نيتك ؟؟؟؟؟؟؟؟ قال زوج اختي وحده
قال الشيخ اجل لها رجعه ...
سوسو ترا انا ابوي فيه من زوجك
وامي لها 35 سنه معاه والى الان ما تغير
بس الحمدلله الحيااااه ماشيه
وابوي احسن من غيره ...
وما فيه انسان كامل
شوفي الرابط ..

http://www.niswh.com/vb/showthread.php?t=109128