بادئ الموضوع تاريخ البدء
  • المشاهدات 743
  • الردود 6
الحالة
مغلق و غير مفتوح للمزيد من الردود.

غتالي

New member
إنضم
8 ديسمبر 2006
المشاركات
5
مستوى التفاعل
0
النقاط
0
السلام عليكم ورحمة الله وبركاته


انا عضوه جديده .. حبيت اشاركم معاكم في هالقسم ..


ــــــــــــــــــــــــــــــــــــــــــــــــــــــــــــــــ


..

..

المهم ببدا في الموضوع على طووول .. انا دايما يوم اسير السوق او اي مكان فيه زحمه .. اتلعوز بالغشوه والنقاب والشيله ..
وعيست من كثر ما اشتري نقابات ومالبسهن .. وعقب تفكير وعصار مخ توصلت لشي مريح .. ومرتب حتى في اللبس .. وفكني من النقاب والرباط اللي فيه وفكني من الغشوه اللي يوم ارفعها اطيح عني ولازم ارد اتلثم بالشيله عقب .. فصلتلي شي ومستحيل استغني عنه ..

فصلت شيله مخيوطه كامله .. مايظهر منها الا الويه بس ..( شرات الحجاب اللي يلبسنه خواتنا في مصر وسوريا )..
وخيطت من فوقه غشوه رضفين .. الغشوه مخيوطه في الشيله او الحجاب والله ماعرف شو اسمه الضبط ..
وتعرفون النقاب اللي ايي بروحه شرات اللثام .. شريت منه ..
وركبتهم كلهم على بعض .. والحين براويكم الصور ..

السعر 100 درهم ..
هذي الشيله او الحجاب ..

(2)
هي الغشوه ..(من ورا)

(3)
وهذا النقاب او ( اللثمه)

(4)
وهذي الصوره كامله عقب ماتلبسين الحجاب ويا النقاب وتتغشين فيهم ..
[/COLOR]
هني مع اللثام

وهني منزل اللثام .............

ملحوظه : لا أحلل كل من تنقل افكاري او تقتبس منها او تنسبها الى نفسها او تنقلها الى غيرها بغرض تنفيذها لا أحللها الى يوم القيامه ..
وقبل ماحط التفاصيل بشرحلكم طريقة لبسها ..
شفتي فتحة الويه .. نزلي الغشوتين عليها وخشي راسج في فتحة الويه وانتي بعدج منزله الغشوه لاترفعينها .. واتحكمي بالفتحه يعني لو تبينها يبهتج طالعه ولا تنزلينها وتتحجبين فيها ..وعقب ماتثبتين هالشي ..
هاتي اللثمه ولبسيها .. بحيث انه الاستيك ايي علىالشيله من ورا وعقب ماتثبتين اللثمه رفعي الغشوه .. وبتكون ثابته ومعتدله ..
انا اول مافصلتها جذيه شراتج اقول شو بلاني تبهدلت بس يوم ثبتتها طلعت جنان ومرتبه والاهم انها مريحه وماتلعوزني يوم اسير السوق ولا مكان عام ..

بس قبل كل شي بغيت اشرح التفاصيل على العام .. وياليت اي وحده تبا منه الغشوه اطرش لي رساله خاصه وتكتب فيها
الاسم
الاماره
الرقم

وبتكون مدة الطلب بس اسبوع علشان الاسبوع اللي بعده ببدا بتوزيع الطلبيات

>>الدفع والتوصيل <<
الدفع عن طريق الايداع في بنك دبي الاسلامي والتوصيل
وبيكون عن طريق شركة ايليت .. ..
هذي كل التفاصيل .. مافي شي بيكون عالخاص الا الارقام وبس ..

خام الغشوه بالنسبه للخامه .. دجى الليل .. والغشوه طولها من ورا لنص الظهر .. اذا تبين اطول او اقصر .. نسويه لج بالقياسات اللي تريحج وتعيبج
بالنسبه للنقاب وااايد بنات يسئلوني عن النقاب .. اخاف اسويلكن نقاب مايعيبكن او انه مايناسبكن وانا ماحب النقابات وااايد علشان جذه ماعرف شو المناسب ..

