▲ افضل مستشفى .... افضل طبيبة ▲

  • بادئ الموضوع بادئ الموضوع ليلكيه
  • تاريخ البدء تاريخ البدء
مييسو قال:
العسكري والله ياقلبي اهربي منه قد ما تقدرين حشى مسلخ مو مستشفى..... القيصريات عندهم زي الزفت لازم تسوي بعدها تجميلي .... اما الطبيعي حدث ولا حرج عليهم توسعة مدري وش تبغى والله وحده اعرفها وسعوا لها لدرجة انه انفك الامام مع الخلف الله يشفيها وبعد ماطلعت النفاس سوت التجميلي اكثر من مرة ..وبعدين انا رحت لاكثر من وحدة والدة الغرفة مشتركة ........ اليمامة خواتي جربوه وحريم خواني وكثير اعرفهم ما سمعت عنه شيء والنظافة فيه لايعلى عليها ..........
أنقر للتوسيع...


والله انك صادقه انا ولده عندهم تخيلي اصرخ تقول اسكتى ليش كذا وش تبينى اسوى واقولها ابغى دكتور تقول مافيه دكتور يالله سوي ولاده طيب انا اعرف اسوى ولاده على قولته طبعا بكر ..
ولا الجنين ميت يعنى اعصابي تالفه
 
هل مستشفى الفلاح زين للولادة وكيف الخدمات والرعاية عندهم والدكتورة ساتيا مارايكم فيها وكيف خياطها وهل تنصحوني في الولادة عندها ارجوا الرد سريعا فانا بحاجة ماسة للرد لاني محتارة بين مشفى الفلاح والعسكري الي في الرياض جزاكم الله خير لاتبخلون علي بتجاربكم
 
انا ولدت من خمس شهور في الحبيب عند الدكتوره مصباح عبد الخالق بصرااااااحه مرررره روووعه الله يجزاها الف خير على اهتمامها فيني وخياطتها ممتازه مهما اقول ما وفيها حقها وانصح الكل فيها....
 
انا هاذا اول حمل لي وماعندي احد استشيره وكثر ماقريت عن الحبيب شوي وانجن الكل متفق ان المستشفى ممتاز بس لما اجي اسئل عن الدكتوره كل وحده تعطيني اسم مرررره تعبت تكفون اتفقو على اسم . وانا الحين اخذه موعد عند شاكره .. وفيه حريم يقولون خوذي عند سلمى جعفر... وحريم يقولون سنيه .. وحريم شاكره وانتي تقولين مصباح عبد الخالق .. والله محتاره
 
*دلع* قال:
انا هاذا اول حمل لي وماعندي احد استشيره وكثر ماقريت عن الحبيب شوي وانجن الكل متفق ان المستشفى ممتاز بس لما اجي اسئل عن الدكتوره كل وحده تعطيني اسم مرررره تعبت تكفون اتفقو على اسم . وانا الحين اخذه موعد عند شاكره .. وفيه حريم يقولون خوذي عند سلمى جعفر... وحريم يقولون سنيه .. وحريم شاكره وانتي تقولين مصباح عبد الخالق .. والله محتاره
أنقر للتوسيع...

السلام عليكم

حبيبتي
انا دخلت على سنية وشاكرة ومصباح وراح اعطيك الفرق بينهم,
سنية انسانة هااادية لابعد درجة وحبوبة ومعروفة الخياطة حقتها انها فوق الخيال, لكن انا من النوع اللي ما احب الدكتورة الباردة وهي باردة..
بالاضافة الى انها في فرع الريان وبعيدة كثير عن بيتي وانت اذا ناسبتك لاتترددين فيها لانها شاطرة .
اما شاكرة فهي ماشاء الله شاطرة مو شاكرة وعندها خبرة بس فيها عيب كبير وهو انك تتابعين نفسك معها اكثر من ماهي تتابع لك حملك.
لانها عندها ضغط خياااالي ورهيب من المرضى والتوليد وكل شي فأنصحك لو تبغينها تخلينها بس آخر 3شهور من حملك
لكن للامانة الدكتورة بجد شاطرة وعندها خبره وخياطتها يمدحونها لكن مشكلتها انها ماتركز عليك كثير وهذا اشوفه في كثير دكتورات خصوصا الشاطرات واللي عليهم ضغط كبير, وعيب آخر بس بسيط ويعتبر مو عيب لدى البعض
لغتها.. لانها ماتتكلم عربي الا شوي فلو كنت ماتعرفين انقليزي راح تتعبين شوي معها.
اما مصباح فأنا دخلت عليها مره لما مالقيت دكتورتي شاكرة -كانت رايحة توليد - والدكتورة هذي اتعب وانا اقول لك انها راااايقة وفااااضية ومتفرغة لك بعكس الدكتورات الباقيات, اما شطارتها فماسمعت عنها بصراحة كثير وماحسيت فيها هذيك الشطارة ..
بس ماشاء الله تعطيك حقك في الزيارة وزياااادة.


