..

[mryom]

هلا

انا زهققت لان زوجي مايعبر بمشاعره لدرجة احيانا اشك انه يحبني ..اسبوع مايقول ولا كلمه حلوه زهقت

غير انه الحضن والبوس قليل الا في علاقتنا وصراحه انا هالشي مضايقني

 

[رازيا]

الرجال انواع منهم اللي يقدر يعبّر عن كل شي في نفسه من دون حواجز أو أي شي يمنعه
ومنهم الرجل الخجول اللي يحبّ ولكن لايستطيع التعبير من شدة الحياء
ومنهم الرجل الشديد اللي يحب من قلبه بس مايحب يبين للي جدامه
وانتي تعرفين رييلج زين أهو من شنو من هذول ..
أنتي تقدرين تغيرينه من نفسج خلاص انتي الحين تزوجتيه وبينكم يمكن اولاد
المرأه الذكيه تحاول تغّير من رييلها حاولي أنتي مثلاً : ألبسي له شي حلو وأوقفي
جدامه قولي له شرايك فيني ! شرايك بشكلي وأقعدي ربع ساعه انشالله بس خليه بتكلم لو الكلام يطلع منه بالحسرهـ عادي , وكل فتره قوليله جذي وأتخذي معاه نفس الحركه
والطريقه صدقينيّ بيتغير ويتعود يمكن يكون أهوا مايعرف يعبر عن اللي بنفسه ولايعبر عن مشاعره يمكن يشوفج ملكة جمال بس مايعرف يتكلم ويعبر شي طبيعي ترا ..

( أنا رفيجتي كانت نفس حالتج بالضبط والله بس ماملت منه حاولت معه وغيرت أشياء وايد فيه خلته انسان مختلف عن اللي تزوجته ولهم الحين 5 سنوات ماشاءالله ..
تدرين شلون قدرت تغيره ؟ لأن عندها أصرار وعزيمه حاولت فيه يابت له كُتب وقرتهم وياه عشان مايحس بشي وماخلت فلم رومانسي ماشافته وياه وتدلعت عليه وكل شي سوته لين ماشاءالله غيرته مثل ماتبي )

حاولي ياعزيزتي مثل ماقلت لج وأنشالله تطلعين بأفضل الحلول
واذا انتي من النوع اللي كل مره تقولين له قولي كلام حلو وليش ما تقولي
سكتي عنه شوي تعدلي والبسي وخلج عاديه لا تقولين له اشرايك فيني ولا تبين له انج تنطرينه يعلق على لبسج
صدقيني بينتبه لج وبيقول بينه وبين نفسه شفيها ليش ما سالتني مثل كل مره
بتشوفينه بيدلعج وبيقولج كلام حلو
في ريايل اذا قلتيلهم ليش ما تقول او ليش ما سويت يعاندون اكثر
والله يهديه لج ويخليكم حق بعض
وترى اغلب الرجاجيل اللي كلامهم معسول تلقينهم مغازلجيين ورايحين فيها
قولي الحمدلله هذا دليل ان زوجج ماعنده سوالف ومغازل
والحب مو بالكلام وطبيعة الرجال مايعبر عن حبه بالكلام بالفعل
انتي اللي دلعيه وتغزلي فيه على طول راح تلقينه يبادلج الشي نفسه يمكن يكون من النوع اللي يستحي ومايعرف يعبر عن مشاعره
وبعدين لا تنسي احنا عندنا مشكلة في مجتمعنا وهي الجفاف العاطفي وما يعرفوا يعبروا عن مشاعرهم عادي خلي الموضوع ولا تنكدي على حالك وانبسطي اهم شي انه مو مقصر عليكي بشي ويعطيكي كل حقوقك كاملة

 

[ضحكت الدنيا1]

اغلب الرجال كذا
شوفي افعاله
اصلا معروف الرجل نادر يقول كلام حلو

 

[سوسيتا 515]

طيب جربتي تباااااااااااادري أنتي ؟؟؟
أو حتي تطلبيه مو هو زوجك حلالك ..أطلبيه مثل العشيقه ... مثلاً إذا شفتيه داخل الغرفه إلي إنتي فيها قولي بدلع واااااااااااااااي تصدق اشتقت لحضنك تكفى تعال ضمني حبيبي ,,, ومثلاً وأنتي تطبخي أو تشتغلي وشفتيه قولي ... وربي أنهد حيلي تعال أعطيني بوسه أجدد طاقتي .. وبعد لبوسه قولي يااااااويلي هلحين بأشتغل البيت كله ..
أنصحك مااااتنتظريه أبد حاجه في نفسك خذيها من زوجك ...لأنه يمكن هو بعد يقول مااااأشوف منها ولا بوسه بالأسبووووع ...​

 

[الخط الفاصل]

في رجال يعبروا عن الحب بالأفعال وهذا هو المهم.

 

[المــهــا]

ربي يفرجها علي وعليك وعلى أمة محمد صلى الله عليه وسلم

 

[lattof]

انا زوجي ما يعبر عن مشاعره نادر ما تطلع منه كلمه حلوه بس افعاله توضح لي انه يحبني بس والله بعض الاحيان اصير مثلك متحطمه واقوله ويقولي كلام حلو اذا قلته واضحك عليه وهو يضحك ويقولي شفتي ضحكتي قلت لاني مش متعوده منك الكلام هههههههههههه الله يوفقك ترى اشغال الحياه كذا تخلي الواحد ينسى حياته
​