واتمنى من الخوات اللي خذن من عندي يعطوني رايهم ..
وبعرضلكم بعض من اراء البنات ..
اقتباس من : بنوتـــة
السلالالالالام عليكم ...
اليوم وصلني الاختراع الخطييييييييييير للأخت (( غتالي )) :icon28:


انا بصراحه ما توقعته يكون بهالصوره ماشاء الله شغل متقن ومرتب ....

اول ما وصلني جربته على طول ...والحمدلله عاللبس طلع حلو ومرتب ومثل ما بغيته بالضبببط :)

لا وابشركم بعد اللي تبغي تلبس النقاب اللي يكون مغطي الجبهه عادي انا لبست النقاب أول
وبعدين فوقه اختراع غتالي وبس طلع وايد مرتب
انا بصراحه من رأيي انها تستحق جائزة على هالاختراع لأنه صدق مريييح
وفي شي بعد حبيت اشكر الاخت غتالي لأنها ماااااااقصرت وطرشت لي الطلبيه قبل يوم الاربعاء مثل ما وعدتني ومثل ما كنت انا ابغي وبكل خطوه تطرشلي مسج.... يعني انا كنت الحمدلله مطمنه واعرف شو صار على طلبيتي وشو اللي بيستوي ....يعني باختصار ما خلتني احاتي شي ابدا ....
بصراحه ريحتني وايد في الطلب والله ياااااااااااااارييييييييييييييييييييييت كل التاجرات مثلها ....
اقتباس من : دلوعة كيفي
السلام عليكم ..
الاخت غتالي تاجرة شبه حديثه في عالم حواء..و هذا على حد علمي ..
و اوال ما شفت الاختراع ما عطيته اي اهتمام..لاني فعلاا اخاف من التاجرات اليداد ..
بس من كم من يوم تقريباا قريت موضوع الاخت بنوته..تمدح في الاختراع و تقول انه نفعهاا و وايد شكله مرتب ..!! شخصياا في البداية ما اقتنعت بطريقة الاختراع! كنت اقول في قلبي " كيف غشوة مع شيلة و نقاب"!! شو 3 في واحد ؟؟ شوو شامبوو؟ خخخخخ
من الفضول الي فيني قلت "انا شوو خسرانة؟ خلوني اجرب !! الاا اب 100 درهم!!مع اني من النوع الي يتنقب على طوول..بس لاني الحين في الشهر الثامن من الحمل<<<ادعولي بليز ..المهم نرجع لموضوعناا..لاني في الشهر الثامن قمت اختنق و ما استحمل النقااب!! احس انه النصخ (التنفس) ثقييييييل
توكلت على الله ..راسلت الاخت غتالي على اساس اني ابا غشوة وحدة ..و بغيت استفسر عن الدفع و التوصيل..
طبعاا تاجرات حواء بشكل عام معتمدين على الانصاري للصرافةبنسبة90% و انا طاري الانصاري للصرافة يطلعلي عفاريييييييييت لانه كذا مرة تعاملت وياهم و اخروا لي الحوالاات و تووترت اعصابي من غير ال 35 درهم الي يلهطونها كا رسوم!!,,فاا خلااص..صرت اعتمد على التحويل البنكي او سلم و استلم! و اضعف الايماان الجأ حق الفردان للصرافة..<<يعني اوانه اهوان !
شوفوا ردهااو احكمو انا ما بقول شي
شفتوا ناس شايفين خير مثل هالانسانة؟
..انا كنت ناوية اسوي غشوة وحدة مثل ما قتلكم في البداية..اب 100 درهم
لكن عقب ما شفت العين المليانة و شفت الاخلاق و التعامل الراقي طلبت بدال الغشوة غشوتين!..200 درهم
و في اقل من اسبوع وصلوني(سلم و استلم باليلايت 20 درهم بس) ..و الاختراااع يحتاج براءة اختراع الصراحة ..
الخامة؟ روووعة ..باردة و تناسب صيفنا الي يفطسسسسسالغشوة ؟ في قمة الترتيب ..توصل لين بعد نص الظهر و تستر الكتف
الشيلة؟ خفيفة و باردة ..و على فكرة تقدروون تلبسون تحتها الامطة او النقاب ابو جبهة
النقاب؟ هوه النقاب ابو مطاط الي ممكن تتحكمون فيه..تنزلونه وقت الاكل مثلااا و ترفعونه وقت ماتبون..و خفيف و ناعم ..
على فكرة..مرة كنت ابا اشتري هالنقاب المطاطي و طلع اب 50 درهم ..و الغشوة بروحها مش اقل عن ال 100 درهم..و الشيلة اقل شي 50 درهم !!!!..
و الاخت غتالي تبيع الشيلة+نقاب+غشوة<<<مع خياطتهم =100 درهم! ماقول غير الله يباركلها في رزقهاا و يستر عليهاا مثل ما حبت الستر لغيرهاا..و يكثر من امثالهاا...فعلا من التاجرات الي لي الفخر اتعامل وياهم و اكسبهم خوات ..^_^
احبج في الله اختي غتالي ..و اشكر الاخت بنوته على توضيحهاا ^_^
و انصحكم..اشتروا اختراع غتالي ..لكم و لاي حد تعزونه ..تراه عملي جدا ^_^ و باارد و ما يتحسون فيه من كثر ماهوه بارد و خفيف و ساتر في نفس الوقت
سلملم
اقتباس من : غيــوض
السلام عليكم ورحمة الله وبركاته.. خواتي الغاليات يمكن تستغربون مني لاني اول مرة اطرح موضوع في القسم التجاري ... لكن مب بقصد المتاجرة لا بالعكس ودي اشكر تاجرة هنيه معاكم وقبل ماتكون تاجرة فهي أخت عزيزة وغالية علي وبالفعل اكتشفت غلاتها بعد ما انصدمت في كثير غيرها... عالعموم انا طلبت منها الغشوة اللي هي تسويها وبالفعل من غير حتى ما اطرشلها المبلغ لان قلتلها ودي يكون الدفع عند التسليم لظروف خاصة فيني وهي رحبت فيني وما ترددت أبد ويزاها الله خير وصلتني الغشوة وكانت من أحلى مايكون بس كان عندي ملاحظات عليها هي ادرى فيها لكن مب بخصوص التصميم اوالشكل بس كان القياسات شوي مختلفة وابد ما تأففت بالعكس قالت رديها وانا ابدلها لج بالمواصفات اللي تبينها والله انها حتى قالتلي لا تدفعين للشحن انا بحاسبهم.. ماشاء الله عليها وما كانت تقطع أبد بالمسجات عشان تتطمن على الطلبية جان وصلت أو لأ.. المهم رديتها وبعد أسبوع وصلتني الغشوة اليديدة وهذا الكلام كان من فترة وكانت روووووووووووعة ووايد حلوة عاللبس... وحبيت أشكرها بس مالقيت الوقت المناسب لهذا الشي وخبرتها وهي ماشاء الله عليها قلبها كبير وقالت ولايهمج أختي... لو بقول مابوفي في حقها.. أنسانة بمعنى الكلمة وتحب الخير للكل لو إن الصفة هذي انفقدت عند الأغلبية... ومن ذاك اليوم وهي أخت غالية علي وأحبها في الله من كل قلبي.. والله يديم الأخوة بينا ياااااااااااااااااااارب...
وفي النهاية أقولج مشكووووووووووووووووووورة حبيبتي غتالي وربي يوفقج ويسعدج ويهنيج إن شاء الله...
والسموحة عالإطالة...
غيــــــــــــــــــوض
اقتباس من : الغـلا كـله
بصراحه الاخت غتالي قمة فالتعامل والذوق والاخلاق
وانا وحدة طلبت منها الغشوة وكانت رهييييييييييييبه
وما اتلعوزت في لبسها الحمد لله والاحلى اني افتكيت من طفرة الشيله والتفافها حول رقبتي وانا فالسوق
بطريقة تخليج تفطسين حر غصب
والحين ياسلام ولاكأني لابسه شيلة وناسه انا اكره ماعندي شي يلتف حول رقبتي احسني مخنوقة
يزاج الله خير يا غتالي والله لا يحرمنا من ابداعاتج
اقتباس من : عطور
روووووووعه الصراحه وصلتني الغشووووووة البارحه
وجربتها .. وع طول عرفت الطريقه بدون اي تعب
روووووعه الصراحه مريحه وساتره وانتي الي تتحكمين فيها
واريح عن النقاااااب بعد
وما تحدد شكل الوجه وهذا الاهم
جزاك الله خير اختي غتااالي وبارك الله فيج
تروحين وترجعين بالسلامه ان شاء الله
اقتباس من : روح العطور
مرحبااااا
