أختي (كنت أحلم )صحيح كلامك انا عايشه في مهب الريح ماأدري الريح فين تبغى توديني يمين ولاشمال
هذه حياتي وكل ماأعود نفسي على وضع يتغير لوضع أخرى يعني زي عالم الاسهم كل يوم
في حال
صدقيني أختي صح زوجي مزواج بس له أسبابه وأنا عارفتها الله يرفع عنها أنا وزوجي مبلين بسحر أوحسد أوعين
مايشوفني ألا لم يتزوج ولايحس بطعم المتعه معايا ألى لمن تكون وحده ثانيه بحياته يمكن تقولي ماهو معقول هذا الكلام بس هذا الي حاصل ويعلم الله كم تحملت عشان أحافظ على حياتي معاه وللأسف دائما أنا الي أدفع الثمن
ولأني من الظهران كل شيوخ االمنطقه الشرقيه روحنا عندهم ولكن ربي ماكتب لنا الشفاء
زوجي من يوم مايخطب ويملك يراني بالصوره الحقيقيه ليه يراني كما خلقني الله ماهو كما يصوره له الي فينا
والحمد لله أنا أنسانه ملتزمه وربي متعني بكل مايتمناه الرجل بالمرأه وهذا من فضله
وبالنسبه لعملية التضيق لو سويتها أكون جاحده لنعمة الله تدرين ليه أختي زوجي تزوج البكر والمطلقه
ولم يجد عنده مامتعني به ربي فهمتي أختي صح عندي أولاد بس يحلف بالله أنه يجدني بكره كل مره المشكله
أختي في أنا أصبحت مجروحه من الداخل لاأجد الامان معاه وأقول في نفسي كل مايتزوج يمكن هذه المره
يجد ماتاخذه مني ويحبها ويتركني مع أن يحلف أنه أناحب حياته ولم يجده من تقارن به ودائما أنا الافضل في نظره بكل شي أختي العيب فيه أنا بكل صدق الي تغيرت وسمحت لللأفكار السيئه يدمرني
من الداخل والظروف هيه الي جبرتني وتكرار الشي أضعف قوتي وأحتمالي واصبحت لاأثق فيه وهو لم يصدر منه شي هو عادل هو كل مايتزوج لايكون في نيته الطلاق أبدا لاكن حكمة الله وقدره فوق كل شي أنا في أمس الحاجه للمساعده منكم بعد الله سبحانه وتعالى على رجوعي كما كنت
(ملاحظه أنا أنسانه كتومه ومافي أحد من الي حولنا يعرف سبب زواجه حتى أهلي وأهله وانا لم أسمح لاحد
بفتح موضوع زواجه المتكرر حتى أمي وكنت أقول قدر الله ماشاء فعل )
ما شاء الله عليك وعلى صبرك يالغاليه
الله يكفيك شر كل حاسد وكل ساحر اللهم آمين
يا اختي انتي ما شاء الله تبارك الله على صبرك وقوة تحملك , صدقيني انتي مو بحاجة احد الا الله ان الله يربط على قلبك وتكونين على يقين ان الله يشرح لك صدرك ويسخرك للخير دائما
لأنك ما شاء الله صبوره وقويه وكل شي فيك زين من خلال اسلوبك بالكلام
واضح انك تحبينه رغم كل شي
وعارفه ان الموضوع مو بيده
وفهمت من ردك الثاني على بعض التساؤلات الي كانت عندي
مثل لما قلتي انا صبرت لانه ابتلاء
ما اقول الا حسبي الله على كل شخص يفكر ويحاول يفرق بين الازواج
سواء بالسحر او الفتنه او الحسد وغيره
يا اختي والله استغرب من هالناس الي يبيع آخرته لمجرد غايه له بالدنيا
واحزن كثير من هالموضوع بالذات ..
اختي الغاليه ابيك تنشغلين عن حياتك الزوجيه حاليا
دائما قولي لنفسك ان الله خلقني لعبادته واداء واجباتي فقط
سوي الي عليك ولا تفكرين بغيرتك او الي مريتي فيه من احزان
ادري صعبه بالبدايه لكن من خلال تجاربك ابيك تقوين نفسك
يا اختي انا مريت بظروف ما يعلمها الا الله
لما استغربوا خواتي الي من امي وابوي على صبري وهدوئي بعد ما عرفت حقيقة زوجي
كنت على يقين ان الي مريت فيه سابقا بحياتي السابقه سواء من وحده وتيتم وغير التفكك الاسري
وغير اشياء كثيره والله ان لو ما ستر الله كان كنت شي ثاني
عرفت ان كل هالاشياء ساعدتني على اني استحمل صدمتي
عرفت ان كل ابتلاء يحصل لأي شخص كان ما هو الا تربيه له
عشان لما يحصل له اي شي بالمستقبل يكون مؤهل على تحمله
وانتي مريتي بتجارب كثيره سواء من زواجه المتكرر او بحياتك الشخصيه
تذكري غاليتي كيف كان حالك وكيف صرتي بعد ما واجهتي كل شي بالصبر
وكل شي بالبدايه تحسين كبير وما تقدرين تتحملينه من كثر ما تحسين بالحزن وغيره
لكن مع الايام سبحان الله كل شي يهون ..
صحيح انك كابته بصدرك امور كثيره ما تقدرين تناقشينه مع احد
والله اني امر بنفس حالتك حتى بعد ما انتهى كل شي
الا ان ودي اني اصرخ ودي اني اتكلم واشكي
لكن شالفايده ..
بعدها فكرت اني اهون على خواتي هنا بعد ما تكررت حكايتي مع اكثر من وحده
وعدت نفسي اني اكون معهم ويكونون معي
على كثر ما احاول اني اتقوى يوم بعد يوم واحاول اني اسمع حكايات كثيره
الا اني احس كل ما اقرأ حكايه جديده ومأساه جديده تتكرر
احس اني مو وحيده احس ان في احد معي
لما ادعي لهم ويدعون لي والله يسوى عندي مليون شكوه اشكيها للاهل او اي احد ثاني ..
خليك معانا ونتعاون على الخير وعسى الله يجبر بخاطرنا ويستجيب دعواتنا الطيبه لبعض
وحياك يالغاليه تراك صرتي وحده منا ننتظر طلاتك واي شي بخاطرك
مثل ما قلت وكررت ببداية الصفحات تراا محد يحس بالثانيه الا الي مجربه
كلنا خواتك في الله
وربي يحفظك من كل شر
عسى الله يشرح صدرك ويزيل همك
عاجلا غير آجل
اللهم آمين
من أحدث في أمرنا هذا ما ليس منه فهو رد) رواه البخاري ومسلم..وفي رواية لمسلم: "من عمل عملا ليس عليه أمرنا فهو رد"
