[you] ادخلي ردي وفيدينا يا الغاليه

هلا حبيبتي ... انا استخدم حبوب اسمها سلسلت انصحتني فيها دكتورتي الصراحه حيييل خفيفات والحمدالله مااثرت حيييل على نفسيتي بس الصراحه شعري قام يطيح شويه منها مو واااااجد لان كل حبوب لازم لازم لها اثااار جانبيه خفيفه وانا قطعتهم من خمس شهووور والحين الحمدالله حاااامل ...
 
اختى انا والله ما تزوجت بعد لكن صديقاتى يقولوا اللولب احسن ومن الأفضل سؤال الطبيبة الله يوفقك ويرزقنى الزواج عن قريب
 
ياقلبي والله انا عزابيه ولا اعرف انواع حبوب منع الحمل
لكن وحده من خواتي تستخدم ياسمين
وبعد بنتها الثانيه صارت تستخدم جنرال
بس ياقلبي اتمنى اقيد بس مالى خبره مره
 
هلا حبيبتي انا بعد بنتي الاولى اكلت حبوب جنيرا
وحملت وبنتي عمرها شهرين مانفعو معي
وجبت ولد وركبت لولب وجلست اربع سنوات ونزلته وثلاث شهور على ماحملت
وضربت ابره منع الحمل الي كل ثلاث شهور تضربين ابره لاكن ما انصح فيها لانها خلتني البقره الضاحكه
والحين استخدم ميرفيلووون
ماشاء الله ماغيرت فيني شي لاعصبيه ولاصداع ولاسمنه بس شوي تساقط شعر
والحبوب من وحده لوحده غييييير
والله يوفقك ان شاءالله
وتقبلي مروووووووري
 
أشكركم ياملكات بلقيس على التفاعل في الموضوع والرد

والله استفدت من الموضوع كثييييييييييييير
 
بصراحه انا انسه
ومالي في هذي الامور لكن
بااقول لك من تجربت خواتي المهم
وحده جنرال والثانيه ياسمين
والثالثه اممممممممممممم ماادري بااسالها
واقول لك
 
والله يالغالية انا استعمل حبوب جراسيال

حلوة بس ما تعطي مناعه طويله
 
حبيتي انـــــــــــااا

ماستخـــدمـ حبوووبـ منعـ الحمــــــــــلل
 

استخدمت جانيرا لمدة 9 سنوات وانا تركتها وما استخدمت مانع بعدها
 
الصراحة ياحبيبتي انا اخذت حبوب جينيرا بعد مولودي الأول مدة سنتين بعدين تركتها وحملت على طول تقريبا بعد المولود الثاني استعملتها سنتين ونصف بعدها صارت الدورة ماتنزل كويس ولما راجعت الدكتورة قالت لازم تتركيها لأنها بدت تسببلك ضعف في المبايض تركتها وصرت انا وزوجي نستعمل موانع طبيعية سنتين ولما قررت احمل تركنا كل شي بس ماحملت إلا بعد سنة ما أدري ليش هل هي مناعة او ما بعد كتبه ربي بعد المولود الثالث استعملت ياسمين بس شهرين بعدين زوجي رفض خاف تأثر مرة ثانية علي ألحين ولدي بسم الله عليه عمره سنة وتسع شهور وكنت ناوية بعد مشيئة الله أحمل اذا كمل سنتين بس سويت عملية مرارة وفتاق ومنعني الدكتور من الحمل مدة سنتين وأنا صار لي شهرين مسوية العملية وعلى فكرة أهم شي أن زوجي ملتزم بالموانع الطبيعية ماشالله عليه
 
هلا ياقلبي انا عن نفسي استخدم حبوب ياسمين...حلوة ماحسيت الا بشوية سمنه بس محافظه على جسمي بالنسبه للحمل انا تعطيني بالكثير شهرين مناعه....والان انا تاركتهم لي شهر ماجتني الدوره عدا موعدها من اسبوعين ...يمكن حامل ادعولي اني حامل بولد عندي بنتين وولد...
 
انا بصراحه استعمل حبوب ياسمين بس انهم مره يتعبون نفسيتي ومنحفتني وعلى كل هذا خايفه منهم لانهم مايعطون
مناعه...ويقولون بعد يمكن اذا نسيتي حبه او حبتين تحملين على طول....الله يستر انا اكلها صارلي سنه بعد مولودي الاول...وبس
 
السلام عليكم ورحمة الله وبركاته اخواتي الغاليات ان ضيفه جديده وهذي اول مشاركه لي حبيت افيدكم بخصوص حبوب منع الحمل صراح انا استخدمته مرتين الاولى بع طفلتي البكر والمره الثانيه بعد الطفله الرابعه لمدة ثمانية اشهر وماارتحت لها وركبت لولب بعده والحمد لله مناسبني ومرتاحه له
 
أشكركم ياملكات بلقيس على التفاعل في الموضوع والرد

أتمنى الجميع استفاد من الموضوع

ننتظر المزيد
 
انا استخدم جينيرا والحمدالله مرتاحه بس مسببه ضعف الشهوه الجنسيه او معدمتها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل