� ﬗ▁▂▃▅▆▇★☀二【« اجعلي حياتك لوحه رســـــام مع الورده الشرقيه»】二☀★▇▆▅▃▂▁ﬗ

[الورده الشرقيه]

� ﬗ▁▂▃▅▆▇★☀二【« اجعلي حياتك لوحه رســـــام مع الورده الشرقيه»】二☀★▇▆▅▃▂▁ﬗ

السلام عليكم ورحمه الله وبركاته
اسعد الله صباحـ / مسائكم بكل خير
لحياه زوجيه سعيده كوني افضل رسامه


ابدأي حياتك بصفحه بيضاء خاليه من الشوائب
اجعلي زوجك يرسم حياتكم ويرسم مساراتها

(وانتي عليك التلوين)

لونيها بألوان فاتحه وزاهيه وفيها حياه ابدعي بالالوان وتفنني
احمر
اصفر
اخضر
ازرق
قـــــوس قـــــزح

​

​

لونيها زي ماتحبي مثل ماهو رسمها زي مايحب
والشكل اللي مايعجبك بالرسمه لاتمحينه بالاسود
لاامحيه بالابيض او اخفيه بالابيض
بالحيله وبدون مايحس ان رسمته اختلفت
هذي هي الحياه الصحيحه
طبقي هذا الشي لحياتك

رسم لك الغضب لونيها بالوردي للهدوء
رسم لك العنف لونيها بالابيض للسلام
رسم لك البخل لونيها بالاخضر للخير والعطاء
رسم لك الخيانه لونيها بالاحمر للحب
رسم لك الزعل لونيها بالاورنج للعتاب

واستخدمي طريقه التوريه بالالوان
اذا لم يعجبكي اي جزء من الرسم استخدمي التوريه بأضافه هذا الجزء لجزء اخر جميل
وتكون كلها بلون واحد

يتبــــــــــــــع....

​

​

 

[ღ لحن الحياة ღ]

مـاشـــاء الله بدايـــة مشوقـة .....ننتظرك غاليتي ​

 

[الورده الشرقيه]

[URL="http://www.nsaayat.com/up/uploads/nsaayat6af44678d7.gif"][/URL]​

اتمنى انكم فهمتوا علي القصد والمعنى
يعني حياتك ورقه بيضاء في بدايتها لاتخلين فيها الزعل والكره والغضب والافعال المشينه هي المسيطره
والغالبه على الرسمه
حاولي تدارين على هذي الصفحه
حطي فكره في بالك انها هذي الورقه ماراح ياخذها الانسان الامره وحده بالعمر
يعني لونيها صح
خليها كلها رضا الله وحب وموده ورحمه واحترام وكرم
وحاولي الافعال الشينه تكون افعال عابره ماترسخ بهذي الصفحه
خليك الرسامه اللي تضبط رسمتها بأفضل مايكون حتى تكوني زوجه ناجحه
[URL="http://www.nsaayat.com/up/uploads/nsaayat6af44678d7.gif"][/URL]​

يتبــــــــــــــــــــع​

 

[الورده الشرقيه]

الغضب:
اذا غضب زوجك منك حاولي قدر المستطاع ماتتكلمين وهو معصب وخليه حتى ماينهي كلامه
بعدها اذا طلع من البيت خليه يطلع لانه هذا الشيء اللي راح يريح اعصابه
بعد مايرجع كلميه بهدوء وشوفي نفسيته اذا هي مرتاحه ناقشيه بالمشكله وبيني وجهه نظرك له
وبيني اللي ضايقك منه هنا هو بيكون رايق وبياخذ ويعطي معك بالكلام وبتنحل المشكله بأسرع وقت
بأذن الله (تجربه شخصيه)
[URL="http://www.nsaayat.com/up/uploads/nsaayat56114c1c6b.gif"][/URL]​

الزعل:
اذا زعلتي حاولي تكوني صامته سوي واجباتك على اكمل وجه عشان مايلاقي عليك الزله
وحاولي قد ماتقدرين ماتكلمينه الا للضروري بس
يعني لو زعلك خوذي موقف عشان يعرف انه هذا التصرف زعلتي منه ولاتنتظرين الاعتذار ابد
ولاتعتذرين انتي لو كنتي غلطانه
(عن نفسي مااعتذر ابد بالكلام لو كنت غلطانه اعتذر بأفعالي وتجيب نتيجه حلوه مره)
وبخصوص السكوت انهي موضوعه يومين بالكثير لاتطولي اكثر عن يومين

الخيانه:
اعوذ بالله منها والله يبعدها عن كل مسلم ومسلمه لاتواجهينه بالموضوع ابد ولو شفتي صور بجواله
او مسجات او اي شي مايرضيك امسحيها مباشره هذي افضل طريقه
هو ماراح يواجهك ليش مسحتيها لانه عارف انه غلطان وحاولي تكوني هاديه ورايقه وتتعاملي بالذكاء
الله عطاك نعمه العقل عشان تستفيدي منها استغليها بمثل هذي المواقف
واهم شي ادعي رب العالمين انه يساعدك على انهاء الخيانه من حياه زوجك وانه يعود زوجك لاحضانك
مع الاستغفار لاتنسين الاستغفار قال النبي عليه السلام( من التزم الاستغفار جعل الله له من كل هم فرجا ومن كل ضيق
مخرجا ويرزقه من حيث لايحتسب)

البخل:
استخدمي استراتيجيه حلوه مع هذا الموضوع يعني ابسط شي يجيبه لك قولي جزاك الله خير حبيبي
عمرك ماقصرت علينا انا دايم اقول زوجي كريم وماعمره قصر معي ولاعمره نقص علي شي
الله يطول بعمرك ويخليك لنا وانتي اقنعي نفسك بهذا الشي شوفي الافعال الحلوه اللي يسويها ويجيبها لك
وانسي اذا رفض لك طلب وقولي بنفسك هو مارفضه الا انه يشوف ماله حاجه ولا اللي نحتاجه
عمره ماقصر فيه جربي هذي الطريقه وبتلاقين نتايج حلوه بس مو مره تسوينها لا استخدميها مده
حتى ماترسخ في عقلك الباطن

السفر:
موضوع يأرق الكثير من البنات وتكثر المشاكل اذا قال الزوج راح اسافر مع ربعي
خليه يسافر مره مرتين ثلاث وبخلال هذي المده استخدمي طريقه العقل الباطن اللي قلت عنها
من شوي قولي تعجبني حبيبي تحب تسافر فينا وتونسنا وقولي الحمدلله يارب انت مو راعي سفر
مع اخوياك كثير هي كم مره كانت بخاطرك وسافرت انت تحب عايلتك وتحب السفر معهم
وكل وحده تعرف نمط زوجها وطريقه التفاهم معه
عن نفسي ماارتحت من السفر مع ربعه الا بعد الدعاء والاستغفار الحمدلله يارب

السهر:
ايام الاسبوع حاولي تجذبينه بدون عصبيه للبيت مع ان السهر اغلب شي يكون بالويك اند
وباليوك اند خليه يسهر وياخذ راحته وانتي اسهري مع اهلك واللي تحبين وانبسطي
لاتضيقين عليه خلي له مساحه مع نفسه عشان يقدر يعطيك وقت ماتبغينه
ونصيحه من اخت محبه ربع ساعه راحه وحب مع زوجك
ولا يوم كامل كله نكد وهواش

الجنس:
نفذي له كل طلباته بالجنس دون ماتقرب للحرام والدبر ودايم كوني نظيفه ومتجهزه بأي وقت
واريح شي الليزر للمنطقه الخاصه ماادري عن اضرارها بس هي افضل شي
لاترفضين زوجك دايم ترى بيدور غيرك انتبهي وخاصه لزوجات الجنوبي انتبهوا

الكرامه:
هنا لاتخلين زوجك يهينك ابد ولايتكلم على اهلك نهائي بشي شين انتي لاتهينينه ولاتهيني اهله
ولاتتكلمي عنهم بالاشياء الشينه هو راح يخجل من نفسه انه يبادلك عكس تصرفك

الاحترام:
بالنسبه لي اشوف الاحترااااام اهم من الحب بكثيــــــــــــــــــــــر
وش فايده الحب بدون احترام والله ماله فايده فيه بعض البنات الله يهديهم
من تتزوج تخلي حياتها كلها لزوجها من الى حتى مايدوس عليها ولاعاد يحترمها
هنا تجي وتبكي انا كنت اشيل جزمته من رجوله انا كنت انقع رجوله بمويه وملح
واجلس تحت عند رجوله معليش ياقلبي محد ضربك على يدك وقالك سوي كذا
هو له يدين ورجلين ويسوي هذا الشي التدليع شي والذل شي ثاني انتي انتي اللي فتحتي له الباب للذل
ولاتسمحين له يقولك كلمه شينه من اول مره عطيه انذار وافضل شي نظره حاده من عيونك
يعرف قد ايش هو غلطان

الغموض:
كوني غامضه مايعرف عن حياتك الخاصه ولاعن حياه اهلك شي خليك اللغز اللي دايم يحتار فيه
خليه يحتار كيف يحل ألغازك بس بدون ماتحولين الموضوع لشك انتبهي
يعني مثلا انتي عضوه بهذا المنتدى وعرفتي الانماط وكيف تتعاملين معه لاتقولين له كيف عرفتي
طبقي وبس لانه بعض الرجال الله يهديهم لو شاف كيف عرفتي تتعاملي معه بيقول مو منها من هذا المنتدى
يعني امورك الخاصه مو لازم يعرف عنها وانتبهي لاتقلبينها شك انتبهي​

​

ولاتنسون الصلاه ثم الصلاه ثم الصلاه والدعاء والاستغفار
كوني مع الله بالرخاء يكون معك بالشده

انتهــــــــــــــــــــــــــــــى....​

 

[رحـى]

مساكِ خير وبركة,,
متــــــــــــابعتك بكل الود,,
ومعي جميع الألوان الرائعة الآن,,
من قبل,,كانت فقط أسود بدرجاته,,
والحمدالله,,تغيرت للأفضل,,

 

[ღ لحن الحياة ღ]

تسلـم أنــاملك ماشاء الله كتبت فأبدعتــي

وجعلتيني أعيــش في أجواء الألوان​

 

[واثقة]

والشكل اللي مايعجبك بالرسمه لاتمحينه بالاسود
لاامحيه بالابيض او اخفيه بالابيض
بالحيله وبدون مايحس ان رسمته اختلفت
هذي هي الحياه الصحيحه

ربي يسعدك

أفكار راقيه وطرح متميز


الصبر والهدوء والتصرف بذكاء مفتاح الحياة الناجحه..

 

[:. لحـظـــات .:]

أبدددددددددددددددددددددددددعتي

ما شاء الله

 

[الملكة ع]

مساءك كلها ألوان جميلة مثل اللي عرضتيها لنا

ربي يجزيك كل خير حبيبتي موضوع شيق جدا بس كنت اتمنى لو تكتبين بألوان واضحة في بعض الكلام مش واضح

شكرا لك

 

[تغيرت للابد]

موضوع بجد رائع سلمت اناملك

 

[اهديك عمري]

ماشاء الله تبارك الرحمن
طرحتي فاابدعتي
بارك الله فيك وجعله في ميزان حسناتك ​

 

[واقبلت العروس]

جميل جدا
جزاك الله الفردوس الاعلى

 

[admant7bak]

•
•
ماشاء الله
أبدعتي
يعطيك العافيه
•
•​

 

[مرووشة]

ماشاء الله ...
ابداع ....

 

[مرووشة]

ما شاء الله ....
ابدعتي .....

 

[مغريه]

تسلم ايدج يالغلاااا
جزااااج الله خير

 

[سكررره**]

كلام في منتهى الروووووووووعه
تابعي ونحن بانتظارك وجالسه اطبق كل كلمه بحذافيرها
اسلوب بسيط وسهل للتنفيذ
جزاك الله الف خير ​

 

[وردة الحنون]

كلمات رائعه
موضوع مميز
سلميت يمين من خطت وكتبت فابدعت​

 

["وردة الشتاء"]

ماشاالله تبارك الله
رااااااااااااااااااااااااااااااااااااااائع
لافض فوك..​

 

[خفايا النفس]

ماشاءاللة ابدعتى عزيزتى فى هذة الوحة الجميلة انتى رائعة فى ذوقك وفنك حفض اللة اناملك نطمح المزيد جزاك اللة كل خير