[you] اخوك بيتزوج وقال لك اخطبي لي ؟!! تعالي بسألك

[غرامـ]

أهم شيء عندي

أخلاقها..

وبلاشك تكون فيها جمال

عشان بعد كذا أخوي مايدعي علي>>> ههههه

والزواج بالأصل قسمة ونصيب ما حنا إلا سبب..

الله يكتب لأخوك الزوجة الصالحة

ولمن كانت من نصيبه

يكون لها أخوك الزوج الصالح..

دمتي بود أختي..

 

[ندى الريحان]

ههههههههههههههه
وربي ضحكتني ردودكم يعني انتم مو زوجات اخوان يعني اكيد اخت زوجك بتقول لك
واحس ان في الموضوع اخوات ازواج وكل وحدة تكتب عن زوجة اخوها وهي ما هي داريه
اولا يالغاليه الله يعينك في الزمن ياكثر الأقنعة
حبيبتي انا اخواني خمسه ولا خطبت لواحد منهم لا انا ولا اخواتي وحنا اكبر منهم بالسن و ما حاولت احسسهم انهم كبروا وفي سن زواج قبل لا يتوظفوا بس امي الله يهداه ويرزقها برنا ياااارب خطبت لهم من ورانا وما حاولنا نعلق طبعا اخوي الكبير تو الحين خطب بس الثاني والثالث والرابع تزوجوا وكل بهمه درى نتيجه الإختيار الخاطئ من امي الله يسامحها وانا واخواتي ما نلومها وربي لأن كل وحده متزوجه وفي منطقه بعيده عن الثانيه وفين وفين نشوف بعض حتى الصيف ما تصادف اجازات ازواجنال مع بعض الا 4 5 ايام بالكثير واخواني كانوا مرتبطين بدراستهم في نفس منطقة اهلي
عشان كذا مريحه راسي صح اتضايق لما اشوفهم في مشاكل وعايشين حيلتهم بضيق مو مثل ما تعودوا معانا عل الفله والوناسه وحريمهم كل وحده ازفت من الثانيه بس الله يصلح الحال ويسخرهن لأخواني تسخير الدجاجه للديك خخخخخخخخخخخخخ

 

[ندى الريحان]

قولو ا ماشالله لا تنظلون اخواني

 

[بركان المحبه]

السلام عليكم ورحمة الله وبركاته

أولا الله يوفق أخوك ويوفق كل بنت كان أو ولد لهذه الخطوه..

وانا برأيي صعب أنا نحصل الإنسانه الكامله اللي تتوفر فيها كل الصفات { جمال
دين أخلاق ومره سنعه } صعب لازم تتنازلون عن بعض الأشياء

أنا لو مكانك بختار له البنت البسيطه بجمالها وبسيطه بإنفتاحها للدنيا المهم تعرف واجباتها قدام رجلها بعدين انتم علموها بطريقتكم لجل ماتركب عليكم ولا على اخوكم والمهم تعرف الله وتخاف الله بزوجها وتكون تعرف الله وتقوم بواجباتها الدينيه ...

لأن الغنيه بتشوف عمرها والجميله هم بتشوف عمرها والمدينه حيل بتجننه وكل شي زاد عن حده ينقلب ضده

وبالنهايه الله يوفقكم جميعا ويوفق كل مخلوق قرى ردي​

 

[^_^الشامخه^_^]

اولا تكون ذات خلق ودين وان تكون انسانة متواضعة وان تكون متقاربة مع اخوك في المستوى التعليمي والا خلاق واسالي عن اقاربها من النساء فالبنت تشبه عمتها في كثير من الصفات والنصيحة انك تبعدين عن الاقارب واللي تبي راحة راسها تسعى في جنازة ولاتسعى في جوازه الله يرزق اخوك بالزوجة الصالحة

 

[فرفوشة 3]

الحكيمة

اختي التي سألت عن خطبة اخيها اولا عليك بالدعاء المستمر لله ان يرزقة الله الزوجة الصالحة
ثم ابحثي عن عائلة ذات خلق ودين ولا تعاني من التفكك الأسري حيث ان هذا الشيء يأثر سلبا على الفتاة ومن المهم السؤال عن الأم وتعاملها مع اهل زوجها كذالك انتكون الفتاة جميلة متعلمة ومثقفة
اما زواج الأقارب فهو غالبا غير ناجح وهذا يتضح في كثير من تجارب الناس
تقبلي مروري وشكرالك

 

[عزوفxxx]

