【★】تجمع حوامل الشهور 6,7,8,9,حياكم【★】

الحالة
مغلق و غير مفتوح للمزيد من الردود.
يعني ناويه تحملي <<<هههههههههههههههههههه


الله يرزقك يارب مافي احد يكره...
 
هههههههههههههه حرام عليك مو ألحين أحمل شوي هو لازم لازم بس نأخره شوي ..
روحي أنا لما رحت المستشفى رحت من الألم يعني مانزل علي شي لا دم ولا مويه وكان الطلق حاااااااااااااااااااااااااامي يعني ولاده ومع هذا ماولدت إلا بعد 12 ساعه من يوم فتح الرحم 1 سم ..
المهم حبيبتي إذا كان معك ألم قوي ومنتظم روحي المستشفى أو إذا صار ينزل عليك دم ومويه وبأقولك ع حاجه كل وحده تختلف عن الثانيه في الولاده الله ييسر عليك ..
 
بنت الدرر مافهمت عليكي..
انا حامل اقولك بالشهر التاسع؟؟مافهمت قصدك<<مدري ردك لي ولا لمن ههههه
 
روحي تحبك!! قال:
بنت الدرر مافهمت عليكي..
انا حامل اقولك بالشهر التاسع؟؟مافهمت قصدك<<مدري ردك لي ولا لمن ههههه
أنقر للتوسيع...


لالالالالا ياقلبي ما اقصدك

انتي لسه ما ولدتي ...خلصي واولدي بعدين نقول عنك هذا الكلام :31:



أنا اقصد الاميره وبس لانها والده وقريب تخلص الاربعين الله يتمم لها ولنا يارب
 
احس بطني قاسي والم اقدر اتحمله ؟؟؟؟
ياربي وش تنصحوني اشرب يمكن يزيد الالم علي؟؟وانا جالسه اقرا الادعيه..
بنت الدرر سامحيني على اللقافه حسبتك تحاكيني..
 
آمين يادروره الله يتمم لي وللجميع ع خير ..
روحي أقري آيات تسهيل الولاده والله ييسر عليك يارب ..
 
صباح الخير ياجماعة
اخباركم اعلومكم ؟؟
انشاء الله بخير​
 
بنت الدرر الحمدلله على سلامتك والله اللي صار عليك مشابه للي صار عليا بس انا ماصبروا على طول قيصريه الحمدلله والشكر

اشوف بنات الشهور 1 2 3 صايرات يدخلوا هنا هههههههههههههههههه
مالكم متلهفات على الخرعه والطلق؟؟؟

عضوده حبيبتي دعيت لك امس بالمطر انتي وميسو وشمشونه المسكينه واجمل عيون وكل الحوامل ربي يستجيب لدعواتنا لبعض بظهر الغيب

ميسووو اليوم معاك موعد مفروض تطمنينا ان شاء الله على خير
 
كروشات باقي لي اقل من 5 ايام واخلص التاسع ولا في اي بوادر شالحل ... تهئ تهئ
 
مساء الخير كيفكم صبايا

انا طالعه لموعدي الحين الله ييسر0000
بشرينا عضوده عن موعدك000 نشوف منهي الشاطره الي تولد اول000 الله يسهل
 
بنت الدرر قال:
اكتب لكم قصة ولادتي احسن ..



أنا كنت اروح اكشف ويكون معاي ألم خفيف وجلست اسبوع الرحم مفتوح 2 سانتي والاسبوع الي بعده قفل الرحم مره وحده

والاسبوع الثالث رجع فتح 1ونص وبعد كم يوم 2 سانتي ...المهم قالت لي الدكتوره مافي أمل تولدي ذحين لان الرحم سميك

وكان وقتها معاي الافرازات ألي لونها بني ودم غامق جلست يومين أمشي ومارحت للمستشفى المهم يوم الاحد الصباح حسيت بشد في بطني كانه تحجر

بس صبرت وقلت كالعاده يقولوا لي الرحم سميك ...الين المغرب وانا معاي شد المهم ..قمت بصلي العشاء على الساعه 9 الا وأنا بالغرفه حسيت حاجه زي الكتله نزلت مني رحت للحمام الله يكرمكم والا افرازات بيضاء وأول ما جلست على الكرسي ينفتح الكيس عليا

خرجت بسرعه وغيرت ملابسي واتصلت على زوجي لاني كنت عندي اهلي طبعا بيتي بعيد عن اهلي تقريبا 10 دقايق فا ماقدرت أصبر وكلمت اخويا ووداني للمستشفى


طبعا المستشفى بعييييييييده عن بيت اهلي تقريبا نص ساعه...! وأنا بالسياره نزلت عليا موية الجنين كلها ...! وكان الطريق مزحووووووم لانه بعد الصلاة مباشرة ..


وانا خفت اولد بالسياره لان الكيس فتح عليا...ولما وصلت للمستشفى كشفت عليا الدكتوره قالت لي لسه الرحم مافتح ( مفتوح 3 سانتي بس )

وطلعتني تنومت وجاء الدكتور وكشف ومارضي يفتح الرحم جلست من الساعه 9 الييين الساعه 12 والرحم مفتوح 3 سانتي ...

جاء الدكتور ودخل يده وبدأ يوسع الرحم ....وينزل باقي المويات ...وهذا كله والطلق كان معاي شديد ..على الساعه 12 ونص فتح الرحم 4 سانتي

وأنا اتعصر من الالم ..وجاء الدكتور يضغط بطني ومستغرب ان الرحم مافتح...وكشف على عيني لاني خلاص طفيييت ...سئلني الالم كيف معاك قلت له مررره قوي...عاد دكتورين مو واحد


المهم قال للممرضه أعطيها مسكن ومنوم ...أعطتني الممرضه وراحوا عني لان الرحم ما يفتح بسرعه ...على الساعه 2 صحيت والالم قووووي معاي...وصرت اصرخ وأنادي الممرضه ..لانس حسيت بدفع الجنين

جات الممرضه وشافتني بس والله فتحت رجلي ولسه ما دخلت يدها الا تصرخ وتقولي وقفي لاتدفعي قومي معاي وتقطع اوراق التخطيط وبالقوه تشيلني هذا كله لانها شافت رأس الجنين بدأ يطلع ..!

وعلى طول على غرفة الولاده ..وكانوا كذا ممرضه فوق رأسي كلهم يولدوني فجأه وقفت دفع ورأس الجنين بالنص حتى الجنين تعب من كثر الدفع

وسارت تصرخ الممرضة وتسحب رجلي ...وتدخل يدها وتسحب بنتي لان حيلي إنهد

وطولت وهيا تسحب ببنتي الييين طلعت خلاص احسها سحبت رووحي مني من قوة الالم ..

والحمد لله ما سووا لي توسيع ولا خياطه لان حجمها كان صغير 2 كيلو و800 جرام ...وسئلت الممرضه ليه ما خيطتوني قالت ما يحتاج


بعدها جاني الدكتور وكشف عليا وقالي مو احسن من الولاده القيصريه ؟؟

طلعوا انهم مخططين انهم يولدوني قيصري لان الجنين طول من غير المويات ..

بس الين اليوم وانا اشوف الولاده كاااابووووس ماني قادره انساها ..يارب اكتب لنا الاجر


آسفه طولت عليكم
أنقر للتوسيع...



دردورهـ حبيبتي ..


الأهم الحمدلله على سلامتك ياقلبي وسلامة البنوتة ..

والله يسهل للباقيات يارب ومايمروا باللي صابنا

ويهون عليهم ..

بوووسي صقيقة بنتي
 
يابنات رودو الله يوفقكم انا بشهر الثالث وبكريه واشياء كثيرة مااعرف عنه شي ساعدوني
 
مرحبا يا عسولات اشتقتلكم كتير بس بتعرفوا البيبي والمغص والضيوف والاهل ولانوم بعد اليوم شاغلينا ماطول عليكم راح احكي قصة ولادتي رحت لعند الدكتورة يوم الثلاثاء وحددتلي موعد الولادة الي هو يوم الاربعاء لانه زي ماحكيتلكم معي دوالي بالمنطقة الحساسة ومعاي ربو تعبت رحت صباح الاربعاء الساعه 7 وعطتني ورقة ادخل فيها ع انه صارت الموية قليله عند الجنين وطلعوني لقسم المخاض وجهزوني وحطوا جهاز القلب عشان يشوفوا نبضات البيبي وقالولي لاتتحركي جات القابلة وعطتني تحميلة الطلق الساعه 8 اجاني مغص بس بيسط واستنيت للساعه 11 لحد ماشرفت دكتورتي وسوتلي توسعه في وحده قبلي كانت تتالم من الطلق وتصرخ وانا سامعتها كان زوجي معي ناظرت فيه نظره الخوف وقولتله هونت بدي روح البيت قام يضحك علي ويقولي خلاص جهزوكي وعطوكي التحميله ماعاد يمشي الحال سكتت وتوكلت ع ربي استنوا بعد التحميلة الاولى 6 ساعات كان فاتح بس 3 طول هذه الفترة وعطوني التحميلة الثانية الساعه 4 ونص مع توسعه كمان يجيني مغص بسيط ويدخلوا 3 حريم معاهم ولادة ولدوا الجميع وانا لسه بستنى فرج من ربي جت الدكتورة وفقعتلي الموية ووسعت قوي الطلق معاي وصرت ابكي كانت معاي جارتي لانه اهلي بعيدين وتهديني وتقولي اذكري الله وابكي واقول 3 دخلوا ماشاء الله بعدي وولدوا وانا لسه وجت الممرضة وحطت محرض يقوي الطلق بالمغزي قوي الطلق معاي وقالتلي اذا ماعاد تقدري تتحملي الطلق اعطيكي ابرة وعطتني وقت طلبت منها صرت زي الحشاشة خخخخخ احكي ولساني ثقيل وعيوني ماعاد اقدر افتحها وجت دكتورتي وفحصتني وكان فاتح 5 ومع الطلقه صارت توسعلي وصرخت صرخة رجت المستشفى فيها رج من الوجع وسالتني في دفع البيبي عم يدف حكيتلها لا وظلت توسع لحد مافتح 7 وقالتلي انزلي من السريروجلسي القرفساء واضغطي وصرت ابكي خلاص ظهري حسيته انكسر ماعاد حسيت فيه مسكوني وقوموني ع السرير وعلى ادفعي واكبسي واضغطي لحد مافتح 9 وبسرعه على غرفة الولادة بس مافي حيل ادف خلاص حسيت اني انتهيت ودخلت يدها وقالتلي راسه مسكته بيدي يلا اضغطي وصرت اضغط ومن قوة الضغط تمزعت وصرخت صرخه قوية وطلع عمورة بس كان الحبل السري لافف على رقبته عشان كده تعذبت ونزل لونه ازرق كانت الساعه 10 ونص بالليل يعني طلق دام 16 ساعه بس الحمد لله ربي يسرها طولت عليكم اسفه بس حبيت انقلكم قصتي من طقطق لسلاكم عليكم خخخخخخخخخ
 
مغرورة الحمدلله على سلامتك وسلامة عموووووري الله يرزقك شوفته من خيرة الناس
 
الحالة
مغلق و غير مفتوح للمزيد من الردود.
عودة
أعلى أسفل