[you] اذا انتي موظفه ومتزوجه محتاجينك هنا

نرجع ونقول يختلف الموضوع حسب الرجل فكل رجل يختلف عن الآخر
أعرف وحده تصرف على البت من راتبها وبنت من راتبها بيت سكن معها فيه ولا استحى والعزايم اذا اهلها عليها واذا كانو اهله عليه وبناتها ولا ريال هي اللي تصرف في كل شي وهو راعي سفريات .. وبعد العمر هذا كله تزوج عليها..*ماله خاتمه *

ووحده ثانيه تحكي لي اختها انه جاب لها شغاله قبل تدخل البيت وقال اهم شي عندي أمي قالت له تم وامه ساكنه عندهم بالبيت ويوم شاف زوجته ما تقصر هم اهو طلع بأصله صار ياخذ منه فللللللللللللللللللللللو كل شهر
بس ايش يسوي بها ... جمع لها مبلغ وشرى لها أرض وقال هذي لك وللزمن ما احد يدري ايش المخبى ..
قالت لاخواتها المعلمات قامو عطوه مبلغ وراح واشترى لهم أراضي .. الله يوفقه ويحفظه ويا اهله ..

ويقال ان فيه وحده تزوجت من واحد وتو مبسوطين بشهر العسل حب يختبرها طلع معها بالسيارة يتمشو شوي وقال بيجيني رجاجيل بعد العشاء بأنزل اشتري فاكهه وخلافه قالت اوكى نزل من السيارة ودخل الماركت وتقضى بمبلغ وقدره ؟؟ تفاجأة بأنه جاها وهو يسوي منحرج قال معليش حياتي نسيت محفظتي بالبيت *الله اعلم صدق ناسي ولا متناسي عشان يختبرها* قالت السنعه مو مشكله عمري خل الأغراض عنده ونروح للبيت وباستناك في السيارة لين تجيب محفظتك ..

اتحدى وحده منكم يكون تصرفها مثل هالسنعة إلا أنواع الاحراج وما تلقين نفسك إلا مطلعه محفظتك وماحسبة عنه هههههههههه
 
انا متزوجة بس غير موظفة وبصراحة سمعت من كثير من الموظفات انو ازواجهن بيتهربوامن مسؤولية الصرف عليهم وحتى احيانا بياخدوا من رواتب الزوجات لحل مشاكل في شغلهم
برايي الموضوع لما بكون مبني عااساس التفاهم وانو يلي الك الي ومافي فرق يعني لما بتحتاجوا مابيبخل عليها بكون عادي لانو التعاون بالحياة الزوجية مطلوب بكل شي
اما لما يصير الهدف استغلال وهروب من المسؤولية لازم رأي استشاري بكيفية التعامل مع هالنوع من الازواج
 
السلام عليكم ورحمة الله وبركاته انا متزوجه ولدي اطفال توظفت بعد ان مستني الحاجه لان زوجي راتبه بسيط جدا ولا يغطي على مصاريف البيت والايجار والاطفال مع ان اهلي سياعدوني ببعض الاشياء لاكن لم استطع التحمل وتوظفت براتب بسيط جدا ثم بدات اصرفه على حاجات البيت والاطفال خاصة انهن بنات وطلباتهن كثيره فكنت لااهتم واصرف الراتب لاكمل على زوجي ولان لي سبع سنوات لم ادخر شي لاني تعودت الصرف وكل ماطلبت من زوجي شي للبيت قال مامعي قلت اسحب من راتبي واشتري لنا اغراض فاصبح يعرف كم في حسابي ولم افكر في يوم ان ارفض ان اعطيه شي من المال سواء له او للبيت بس المشكله هنا انه ينكر كل شي وحيث ان راتبي يذهب لتسديد الديون اللي علينا يبقى شي بسيط الى اخر الشهر يقول اين ذهب راتبك ؟؟؟ بس انني احتسب الاجر من الله في ذلك ولا يهمني ان صرفته كله وبذلك ترتاح النفسيه لنا جميعا ولا اجعل الراتب سبب في المشاكل بيننا والحمد لله على كل حال ودمتم........
 
شكرا لكي الموضوع في قمة الروعه والاهميه,,,انا عن نفسي ماني متوظفه يعني جالسه في البيت وهوا اللي يصرف بصراحه لأن انا مالي دخل اصلا غير الراتب اللي يعطيني ’’’
 
شكرا حبيباتي عالموضوع الحلو اش رايكم في زوجي يجيب لي الشي على انه هدية ويوم الراتب يحاسبني ---ويقولي ياحرامية يعني انه يمزح ------وساعتها صراحة احس بقرف--------انا ماهمني وربي كلي فداه بس ؟أكره اسلوب تصفير حسابي اول باول حتى الهدايا اللي يجيبها يحاسبني عليها
 
انا والله موظفه ومتزوجه علي قروض وراتبي العب فيه لعب من مصروفات علي وعلى اولادي زوجي مايقصر لكن مايعطيني مصروف شهري لا كل فتره وفتره انق عليه لين يعطيني حتى مايتعود اني اصرف من راتبي
وانا والله مبتدئه لكن اللي اسمعه من العالم حولي يقولون لو تقوم حروب لاتخلينه يعتمد على راتبك
بعض الاشياء تكون شراكه بيني وبينه وبرضه السفريات والحمد لله على كل شئ لازم فيه مشاكل لكن نتحمل واحيانا اقول ودي استقيل بشوف كيف يعاملني لاني بفلوسي مستقله عنه
 
انا مب موظفة بس الحمدلله ، يعطيني مصروفي ومصروف عيالي.... وفوق ها كله يصرف علي من مصروفه...

اللهم لك الحمد كما ينبغي لجلال وجهك وعظيم سلطانك....
 
السلام عليكم ورحمة الله انا مني مزوجه ولا موظفة....
بس بصراحة الحياة الي اشوفها فيها اتكاليه بشكل فضيع جد جد..........
والحين الرجال لين جو يزوجو الاغلب يبا موظفة براتب كويس او معلمه خافو الله فين الرجوله..........
اتقبلي مروري يا دلوعة
 
أنا ماني موظفة بس المفروض الزوجة مسؤلة من الزوج يعني إن كانت موظفة أو لأ هو المسؤول عن إحتياجاتها وطلباتها وأغراض البيت أما إذا كانت موظفة مالازم تكون مجبورة على الصرف ولكن مساعدة من ذاتهاوتقف مع زوجها في وقت المساعدة وأخيرآ الزوجة عندما تتوظف يكون هدفها مساعدة زوجها في المصرف لاإلاه الله محمد رسول الله
 
أشكرك غاليتيى دلوعة حييل على متابعة الموضوع ، بالنسبة لي الراتب والمال ليس محط جدال في حياتي فزوجي ولله الحمد والمنة ليس جشع أو طماع وأكرر لله الحمد والمنة من قبل ومن بعد وهذا ما جعلني أثق في مشورته.
كما أنني سيدة نفسي في موضوع الراتب أسدد فواتير جوالي وأدفع راتب الشغالة وأمتع نفسي بما ارغب في شراءه وأهدي من أحب ولا ننسى إذا كان هناك زكاة أو صدقة فراتبي ولله الحمد يسمح بذلك.
أما كسوة أبنائي فهو مسؤول عنها وعن كل شي حتى الأشياء التي اساعده فيها إن كنت في إجازة.
وإذا وقع في ضائقة مالية فإنه لا يخبرني ولا يطلب مني المساعدة.
وعلى الرغم من ذلك لم أوفق في جمع شي من راتبي فأنا أراه وسيلة وليس غاية:blush-anim-cl:.
 
مسسسسسسسسسسسسسسستعيده قوتها معلمه ومتزوجه
1-اهم شي من البدايه لا تعوده تعطيه ولاقرش واحد.
2- وتحاول تاخذ الكماليات شويه شويه .
3-وتبين له دائماً انها في حاجه له .
4-ولاتجيب له سيرة راتبها تحاول تتهرب بشكل هدء وعفوي ودلع.
5-تبين له ان اهلها دائماً يسألون عن رتبك من باب الاطمئنان عليها.
6-وفي المناسبات تقله (احب الهديه ولو كنت غنيه)
7-تشتري ارض وتقسط فيها او شقه او اي مشروع.
8-لاتنسي تهديه هدايا حلوه تليق بك انتي وليس هو.
9-اكثري من الصدقه بعلمه وبدون علمه فهي تطفي غضب الرب.
10-اعرفي غاليتي ان راتبك هو سلاحك الوحيد فأذااعطيتي زوجك راتبك فسوفى تكوني اول من تطعن بهذا السلاح.
 
أنا غيرموظفه بس ممكن اقول للاخوات الموظفات لاافراط ولاتفريط تساعدعند الحاجه الضروريه واذاطلب منها مبلغ كبيراومساعده في بناء لازم يكون بينهم مكاتبه
 
أنـــا مو موظفه ,,,
بـــس أتوقع انو السالفه على التعويد؟؟؟
 
مشكلتي انا وزوووجي انه رااتبه ماايكفيناا طوول الشهر تخيلوا في اسبووع رااتبه يخلص بين مقااضي بيت وديووون وبااقي الشهر يتلسف لين ماا يااخذ الراااتب ويرجع يسدد ملييييييييييت من هالوضع ....

الله يعين بس
 
ياعيوني صحيح انامني موضفه بس الحياه مسانده والابتساعد زوجها مهي غلطانه قال تعالي وجعلنا بينهم موده ورحمه وسامحوني
 
آآآآآآآآآآآآآآآآىه ياقلبي علية انا ماني متوظفة بس والله مايصرف عليه ويعطيني طلباتي الابعد الكر والفر ودمووووووووووووعي السكايب خلااااااااااااااااااااص كرهت نفسي وانا اتذلل له يارب القى لي مصدر رزق من غير إهاااااااااااااااانة ومذلة ....ياااااارب ....يااااااارب ...ياراااااازق الطير في لسما ووالسمك في البحر
 
السلام عليكم,, أنا موظفة واتفقت مع زوجي من اول يوم الشوفة انه راتبي لي وكان هذا أهم شرط عندي واني لو بادفع في البيت فعن طيب خاطر ومو غصب, ولله الحمد لي 3 سنين متزوجة ومرتاحه من هالوضع يعني مايجبرني ادفع ريال من راتبي بالعكس راتبه هو اللي ينصرف أول ومايقصر لا علي ولا على بنته ولا البيت, وإذا احتجنا نرجع لراتبي.
 
مرحبااااااااااااااااااااااااااااااا
فديتج انا ما اشتغل ريلي مو راضي
بس ما فيها شئ لو تساعد الحرمه مع ريلها عن نفسي ما اطلع مع ريلي السوق حنان خلصي بسرعه
انا اشوف انه الاحسن انه يعطي حرمته مصروفها ويعقها بالسوق ويروح
بس موضوعج حلووووووووووووووووو مشكوره الله يصبركم يالمعرسات علي رياااااااااااااااااااااالكم
 
هلا دلوعه
انا بصراحه تزوجت وانا صغيره , اكملت دراستي الثانوية والجامعية معاه وبعدين توظفت . الآن هو دائما يردد "ان ليس لي حق في راتبك" لكن الواقع غير ذلك , فاتحه معاه حساب توفير باسمه , ويتوزع راتبي من ثاني يوم . لكن الشهر الماضي تكلمت معاه في الموضوع وان من حقي استمتع براتبي (فعل مو قول بس) , في البدايه زعل(بحجة ان انا ما اخذ من راتبك شي ) بعدين تفهم الموضوع وطلب مني احدد لي مصروف شهري من راتبه واخذ قدر معين من راتبي ايضا , وفهمته ان حساب التوفير يتوقف بعد مده معينه بعدها يصبح راتبي كله من حقي انا بس .............
المشكله اني ابي ارد له شوي من جمايله علي وكنت في الاول اعطيه كل راتبي وماكان احد يؤيدني ابد , حتى اني استشرت شيخ (مفتي)ولم يؤيدني ,,,,,,,الان وبعد ان اتخذت هذه الخطوه احس بشوية ارتياح ولكن مازلت خائفه,,
احتاج لأرائكن بلييييييييييييز هل اللي سويته صح او غلط؟؟؟؟؟؟؟؟؟؟؟؟؟؟؟؟
بصراحه ما ادري
 
عودة
أعلى أسفل