•.♥.• •.♥.• ملتقى المغتربات •.♥.• •.♥.•

[~ على نياتها ~]

حبيباتي اللي بامريكا

ياليت كل وحده تكتب هي وين بأي ولايه وبأي مدينه

لان امريكا كبر قريح >> لاحظوا الكلمه

ذاك اليوم والله جالسه اصيح واقول لزوجي سولف معاي

مليت وانا اطقطق باللاب وانت عندك اصدقاء هنا تسولف معهم

ياليت وحده منكم تكون هنا واصادقها

ونطلع سوا ونستانس مليت لحالي مع ان معاي 3 اطفال

 

[أحبه ولكن]

انا بولااية ماديسون ,,, مافيها الا 3 عوايل عرب ,,بسسسس
ومللللللللل ع الاخر ,,
بس قاعده اسلي نفسي بنفسي ,,
الله يعين ..​

 

[أحبه ولكن]

انتي باي ولايه (على نياتها )؟

 

[سمو الأميرة]

shepard's pie

هذي أكله انجليزية -من انجلترا يعني- يسمونها فطيرة الراعي ..
و الطريقة الاصلية باستخدام لحم الغنم .. اللي بلحم البقر يسمونها cottage pie

شوفوا صورتها .. تشهي .. >> شكلي بسويها ع العشا اليوم ..



المقادير :

• نص كيلو لحم مفروم .. أو ( 1 و نص باوند تقريباً)
• 1 بصلة مقطعة قطع صغيرة
• كوب و نص من الخضار المقطعة (ممكن استخدام الخضار المجمدة) - جزر - فاصولياء- ذرة
• 3 بطاطس كبيرة
• 8 ملاعق كبيرة زبدة .. أو 1 قطعه stick
• نص كوب مرق لحم .. >> أو مرق دجاج أو خضار عادي
• ملعقة من صوص وستشير >> أنا استخدم صلصة طماطم
• ملح و فلفل اسود و أي توابل أخرى حسب الرغبة ..

الطريقة :

• تطبخ البطاطس في ماء مغلي إلى أن تنضج - تقريباً 20 دقيقة -
• في هذه الأثناء ذوبي 4 ملاعق من الزبده -نصف الكمية- في قدر كبير للقلي .. و اضيفي البصل .. اقلي البصل على نار هادئة لمده 10 دقائق .. ثم أضيفي الجزر (اذا كان غير مجمد .. أما اذا خضار مجمدة أضيفيها بعد اللحم المفروم ..)
• و بقية الخضار بعد ذلك ..
• أضيفي اللحم المفروم على الخضار .. و حركيه .. دعيه على النار إلى أن يذهب اللون الأحمر من اللحم .. و أضيفي الملح و التوابل .. و الصلصه ..

• أضيفي المرق على اللحم و اتركيه يطبخ بدون تغطية .. على نار هادئة لمدة 10 دقائق .. اضيفي المزيد من المرق حسب الحاجة اذا كان اللحم ناشفاً ..
• اهرسي البطاطس مع بقية الزبدة و رشه ملح.. >> أنا أحب أضيف شوي حليب معاه .. و ممكن تخلطين معاه بيضه عشان يتماسك ..

• رصي اللحم المفروم مع الخضار في صينية فرن .. و وزعي البطاطس المهروسه على شكل طبقة فوق اللحم
• بالشوكة ..ارسمي خطوط على سطح طبقة البطاطس لأنها سوف تتحمر بشكل جميل على الأطراف المرتفعة ..
• ضعيها في الفرن على درجة 400 فهرنهايت .. لمدة 30 دقيقة .. و بعدها حمريها من الأعلى لمدة 5 دقائق ..

و بالهناء و الشفاء ..

ملاحظة : يمكن استخدام بطاطس مهروسه جاهزة من السوبر ماركت .. أنا استخدم هذي النوعية

 

[~ على نياتها ~]

انا بولاية فلوريدا

 

[أحبه ولكن]

مشكوووره سمو الاميـره ..
بصراحه شكلهاا مشهي مررره ..ان شاء الله بسويها قريب,,
يعطيك العافيه ..​

 

[ام محمد الأمين]

تسلم ايدك سمو الاميرة انا شخصيا احبها جدا وشكلها يفتح النفس ....

 

[*نونه*]

ما شاء الله على هالاكل المشهي

انا هالصينية بعملها... و هي فعلا لذيذة و زوجي بحبها كتير ... جربوها

لو انا محلكم فب الغربة اجهز لي لائحة اغراض اشتريها و اشحنها لبلدي و تكون مميزة و غير موجودة في بلدي... خصوصا الكهربائيات و اداوت الطبخ و منتجات فيكتوريا سيكريت و كتب تتحدث عن العلاقة الحميمة الزوجية لانها صعب تتورد للبلاد العربية... و ايضا العاب لاطفالكم

استغلوا فرصة وجودكم في الغربة... و اقترحوا علينا شو ممكن تجيبوا معاكم لبلدكم... مع صور طبعا

 

[*نونه*]

السلااااااااااااااااااااام عليكم اختكم مغتربه فى استراليا لى تقريبا 3 سنوات ولسا كمان 3 الله يعديها على خير
الف شكر لصاحبه الموضوع

اهلا و سهلا فيكي يا قلبي... ان شاء الله تلاقي لك صديقة في استراليا معك قريبا

 

[*نونه*]

انا مغتربه باذربيجان بحكم عمل زوجي

اهلا و سهلا فيكي اختي


شوقتينا نعرف هالبلد الغريب...
وينه؟؟؟
و هل غربتك دائمة ام مؤقتة؟؟؟

 

[๑ــلآڱ]

مســـــــــاء الخير
انا من ولاية مشيقن

 

[๑ــلآڱ]

 

[سمو الأميرة]

صباح النور و السرور..

