اهلا حبيبتي
انا كنت حامل وكان عندي نفس المشكله وكمان بعد الولاده ب 9 شهور ظليت اعاني من نفس المشكله وتعبت وانا اجرب في الكريمات وكلهم نفس النتيجه لين ماتعبت وسالت اختي واعطتني الحل وفهلا بشرتي تغيرت بمقدار 360 درجه انا راح اقول لك ايش استخدمتواني جربي يمكن تستفيدين
اول شي علشان لايطلع تشققات وسواد في بطنك بعدالولاده انصحك بانك تدهنين بطنك كل يوم بزيت جنين القمح من مرتين الى ثلاث مرات في اليوم وبعد تقدرين اتحطين بعد كريم اسمه زبدة الشيا راح تلاقينه في محل كوست في مجمع الظهران هو شوي سعره غالي بس نتيجته بالمره حلوه
بالنسبه لباقي الجسم في تقشير للجسم مره ممتاز اسمه كريم كاب حطيه على جسمك وسوي تقشير بسيط للجسم وبعد ماتتنشفي ادهني جسمك كله بكريم زبدة الشيا او زبدة الكاكاو مع زبدة الشيا من ماركة فازلين تلاقينها بكل الصيدليات وراح تشوفي النعومه كيف...طبعا التقشير مرتين بالاسبوع بس لكن الكريم حطيه كل يوم
وبعد الولاده استمري على التقشير مرتين في الاسبوع مع الكريم بشكل يومي وعلشان تفتحين لون الحلمات ادهنيهم كل يوم بزيت زيتون طبيعي مش الا في السوبر ماركت خلى اي احد يجيبه لك طبيعي ادهنيهم كل يوم وراح اتشوفي الفرق
هذا بالنسبه للنعومه اما بالنسبه لتبيض المناطق فانا حاليا استخدم برنامج معين اذا نجح معاي راح انزل البرنامج في المنتدي
وعلى فكره في كريم في محل وجوه اسمه touch me then try to leave
بالمره ممتاز اذا حابه اجربيه بعد الولاده
اتمنى اني اكون افدتك
والله يقومك بالسلامه
