مساء الخير ياعمدتنا
انا من زمان معكم لكن متابعه
عجبتني ردودك وعقليتك
الله يوفقك ويسخر لك زوجك واابنائك
انا جنوبيه شرقيه وزوجي جنوبي غربي
مليت من تقلب مزاجه عجزت اتحمل مره ياسلام رومنسي ومره جااد وينقلب بالدقيقه انجرح من كذا اكون مستانسه بعدين اذا انقلب اتنرفز
وكذلك حبه للجلوس لوحده ويمل منا بسرعه ويفضل اصدقائه علينا
وعناده تخيلي اذا عصبت وهو نايم ابيه يصحى يعاندني وينام اليوم كله بس لاني صحيته ولزمت ماتركته يصحى من نفسه مدري كيف اتعامل معه
كذلك سرعته في اتخاذ القرار
مثلا فكر يسافر بنفس الدقيقه يقرر ويركب ويمشي مااعرف
مايفكر قبل بايام ولايخطط لسفره ينرفز احياننا اكون موديني زياره لاهلي جايه منه مافكر بشي فجاءه يقول ترى بمشي مع صديقي الحين قررنا نسافر
وكتوم اسحب الكلام سحب منه تصير اشياء عند اهله اخجل مثل احد مرض او زواج يستغربون انه ماقالي
حتى عزومه يقولون له مايقولي الا قبل بيوم او بنفس اليوم
انا جدا مليت من طبعه رغم كرمه وحنانه بس فوضويته وحساسيته الزايده جدا وتقلب مزاجه يشتتني
انا حساسه لاني جنوبيه وهو متقلب المزاج
انا احب التخطيط لطلعه او سفره او عزومه وهو مستعجل وفوضوي
انا احب الاقتصاد ومايحط ماله الا بعد تفكير وهو مسرف ويقرر ويشتري لو غالي يتركه بمجرد مايمل منه
انا صريحه وهو حساس
انا احب السفر والاتيكيت وهو يحب البر والبساطه
انا اعشق النقاشات والجدال والتحدي وهو يختصر ويعتبر النقاش عناد وتدوير للمشاكل
احب اكتشف واعرف وهو يحب الروتين ومايحب المجازفه
احب التمشي والخرجات وهو بيتوتي حتى بالسفرلو بكيفه مايطلع من الفندق
احب اغير بالاثاث وهو مايحب يصرف ولا قرش على اثاث يقول ماله داعي كمليات يشتري المهم بس ماتعنيه الشكليات ابدا
مايهمه الذوق
اذا طلبت رايه بمحل عن تحفه او شغله للبيت وشاورته وبطبعي جنوبيه ابيه يشجعني يقول مدري خوذي الي تبين بسرعه وخوذي الضروري لا تخربطين وهو عادي يخربط لسيارته
مايهتم للبسه ابدا صحيح نظيف بس مايهمه اخر الموديلات او غالي او رخيص ولا يشكل عطورات او ترنقات لو يكرر اللبس عشر مرات ماهمه يمكن ماكد شاف وجه بالمرايه
مايحب التجديد ويحسه اسراف
يبين اتحمل مسولية كل شي افكر للبيت واخطط وبس اقوله هات وخذ مايتضايق مثلا اذا اخترب شي بالبيت مايتضايق ويصلحه خلاص اخترب اخترب لو ايش ماكان غالي
وابداء الراي عنده عناد ولو ماابديت رايي قال قولي رايك مادري وش الحل معه
مليييت
وش اسوي وجهيني:8:
