youبجد محيرتني !!

[ربما نلتقي]

بنات بجد لاتستغربون من سؤالي لكنه محيرني انا دايم انزل السوق اقضي واشتري عطور جدا غالية


طيب كيف اعرف اني شياكه وريحتي الكل شاممها احيان اخاف ان لبسي مو حلو وريحت عطري محد شاممها واخاف اللي حولي يشمون مني ريحه مي حلوة بالرغم اني يوميا اتحمم ؟:39:


وكيف اعرف اني جذابة او لا

ارجوكم تفاعلوا معي ................

 

[سمو الأميرة]

مرحبا عزيزتي ..
أهم شي النظافة .. و ريحة العطر أكيد اللي حولج بيشمها ..
و على فكره العطر أول ما ينرش يميزه الأنف لكن بعد فترة من شم نفس الرائحة ما تحسين فيه .. يعني أنتي ما بتشمينه لكن اللي حولج بيشمه ..
و عشان جذيه ما أنصحج برش كمية كبيرة من العطر .. بالعكس .. الأفضل رش كميه بسيطة .. و لازم العطر يكون من نوعيه جيده و يكون عطر مركز perfume ... و ليس Eau de Toilette لأن هذا خفيف جداً ..
و نصيحة لا تحطين عطر و حولج أطفال .. أو ناس عندهم حساسية للعطور .. و اذا بتحطين بس رشة وحدة .. لأن في ناس تضايقهم ريحة العطر .. و يشمونها قوية و انتي ما تحسين فيها ..
و انتبهي من الخروج للسوق و انتي متعطرة .. اكيد تعرفين أنه خطأ كبير .. بس حبيت أذكّر ..

 

[ربما نلتقي]

شاكرة لك اختي


انتظر البقية

 

[مرسـى]

كــوني واثقة من نفسك ..
وبما أن الناس أذوااق . فبالتأكيد راح يكون هناك فئة مو عاجبها لبسك..وفئة منبهرة من لبسك..وهكذا..
علشان كذا ارضي ذوقك ونفسك ..
وبخصوص الرائحة دائماً..دللي جسمك بأللوشنات ..بعد الحمام..وبين فترة وفترة..حطي مزيل رائحة ورشة عطر خاصة بالصيف..
..

 

[ربما نلتقي]

سلمت يداك طيب انا كذا

بس كيف اثق

 

[سمو الأميرة]

الثقة تأتي من معرفة أن كل شخص مختلف و متميز ..
و تذكري .. رضى الناس غاية لا تدك ..
فلازم تعيدين النظر لمفهوم الثقة عندج ..
و اسألي نفسج
هل انتي عايشة في هذي الدنيا عشان رضى الناس ؟!

انصحج بقراءة الدورة المجانية للاستاذة ناعمة :: دورة العمر الجديد ::
خاصة جزء :: أنت و الناس ::

 

[chooclt]

الثقه في النفس اهم شي

 

[{ملآذ القلوب}]

مرحبا اخت انا تقريبا نفس حالتك ودايما اسال اخواتي تشمون ريحة العطر يقولون ايه وعلى نفس كلام اختي سمو الأميرة انتي ماتشمين ريحه العطر لان الانف يتعود عليه وعندي طريقه عشان تشمين ريحه العطر (امشي بسرعة بعد كذا اوقفي فجأة وارجعي شوي عشان تحركين الهواء اللي حولك واستنشقي عبيرك ) واستانسي بس لايشوف خبالك احد:10:
ودايما افرح لما احد يسالني وش عطرك ؟؟ افرح لان اتأكد ان ريحتي حلوووه:32:
​

 

[ربما نلتقي]

الله يجزاكم خير شكرا لك اختي سمو الأميرة راح اقراء بقلب