جميله وجذابه
عنيزاويه
الصلاه
حبايبي جبت لكم شي حلو عن الصلاه
ابعلمك السر كيف انا صرت من صغري احافظ على الصلاه
مع اني غربيه والاقي نزززاع مع الصلاه في وقتها
طبعا بما ان الغربي ملووول
يمل من الصلاه
واذا انه مل من الصلاه ضعف ايمانه
اذا المشكله مع الصلاه
مشكلته انه يمل
ثاني مشكله مشكلته مع الانتظام والالتزام بالوقت
الغربي اذبحيه ولا تلزميه بوقت معين
طيب
بما اني غربيه كيف قدرت اسيطر على الملل
طبعا بالرهبه ! والطمع في الثواب
طيب الرهبه كيف نوجدها داخل قلب الغربي
وكيف تخليه يطمع في الثواب !
طيب بالنسبه للالتزام كيف اتخلينه يلتزم بوقت الصلاه
,,
,,
,,
,,
هي كلمتين ورد غطاها
وتراها للجميع !!
مو بس الى جميله وعنزاويه والى الغربين لا
,,
,,
انت ايها الرجل الغربي
بالضبط تصحى من النوووووم الى دوامك الساعه خمس
الصبح
كل يووووووووووووم كل يوووم !
ليش !
لان هذا عمل
لان بيفصلونك
لان بيعطونك انذار
لان هذا العمل منه تعيش
منه تاكل وتشرب وتلبس وتروح وتجي !
منه تقضي مسؤولياتك مع نفسك واهلك وزوجتك واولادك
منه تمتع نفسك والرعيه !
ليش تلتزم بوقت قعدتك من النوم ولو تأخرت ربع ساعه الا انك ماتتعدى عن الساعه خمس
هذكي صارت خمس وربع بس هذا حدك
طيب الصلاه لها حد ! مايصير انك تتأخر عنه
طيب يعني قعدت الصبح حلوه !
يعني الدوام حلو !
يعني المشوار حلو !
يعني زحمه الشارع حلوه !
يعني الكدح والمدير وكل شي حلو !
مافي منفصات !
انتووو يانساء
ليش قبل لا يجوون ازواجكم من الدوام لازم الغذا زاهب !
لانه لو مالقى الغذا زاهب ياويلك منه ! بيكون جوعان وتعباااان وبيحط كل شي عليك وفيك
ليش كل يوم تصحون بس علشان تصحون اولادكم لمدرسه ,الى روضه الى غيره وغيره
ليش !
ليش الالتزام في هالاموووور !! او غيرها من الاموووور
وليش عدم الالتزام في الصلاه !!
ترا احنى بعض الاشياء نلتزم بوقتها وحضورها مع ان هي مو واجبه ,, بل الصلاه واجبه !
الصلاه لها حررررررررمه وحرمتها ماتعدل شيء
الانسان يوم القيامه يحاسب اولا على صلاته ثم على باقي الاعمال
آثر الصلاه على الانسااااااان في الدنيا وفي الاخره
يكفي انك الانسان اللي مايصلي يموت عطشان ووجهه اسووود
يكفي دود القبر بياكله اكل لو ماكان يصلي
الصلاه اذا الانسان صلاها وانزاح ثقلها من على ضهره مفروض يقول الحمدالله ان الله وفقني لصلاه وصليييييييت
يكفي الانسان يستشعر اللذه اللي تحصل بعد ما الانسان ينتهي من صلاته
هذي النقاط بالضبط من بد كل النقاط اللي خلتني احب الصلاه ما اتأخر عنها
انا غربيه واطمع دايما للافضل في حياتي
واحب المضاهر واحب الزقرت والحركات والكووول
وحتى يوم القيااامه ابغى اكون افضل الناس اعماااالا
يالله تبلغني الدرجه الرفيعه ووياكم يارب اجميعن
,,
يأثر بي ان اموت ووجهي اسود
يأثر بي ووواجد اني اموت عطشانه ذليله حقيره
يأثر بي واجد القبر واهواله
يأثر بي واااجد يوم التغابن
ما اتحمل ان يكون فيه احد ارفع مني درجه
يأثر بي واااجد لما اختلي بنفسي وافكر
ان التزم بحضور حفله بنت خالتي لانها بنت خالتي وواجب علي احضر وابارك لها
وان مايصير اتأخر اخاف تفوتني الحفله
وماتجي 10 ونص الا وانا في الصاله ابي الحق اشوف كيف تدخل العروس
واطلع اخر الناس
وبينما الصلاه اتهاون فيها
ولا مو بس كذا
ولو ما رحت اتفشل واقعد اقول يو ياربي مارحت ومدري وش بعد
والله بنت خالتي تستاهل وخالتي تستاهل
واخاف خالتي تشره علي وبنت خالتي تعتب علي
واذا رحت لهم بعدين استسمح منهم واتعذر واشرح ضروفي اللي صابتني ومنعتني عن الحضوووور
واقول لهم اللي في قلبيي ان اتمنيت اجي واوقف معكم بس ماحصلت لي فرصه
بينما مانستغفر من رب العالمين على انه اعتذاررر عن تقصيرنا
والمشكله انه تقصيرنا في حقوق انفسنا
لان رب العالمين سبحانه لا يضره سبحاااااااانه وتعالى ان انتي ماصليتي او 10 ماصلوا
ولو جينا للحقيقه هي كلها على بعضها 5 دقايق الى 10 دقااايق ماتطول عندنا احنى اكثر من كذا
..
5 دقايق ؟
ليش ما اصلي والله عطاني يد اكتب فيها وعين اشوف فيها واذن اسمع فيها ولسان وصوت ولا احلى وعطاني بياض وعطاني دراسه وزوج وصديقات وعطاني هالمنتدى الغالي وشرفني فيكم
ليش ليش ليش ما اصلي !!
ليش ما اقول الحمدالله حتى ولو قلت الحمدالله على كل حال
ترااااااااااااا لو تعدوووو نعم الله ما حد قدر يحصييييييييييييهاااااااااااااااا
لا والقهر ان الانسان لما يموووت يشوف هالدنيا وهالسنين مجرد ساعات واياااام
في ايه في القرءان الكررريم
تخبر بأن عدد السنين عند رب العالمين تساوي عدد السنين عندنا , مما تعدوووووووووووووووون
تخيلوا !
لو يقولون لنا اقعدوا في الشمس وهالرطوبه ساعه وحده وبنعطيك 3 ملايين
بتقعدي ولالا
اكيد بتقعدي
مثل الدنيا الدنيه
والله العظيم بنشوفها مجرد لمحااات وثواني تمر علينا اذا متنااا وصرنا في قبورنا بلحالناااا
وبنتحسررر نقول كان زين هالساعات سوينا فيها شي مفييييييييييييييييد
تراها مجرد ساعات !
وموفقين
دعواتكم