انا طلبت غشوة من الاخت غتالي وبصراحة ما قصرت وطرشتلي اياها على الموعد وهي كلها ذووووق في التعامل الله يوفقج ويوسعلج رزقج انشاء الله
الغشوة فكرتهاااا واااايد حلوة عجبتني مشكوووورة يالغالية وننتظر المزيد من اختراعاتج وافكارج الحلوة
تحياتي
روح العطور
اقتباس من : UmSawaf
مرحبا الغاليه
عسااااج بخير
حبيت ابلغج اني استلمت امس الغشووووه بس للاسف مش مثل ما توقعت ومش مثل ما خواتي مدحوهاااا
الصراااحه مستحيه اقولج اني ما
.
.
.
.
.
.
..
.
.
..
.
.
..
.
.
.
.
.
.
.
.
.
..
.
..
.
..
.
.
..
.
حرااااااام خواتي قصرن بالوصف الصراحه جناااان وخفيفه ومريحه اتجننننننننننننننننننننن
واتريا متى بطلع اريد اكشخ فيها
ولبسته بعد مع المقرون الي مسكر من الجبه طلع مرتب
والصرااحه يبالج شهادة تقدير
وهذه شهادتي لج وان شاء الله ما اكون قصرت معاج
اقتباس من : بنت_البنات
مشكورة عيوني الصراحة ما قصرتي تعبتج وياية ربي ايوفقج
الصراحة اختي عيبتها وووايد وما عليج قصور الغالية
وحتا بتخبر ربيعتها المدرسات اتعرفين الحينة بداية العام الدراسي
ربي ايوفقج الغالية​
اقتباس من : assami_hor
الغالية أنا استلمت الغشوة وما شاء الله عليها روعة وعن جد عجبتني وايد وهي فعلا ساترة لاني كنت مفكرة البس عباءة الراس بس الغشوة كانت البديل عنها
جزاج الله خير والله يوفقج ويسدد خطاج
اقتباس من : الغلـــــا
هلا وغلا....................
بدون اي مقدمات بدخل في الموضوع ,.,.,.,.,.,.,.,.,.,.,.,.
انا استلمت غشوه غتالي 3 في 1 وبصراحه ما كانت حلوه والخياطه ما كانت زينه
ويوم لبستها ما كانت حلوه علي لدرجه ريلي تغيظ علي وعلى خساير الفلوس ...
وهالكلام قلته للاخت غتالي عالخاص وهي زعلت مني والمفروض ما تزعل لاني
قلت الحق وانا مااحب اجامل واغش .............بس الظاهر الاغت غتالي ما عرفت الحقيقه
وما قدرت تفهمني ..........علشان جي قررت اكتب عالعام واشرح رسالتي لها بالكامل
وحتى كلامي اللي فووق ....................خلينا نركز عدل في الكلام .........................
------------------------
انا استلمت غشوه غتالي 3 في 1 (( هيه استلمتها امس ))
وبصراحه ما كانت حلوه (( لانها كااااااانت رهييييييييييييييييييييييييييبه ))
والخياطه ما كانت زينه (( الا كانت قمه في الابداااااااااااااااااااااع ))
ويوم لبستها ما كانت حلوه علي (( كانت تخبل علي وحسيت بعمريه رززززه صدق ومررررريحه ))
لدرجه ريلي تغيظ علي وعلى خساير الفلوس ...(( تغيظ على الفلوس اللي كنت ادفعهن طول هالسنين على باقي الغشاوي والنقابات ))
والله يا غتالي اني اول مااستلمتها جربتها وما عرفت كيف خلاف تذكرت طريقتج وطبقته وخليت الغشوه نازله عاليبهه ولبست اللثاااام يااااااااااااااااي رووووووووووووووووووووووعه
والله افتكيت من الشيله انا اكره ما عندي الشيله لانه مية مره في اليوم ايلس اعق الغشوه واعدل الشيله الحينه خلاص ما شي شيله ..........................ووداعا للحررررررررر والخنقه ............
ريلي ما يداني النقاااااااااااب مووول وانا مااداني الغشوووه موووووووووول
بس الحينه مع اختراعج ارضيتي كل الاطراف يعني غشوه يرضي ريلي ونقاب يرضيني
وهذي شهاده مني لج ......................
اقتباس من : أم التوووت
السلام عليكم ورحمة الله وبركاته


عساكن بخير حبيباتي



اليوم انا داخله وانافس الاخت غتالي حبيبتي في منتجها الحصري خخخخخخخخخ

المهم اخاف اطول السالفه ويعلق الكمبيوتر ويضيع الموضوع وانا عاد راعيت طويله ما اخلص

عندي بوالعيال الله يخليه لنا ممنوع لثمه او خمار عشان انه يسوي فتنه وعشان بعد يغااار
ياربي ومثل ماقلتن موت حر فطسه شيله ونقاب وغشوه ولا نقاب بوقشوه وهات يامصارع إذا شاله العيال والبنات اعتفس فوق تحت عاد انا عجبتني فكرة الاخت غتالي وطلبت منها اختراعها العجيب المريح
انزين وين المشكله ؟؟؟؟ ممنوع الحواجب تطلع انزين شو اسوي ارتحت لشيلة غتالي
قمت سويت اختراع يديد وتراني ما احلل ولا لبيح اللي تسوي نفسي<<<<<<:hahaha: أمزح زين
حلال عليكن جميعا
اول شي اخواتي اللي اشترت الشيله 3*1 من الاخت غتالي عليها بالعافيه وملبوس الهنا والله يستر علينا جميع

انزين واللي تريد المنتج اليديد 4*1 ماعليها إلا انها تشتري اول شي منتج الاخت غتالي وبعدين تروح تاخذ بندانة راس مربعه إذا ماعندها إذا عندكن خير وبركه

انا يبت بنتي ولبستها قطعه قطعه عشان تستوعبن الشرح

بسم الله نبدا<<<<<<<<<< أول مره احط صور فالمنتدى يارب تطلع ولا اتفشل




اول شي هذي البندانه المربعه اللي مايعرفها





وهذي توته الله يحفظها لبستها البندانه ونزلتها على الحواجب وسويتها مثل الحجاب ولميت شعرها من ورا داخل البندانه





:26:

الحين لبستها الشيله 3*1 ولاحظوا ان الشيله سحبتها على ورا شوي حتى علي انا سحبتها ورا شوي عشان تثبت ما تزل لأني مادبستها وتقدرون تتحكمون فالبندانه وتنزلونها قد ماتبون ولا يطلعن الحواجب بس مش واضح هنيه عشان راس بنتي صغير فديتها




والحين لبستها الخمار





صراحه انا وايد ارتحت عليها واحسني خفيفه مرات اقعد اتحسس راسي اخاف انها طاحت من خفتها ما ادري اني لابسه شي ولا اتم ارفع وانزل واعدل


هذي السالفه وسلامتكن واللي تجرب الطريقه تحط تجربتها
الله يوفقج اختي غتالي :26: :26: وما قصرتي

ولاتنسوووني من دعائكم ... هالاختراع مابغى منه الا كل بنت تستر على حشمتها وتستفيد منه وترتاح له ..
[/B
 

om.ahmad

New member
إنضم
1 أكتوبر 2006
المشاركات
2,260
مستوى التفاعل
0
النقاط
0
رد : % ..3*1 .. %

ما شاء الله عليج شغلج مرتب..
أتمنالج التوفيق أن شاء الله..
والله يغنيج بحلاله يا رب..
 

some1

New member
إنضم
28 سبتمبر 2006
المشاركات
7,559
مستوى التفاعل
2
النقاط
0
الإقامة
Abu dhabi
عندي نفسها شريتها واستعملتها من نفس السيدة ،، وهي جيدة وسهلة ،،
 

غتالي

New member
إنضم
8 ديسمبر 2006
المشاركات
5
مستوى التفاعل
0
النقاط
0
تتهنين بلبسها غناتي
ومشكوره عالمرور اختي ..

:)
 
الحالة
مغلق و غير مفتوح للمزيد من الردود.

كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى