[you] اخوك بيتزوج وقال لك اخطبي لي ؟!! تعالي بسألك

[Tooma]

والله ما أدري

أنا خطبت لأخوي صديقتي اللي معاي بالصف !!

بس يتهيأ لي أن لازم تكون من بيت ناس محترمين عشان تضمنين صقاتها الوراثية !!

 

[ام الشيخ زايد]

السلام عليكم يا عسوله ابي منك هو اول شي وش يبي وبعدين وجهيه للي تشوفيه زين لانك انت الي تعرفي اخوك دور ي الي تشوفيه تناسبكم اما لاقارب زين بس خلك بعيد حبك يزيد الافضل من عيد ولكن من نفس العادات وطبايع والله يوفقهم هذول الشباب ويسر امورهم يارب

 

[لين الهويملي]

الله يوفقه وين كتبااااااااااااااااااااااااااااااااتي

 

[برتشيا]

اولا مبووك مقدما لاتنسيين تعزميني مشتهية ارقص


كل شي مهم تبحثين عنة بزوجة اخوك بس لا تصيريين حقنة مافية شي يعجبك خخخخ امزح


الدين مهم والجمال بعد لازم وحدة تملا عينة هالزمن يخوف بس احلى مافي الرجال في هالناحية قنوعيين


مو زي الحريم مواصفات الجمال عندهن لازم تكون كاملة مكملة بعدين ابعدي عن الاقارب احسن بس هاذي


وجهة نظر ووووووبالنسبة كيف تعرفين اخلاق البنت هذا شي صعب ياما فية اشياء ماتبين الا بعد الزواج لكن

فية اشيا تساعدك مثل السؤال عن ام البنت وخواتها المتزوجات فغالبا البنت تطلع زي المحيط الي تربت فية


وبالتوفيييييييييق

 

[جودالقلب]

الدين والاخلاق مافيها كلام شي اساسي وبعدها العادات والتقاليد لانها والله مهمة ولها تأثير كبير في الحياة (عن تجربة) لاني انا وزجي جيران واخواته صحباتي وماكنت احس فيه فرق بيننا لكن بعد الزواج شفت كيف العادات لو بسيطة تعمل مشاكل كبيرة,,,,,,اتم الله فرحتكم ورزقكم بالزوجةالصالحة,,,,,,,,,,,,

 

[اتمنى الامومه]

انامجربه لاتاخذي من الاقرب البعد سعد اناخطبت لااجي زميلتي بالكليه والحمدلله طلعت زينه اهم شي تكون اخلاقها زينه مع امي ومع زوجه

 

[أخت السحـاب]

الله يوووفقكم بالبنت اللي تسعده وتفرح قلبه

 

[لين الهويملي]

اختي الله يوفقه ويسعده بنت الحلال اللهم امين كتبتلك فلذلك مادري وين راح اقول اختي دوري لاخوك البنت الي تستحي مو البنت الجريئه وكثيره السوالف وتدخل بامور اني اعرف هي مو متزوجه تحب الكلام الكثير ابتعدي عنها اما عن خطبه الاقارب ما انصح فيه لان بتعرف كل شي عنكم وخصوصياتكم ولو حرف وحد وصل الخبر عند اهلها الا اذا كان عارفين زين عن البنت واهلها اما البعيد شوي يكون مايعرف شي عنكم ودوري البنت الي فيه دين هذا وهي مزيونه هذا اهم شي والله يوفقه ويسعد اخوكي ويتمم زواجه على خيراختك لين

 

[حطام صامد]

مساء الورد
انا عن قريب بخطب لاخوي وطلباته انها حلوه وانيقه وشخصيتها قويه ومتعلمه وما طلب الدين(بعده باول الدنيا)وانا افضل من قرايبي لان بناتهم ماشاءالله وقصه المشاكل الي بعد الزواج هذا كله قسمه والنصيب ولو تبين رااي الشخصي القراايب عقااااارب

 

[المتغلية]