اما سلمى جعفر فصديقتي مزعجتني فيها تقول راجعي عندها لانها هي مراجعه عندها في حملتين لها, والكل يمدحها ونادر اللي يذمها وخصوصا في الخياطة.

وأخيرا..انت اختاري الانسب لك ولاتنسين تستخيرين ربي قبل كل شي وتذكري ان الحمل والولادة كلهم تيسير من رب العالمين وكل مرراة ولها تجربة تختلف عن اختها فاعملي بالاسباب واتكلي على الله ولاتشيلين هم الموضوع اكثر من اللازم لان اللي مقدر ومكتوب راح يصير باي حال من الاحوال لكن عليك بالسؤال والتفحص قليلا وليس التعمق كثير والتدقيق الذي لايأتي الا بوجع الراس!!
وانصحك نصيحة لوجه الله
لاتراجعي عند اي دكتورة تختاريها وعليها ضغط من الشهور الاولى لانك مابتدخلين الا بطلعة الروح وكل مره تلاقين الدكتورة رايحة توليد وخصوصا شاكرة
فاختاري دكتورة ماعندها ضغط مثل مصباح او سحر او نادية الحربي, وراجعي عندها لما الشهر السابع وبعدها روحي للي تختارينه من الشاطرات.


والله يهون علي وعليك يارب,,
 
التعديل الأخير:
اخواتي ما احد رد على وانا مضطرة لاني خلصت التاسع وابي اعرف رايكم عن مشفى الفلاح ود ساتيا او العسكري افضل ررررررررررررررررردو لاتطنشوني ولكم دعوة بظهر الغيب
 
مرحبا صبايا

كنت بسأل عن مستشفى اسطون بالخبر وعن الدكتوره نعيمه بالذات شلون توليدها ؟؟

غير كذا ابي اسأل عن تكاليف العلاج ..الحمل والولاده ..لازم دفعه وحده والا اقساط ؟
 
دلع بلقيس والاخوات ابي اسألكم هي الدكتورة نادية في دله العراقية اسمها ناديه زرقي اخذت موعد عندها على حسب مدح الاخت دلع لتوليدها وخياطتها والله كريم بس شايلة هم الاسعار والتكاليف موعدي على نهاية السابع بداية الثامن مادري بيستقبلوني وبتولدني هي لانه سمعت ان اللي يروح لهم على الثامن ماراح يستقبلوها .. وكمان ابي اجازات مادري بتعطيني .. ياليت تردوا قبل الموعد وشكرا لكم
 
ام ريفا قال:
هل مستشفى الفلاح زين للولادة وكيف الخدمات والرعاية عندهم والدكتورة ساتيا مارايكم فيها وكيف خياطها وهل تنصحوني في الولادة عندها ارجوا الرد سريعا فانا بحاجة ماسة للرد لاني محتارة بين مشفى الفلاح والعسكري الي في الرياض جزاكم الله خير لاتبخلون علي بتجاربكم
أنقر للتوسيع...
والله الدكتورة ساتيا يمدحوها مرة بس هي متخصصة اعتقد في العقم حماتي تراجع عندها وتمدحها واصلا عليها زحمممممممممممة وفي نظري يااختي الولادة في خاص افضل من حكومي وكأن اولادة فيه 3000 تقريبا سلفتي ولدت فيه وتقول عناية والله ييسر لك مافية خير :13:
 
*دلع* قال:
بنات ايهم احسن شاكره ولا سنيه ولا سلمى الي بمستشفى الحبيب
أنقر للتوسيع...


الدكتورة سنية الطيب قمة في الروووووووووعة هي الحين في الحبيب الي في طريق خريص حي الريان
 
الدلع طبعىH قال:
والله انك صادقه انا ولده عندهم تخيلي اصرخ تقول اسكتى ليش كذا وش تبينى اسوى واقولها ابغى دكتور تقول مافيه دكتور يالله سوي ولاده طيب انا اعرف اسوى ولاده على قولته طبعا بكر ..
ولا الجنين ميت يعنى اعصابي تالفه
أنقر للتوسيع...

