السلام عليكم ..كيفكم ياحلوين ...مبرووووووووك للي ولدوا وعقبال الباقين وأنا أولهم ياااااااااارب
أنا من طفشي دخلت قلت أفضفض شوية
موعد ولادتي كمان أسبوع بس مررررره نفسيتي زفت ولي كم يوم بس أبكي أدعولي يابنات ... عندي ولد وبنوته وحملي دا التالت وخايفه والله مررة
الدكتورة قبل أمس طلبت مني أعمل تصوير عشان أقيس وزن البيبي قالتلي صح إنتي والده المرتين طبيعي بس لازم نطمن لآني أعتبر قصيرة ...ومن وقتها وانا في قلق
أهلي شايفيني مكتئبة بس مو بيدهم شي أمي لماسألتني ما قلت لها السبب بس سبحان الله حاسه فيه قالتلي لاتخافي انا جايبه واحد من اخوانك 4 كيلو ما شاء الله قلت لها لامو خايفه من الوزن -ما أبغاها تقلق- بس طفشت جلست تهديني وتقولي أحمدي ربك فكري في اللي نايمين في المستشفى مايقدروا يتحركوا .... الحمد الله على كل حال
غير كدا زوجي بعيد وولدي الكبير مو داريه إيش أعمل في دراسته هو ثالث إبتدائي أغيبه ولا أرسله مع أبوه بس أفكر ألين جاني صداع