هلا حبيبتي اول شيء الله يوفقك في اختيار الزوجة الصالحة اللي تعينة على دينة ودنياة حبيبتي من واقع تجربتي لان ماشاء الله عندي عيال خواتي واخواني اول شيء الاستخارة حتى لومدحوها الكل لانتسون الاستخارة بعدين في نقطة مهمة اللي كثير من الناس مهملتها اللي هي الشوفة الشرعية لازم اخوك يشوفها ماتدرون يمكن تعجبكم بس ما تعجبة بعدين ابعدو عن الاقارب انا ماقول كل الاقارب بس كثير اعرفهم صارت العلاقة علاقة اعداء بسبب هالزيجة علشان كذا يفضل انها تكون من بعيد والاهم هو ايش المواصفات اللي يبغاها وش اهم شيء عندة يعني مثلا ولد اختي قال اهم شيء الجمال قلنالة الجمال جمال الروح اهم شيء الاخلاق رفض قال انا اادبها بعدين ههههههههههه من هالحين وبعدين نصيحة ابعدو عن اللي عايشة مكروفة عند اهلها يعني بنت فقر على قولة المثل خذلك مدلعة ولاتاخذلك ملطعة انا سمعتها كذا مادري هالمثل صحيح ولا لاههههههههه لان ولله شفتها في حريم اخواني وخوات زوجي وكثير اللي تجيك من بيت فقر تهلك الرجال تبغى تعوض كل شيء فاقدتة عند اهلها موكلهم علشان مانعمم بس الاغلبية وبالرغم من كذا الحد الفاصل هو الاستخارة والله يوفقك

 

[أم توجه]

غاليتي /الله يوفقه ويسخرله بنت الحلال اللي تسعده وأهم شئ الدين وأضم صوتي لمعظم الأخوات في البعد عن الأقارب وأسالي مجرب

 

[الجده الصغيره]

"إذا بغيت تضمها اسأل عن امها.,,هذا المهم......الام الصالحه لان البنت داائما تاخذ من امها الكثير....العائله...ان تكون معروفه بالدين...شروط اخوك تكون بالبنت مو شروطكم...

 

[أخت السحـاب]

غاليتي عندي استفسار بعيد عن الموضوع بس عنوانك فيه اخت السحاب فحبيت اسال عنه

 

[مزايا انسانه]

مبروووووووووك مقدما
سمعت قبل فتره كلام لاحد المشايخ بارك الله فيهم في اختيار الزوجه
وبعد ماذكر حديث النبي صلى الله عليه وسلم
قال اول الامر ان تكون على دين والاخلاق الحميده
الافضل ان تملك ولونسبه من الجمال حتى يقتنع بها الرجل
الافضل ان لاتكون لديها ام وان اختلفت الظروف في زمننا فنجد ان الام تحافظ على علاقة بنتها مع زوجها
وتتفضلها بل وتقدم مصلحتها عن علاقة ابنها مع زوجته


عن نفسسي اضيف ايضا ابتعدي عن زواج الاقارب قدر المستطاع
حفاظا على العلاقات العائليه وخااااااااااااااااااااااصة اذا كان في الاساس يوجد مشاكل او حزازيات بين الاطراف

مهم ان تكون على قدر متوسط من الجمال والجسم المتوسط او الرشيقه

السؤال عن الام واخلاقها((اقلب القدر على فمه تطلع البنت على امها))

ان تكون لديها اخوات متزوجات محافظات على بيوتهم وذلك لنصحها وارشادها عند الحاجه

ان يراه اخوك الرؤيه الشرعيه حتى يتطمن قلبه اوكما قال عليه الصلاة والسلام ((حتى يؤدم بينهم))

فترة الخظوبه اي مابعد الملكه تكون طويله حتى يفهمها ويقترب من شخصها اكثر
وقبل كل شئ الاستخاره
وفقك الله

 

[perfume]

الجمال مو شرط أساسي بس هو من الكماليات
فيه بنات حلوات وخلوقات وفيه حلوات ومو متربيات عدل
وفيه بنات مو حلوات بس على أخلاق و أحيانا لا جمال ولا أخلاق (اللهم لا شماته)
الله يكتب لأخوج الزوجة الصالحة عليج انتي وأخوج بالاستخارة (ما خاب من استخار) واسألو عن أخلاق البنت​