هذا تصميم لي .. من وحي شمس كاليفورنيا و شواطئها ..

 

[أحبه ولكن]

هاااي ..
صباح الدلع ..
كيفكم ..؟؟
بصراحه تصميك حلو (سمو الاميره ) ماشاء الله والتصوير مبين برضوا حلو ..
بس مو كأن الورد كثيــر خاصــه الاصفــر ..
انــا احب الرسم وعندي هالموهبه <<احس انها عندي <هع
بس مشكلتي ماعندي وقت لهاا ..يعني ماافضي نفسي واجلس ارسم ..
افكر ادخل معهد رسم <بس ماادري لسى ..


..
بالتوفيــــق للجميع ..​

 

[سمو الأميرة]

احبه ولكن .. تحبين تدققين على التفاصيل !!
هذا بصراحة تصميم على السريع .. ما أحب أقضي وقت طويل على شغلة وحدة .. أمل بسرعة .. بس التصوير مش تصويري .. انا بس ركبت الصور مع بعض ..
و أنا بعد أموووووووووت في الرسم .. لكن مأجلة الشغل عليها ... أفكر لما أرجع الامارات أسجل في جامعتي فنون جميلة أو تصميم ديكور .. أما في أمريكا بدرس شي دسم شوي .. عشان الشهادة ..
و بعدين أخاف أسجل في كلاس رسم و أتفاجأ يطلبون منا رسم ناس عريانيين ... احرااااج .. دايماً أتخيل أدخل الكلاس و أنصدم بناس يعرضون أجسامهم بدون ملابس .. >_<
فشلت الفكرة من راسي طول ما أنا في أمريكا ..

 

[أحبه ولكن]

ههههههههههههههههههههـ .. .. أوك ماراح ادقق .
الرسم انا عاارفه انه موب شي بالنسبه للغربه واالشهاده ولافكرت ادخل قسم الرسم بالجامعه <<كيف ارجع السعووديه ومعي شهاااده ماجستير في الرسم <<خخخ
لاااا انا مفكره ادخل قسم تكنولوجيا المعلوومات <<سهل ويصلح لي بما ان وراااي بيت وطبخ وبنت وزووج
بس الرسم فكرت ادخل المعهد او الكليه بس ماادري اذا يقبلوني ادرس بالجامعه والمعهد مع بعض او الكليه ؟؟<مااظن
ودي ارجع السعووديه وانا متعلمه حاجات ثاانيه موب بس بالشهاده .عارفه ..
..
..
طيب شنو رايكم بنات نتكلم عن حياتنا في الغربه يعني شنو الاشياء اللي استفدتي منها هنااك ..او تعلمتيها ..او استغربتيها ..شنو الاشياء اللي اعجبتك ..وشنو الاشياء اللي ماعجبتك .. في الطبخ في الترتيب في حيااتك ....
وممكن نتكلم عن الاشياء اللي شريناها او شفناها ,,وعجبتنا وممكن نحط لهم صور (طبعا في اللبس والاكل وادوات المطبخ والتنظيف ) خلونا نستفيد من بعض ..
أنـا بحااول انزل صور اذا نزلت معي بوريكم شنو شريت ..
..
..
وفي شغله ثانيه ..المغترباات بالمنتدى كثييير بس المشكله تلاقيهم كلهم في قسم الزوج والزواج والاستشارات الزوجيه <<وهالقسم موب واااضح بالحيل ,,
ودي والله يجوون هنا معنا ويتحرك المووضوع احس احنا شويه ..<<نسوي اعلان بالاستشارات الزوجيه عن هالموضوووع <<خخخخخخخخخ
..
..
بالتوفيق..​

 

[ترانيم دجلة]

السلام عليكم ورحمة الله وبركااااااااااااااااته
انا مغتربة في ماليزيااااااااااااااااااا
يمكن جيت متأخره الشوي بس كل يوم بقول بدخل القسم العام على ملتقى المغتربات وانسى ابقى افر بالاقسام الاخرى
تقبلووووووووووني ضيفة معكم ؟؟؟؟؟؟؟؟؟؟؟؟؟؟
​

 

[سمو الأميرة]

هلا و الله ترانيم دجله .. نورتي الموضوع .. ^_^​

 

[ترانيم دجلة]

اهلا بيك حبيبتي

 

[سمو الأميرة]

أحبه ولكن,,,
فكرتج حلوة ..

بخبركم عن بعض المستخضرات العجيييييبة اللي جربتها ..

أولا ً .. في ماركة مكياج في أمريكا اسمها Too faced .. عندهم شغلات حلوة مثل ..
غلوس مكبر الشفايف .. Lip injection

و غلوس يتغير لونه على الشفايف بتدرجات الوردي حسب الموود .. mood swing

و كريم مثبت يوضع قبل الايشادو .. رااااائع ... Shadow insurance

و هذا توقيع مغتربات ماليزيا بعد اضافة ترانيم دجلة