•.♥.• •.♥.• دردشــ حوامل ــــة الشهور الاولى•.♥.• •.♥.•من الشهر الاول الى الخامس

الحالة
مغلق و غير مفتوح للمزيد من الردود.
مســائكم ورد يا أحلى امهات حتى مع الوحم وسدت النفس لسه فينا أمل :17:


ام مصعب ..الله يشافيك يارب من حكايه هالجاثوم واقراي قران كثير على نفسك قبل لاتنامين اختي كان يجيها وهي حامل بس مو باستمرار والحمدلله ولدت ولا صار للبيبي شي بس انتي انتبهي لاتوسوسين واقرأي ياقلبي اذكارك دايما ....

روماسية .. طبيعي تصير لان بعدك في الشهر الاول والكيس مره صغنون انتبهي على صحتك واكلك في هالفتره وان شاء الله مافيك الا كل خير ... وبعدين لاعاد اسمع كلمة دبدوبات بليززز << متعقده :4:

ام شاهين ..عندي ملف اكسل بحاول انزله في التجمع هنا لحساب الحمل وشغلات مررره حلووه ..

للوسة قلبي ... والله بعد ماوصلت لمرحلتك لكن هالاوجاع تجيني انا بعد وانا توني في الثالث بس اتوقع ان الرحم يتوسع الله يطمن قلبك يااارب وان شاء الله الاخوات يفيدونك ..
​
 
كيفكم بنات الله يتمم لنا ولكم على خير ياارب
مقهوووووره حدي حامل بالشهر الثالث تقريبا وفيني كسل ونوووووم غير طبيعي
واللي قاهرني الصلااااه اتكاسل واحيانا اتأخر فيها والله ان نفسيتي تعبانه من هالسبب
يالله ياكريم لا تعاقبني وهون علي واعني على ذكرك وشكرك وحسن عبادتك
خايفه امووووت وانا كذا أخر الصلاه ياااااارب رحمتك
بناااااات طلبتكم ادعوا لي
 
ياااارب يخفف هالغثيان والاستفراغ علي ان شاءالله ...

انا مشكلتي في بلد اجنبي ودكتورتي اجنبيه ماافهم عليها ولا تفهم علي ...والغثيااان لاعب فيني لعب ..!! واللي زود الطين بلله الاستفراااغ بس مايطلع شي وانتم بكراامه!!!!

وقالت لي اختي عن فوار الفواكه تقول استخدميه !! بس اخاف يضر الجنين ولا اعرف اسمه بالانقلش!!

وش رايكم بنات !!! الفوار كويس ولا لا !!!

يارب خفف علي وعليكم !!
 
وردة أمل2 & روماسية
انا بعد صار لي مثلكم بلاه ياقلبي من العجله انا بس غابتن عني الدور يوم على طول على المستشفى بس طبيعي تقول الدكتورة لانوا باقي صغير واعطتني موعد ففي 16\6 اروح اسوي سونار هاد باقي 4 ايام ووانشاء الله اجي اطمنكم واقول وش صار معي
 
مشكوره ياحركات انتي ماقصرتي اتمنى يكون عادي لاني سبق وحملت ولااذكرهل شي جاني
بنات ادعولي دعوه صادقه لاختكم كان عندي اجمل واغلى طفل الله يجعله شفيعالي ولزوجي يااااااااااارب توفى عمره سنتين ونص له تسع شهور وقلبي متقطع عليةالحمدالله على كل حال
بالشهرالرابع سويت سوناروقالت الطفل مقفل رجولةبس اتوقع بنت انا خلالالالالالالالالالاص جلست ابكي ولو انها ماتاكدت اللهم لااعتراض انا اموت بالبنات وكنت اتمنى طفلي الاول بنت بس بعدوفاه طفلي ابي ولدمثلةاحسه بيرجعلي بنات عندي اشعه سوناربكرى اتمنى يكون ولدادعولي مرررررررره خايفه
 
السلام عليكم ..


انا في الشهر الرابع وساكنه بحي النسييييييييييييييم بالرياض

وابي مستشفى اراجع عنده كنت ببدايه الاشهر عند مستشفى خاااص وكلاااني بالفلوس والله ما يكفي مصرووفنا مع متطلبات المستشفى يعني لو تحليل او سونار لازم فلوووس واقل من 200 ما فيه كلاااني

وزوجي عسكري بس المستشفى بعيييييييد عنا مررره ومواعيده اكيد عارفينها بعد الشهر او الشهرين


ابي مستشفى حكومي بحي النسييييييييييييم اروح له تكفوووون ساعدوني


حالتي مررره صعبه والوحام مو راضي يخلص ..



اخت دانه
 
ام مصعب ..الله يشافيك يارب من حكايه هالجاثوم واقراي قران كثير على نفسك قبل لاتنامين اختي كان يجيها وهي حامل بس مو باستمرار والحمدلله ولدت ولا صار للبيبي شي بس انتي انتبهي لاتوسوسين واقرأي ياقلبي اذكارك دايما ....
أنقر للتوسيع...

اللهم آمين

ويرزقك الذريه الصالحه يارب

ويرزق كل محروم
 
مساااااء الخيرااااااااااااااااات

كيفكم وأخباااااااركم

وياااااااااااااارب يسهل أموووووووركم
 
مسائكم خير ..

للوسة قلبي .. الله يعوضك خير يااارب وان شاء الله ولدك يكون شفيع لك يوم القيامه .. وا طمنينا عليك بعد موعد الدكتوره ان شاء الله كل شي يصير مثل ماتبين والله يختار لك كل خير ..

س؟..ج .. الله يخفف عنك وماعندي فكره عن فوار الفواكه ان شاء الله البنات يفيدونك ..

أخت دانه .. ان شاء الله بنات الرياض يفيدونك ولاتنسينا عمنا جوجل ..
​
 
*$ الغاليهـ $*

تمام التمام .. انتي كيفك وكيف الوحم معاك ان شاء الله خف ؟! ..
 
ياهلا مس حركات<اذا كان اسمك كذا ماعاد ادقق

والله الحمدلله ماشي حالي بس فيه الام في ظهري خفيفه الله يعين

انتي اخبارك ياعسل
 
جبتيها صح يـا *$ الغاليهـ $*

لاتشكي لي وابكي لك من هالالام لدرجه اني ما اقدر اسوي اي مجهود حتى لو بسيط .. الله يكتب لنا الاجر بس
الا اقولك كيف زياده الوزن عندك انا انسانه متعقده من السمنه وتخيلي يوم رحت للدكتوره اخر مره زايده 5 كيلو عن وزني قبل الحمل قلت اذا البدايه كذا وش راح اصير في الشهور الاخيره
 
ياحياتي ابشرك مازدت الا كيلوين عن وزني الاساسي وانا نحيفه مره الله يعين
سويتي سونار والا باقي انا ماسويت
موعدي الاسبوع اللي فات وسحبت ع قلت بصبر شوي عشان يكون واضح كل شي
 
ماشاء الله عليك لان الزياده اللي عندك طبيعه هذا اللي قالته دكتورتي ...
الا رحت سويت سونار امس تقولي الجنين بخير والحمدلله وشفته وهو يتحرك قالت بس جنسه مو واضح على نهاية الرابع نعرف .. بس احلى شي ان زوجي شاف البيبي وهو يحرك يده ويتحرك ماشاء الله شقاوه من الحين ..
 
ماشاءالله الله يتمم عليك وتشوفينه ان شاءالله
انا سقطت قبل كم شهر كان حملي الاول وعشان كذا خايفه اتحطم اسوي السونار وتقول لي مافي نبض
زي الاول
 
ياقلبي عليك .. أسأل الله العظيم ان يثبته ويفرحك بشوفته سليم معافى .. بس اهم شي لاتتشائمين ياقلبي وان شاءالله ربي يكتب لك كل خير ..
 


هلا كروشاااات

صباحوووو خير وصباااح النونو

بنات من دخلت الرابع شهيتى للاكل قلت عكس الثالث ... هل ذا طبيعى ؟؟؟؟



​
 
الحالة
مغلق و غير مفتوح للمزيد من الردود.
عودة
أعلى أسفل