الله يوفقكم لاختيار الزوجة المناسبة لاخيكي. من تجربتنا العائلية
فإن اهم شيء عند اختيار الزوجة الصالحة التامل في حديث المصطفى صلى الله عليه وسلم ( اياكم وخضراء الدمن : قالوا ومن هي يارسول الله, قال : المرأة الحسناء في منبت السوء)
لذا الأسرة امعروف عنها التمسك بالأخلاق الكريمة والقيم لاسيما الأم فإذا كانت أم الزوجة امرأة مشهود لها بحسن الخلق والطيبة فإنها ستربي بناتها على الخير وإذا أخطان توجههن وتكن الأم عونا كبيرا لابنتها في الحفاظ على أسرتها وسعادتها
والله يوفق الجميع

 

[لمســــات انثـى]

الله يرزقة الزوجة الصالحة
بصرااااااااااااااااااااااااااااااااااااااااااحة ما عندي اي خلفية اتمنى البنااااااااااااااااااااااااااااات يفيدونك

 

[ومض]

صعب تعرفين شو اخلاق البنت بسهوله
لكن في ناس سالو الخدامه عن البنت ووصفتها بصدق
طريقه ؟؟!!

 

[ومض]

الدعاء
وان اخوج يكون على خير الله ما يضيعه
وبالتوفيق

 

[سحابه خير]

شوفي ترى اهم شئ الاخلاق ثم الجمال
صدقيني اذا كانت خلوقه بتريحه وتريحكم وينسى الجمال لانها باخلاقها بتكون اجمل وحده بعينه
وياما شفنا بنات عاديات لاكن رفعهم الخلق الطيب

 

[الهيزعة]

اهم شي تكون عجبته
مو يقول مو حلوة ولا شي

لزم يشوفها


رح تعرفوها من كلامها وطلبتها

هي واهلاها

​

 

[دلـــوعـــة]

انا اشوف تسألي اخوكي عن المواصفات اللي يطلبها نحنا مانقدر نفيدك !!!!

يعني تسألين هل الجمال مطلوب ؟؟ طيب يا اختي اخوكي هو اللي راح يعيش معها مو احنا ولا انتوا

فاسأليه هو هل الجمال بالنسبة لك مهم ولا عادي ؟؟

اما الدين والاخلاق اكيد هذا مهم ولا خلاف عليه

وعن زواج الاقارب الرسول عليه الصلاة والسلام وصى بالتباعد

والله يرزقه زوجه صالحه تسعده

 

[NicE-GirL]

مشكورين وجزاكم الله خير وحدة

وحدة


ما قصرتوووا​

 

[تحكمني ظروفي]

أهلين ملكه أنا من وجهة نظري أهم شي الأخلاق بعدين الجمال وعلى حسب شروط الجمال اللي يبيها اخوك,, اما بالنسبه لزواج الأقارب مأنصح فيه خوفا من المشاكل,,

 

[ريري الشرقيه]

أهم شي الدين والحياء مانزع الحياء من شيء إلا شانه الله يوفقكم يارب.

 

[روامس]

سلملم
صراحه حبيبتي ماعندي خبره
بس الاكيد راح اساله عن الموصفات اللي في خاطره
وراح ابعد عن الاهل
(الله يسخر له اللي تسعد قلبه وتسر ناظره)

 

[ورده مبتسمه]

شوفى حبيبتى اهم شى الاخلاق والدين والا الجمال بيزول مع الوقت وشوفى وش يحب هو الجميله او الخلوقه والله يتمم له على خير ان شالله ويكتب له بنت الحلال اللى تحبه وتحافظ عليه يارب ومو شرط من الاقارب الافضل يكون بعيد عنهم لتلافى مشاكل المستقبل

 

[الوحيدة1]

الله يعينكم

 

[أسيرة حبهـ]

حبيبتي انا برد مباشرة و ما قريت الردود
اختي نصيحة لله ابعدي كل البعد عن الاقارب
احنا كنا خاطبين لاخي بنت عمي و كان كل شي مثالي اول الامر و بعدين صار فيه مشاكل بيناتهم وصلت لفسخ الخطوبة
هلا اخي خطب بنت ثانية و البنت الله يستر عليها بكرا يجيها عريسها بس بقيت العداوة بيننا و بين بيت عمي
من شان هيك انصح بالبعد عن زواج الاقارب
هاد اللي بقدر انصح فيه و الله يوفقو و يبعتلو بنت الحلال اللي تصون اسمو و عرضو