إلى أختي ( مدام ريما )
كان ودي أعرف شخصية زوجك
لانك ماكتبتي لي الموقف اللي آثار الشك في نفسة
سأكتب عدة نقاط باذن الله سوف تبعدين عن قلبه الشك
أول ماعليك اذا صدر موقف منك يثير الشك تبعدين عنه
مثلا ( اذا في النت خلاص تبعدين عن النت ويجب ان لايراك جالسة على الكمبيوتر نهائي الى ماتستعدين الثقة وتدخل قلبه )
وتحاولين تكلمين عن انك مثلا والله من زمان مالمست الكمبيوتر
مثلا تتكلمين وهوو يسمع كانك تدردشين مع اولادج اخواتج بناتج
او اذا جاء سيرة النت او الكمبيوتر قولي كذا
مثلا قال شفتي كذا بالنت او الكمبيوتر
قولي اووه من زمان مافتحته )
واذا كان جوال تعمدي على اهمالك للجوال
اتركيه مع اطفالك
اياك ان تضعي علية رمز للقفل
لاتقولين له بعد ماتطلع الفاتوره سدد اتركيــها لفتره طويله لاتسدد
ماعلية خليه ينقطع
والا اذا في حد ائتماني قولي خلص له فتره طويله
واذا قال مابي اسدد او مامعي اقول عادي
متى ماربي رزقك وطلع الراتب سدد
مو مهم دامي ما اطلع او أنته اللي تجيبني وتوديني
.... الخ مثل هالامور
هو بالتاكيد عمره مر عليه موقف يثير الشك
افقدته الثقة بالاخرين
سواء بنظر أو حركة أو قول أو فعل
وبعدها سوف يفسر اي شي بصورة سلبية سيئة
وجالس يبحث عن دليل حتى يتاكد من شكه
ويقنع نفسه فيه
حاولي دائما تقولين قصص حول الموضوع
او مثلا اجلسي قولي قصة لاولادك حادثة الافك وكيف ان عائشة ظلمت
وهي بريئة وقولي اصلا حرام الشك بالمسلم
وقولي كيف الناس صارت تشك
فيها وان ربي راح يجازيهم وان اللي قال كلام له أثم عظيم
وقولي الاية ونصها للاطفال
إِنَّ الَّذِينَ جَاءُوا بِالْإِفْكِ عُصْبَةٌ مِنْكُمْ لَا تَحْسَبُوهُ شَرًّا لَكُمْ بَلْ هُوَ خَيْرٌ لَكُمْ لِكُلِّ امْرِئٍ مِنْهُمْ مَا اكْتَسَبَ مِنَ الْإِثْمِ وَالَّذِي تَوَلَّى كِبْرَهُ مِنْهُمْ لَهُ عَذَابٌ عَظِيمٌ
قولي له أثم من ربي عظيم
وقولي لانهم شكوا ودخل بقلوبهم ان عائشة انها اخطأت
وهي اصلا بريئة وو
واذا انتي صدق صدر منك خطأ أو موقف
وشك فيك وعلم عن الموقف
خلاص ابعدتي عن المصدر
وجددي الثقة في قلب الزوج
واكثري من الاستغفار في الظاهر والباطن حتى يسمع ويدخل عقلة الباطن انك ابتعدتي عن الغلط
واكثري من الدعاء وتحري ساعات الاجابة
وقول اللهم أقر عيني زوجي بصلاحي
وابعد عن قلبة الشك والبغضاء
وارزع في قلبه المحبه والسكينة والطمأنينة
وعززي من ثقتك بنفسك ومن حولك
وقولي دائما افعالي دائما صائبة
أنا يقيني أني على صواب من أمري وزوجي سوف يثق فيني
واذا ارد النظر بعينك لاتكسري النظربل استمري بالنظر واسترسلي وابتسمي بوجهه
واذا من النوع اللي يدخل البيت فجأه
لاتبينين انك متفاجئة أو استغربتي
هلي فيه واستقبلية نور البيت
لاتقولين غريبة جيت مو وقتك ووو
حاولي تكونين لزوجك واضحة غير غامضة
بكل امورك وتحركاتك
اليوم سويت كذا من الساعه 1 الى 3 وأنا اغسل الملابس
ومن كذا وكذا وأنا اسوي كذا
اليوم أمي كلمتني تسلم عليك ووو
حاولي تبينين حبك له وشوقك
وان مافي الدنيا والكون غيره
وانه أحسن رياجيل الكون
ومافي مثله
<<<< واذا كان يصرح بشكه لك ويتكلم لك
وويشكك في الاطفال والنسب
اياك والسكوت تكلمي ودافعي واذا استمر
قولي مالي جلسة بالبيت ابداً كوني الا بعد ماتقوم بالتحلليل الدم للاطفال
كوني جازمة وصارمة وجادة
وقولي اعيش حياتي في بيت أهلي
وولا اعيش مع واحد يشك فيني وفي اللي جبت من الاطفال وفي نسبهم
خلاص ماتبيهم اتركني واياهم
وأنا بروح اسوي
وابلغ اهلي يساعدوني وبعد التحليل
اعطيك الاوراق والاطفال
ومالي رجعه لك وبقطهم عليك
وابلغ كل العالم بشكك فيني
وشوف منو تبي ترضى فيك >>
هذا اللي أقدر اكتب لك لاني ما عرف موقفك الاساسي
ولا شخصيتك زوجك وموقفه ووو
اسأل لك السعادة والاستقرار
سخر لك زوجك واسعدكما دنيا وآخره
