☻ مستشارة ولا في الاحلااام ...تعالوا نضحك شوي ☻

[جيانة]

جيانه حبوبتي مشكلتي ودي زوجي يسفرني دول اوروبا وخاطري أستقر بامريكا كم شهر اكتسب لغه

شلون أخليه يقتنع

وهم مشكلتي بصير مثلج دم عسل على طوووووووووول الخط ماشاء الله تبارك الله الله يهني بو الشباب فيج

ترا مجابل الناس المرحه توسع الصدر فما هي أصول الغشمره والتنكيت يا أستاذتي الحبيبه؟

الله يقطع أوروبا وأمريكا..معاهد اللغة تارسة كل مكان بالديرة..يعني مابيحلالك العلم إلا ببلاد بوش؟؟؟؟؟
أصول الغشمرة نابعة من إن كثر الكبت يولد الانفجار!حيث إنه لم يكن هناك أثقل دماً وأكثر انطوائيةً وهدوءاً مني لدرجة إن البعض لقبني بالفتاة الصامتة!!!!!ومن يومها أعلنت التمرد
قلت يابنت اضحكي مع الناس ولايضحكون عليك!
وبعدين القريب أولى من الغريب هالبيزات اللي بتقطينها على اليهود والنصارى بالغرب عشان يعطونك لغتهم عطيني نصهم وأنا أعلمك دروس بالكوميديا!!!!!!!!
هههههههههههههههههههههههههه

 

[جيانة]

هههههههههههههههههههههههههههههههههاااااااااااي كذا المواضيع الزينة اللي توسع الصدر :shiny:​

أقول عندي مشكلة واكيد انني ساجد حلها عندك

ودي ارجع ايااااااااااام زمااااااااااااااان من حب ووناسة ورومنسية :icon26:ورسايل وهدايا :sadwalk:

وطلعاااات وسفرااااااات واكلاااااااااات وشربااااااااااااااااات خخخخخخخ ساعديني تكفين ​

لافات الفوت ماينفع الصوت!!!
ذكرتيني بنكتة وحدة قاعدة تقول لزوجها:ياليتني يامشبب جريدة وتقراني كل يوم!!!
رد زوجها:إلا ياليتك تقويم..وأغيرك كل سنة!!!!

 

[جيانة]

مستشارتي البرفسوره بن الخرافي :

عندي مشكلتين اتمنى انك تحلينها ,,

إذا غمضت مااشوف واذا شبعت ماأكلت ؟؟

سلامات ماتشوفين شر!
بس إن كانت هالأعراض تصاحبها الأعراض التالية:
إذا تكلمتي لازم تفتحين فمك+وإذاقفلتي خشمك ماتقدرين تتنفسين!! فهذا معناه إنك تعانين من نزلة معوية في البطين الأيسر الملاصق للأذن الوسطى اللي بعد الكوع الطويل وعليه الأفضل إنك تستعجلين بعملية قيصرية!!!!!!!!!

 

[umm yusuf]

ههههههههههههه

يانـــــــــــــــــــــــــاس ياعــــــــــــــالم
أتعب أقول الحرمة ذي عسل!! ماغير مطارد وراي من موضوع لآخر!!!
ابشري ياعسل أساسا مايجيني حماس أكمل قصصي إلا إن شفت ردودك..

التكملة جاية بالطريق!​

وراك وراك والزمن طويل وين تروحي مني خلاااااص انا ناشبة بحلقك نشبة مشبشب لشعيبية بنت خلف ههههههههههههههههههههههههههه

 

[جيانة]

للي ماتعرف قصة مستشارتكم خرافة الأزلي تفضلوا هالسطور التعريفية!!!!!!!

بعد التحية والسلام0000

اهدي هذا الموضوع لكل من طلب مني موضوع يفرفش
ياعسى الضحكة ماتفارق شفاكم :shiny::shiny::shiny:!!!

وهو عبارة عن قصة تحفة000
بطلة القصة هي مستشارة اجتماعية(بالعربي الفصيييييح بتاعة كله0000استشارات
زوجية--على نصائح مطبخية----على ندوات اجتماعية000يعني هي براسها تعتبر مؤسسة
اجتماعية فريدة من نوعها0000الله لايبلانا!!!!!!!!!!!)

اسمها:المستشارة خرافة الأزلي!!وان طلعت وحدة من عضوات المنتدى تحمل نفس الاسم
فتراني اخلي مسئوليتي00انا ماأقصدها!!!!!ههههههه
المهم السيدة خرافة هذي
في مرة من المرارير000حبت تزور وحدة من قريباتها وكلمتها وحددت موعد لزيارتها0000لكن القريبة هذي واسمها(تماضر) ماصدقت على الله بتدخل بيتهم مستشارة وراحت كتبت
روشتة فيها مية سؤال وسؤال عشان ترزها عند مدام (خرافة)00ومو بس
كذا الا راحت نادت الشلة حقتها وقالت
يابنات قريبتي المستشارة جاية اللي عنده اي سؤال يسدحه لايرده الا لسانه!!!!!!

وجاءت المستشارة خرافة في الموعد المنشود لتفاجىء بوفد من الضيوف كلن يرمي سؤال وهي اشتغلت تجاوب
بس إش إجابات شي تحفة!!!!!
وحدة اسمها رملة قالت:دكتورة وش تشورين علي الحقيقة زوجي يشرب!
خرافة:بسيطة قوليله ياكل0
رملة:دكتورة تصدقين ضربني بالمداس؟!
خرافة:عندك جزمة حمراء بكعب وماركة؟!
رملة:ايه عندي00بس ليش؟
خرافة:اضربيه فيها00واقهريه بكشختك!!!
رملة:مدري شقول بس00 حتى ذهبي باعه كله!
خرافة:بسيطة0هالحين موضة الاكسسوارات000
رملة:دكتورة ادري زهقتك بس لو سمحتي اخرسؤال000ماذا تعني لك كلمة احباط؟؟؟
خرافة:احباط عبارة عن كلمة تتكون من شقين إح يعني أح بالانجليزي
وباط يعني ابط بالعربي00يعني أح باط وحدة امريكية اول مرة تنتف ابطها وقالتها!!!!!!!!
قامت تماضر تبغى تستعرض محبة زوجها لها قدام زميلاتها 000وقالت:
تصدقين دكتورة خرافة ان زوجي لما اقعد معه يطيح فيني تغزل ويموت بجمالي000
خرافة:الله يهني سعيد بسعيدة بس
اش دراك انه ميت على جمالك؟!
تماضر:دايما لاقعدت معه يخليني أتلثم ولا أتبرقع له فديته يموت على عيوني!
خرافة:إلا ريحة فمك ذابحته يالخبلة:sadwalk:!

تماضر:واي خلد حيلي بعيد زواجنا جاب
لي دبدوب كبيرومعاه ورد أحمر00
خرافة:الورد تشمينه00والدبدوب عشان تستخرجين أوجه الشبه السبعة اللي بينك وبينه0000أقول لو جايب لك حزمة جرجير أبرك!!!!!!!!!
تماضر:ياترى ياخرافة بإيش تنصحيني ودي أسوي عملية تضييق!
خرافة:اقول استريحي بس000ورا أبو الشباب مايسوي عملية تكبيرلل؟؟؟هههه
جاء دور نادية:دكتورة أنا ماكان عندي اطفال000
قاطعتها خرافة:احملي وجيبي لك بزر يغثك!
نادية:ايه حملت وجبت بنت00
خرافة:بعد احملي وجيبي لها أخ
نادية:حملت وجبت لها أخ0
خرافة:يووه لازم تجيبين طفل ثالث
نادية:جبت بنت بعد0
خرافة(بينها وبين نفسها تقول وش فيها هالتيسة كل مانصحتها بشي راحت تسوويه)وقالت:يوووه ضعيف وليدك لازم تجيبين له أخ0
نادية:حملت من جديد وجبت بنت
خرافة:افااااا الولد بين البنات
غزته شوكة ومات!!
نادية:مايئست بعدي حملت وجبت ولدين توأم
خرافة:أقول ضفي عيالك ولاعاد تطلعين من البيت000اشتغلتي فقاسة على غفلة!!!!
نادية(بينها وبين نفسها تقول:والله احترنا فيكم يالعجيز لو اني عقيم كان أكّلتوني تبن!!!!!!!!
*********
000
واللي عندها اي استشارة تحب تضيفها ترى الدكتورة صدرها وسيع وحلولها مثالية مثل ماشفتوا!!!:harhar1::harhar1:
ملحوظة:
ترى القصة كل أبوها من بنات افكاري
عاد ماأبغى تهزيءءء000انا قصدي اونسكم بس!!!!



​

 

[جيانة]

0000
00000000
طبعا وفي ذات المجلس كما وعدتكم أن للحديث بقية0000
أخذوا النسوان يحشوووون كروشهم بما لذ وطاب في مجلس السيدة تماضر
0000000
00000000ويكملون استشاراتهم التي تلقى حلول مثالية من السيدة خرافة بنت الأزلي!!!!أشك في ذلك!
00000
فنطت نبيهة(وفي الحقيقة هي اسم على غير مسمى!!!)
وسألت:أقول دكتورة000زوجي سمين مرة والله يهديه عساه مايشم شي فيه سكر00يروح يراكض وراه شسوي فيه؟
خرافة:رشي عليه بف باف!!

نبيهة: لا والله دكتورة أنا فكرت أزود له ملح بالأكل عشان يقضي على مفعول السكر!!!!!!!!:harhar1::harhar1::harhar1:
خرافة:بلا ثوالة00بترفعين له الضغط كذا00
نبيهة:وشفيها؟؟ أنا سمعت ان ارتفاع الضغط أهون من ارتفاع السكر!!!
خرافة:أقول مع نباهتك هذي ماأظن بتعيشين كثييييير!!!

وفجأة ماصدقت قرناسة يجي دورها بالحكي
0000
وراحت قرناسة تقول:فديتك دكتورة حلي لي مشكلتي مابقى شي ماسويته000
كلي دلع ودلال00عقل وثقل00اجمل على حمولتي0جمايل0 شايلة زوجي وبيتي وعيالي على كفوف الراحة000
وفوق ذا كله حظي منحوووووووس وين ماأطقها عوجة دايما خيرا تعمل شرا تلقى كل ماجيت زوجي من باب سكره بوجهي شسووووووووووي؟؟؟؟!!!:icon1366:

خرافة: والله يابنتي أنا اقول لو تغيرين اسمك بتنحل مشاكلك كلها!!!

؟؟؟؟؟؟؟؟



​

 

[جيانة]