 

[نبض الحنايا]

الدين اهم شي
و تكون محترمه وخلوقه وحبوبه بشهادة اللي حولها
والله يرزقه ويوفقه

 

[سـهام الجفا]

اذا شفتي المناااسبه واهم شئ صاحبة الدين لانها راح نخاف الله فيه وفيكم ومو شرط مو من القراابه بالعكس احيان تنجح وتقوى العلاقه اكثر
اهم شئ الاستخااره الله يوفقه ويسعده

 

[تاج الياسمين]

موضوووووووووووووووع روعة وانا مثلك بدور لاخوي مابقيت من زميلاتى احد الا ماوصيته اذا يعرفون بنات حلوات وخلوقا ت يدلونى
سبحان الله اول قبل لا يفكر بالزواج كانو ياكثرهم وكنا نقوله انت بس اشر وبتلاقي والان حايسين ندور
وجاري البحث عن بنت الحلال
وطبعا ابتعدنا عن الاقارب عشان كذا مطولين في البحث

 

[الشتاء الدافئ]

شوفي حبيبتي احنا غلطنا غلطة عمرنا وزوجنا اخوي وحده مانعرفها زين مع انها من قرايبنا لكن تربت وعاشت في مدينه ثانيه وماشفناها الا مرتين واحنا صغار المهم امي على نياتها وافقت لان البنت تقرب لابوي وماتبي تزعله لان امها معروف عنها انها قويه وقاطعه ابوها عن اهله ومع ذلك احسنا الظن وتم الزواج الفاخر جدااا وعطتها امي قطعه من قلبها رجال مثااالي ينحط على الجرح يبرى لدرجة دمعته تنزل لو شاف انسان مريض او شخص فقير والله العظيم ما امدحه عشانه اخوي لكن احلف انه نااادر الوجود واقرب الناس لي ولكل شخص في عائلتنا ..ماكنت متزوجه وقتها وماافهم زين في هالامور كان منعت هالزواج انا ماقهرني في الموضوع الا انها جابت له السكر وعمره 35 من القهر اللي شافه وسوت مثل امها قطعته عن العالم كله الا امي يجي يشوفها بين وفتره والثانيه ويوريها صور عياله في الجوال مع انهم على بعد عشر دقايق ..تخيلوا توصل اعمارهم 6 وسبع سنوات وامي وابوي مايشوفونهم الا صدفه يعني عزا او زواج ...ولا تقولون ضعيف مايقدر فيها صح هي جباره وتفوقت على امها بس اخوي طيب وحنون ومايبي يشوف دمعة عياله لانها تهدده تاخذهم وامها ماتقصر فيه ..دائما يلوم امي ليش زوجتوني اياها ياليتنا خطبنا فلانه او فلانه ...اخواني تعقدوا من الزواج لدرجة اللي اصغر منه ماتزوج الا عمره 32 وبعد ماسوينا تحقيقات مطوله وصلى استخاره وزدنا وعدنا في السؤال والحمدلله توفقنا والصغير نفس الشئ زوجناه وحده من قرايبنا بس تربت تحت نظرنا ملتزمه وخجوله والباقين نفس الشئ لدرجة مادققنا في العمر يعني اكبر بسنه مااهتمينا المهم مانكرر المأساه ..اسفه طولت عليك بس من خوفي على امك واخوك استخيروا قبل واسألوا عن امها وجدتها..الله يوفقكم

 

[نفسي طموحة]

الله يوفق الجميع
أهم شيء الدين والاخلاق والام اذا كانت طيبة تطلع عليها بنتها واذا كانت خبيثة بعد تطلع بنتها ماخذة منها
اعرف ناس صاروا يسألون عن ام البنت اذا وقع اختيارهم على البنت
والاقارب في منهم اللي تجمع والطيبة وفي منهم اللي تفرق
اختاري له بنت مزيونة وخلوقة وامها طيوبة والله يوفق الجميع
​