[you] اذا انتي موظفه ومتزوجه محتاجينك هنا

اسمعوا ياعزيزاتي الرجال يختلفون عن بعض لكن الشاطرة من بداية الحياة تقدر تعود الزوج على عدم النظر في راتبها مهما كانت الاحوال وتتصرف براتبها على مزاجها :clap:لكن مافية قاعدة عامة
 
هلا فيكم جميعا انا فعلا متزوجة وموظفة والموضوع اكثر من رائع لكن وجهت نظري اتمنى انا القى منكن التعليق عليها وهي (( بما ان الزوجة العاملة تترك البيت من الصباح وتخرج مع زوجها ولا تعود الا وقت الغداء وربما ينتظر الرجل الغداء واحيانا العكس يكون من خارج المنزل والمرأة هنا تعتبر مقصرة لماذا اطلب منه ان يصرف علي؟
لكن اريد ان انبه ان لا اقف مع الرجل ضد المرأة لكن جميعكن ترا ماتحملة الحياة من مشاق ولابد من التنازلات لكن بحدود ...

دعائكن لي بالحياة الزوجية السعيدة وبالولد الصالح ..
 
انا ياحبيبتي لا هو يصرف ولا يبيني اصرف معظم اللي اجيبه بالخش والدس يعني اختي شرت لي هو وما يسأل عن راتبي ابدا صراحة بس داخلة احس انه يبي منه لانه دائما تقوم مشاكل ما لها داعي خاصة اذا ما كان عنده.
اما الأخت ام جسومي مع احترامي
لانها مي موظفة تقول ها الكلام بس لو انها موظفة وجربت اصلا بمجرد ما تبدأ الصلرف راح يرفع يده ممكن حتى في بعض الكماليات
الله يعيننا ويصبرنا
 
السلام عليكم ورحمه الله وبركااته

كيف الحال اخواتي بلقيساات شخباركن ان شاء الله الكل بخير


لا حبيبااتي ماني متوظفه بس حتى لو ني متوظفه حقي لازم يعطيني ياهاا وبعدين الاسلوب والتعاامل معه مهم حتى لو عندك اكثر منهاا وتطلبينهـ..{
 
الاخوات العزيزات نصيحة من اخت موظفة ومتزوجة اولا لابد ان يكون حسابك منفصل عن حسابه وبطاقة السحب تكون عندك ثانيا اذا دخلت الفلوس بينك وبين زوجك فاعلمى انك ستخسرين الكثير من راحتك لذا يجب عليك تحمل جز من المصاريف لان الوقت الذى تقضيه في الدوام من حق زوجك واولادك ولكن ان تتحملي المسوؤلية كاملة فلا ولكن كيف يساهم في المصروفات فهذا يعود اليك يعنى ابو فلان فديت عمرك وانت راجع من الدوام هات كذا وكذا بس اذا تعبان لاتضغط على عمرك هاته وانت راجع من عند الربع او حياتى انا راجعه من الصالون مااقدر امر السوبرماركت صعبة امر وانا متزينه وبالصورة هذى يمشى المركب يابنات ومب كل مايكلمج ويشتكيلج من الديون تربعين وتعرضين خدماتج يمكن هو يريد يفضفض وبس وكل واحدة تعرف زوجها وطريقة تفكيره وعلى هالاساس تقدر تضع طريقة معينه للتعامل معه وتذكرن دائما ان الحياة مشاركة ولاتنسين ان تتصدقن من حر مالكن
 
ما فيها شي إنت تصرفين أو هو يصرف هذا على حسب ما إنت تعودين زوجك عني أما وأعوذ بالله من كلمة أنا لما أكون لحالي إية أصرف من راتبي بس لما هو معاي لأ .. هو يصرف علية أصلا ما آخذ كاش معايا أبدا.... ولما يسأل عندك أوقول لا .... ويمد ايده في جيبه وينتهي الموضوع :shiny:
 
السلام عليكم

حبيباتي انا اكثر وحده اتعاني من هالسالفة ولا وبعد إذا ما اعطيه يزعل بس انا مب هذا الموضوع الي ذابحني
انا الي ذابحني انه يستغلني يطلب مني مثلا اسوي شي وعقب اكتشف انه خلاني اسويه لوحده يعرفها واي ايققولي يله خلصتي هالشي ولا لأ ؟ اربيعي يتريا <<<<< بعدين عرفت انه يباه لوحده ويوم عرفت انا مب حابة اعطيه اياه كرامتي ما تسمحلي
ولا حابه اني اقوله بمعرفتي لأنه ما يحبني اني اكون شايفه مسجاته
الصراحه ما اعرف شو اسوي انا محترقه وميته قهر مييييته وخاطري اصارحه بس خايفه
 
اما انا ماني موظفه لاني طالبة لحد الحين وهو مايقصر علي ولا كان ودي افيدكم بشي
 
هلا والله


انا حبيبتي ....متتزوجه وموظفة.....وريلي ما شاء الله عليه معتمد علي في مصاريف اعيالنا ..ما يعطيني الا بالقطاره .....مع كلام اني اجمع عشان ابي ابنيلكم بيت انا اجمع عشان اعيالي لما يكبروا ..والكلام اللي ماله معنى ..وتعالي اذا طلبوا منه خاواته ...(((المتزوجات)))بيعطيهم عيونه مب بس فبوس وحاضر لهم باي مبلغ يطلبونه ..من خمس شهور اخته المتزوجه خذت ليسن وتصلت له حبيبي باركلي ((قصدها تبي سياره ))اللبيب فهم وعطاها مبلغ محترم ....الثانيه ناوي يشتريلها سياره لا وبعد تبي دريول وبيدفع له معاش كل شهر تخيلي ...وكل ما اتكلم يقول شؤؤن عايلتي ما تدخلين ...والسموحه منج لاني طولت عليج

الله كريييييييييييييييييييييييييييييييييييييييييييييييم
 
هلا فيك يا حبوبه والله الصراحه أنا لا موظفه ولا متزوجه بس اني مملكه وزواجي بالعيد ادعيلي اتزوج لانه عندي مشاكل مع اهلي وزوجي أما بالنسبه لموضوع راتب الزوجه فهذا يعتمد على ذكاء ودهاء الزوجه أمام زوجها لأنه بإيدها تضعف وتعطيه الراتب وبإيدها تصير قوية وتخليه يصرف عليها وللاسف كل اللي حولي من المتزوجات من خواتي وعماتي الموظفات يعطون ازواجهم من الراتب عشان يرضى عليها واما بالنسبه لي لو كنت موظفه ما راح اسمح له ولا باي شكل من الاشكال انه ياخذ الراتب لاني وقتها راح اخلي حبه ومشاعره تختفي ولا تظهر الا قبل الراتب بيومين وبعد الراتب بيتركني وبعدين انا ما أأيد الا اللي مطلقه او ارمله انها تتوظف او زوجها فيه مرض او عله تمنعه من العمل ولكم مني اجمل التحيات ....
 
وانا بعد داخلة للتو ابستشيركم بنفس الموضوع وبصراحة كل وحدة تشوف وضع زوجها المادي وايضا شخصيته فمثلا انا زوجي على قد حاله راتبه 3000ريال رايح بالاقساط وتصير احيانا مواقف تدل على ان شخصيته مارح يقصر معي لو معه لذلك انا تكفلت بمصروف الكسوة لي ولبناتي وحاجياتي الخاصة وزوجي عليه الآجار والأكل والشرب والفواتير وكل الباقي بس السفرات علي أكثر الأحيان فهل تؤيدني يااخواتي؟
 
نصرف والشكوى على الله نبي نتمتع حنا وعيالنا
لازم الوحده تتعاون على رزقها
 
احسن شيء اذا كنت موظفه انك تخلي زوجك يعطيكي مبلغ خاص فيكي كل شهر هو ملزوم بيه لو كان ميتين ريال المهم ثابته
معليه اذا كان عندة ارتباطات ومديونيه انت تسلفيه شوي يوم ينتهي يردها
لان احنا الحريم نعرف نفسنا خصوصا اذا كنت موظفة بتشتري كل شي في السوق
لو بفلوسة لكن بفلوسك تشتري الضروري والمفيد
لكن اذا كان المبلغ محدد هو ماراح يتضرر وانت حتستفيدي
ولا زم تكون في زيادات بسيطة احيان عشان علي القل اشتريله هديه


وشكرا
 
انا متزوجه بس مب موظفة بس ريلي يصرف عليا صح الموظفة ما تخلي شي في خاطرها تشتري اللي تباه بس ريلها يتكل عليها في كل شي هذا من واقع شفته
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل