الجو جميـل.. اليـوم..
يستـآهل أحسـآسك
غـيم ورذاد ناعم
صبّي الندى بكآسك !
خلّي ربيع الأرض
رجلينك البيضا
وشآل السمـا ... راسك !
إمتدّي طول الكون
إمتدّي عرض الكون
توزّعي.. صـيري ..
في كل شي حولك ..
نبض ..
وصفا ..
وعيون ..
خلّي قُزح .. ريشـة ..
والدنيا كراسك !
اليـوم بامكانك .. تعيدين رسم الكون ..
على هوى جنونـك ..
وفوضـاك ..
وهوجآسك !
خلّي خيـوط الشمس ..
واللي انفذت غفله
من بين هذا الغيم
خلّيها لون أزرق
وخلّي السحاب أخضر
ولون المطـر " أورانج "
وثوب الشجر وردي
وبنفسجي فاتح لـون الغصون، والناس ..
ممكن تكون حمرا ..
ممكن تكون صفـرا ..
ممكن تكون اي لون
أختاري لون ناسك !
اليوم إنتي الكلّ ..
والكل فيك إنتي ..
اليوم كنّه جاي.. قدّك ..
على قياسك
خلّي الجنون اللي
في داخلك ينطـق
صـبي البحر فـ البر
وسمّي المواني .. شيح
خلّي نجوم الليل ..
على الدروب اتطيح ..
وتنبت على الأسفلت !
وفوق السمـا رشي ..
ياقوتك وماسك !
ولمّي اللي مِتْبعثر ..
أو بعثريه اللي .. تشوفينه متماسك !
عيدي الحياة للموت
واغريه بانفاسك
ولّا اقول لك شي ؟!
ليش ما تجين يمّي ..
نحضن سوى غيمه
نبلّل عواطفنا
وننثر ورود حمرا .. تعالي ونعتّق ..
جمال هذا الصبح
في كآسي وبكـآسك
ونشرب طوال اليوم ..
من مـآي فرحتنـا ..
مع هالمطـر ..
.. والغـيم ..
.. واحسـآسي ..
.... واحسـآسك !!!
