مريت بنفس اللي مريت فيه واشد يعني راح انصحك عن تجربه .
اولا التجئي لربك بالدعاء بأن يسخر لك زوجك ويحببك فيه ويحببه فيك ويألف بين قلوبكم واحرصي على تحري اوقات الاجابه مثلا بين الاذان والاقامه واخر ساعه من نهار الجمعه وانتي ساجده اذا تنبهت من نومك ليلا.
ثانيا استبعدي فكرة الحمل حاليا لحد ماتعرفين وضعك وتتفاهمون اكثر .
ثالثا توددي لزوجك وخليك دائما مبتسمه بشوشه استقبليه عن وصوله وبيني له انه اهم شخص بحياتك وانه حبيبك اهتمي فيه وبأغراضه واكله كأنك تهتمين بطفلك.
اهتمي بالفراش لانه مهم جدا للزوج اقبلي احيانا واحيانا تمنعي بدلع لكن لاتطولين واحيانا انتي بادري ولاتقولين استحي لان هذا حلالك وحطي ببالك ان الزوج يحب المبادره احيانا , وثقفي نفسك بمواضيع الجنس دائما لانها مفتاح للرجل والرجال عندهم نظريه ان الزوجين اذا نجحت حياتهم الجنسيه راح تنجح حياتهم مع بعض.
لاتنسين حقوقك طالبي فيها كامله ولاتتنازلين عن اصغرها لكن بذكاء ودهاء الانثى والدلع مو بالزعل والصراخ احذري.
لو زعلك زوجك لاقدر الله بيني له انك زعلانه بدون ماتقصرين بواجباتك لكن لاتطولين الزعل , وعوديه على المصارحه اذا هدت الامور وبيني له هو بأيش زعلك لانه ممكن يزعلك بدون مايقصد وبنظره ان الموضوع مايزعل.
اسرار بيتك لاتطلع ابدا حتى لامك او اختك , ولاتعودينه انك تروحين لاهلك اذا صار بينكم خلاف لاقدر الله.
اتبعي هالخطوات وراح تدعين لي لاني شخصيا طبقت اللي قلت لك وتحسنت حياتي بفضل الله كثيرا وتبدل الوضع بحمد الله.
