[you] قولي لي انا غلطانه او لا.. ويستاهل كل هذاااا

الحالة
مغلق و غير مفتوح للمزيد من الردود.
طنشي ولايهمك يمكن هو زعلان لأن السفريه تفركشت
وأنتي أدري بزوجك وتصرفته
بس أنتي أبدا مو غلطانه بس ترتاح أعصابه راااااااح يدق
ولا تفكري فيه لما يفقد
أتصالك
ورسايلك راح يدق بنفسه
وام زوجك كبري الوسادة الله يشغل كل أم زوج ببناتها ونفسها
 
ياعمري انتي
وسعي صدرك انتي ماسويتي شي غلط إبدااا
استغفريالله وهوبسلهاا من عنده ان شاء الله
 
تقبل الله منا ومنك صالح الاعمال
كل عام وانتي بخير
ربي يفرج عليك ويسخرلك زوجك يارب
 
ياحبيبتى انت مو غلطانة بس حاولى تغيرين اسلوبك معاه وتفهمينه اكثر وربى يوفقك ويسر امورك
 
تلاقينــه متضايق لانه راحت عليـــه السفرة ,,
و انتـــي ما غلطتي بشـــي ,, الله يهديه و يسخره لج يااارب
 
حبيبتي الله يسخرلك زوجك اتحملي زوجك ومالك الى الجر من الله وعليك با الاستغفار
 
ياعمري لامنتى غلطانه وزوجك طنشيه لين يجى من نفسه ولاتدقي ولاشي وامه ماعليك منها واذاجاء قولي له انا ماسويت شي غلط
 
يا ستي ما تقهري نفسك

أولاً إنتِ غلطانه لأنك ما فهمتيه من البداية بإن أساس التفاهم بينكم هو الإحتراام ثم الإحتراام ثم الإحتراام

ثانياً ولد أختك محرم لك ماله حق يزعل لأنك طلعتي معاه

الشيء الثاني وااصح بإن زوجك مالي يده منك يعني عارف بإنك تحبينه كثير وما ترفضين له طلب

لو حس للحظه ممكن يخسرك كان خااف يزعلك وأهتم لخاطرك

نصيحتي أتركيه لفتره

خذي راحه منه وعيشي حياتك

وخليه يحاسب نفسه وإنتِ كمان أجلسي مع نفسك وفكري بكل شيء صار بينكم من فتره الخطوبة إلى هاذي اللحظة

والله يهدي النفوس
 
بسم الله الرحمن الرحيم
أسعد الله صباحك يا عسل والله ما شفت رسالتك الا في هذي الساعة عزيزتي الحل الوحيد انك تقويين شخصيتك كثير وتستخدمي أسلوب التطنيش نبدا وحدة وحدة اولا
ليش انتي في بيت اهلك كذا غلط أنتي تعطينه حريته الصقي فية وقولي يالله نتطلع يالله نتمشي نروح ملاهي
هوه حيقول لك لا اسف عشان يدفعك للذهاب لبيت اهللك لكن اصبري وثانيا مسالة ولد أختك هذي تراك ما غلطتي أدخلي في عيونة الثنتين بس هذا نوع من لفت الانتباة عشان يشغلك عن الموضوع الاساسي والله انا كنت مع زوجي كذا طول السنة نكد وحبسة واخر السنة يوديني عند اهلي واجلس مسجات وحب وهو مطنش ومحتقرني
والأن تغيرت وطنشتة وقلت له ترا انت مو كل حياتي انت جزء من حياتي وزوجك كثير مثل زوجي ودايم يحلم ويقوم مصدع ويقول حلمت انك تخونين قلت له الله قاعد ينتقم منك علي كل الي سويتة فيني ولما كنت أبالروح مكان أقعد لو سمحت وبعد أذنك والا اسمع اباروح بكرة عند فلانة والله ياأختي النوعية هذي من الرجال ما يبغالهم الأوحدةقوية الشخصية واثقة ولا تبكي ابدا قدامة خليك في قمة زعلة في قمة سعادتك وعيشي حياتك لا تجلسي بالبيت روحي معاهد تحفيظ أشغلي نفسك عنة واللة ترتاحين كثير ودائماذكرية أنة أب وحيحاسبة ربة على اولادة وأقتربي أكثر وكثر من اللة وتذكري قول الله عزو جل (الأبذكر الله تطمئن القلوب) والدعا أختي لا أوصيك أسال الله ان يصرف قلبه عن السفر ويجعلك أجمل نساء الكون بعيونة ويفرج همك وييسر امرك
 
ابدااااااااااااا ما غلطتي وعداك العيب
الا طنشيه ولا ترسلين له او تدقين عليه

هو انقهر لانه ما سافر او شي صاير ما تعرفينه

الممهم بس انتي استانستي وانبسطتي واولادك انبسطوا

خلاص طنشيه
من زينه بعد ماوداكم ولا جاء ياخذكم وينافخ بعد

اجل هو ما يحب يوصل خالاته ولا يركبون معه بالسيارة ؟؟

هل عمره قال لك لا تروحين الا مع اخوك وغيره لاء ؟؟؟

اقول طنشيه وقولي للاسف نكدت فرحتي وانا مبسوطه ومستانسه

هو عارف انك حبيبه وقلبك نظيف وابيض وطيبه جدا

تبين الراي طنشيه تماما ولا تكلمينه لا انتي ولا العيال

صدقيني بيستغرب ويندم جدااا

وقولي اصلا لو تدري اختي او اهلي انك زعلان لاني ركبت مع ولدها كان ينهبلون ويزعلون عليك ​
 
حبيبتي قومي اغسلي وجهك برحمان والله يفعل ما يريد وتري يمكن عنده شي حاره عشان كذا يفش غله فيك - بس خلاص لاتضيقين صدرك قومي استانسي ودعي ربك :11::11: ونامي نوم العافيه
 
مراحب
اولا مدري انتي تقصديني أنا أو في غيري اسمها مثل اسمي
وثانيا
انتي منتي غلطانه وهذا ولد أختك ماهو غريب
بس فعلا يمكن انه متضايق من شي وحط حرته فيك
أحنا النساء مالنا الإ انا نتحملهم ونوسع صدورنا لهم والله يهدي نفوسكم ويسخركم لبعض
تقبلي مروري ياعمري
 
نصيحتي لك احقرييييييييييييييييييييييييييييييييييه وعيشي حياتك
 
لاااااااتسوين شي ولااااتلاحقينه وسعي صدرك هالأيام وتناسيه....يبيك يدل دربك....ولاتردين على امه..انت ناقصه....
 
تعوذي يوخيتي من الشيطان ومرده الله بيهديه ويكلمك وبعدين لاتهتمين وتعتذرين عشان مايصدق نفسه وتطلعين انتي غلط لابالعكس خلك واثقه من نفسك وانتي الصج ماسويتي شي غلط ركبتي معا ولد اختك الله يسخره لك ياربي
 
دائما غالبيه الكومنتات اللي اشوفها بلمواضيع (بادري_ارسلي مسج_تسامحي منه_تدلعي تبكبكي_تجملي..الخ)
للأسف ولا مره شفت رد يقول من حقك (الزعل) أو (رد اعتبار)..
الخطأ الاول..سفره من دونك ومن دون رضاك هدا يستحق الزعل..
الخطأ الثاني..تجاهل اتصالاتك وهدا يستحق الزعل
الخطأ الثالث..رفضه اللامبرر في ايصال ولد اختك لك من مكان لمكان..وهدا يستحق الزعل
لكن رده فعلك لهدي التصرفات صارت (مواساه ورسايل وكلام عاطفي ) بما ان رده فعلك بهدا الشكل فلا أستغرب تكرار اخطائه لك ولا مبالاته في كرامتك واحساسك وشعورك..
ولا ارى مبرر لكتمان غيظك وقهرك (في سالفه سفره) وتمثيل انك مقتنعه بهالشي فأنتي تظلمين نفسك ويبدو من كلامك (تقدير الذات) عندك بمستوى low
 
اسال الله ان يفرج همك بس حبيبتي انتي اعطيتيه وجه زياده انتي ماغلطتي حتى تعتذرين منه المفروض هو يعتذر ماهو راضي يرحمك ولا يخلي رحمة ربه تنزل اهم شي عليك بالاستغفار بصراحه جاب العيد كيف يزعل عشان ركبتي مع ولد اختك الله المستعان رحال اخر زمن لا تستضعفين زياده خلك شخصيه والله يالرجال ما يحب المراه الضعيفه والله يكون بعونك استودعك الله
 
أنا كدا قال:
دائما غالبيه الكومنتات اللي اشوفها بلمواضيع (بادري_ارسلي مسج_تسامحي منه_تدلعي تبكبكي_تجملي..الخ)
للأسف ولا مره شفت رد يقول من حقك (الزعل) أو (رد اعتبار)..
الخطأ الاول..سفره من دونك ومن دون رضاك هدا يستحق الزعل..
الخطأ الثاني..تجاهل اتصالاتك وهدا يستحق الزعل
الخطأ الثالث..رفضه اللامبرر في ايصال ولد اختك لك من مكان لمكان..وهدا يستحق الزعل
لكن رده فعلك لهدي التصرفات صارت (مواساه ورسايل وكلام عاطفي ) بما ان رده فعلك بهدا الشكل فلا أستغرب تكرار اخطائه لك ولا مبالاته في كرامتك واحساسك وشعورك..
ولا ارى مبرر لكتمان غيظك وقهرك (في سالفه سفره) وتمثيل انك مقتنعه بهالشي فأنتي تظلمين نفسك ويبدو من كلامك (تقدير الذات) عندك بمستوى low
أنقر للتوسيع...
انا معك في كل كلمه والله يوفقك
 
الحالة
مغلق و غير مفتوح للمزيد من الردود.
عودة
أعلى أسفل