اسال الله العلي القدير ان يخلف عليك خير ويجعله شافعا لك يوم القيامة ......
 
ام ريفا قال:
هل مستشفى الفلاح زين للولادة وكيف الخدمات والرعاية عندهم والدكتورة ساتيا مارايكم فيها وكيف خياطها وهل تنصحوني في الولادة عندها ارجوا الرد سريعا فانا بحاجة ماسة للرد لاني محتارة بين مشفى الفلاح والعسكري الي في الرياض جزاكم الله خير لاتبخلون علي بتجاربكم
أنقر للتوسيع...

الدكتورة ساتيا روووووووووعة لكن الله يصبرك على مواعيدها والزحمة ........ اما العسكري اذا بايعة عمرك والبيبي روحي عندهم ..
 
مشكوره اخت ميسو حبيت اسالك مركز الحبيب الي على طريق خريص فيه ولاده
 
شمعة وثلج قال:
مشكوره اخت ميسو حبيت اسالك مركز الحبيب الي على طريق خريص فيه ولاده
أنقر للتوسيع...


فيه 6 دكتورات نساء وولادة في مستشفى الحبيب الي على طريق خريص ومتأكدة 100 %100 انه فيه ولادة لاني رحت له .... لاتسألين عن اي دكتورة فيه على طول روحي لسنية الطيب كلمة روعة قليلة في حقها تولد في الغرفة العادية ب7000 ريال ...... فتح الملف 2700 ريال ....... طبعا لازم تاخذين موعد قبل لاتدخلين عليها خذي موعد عن طريق التلفون ..
 
اكسجينة قال:
دلع بلقيس والاخوات ابي اسألكم هي الدكتورة نادية في دله العراقية اسمها ناديه زرقي اخذت موعد عندها على حسب مدح الاخت دلع لتوليدها وخياطتها والله كريم بس شايلة هم الاسعار والتكاليف موعدي على نهاية السابع بداية الثامن مادري بيستقبلوني وبتولدني هي لانه سمعت ان اللي يروح لهم على الثامن ماراح يستقبلوها .. وكمان ابي اجازات مادري بتعطيني .. ياليت تردوا قبل الموعد وشكرا لكم
أنقر للتوسيع...

هلا بك حبيبتي,
انا صحيح مدحتها وهي بالفعل الكل يمدحها, لكن تذكري ياقلبي ان كل شخص وله تجربته الخاصة..
مثلي انا الكل مدح لي بأول حمل لي مدينة الملك فهد ورحت لها , اول مادخلت الله لايوريك!!
دتني مصرية وفتحت موية الراس بكل جفاسه وحسبي الله عليها
مع ان الطلق عندي كان خفيف والرحم بس مفتوح 2 سم
وبعدها طردتني شر طرده والعذر او السبب وشو!!!؟؟؟؟!!!!
تقول الحضانة فيها مرض منتشر !!!!!!

مع العلم ان صاحبتي واختها داخلين على المستشفى بنفس الشهر وحده كانت والدة عندهم ووحده كانت بس طوارئ..

فانت عليك بالدعاء بتيسير ولادتك ومالدكاترة ولا المستشفيات الا اسباب..

اما اسمها فهو صحيح نادية الزرقي وتستقبلك في اي وقت
لكن الافضل انك تروحين لها السابع وخذي تحاليلك معك والاشعه اللي مسويتها.


والله يهون علي وعليك يارب,,
وترى دله اسعارهم معقولة في الفترة الحالية الا اذا كنت حابة تولدين بحكومي فهذا شي ثاني


تحيتي’’
 
الله يعطيك العافيه يادلع بلقيس ماقصرتي كفيتي ووفيتي الله يهون عليك حملك وولادتك ويجزاك خير .. كنت قلقانه وريحتيني الله يريحك ..
 
حبيباتي انا والده في مستشفى دله 3 مرات عنا يتهم بالمره الاخيره مره زفت كاني في مستشفى حكومي مره اهمال وبعدين طلبت ابره الظهر الساعه 7 وماعطونيها الا الساعه 11 وانا دافعه وكل شي الي تبي نصيحتي لاتروحون لدله مره تغيرت حتى الممرضات تعاملهم موكويس والله المستعان
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل