سلام عليكم من جديد بنوتات ^_^
شكرا لكل حبوبة قالتلي كلمة بسيطه تخفف عني ..
جانو شايفه علي كلامي الي تقولي عنو خطير ... الدنيا مدري كيف ماشيه معايا
ماحسيت اني عروسة الا امكن مرتين ولا تلات والباقي كلو احس انو انا اخر وحده في العيله
كيف؟
يعني بدي سوق يقولو مو لازم دحين بدري لمن يقرب زواجك نشوف
بدي اروح اخلص مشترياتي عشان ارتاح واهتم بجسمي يقولو انتي حره روحي لكن وقت الجد مافي اي احد يروح معايا السوق +غالبا المواصلات مشغولين اهلي وانا ماركب تاكسي
وع اعصابي
البنات عاده يروحو سوق واتنين وتلاته
انا حتة كم سوق رحته وانتهي اتنين للملابس والجزم و واحد للاكسسوار والبكل للشعر
ايش يبغو تخفيف اكتر من كدا؟ نفسيتي زفت مالقيت الا اني اقوم من فراشي اجي افضفضلكم
الكلام بقلبي كتير بس لو جلست اقول من اليوم لبكرة مارح اقدر اوقف
زوجي اتبرع اليوم يوديني الا اختي تقولي اتقلي ومو كويس بكرة الرجال يقول اهلها رامينها
ومدري ايش
انسدت نفسي احس الدنيا مو بسيطة
قدما احاول ابسطها الناس يعقدوها
صحيح ما ارمي نفسي بس انا محتاجه ومحد فاضيلي عالاقل زوجي اهم شي يتعلم يشيل مسوليتي
وفوقها الحلاوة اولما يعرفو اني نازلة فلانه تقولي اشتريلي معاكي الشي دا والتانية تطلب شي تالت
مرات اكتأب وادمع ليش كيدا؟
اخواني واختي لمن تزوجو فرغت نفسي لهم ساعدتهم ماقلت الزواج باقي ولاحقين عليه
اهتميت لهم كتير كانه زواجي انا... فليش لمن يجي دوري محد معايا؟والكل يقولي بدري استني
ومدري ايش كانو لازم اشتري وارتب نفسي في اسبوع قبل الزاوج وبس
كااااااااااارهـه هالدنيا الي كلها مشاكل وتعقيد
ماعندي شغل كل عقلي تفكيري بالزواج فقلت انشغل بنفسي اهم من خرابيط تانية تخرب وقتي
صحباتي مشغولات واصلا علي بالهم اني مشغولة مع خطيبي وزواجي
كلما اقلهم انا مو مشغولة لانو زواجي ماتحدد برضو هما مشغولين بدوامهم
عالعلم انا ماشتغل ولابدي الان لانو بدي ارتاح فتره ست شهور من زواجي وبعدها افكر بالشغل من جديد
ماعرف بنات ايش اعمل بحالتي
انتظرت كتير بس مافي فايده كل يوم نفس الشي كل اسبوع نفس الحال
مافي احد يرضي يروح معايا وهادا ازا لقيت احد يوصلني
امي كبيرة بالسن تعبانه ماقدر اخدها وزوجي يقولولي اخواتي عيب واتقلي بكرة النهار يلومك باهلك ويمسكها عليكي
وعليكم السلام حبيبتي
والله حاسه بيكي تشكيلي ابكيليك
كل واحد في مشكلتو
بس انتي لاتعبي راسك ولاتفكري
انا كنت زيك بس همي متى اقضي ومدري ايش
وماما تقولي لا لاتقضي الالمن يتحدد >>>لانو كل شويا مشاااكل وعراقيل لتحديد الزواج
بعدين تقدم او مقاسك يتغير ومن دا الكلام >> بس بعدين اقتنعت لاني نزل وزني عن قبل من الهم
وانا مقهوه الي بعدي ملكو يقضو وتحدد ماشاء الله زواجهم
وانا نفسي احس دا الاحساس اني اقضي>>>> خليها على ربك
فانتي حبيبتي لاتحرقي اعصابك في احد يوديكي روحي
مافي خلاص مو مشكله عادي انشغلي بشي تاني
بجسمك بشعرك بطبخ فراية كتاب ينفعك في الزواج
وخليها على ربك
وكثري من الاستغفار والله انصحك بيه طول منتي فاضيه استغفري
وتشوفي العجب مره يريح ويسهلك امرك ان شاء الله
ربي يريح بالك ان شاء الله
وحين اتعوذي من الشيطان
واتوضي وصلي ركعتين وادعيي من قلبك مع اليقين بالاستجابه
وابكي واشكي لربك >>> ولا تنسيني:bigsmile:
وان شاء الله في القريب ترجعي باحلى الاخبار ياااااااارب
وتصبحي على احلى خبر