أستكمل معكم000مادار بمجلس خرافة
وأتمنى00تونسوني بردودكم000
00000
طبعا المجلس كان مليان وعاد انتم أدرى بالحريم لااجتمعوا بمكان واحد00 يتحول إلى حراج!!!
وفيه جميع أنواع المقاطعات00وعاد الدكتورة المحنكة خرافة لاعت كبدها وماعادت تعرف ترد على مين وتخلي مين00تخاصم تأشر00ولاأحد معبرها
فاستخدمت ذكاءها وصاحت00:
ياحرييييييييم00رجاء خاص00أصغركم سناً وأخفكم وزناً تسكت!!!!
وبالفعل سكت المجلس كله دفعة واحدة!!:flex:(ماقلت لكم حريم000يامثبت العقل والدين!!!!)
قالت خرافة: بحكم خبرتي00عرفت انه لابغيت تكسب قلب امرأة لاتسألها عن حاجتين؛عمرها ووزنها!!!:crazy:
قالت تماضر مقاطعة:لاتلومينهم00هو كل يوم الواحد بتسنح له فرصة يقعد مع استشارية موهوبة مثلك؟؟!!
قالت خرافة:انزين00بالدور بالدورياشباب00حجية اللي قاعدة هناك خلك بأول الطابور!!!
وفجأة تكلمت وحدة من الحضور واسمها مناير ووجهت سؤالها للدكتورة:
دكتورة تسمحي لي اعبر لك عن اعجابي الشديد فيك وأسألك سؤال؟!
خرافة(وطبعا راسها انتفخ وبغى ينطح السقف):
تفضلي حبيبتي لك المجلس كله!!
مناير:مجالات الدراسة كثير00اش اللي خلاك تختارين المجال الاجتماعي؟!!
خرافة:والله يابنتي مابأكذب عليك الحقيقة أنا كان تفكيري بلقمة العيش يسبق تفكيري بنوع التخصص00وحيث انه مجتمعنا يموت بالشكليات وتوزيعات الأفراح وتزيين الكوش وهدايا المواليد
ومد البوفيهات والسفر00فكان يتحتم علي اني أدخل قسم الاقتصاد المنزلي وبما اني ماني خلق اي شغلة فيها حركة!!صرفت نظر00وتأملت فيما حولي أكثر00ولقيت انه عالمنا العربي يزخر بعدد لايحصى من المشاكل فطقيت على صدري وقلت (أنا لها) عاد تدرون اكيد ان مصائب قومٍ عند قومٍ فوائدُ:blow:!!
قالت مناير:طيب بغيت أستشيرك دكتورة00أنا جا خطبني واحد مطلق وعنده أطفال00وأنا ترى بعدي بنت ماسبق لي الزواج بس مترددة اوافق او لا؟؟؟!!
خرافة:طيب عياله ليه مايحطهم عند أمهم؟!
مناير:طليقته متزوجة واحد ثاني وعنده
خرافة: زين يوديهم عند جدتهم(أمه)!
مناير:هو وحيد أمه وأبوه وماعنده أحد إلا أمه بس توفت العام الماضي00
خرافة:يابنت الحلال يكفيك من ميزاته ان أمه متوفية000!!
أقول توكلي على الله وخذيه!!
0000
وجاء دور وحدة اسمهاعالية00حرمة ضعيفة مكسورة وقالت:
دكتورة أنا زوجي متزوج علي حرمة ثانية000
خرافة:عادي الشرع حلل له أربع!!
باقي عليه ثنتين!!تحمدي الله
عاليه:ايه00بس هو مايعدل!
خرافة:شلون؟؟
عاليه:ليله عندي وعشر عندها00يعطيها مايعطيني00 يدلعها مايدلعني!
خرافة: طبيعي00كل جديد وله لذته!!
عاليه:بس أنا تغيرت ماعدت مهملة مثل قبل00صرت اتسنع وغيرت بشكلي ونفسي000
خرافة: و ش عقبه ياحظي00
لافات الفوت ماينفع الصوت!!
عاليه:الله يخليك 00لاتحطميني
مافي امل يرجع لي!
خرافة: علميني أول00انتي تفتحين
التلفزيون وتشوفين الأخبار؟؟!!
عاليه: ايه كل يوم0
خرافة:طيب000ماسمعتي خبر من هني ولا من هناك يقول انه القدس رجعت بيد العرب؟؟؟!!!
عاليه: لا والله ماسمعت ولاأظن بأسمع في القريب العاجل!!
خرافة: ها خلاص00اعتبري زوجك مثل القدس000!!!!!بالضبط
:no::no::no::no::no::no:
000000000000
000000000000000 اش رايكم؟؟
اكمل

 

[جيانة]

00000
وفي مجلس السيدة خرافة لايخلو الحديث من الطرافة!!!
قالت تماضر:دكتورة خرافة أكيد بما إنك دكتورة عندك وصفات روعة للتخسيس!!

خرافة:خل عنك الوصفات لو بتفيدك كان فادتني(الحقيقة دكتورة خرافة دببببة!!)

تماضر:ليش علمينا وش جربتي منها؟؟

خرافة:ولا شي!!

تماضر:أجل وشلون تقولين مافادت؟!

خرافة:أنا أقول كذا باعتبار ماكان لو ماكان لو كان سيف يكون؟؟؟ولو فهمتي شي قابليني!!

وقام الحضور يضحكون000

قالت رملة:يادكتورة تجيني الالام باستمرار في جنبي الأيمن00عجزت ألقى لها دوا او طب000فيديني عسى الشفا على ايدك!

خرافة:وأحد قال لك إني طبيبة نسا وولادة؟!و لا كل من ينقال عليه دكتور قطيتوا عليه بلاويكم وأمراضكم؟

رملة:وشفيك تضايقتي الله يهديك00بس أنا قلت مادامك دكتورة اكيد عندك ثقافة بهالأشياء!!!

خرافة: الحقيقة ثقافتي ماتتجاوز حدود نظارتي!!!!

نادية:والله أنا متعشمة انك بتعطيني حل مناسب لتصفية البشرة00خاصة ان بشرتي انعدمت عقب ولاداتي المتكررة!

خرافة:أقول صفي النية واصبري على وجهك مامعك الا هو تقابلين به الناس!


نادية:طيب والشعر ماعندك وصفات تزينه وتنعمه؟

خرافة: عصير بصلة و10 فصوص ثوم+بيضة مسلوقة مهروسة+فنجال خل+زيت مصفى من علبة تونة تخلطينهم سوى وتحطينهم 24 ساعة على شعرك وتغسلينه بعدها000بس لاتنسين تباتين برة البيت لإنك لو ماطلعتي بكرامتك بتلقين نفسك في الشارع!!!!!

نادية:طيب وفعلا هالخلطة بتخلي الشعر ناعم؟!!!!

خرافة: الله يقطعكم ياذول النسوان لو نقول لكم اطحني بريعصي مع ضفدعتين وحطيهم على شعرك تلمعه تسوونها!!!

مناير: معروف عن المرأة حبها للزينة والجمال000مهما كلفها ذلك من صعاب!!!

خرافة:أقول الشين شين لو كسوه بالذهب من راسه لرجوله!!!
تحمدوا ربكم انكم تمشون على رجلين وخلوكم من الخرابيط000
أصلاً وصفاتكم هذي محد مستفيد منها إلا راعيين البقالات وبياعين الخُضرة!!!!!!

 

[جيانة]

00
0000ونكمل اللي صار مع دكتورتنا اللي أحاديثها لاتخلو من الظرافة000خرافة0000
قالت وحدة اسمها عالية:دكتورة نفسي أكمل دراستي00بس زوجي موب راضي كيف أقنعه؟
خرافة: وانتي كم صار لك سنة متزوجة؟!
عالية: لي 28سنة!
خرافة:صح النوم حبيبتي!!وليش مافكرتي تكملين من قبل؟
عالية:كنت مشغولة بعيالي00
خرافة: وهالحين؟؟
عالية: زوجي مشغول عني!! تدرين راح وتزوج وحدة ثانية جامعية وقاعدة تحضر رسالة الماجستيرذحين000وأنا حلفت إني لأوريه إني أحسن منها!!!!
خرافة: وماشاء الله انتي توقفتي بدراستك عند أي مرحلة؟!!
عالية وهي نافخة صدرها وتقولها بكل فخر: ثانية متوسط!!!!
خرافة: أقول ربِّطي حميرك يالحبيبة00وانثبري في بيتك أبرك!!!
عالية:وليش هالتحبيط دكتورة00أنا توقعت إنك بتدعميني من قلبك!!
خرافة:إلا وإنتي الصادقة ودي أدعمك(باللهجة الكويتية أدعسك!!!) بسيارتي!!! انتي كم عمرك يامرة؟!!!
عالية:عمري 49 ونص!
خرافة: الحمدلله! وش بقى في العمر عشان تكملين دراستك؟ لو شمس كان أمس!

عالية: الله وأكبر00وشفيها عاد؟!

خرافة: فيها ان قدامك 9سنين لين ماتلبسين ثوب التخرج!يعني ماشاء الله تبارك الله بتتخرجين انتي وأحفادك سوى!!!

عالية: أنا راضية أهم شي زوجة رجلي الثانية لاتكون أحسن مني!!!

خرافة:وانتي يالرفلة تحسبين زوجك ماتزوجها إلا عشان شهادتها؟!
الشهادة ورقة لاتودي ولاتجيب!
عالية: أجل ليه تزوجها؟؟
خرافة: والله حبيبتي ماأعلم الغيب روحي لبعلك وأتحفيه بسؤالك هذا!!!!
000
بعدها راحت نادية تتلقف بسؤال00
وعاد بيني وبينكم خرافة لاعت كبدها من الأسئلة اللي تتحذف عليها من كل صوب!!وقامت تفش غلها في النسوان!!!
نادية:دكتورة00من خبرتك فيديني00شلون أجدد بحياتي الزوجية وأرجِّع شهرالعسل؟00وأنا كل شوي بزاريني يغثوني!
خرافة: ليه كم عندك؟؟
نادية: عندي تسع أطفال!!
خرافة: وباقي لك نفس بالحياة؟!!
نادية: وشـــــــــــــــــــهو؟؟!
خرافة: عفوا!!بس اللي أفهمه منك طالما انهم كلهم في مرحلة الطفولة00إذن أكيد كل سنة وواحد معلق بصدرك يرضع0والثاني في كرشتك والثالث توه يمشي خطوة خطوة صح؟!!

نادية: ياسبحان الله كأنك شايفتني!!

خرافة:حبيبتي فيه اختراع يسمونه حبوب منع حمل00وفيه اختراع ثاني اسمه لولب00وفيه اللصقة السحرية00وفيه إبر000بس إنتي ماينفع لك إلا عملية ربط!!!!!!!!!!!!!
00
نادية:يمه منك!! تفاولين علي وأنا بعز شبابي؟!!!:schmoll:
خرافة: الله ياالمجتهدة00مابقالك الا شوي وتفتتحين مزرعة أرانب000ماتقوليلي هذول اشلون تعلفونهم؟ااااه أقصد كيف تصرفون عليهم؟؟؟
نادية:ربك ماينسى أحد00الله يخلي لنا ربعنا وأهلنا كل يوم يسلفونا!!000وبعدين أنا كنت أحمل في رجا ولد يجيني00والحمدلله هالحين صار عندي بدل الواحد ثلاث!!!
خرافة: وش عليه ياحظي فرحانة؟؟ بكرة لامات أبوهم بتروح كـــــــــــــل رواتبهم سداد لديونه!!!
000
نادية: بسم الله عليه وعليهم!!
خرافة: زين بشريني عندكم بيت؟!!!:bleh:
نادية باستهزاء: لا ساكنين بالشارع!!
خرافة: السموحة ماقصدت!اقصد عندكم بيت تمليك؟!!
نادية: لا أجار!
خرافة:بــــــــــــــعد!! عشتوا! وكم غرفة فديتك؟
نادية:4غرف!
خرافة:أجل أكيد ماشاء الله كل بيتكم غرف نوم!!

نادية:لا والله00غرفة نوم لي ولزوجي و4 من العيال! وغرفة للخمس الثانيين! وغرفة لأم زوجي!وغرفة مجلس للضيوف!
خرافة:ماشاء الله وأم زوجك ساكنة معك بعد؟
وتسع عيال يناقزن طول الليل و النهار حولكم
وتقولين شهر عسل تقولين؟!!!!
نادية: إيه كيف بس دليني؟ماينفع؟
خرافة: إلا ينفع ونص!!اقعدي شهر تكبين عسل في صحن والحسيه انتي وعيالك00عساه يشفيك من أفكارك!!!
000





​

 

[جيانة]

أكمل معاكم هالجزء.........
قالت قرناسة:دكتورة خرافة من أول الليل وإحنا نهذر فوق راسك..
خرافة:ماتسيرون نسوان لو ماتسوونها!!
قرناسة:وانتي ماقلتي لنا شي عن نفسك..
خرافة:إعطوني فرصة وأنا أغرِّد!!!
قرناسة:بأبدأ معك بأول سؤال!
خرافة:وأتمنى يكون الأخير!!(والحريم يضحكون!)
قرناسة:كم عندك من العيال؟!!
خرافة:محد يعولني أنا أعول نفسي!!أطيح بوسط هالمخبل اللي شرواكم وأعطيهم كم نصيحة وآخذ المقسوم!!!!!
راحت عالية وأقحمت نفسها بالسالفة وقالت:يادكتورة مافهمتي قرناسة!!قصدت تسألك كم بزر عندك؟؟
خرافة باستهبال: الأخوات مضيعين؟!!!
أنا فاتحة مكتب استشارات..مو حضانة بزارين!!
قالت نبيهة:يادكتورة هم يقصدون يقولون لك كم ولد جابه بطنك؟!!
خرافة:إيييييييييه!!ولاولد!!
نبيهة (أم النباهة): طيب كم بنت؟؟
خرافة:ولاااااااااااااا بنت!!
قرناسة: وااا عليـــــــــــــــــا!عقيم يعني؟!!
خرافة بتضايق:العقيم.. بطن العدو ان شاء الله!!
قرناسة: أجل سقيم؟!!
خرافة: السقيم ..عقل من كفر وضيع دينه!!!
نادية:طيب مافهمنا مادام لاولد ولابنت ولاعقيم
أجل شالسالفة لغز يعني؟؟؟؟؟؟؟؟
خرافة: والله مدري عنكم خبرتم المرة تحمل من غير رجَّال؟؟!!
قالت نبيهة:إيه عادي.. فيه!!!
قالت خرافة:بسم الله الرحمن منهي هذي؟!!
نبيهة: أم النبي عيسى عليه السلام!!
قالت خرافة:هذي معجزة من الله...وحالة مستثناة
أنا قصدت في الواقع بأيامنا هذي سمعتوا بحرمة تنجب من غير زوج؟!!!
قالت مناير:بنات الحرام كثير الله لايبلانا!!!
صاحت خرافـــــــة:يمــــــــــــه منكم أقطِّع هدومي؟!!أنتف شعري؟!!والله لو تفحطون ماجبتوها!!!
وجات تماضر قريبة خرافة توضح الموضوع قالت خرافة:لاتقولين شي بأقرب الصورة عساهم يفهمون!!!
قالت تماضر:ياحبك ياخرافة للف والدوران قوليها من الآخر...ياجماعة الخير دكتورة خرافة مو متزوجة!!!!!
عالية:وااااي ياعمري تطلقتي؟؟؟!!
خرافة تطالع لتماضر وتقول:ماقلت لك لو يفحطن مايجيبونها!!!
قالت عالية:أجل مترملة!!!
خرافة:الحقيقة إني مترملة برمل وتراب من يوم إن حظي رماني مع شلة الأنس هذي!!!!
وعلت الضحكات المجلس...لإن الكل يدرون ان أسلوب خرافة مع عفاشته!! إلا إنها ماتقصد التجريح!!
قالت خرافة بصوت يشبه الزئـــــــــير:ياعالم أنا بعـــــــــدي بنت ماتزوجت!!!!!!!!!
وانتشرت شهقات الاستغراب بالمجلس!!
قالت رملة:يووووووووه عانس؟!!
خرافة: خيـــــــــــــــــر؟!وشفيك قلتيها بقرف فيني جرب يالحبيبة؟!!
رملة:لا بس غريبة محد خطبك لين الحين؟! مع إن فيك ملح!
خرافة:ملح ياأم ملح؟ إلا أنا السكر كله بس للأسف ماحولي ذباب!!!
نادية:أجل وش قاعدة تفتين له من الليل يوم إنك ماجربتي الزواج؟!!!!!!
عالية:وليه ماتزوجتي للحين فيك عيب؟!!
خرافة:وشفيكم قمتوا علي بشراع ومجداف؟ وبعدين الحمدلله الزين عندنا والشين حوالينا!! أحد قال لكم إني مهبولة أروح أتزوج؟!! من شاف مصايبكم وسمع بلاويكم عافت نفسه ريحة الِرجال!!!!!!!!!
قالت قرناسة: ياحليلك! عجزتي تحلين مشكلتك وجاية تحلين مشاكلنا؟!!!!
خرافة:تتشمتون يالساحرات؟ جايتكم بالحكي!!
...


هاااااااااه؟؟وش رايكم بالاستشارات الجهنمية السابقة اللي قدمتها للنسوان؟؟؟
بعد ماتعبت نفسي وأنا أحل مشاكلهم..قاموا يستهبلون علي!!!
صدق ناكرين معروف!!!!


​

 

[جيانة]

وراك وراك والزمن طويل وين تروحي مني خلاااااص انا ناشبة بحلقك نشبة مشبشب لشعيبية بنت خلف ههههههههههههههههههههههههههه

ياهلا بهالوجه...
وحياك الله من نشبة!!!
ياقملتن بالراس صعبن فراقها!!!!!!!!

 

[adeem]

ياحليلك يامستشارتنا عز الله عمرت بيوتنا
انا مشكلتي طال عمرك اني اموت بالقرش وما ودي فلوسي تخلص ومحتارة مابين حقوق زوجي وحقوق محفظتي
وش اسوي

 

[loOoOove me]

هههههههههههههههههههههههههههههههههههههههههههههههههههههههههههههههاااااااااااي الله يوسع صدوركم:bigsmile:​

 

[حنونه حيل]

ههههههههههههههههههههههههههههههههههه والله مايضحكني غيركم فديت سوالفكم عسل

 

[umm yusuf]

ياهلا بهالوجه...
وحياك الله من نشبة!!!
ياقملتن بالراس صعبن فراقها!!!!!!!!

ههههههههههههه يمدحون بخاخ القمل اللي يبيعوه بمحل الهندي ابو قملة هههههههههههههههههههههههههههههههههههههههه

 

[سماهر88]

مساء الخير يالمستشااااااااااره جيااااااااااانه
اخبارك تمام الحمدالله
المهم عطيني حل لمشكلتي وياويلك لو ماعطيتيني<<<<<تراي معصبه مره وجدا جدا
اعاني من قلة النوم وكثرة السهر
لكن والله اني احب اسهر واستمتع بالسهر
تدرين ليه لأني احب واعشق واموت لايروح تفكيرك بعيد
((((بالهدوء))))
يالله عاد يالغاليه عطيني حل فديتك

 

[جيانة]

ياحليلك يامستشارتنا عز الله عمرت بيوتنا
انا مشكلتي طال عمرك اني اموت بالقرش وما ودي فلوسي تخلص ومحتارة مابين حقوق زوجي وحقوق محفظتي
وش اسوي

حطي زوجك ومحفظتك جنب بعض والعبي عليهم حقرة بقرة اللي يجي عليه رقم 10 قطيه بالدرام وخذي الثاني!!!!!!!!

 

[جيانة]

مساء الخير يالمستشااااااااااره جيااااااااااانه
اخبارك تمام الحمدالله
المهم عطيني حل لمشكلتي وياويلك لو ماعطيتيني<<<<<تراي معصبه مره وجدا جدا
اعاني من قلة النوم وكثرة السهر
لكن والله اني احب اسهر واستمتع بالسهر
تدرين ليه لأني احب واعشق واموت لايروح تفكيرك بعيد
((((بالهدوء))))
يالله عاد يالغاليه عطيني حل فديتك

وش تبين بالسهر لابارك الله بإبليس؟!!!
وبكرة تعالي رزي استشارتك وقولي وجهي محبب ووزني ماينقص وشعري مايطول ورمشي ماينبت وبأقولك بالفم المليان تستــــــــــاهلين !!هذا كله من سبايب السهر!!
فديتك اشربي دوا اكتيفيد حق الأطفال وانتي بتخمدين من غير سابق انذار!!
والسهر خله للمحششين والمفحطين واللي يفهمون فيه!!!!!!!!!

 

[&الماس&]

يامستشارتنا الرائعه والحكيمه ايش رأيك بوضعي حامل ونفسيتي بالحضيض وتعبانه مرررره واحس اني مقصره بحق زوجي وعيالي بالمختصر اشعر بتأنيب ضمــــــــــيـــــــــــر.

 

[جيانة]

يامستشارتنا الرائعه والحكيمه ايش رأيك بوضعي حامل ونفسيتي بالحضيض وتعبانه مرررره واحس اني مقصره بحق زوجي وعيالي بالمختصر اشعر بتأنيب ضمــــــــــيـــــــــــر.

أزمة وتعدي!!
الَّرجَّال متحملك العمر كله!! وانتي مو قادرة تستحملينه 9شهور؟؟؟؟؟؟؟؟؟؟؟؟؟؟؟