’,’,’ رحلتي الى المانيا ’،’,’

[مشاعل666]

موضوعك جا بوقته عزيزتي والصور حلوه لكن اتوقع لو الكاميرا صفاوتها اعلى كانت طلعت احلى لكن ودي اسالك عن الحجاب كيف تعاملتي معاه وهل ضايقوكم الناس هناك بسببه طبعا النقاب مو الحجاب

حياك الله حبيبتي

بالعكس الحجاب جدا عادي هناك مافيه اي مشكلة

لأننا رحنا في وقت شتوي تحجبت بالشالات الشتوية

بس النقاب لأ ... الكذب خيبة ماشفت وحدة متنقبة هناك

كان لبسي بنطلونات وجاكيت طويل لحد الركبة وشال شتوي

بس جيتي للحق كل في حاله هناك
​

 

[مشاعل666]

والحين حنا على قمة الجبل الجو رااااائع

وهنا الناس يتزلجون

وهذا المكان اللي محلات ودورات المياه اكرمكم الله وتأجير

عدة التزلج ومطعم

​

ودخلنا على مطعم مرررة مرتب وحلو والأحلى اكله

مررررة لذيذ..

​

​

​

زوجي طلب كباتشينو

وانا كنت جااايعة وطلبت شوربة ورز مع دجاج بالكاري

​

​

وطبعا العادة ياسعادة ماشاء الله ابو الشباب يقول ماني جوعان

وياكل ثلاث ارباع اكلي

لا والمشكلة كان طالب طلب وكنسله .. وبعد ماجابت اكلي اشتهاه ..

وهذا صورة كلب اعزكم الله ملبسينه (( اهله )) ملابس شتوية
​

​

وهذا المطعم والمقهى
​

​

​

وهذا راس ابو الشباب (( والله مدري وش في هالراس ))
​

وهنا ابو الشباب قاعد يكور كورة ثلج .. يقول حالف

وانا في الرياض

اكور كورة ثلج واصقعك فيه

قلت لكم ماكله حلاله انا

​

وهنا واحد قاعد يتدرب ومو عارف يوقف

​

​

يتبع
​

 

[مشاعل666]

هذا ابو الشباب يقول ابي امارس رياضتي المفضلة

رياضة مفضلة ايش ياهوووووو على طعوس الرياض ولا ويييين

قلنا طيب رحنا للي يأجر عدة التزلج .. قاللنا العدة كاملة ليوم كامل ايجارها (( 29 يورو ))

واخذناها وصعدنا حتى ابو الشباب يمارس رياضته المفضلة

والله ربع ساعة وصارت بلاااوي ماتنقال خلوها مستوورة احسن

ورحنا رجعنا العدة للمؤجر .. اول ماشافنا قاللنا بالألماني خير ايش فيه انت اسرع واحد

يرجع لي العدة.... ربع ساعة بس..؟؟ ليش ؟؟ (( لاتعليق ))

المهم بعد ماخلص زوجي رياضته

رحنا للمقهى وشربنا هوت شوكليت

على فكرة ياكثر الغربان في المانيا

بعدها نزلنا عند القطار حتى نرجع لغارميش

وهذي بعض الصور وحنا راجعين

وهذا سقف القطار يفيدكم كم المسافة بين كل محطة ومحطة مع ان المسافة مو بعيدة ابدا

يعني بين كل محطة ومحطة 30 دقيقة .... 7 دقائق ..3 دقائق

بس حلوة للملولين امثالي بحيث يعرف كم باقي ويوصل

يتبع
​

​

 

[مشاعل666]

وكل طريقنا في الرجعة ثلوج واكواخ رووووعة

وابو الشباب ذبحني من تصوير الحطب وكل ماشاف حطب يقوللي

ليت من اخذه للإستراحة عند الشباب ...

والله والله ودي ادخل هالكوخ الصغير اشوف ايش فيه ... لأنه مرة

عجبني

اكواخ اكواخ اكواخ صراحة سحررررت عقلي

والله ذا الحطب عذب زوجي

وصلنا الحمد الله

ورحنا على الفندق.. لكن الوقت مررة بدري الساعة 5 المغرب

قال زوجي بنزل المسبح لأنه فاضي

جلسنا ساعة ..وبعدها صعدنا الغرفة ونمنا وصحينا ثاني يوم على

شي حلوووووووووووووووووووووو

وهو راح يكون عنوان اليوم السابع في غارميش ان شاء الله


تذكرون هذي الصورة

شوف كيف انقلب الجو ثاني يوم

هذا عنوان الحلقة الجاية ترقبوووني


استودعكم الله ...​

 

[سكنات في القلوب]

الله يسعدك يااربي ون شاء الله تعيدي رحله كل سنه ...... بس صدقتي مستحيل شباب الرياض يشوفو حطب ولا يتجننو وخاصه في موسم البرد ودهم يشيلو كلش للاستراحه

 

[سراااب]

انا زرت المانيا بجد بجد خوراااافيه

 

[مشاعل666]

الله يسعدك يااربي ون شاء الله تعيدي رحله كل سنه ...... بس صدقتي مستحيل شباب الرياض يشوفو حطب ولا يتجننو وخاصه في موسم البرد ودهم يشيلو كلش للاستراحه

يارب نعيدها ان شاء الله كل سنة

ويسعدك ربي على تواجدك .. نورتيني
​

 

[مشاعل666]

انا زرت المانيا بجد بجد خوراااافيه

حياك الله ياقمر

نورتي موضوعي
​

 

[مشاعل666]

مساء الخير

اليوم السابع في غارميش الرائعة

كنت اتمنى انا وزوجي اننا نعيش اجواء ثلجية

مثل اللي نشوفها في الأفلام

وحصل اللي نتمناه ..لحقنا في غارميش على الخضرة الرائعة

وعلى الثلج الأروع

صحيت انا اول شي وجلست اناظر في الشباك

بس ماني قادرة اركز

صحيت زوجي من النوم

وناظر الشباك وما اشوف وجهه الا كذا

قاللي شوفي الثلج قاعد ينزل

ماصدقنا على الله وصلينا ولبسنا ونزلنا على السريع

نفطر حتى نطلع مايفوتنا الثلللللللللللللللللللج

وزوجي ماقدر يتحمل اكل شي خفيف

وطلع يصور لما اخلص بلع

وجا عندي لصالة الفطور وصور هذي الصورة

وقاللي خلصيني لاحقة عالأكل

وطلعنا وجلسنا نصور السحر اللي قدامنا

والله كأني في مدينة ثانية

سبحان الله بين يوم وليلة انقلب الجو 180 درجة

ابو الشباب رايح جاي مو مصدق نفسه (( ولا أنا ))

ولا فيه احد غيرنا بالشارع

مهابيييل فرحانين بالثلج

وبرضو قليل من الحطب لتعذيب زوجي

سبحان الله كأني اصور ابيض واسود

يتبع​

 

[لولي**]

ميشو تكفين خلاص عذبتينا كل يومين وانا اقول لزوجي دوله بس الحين بزن بس على المانيا وخصوصا غارميش

 

[مشاعل666]

ميشو تكفين خلاص عذبتينا كل يومين وانا اقول لزوجي دوله بس الحين بزن بس على المانيا وخصوصا غارميش

بقعد اعذبكممممممممممممم الى مايسفرك ابو الشباب

:icon30:وتكتبين تقرير طويييل عريييييييض..(( احب الشر ))
​

 

[مشاعل666]

نكمل مدينة السحر والجمال​

​

​

​

​

​

وهذي المقارنة والله فرق وكبييير سبحان الله​

​

​

​

​

​

ابو الشباب مستعجل مدري على ايييش​

​

​

​

​

​

يتبع​

​

​

​

 

[مشاعل666]

ورحنا على الساحة الداخلية اللي كلها

مقاهي ولقينا كشكات مررة حلوة يبيعون فيها اجبان

وزيتون وورق عنب

وجلسنا ريحنا في مقهى واخذنا طبعا هوت شوكليت

وحنا جالسين ...جلسنا نصور اللي حولنا

وهذا الكلب اعزكم الله عاجب زوجي ..يقول احب هذا النوع

​

 

[مشاعل666]

والورشة اذا تذكرونها

الثلج ينزل

وهذولا شكلهم عساكر او ضباط كان عندهم اجتماع الظاهر

يتبع
​

​

 

[عبقرية منسية]

ماشاء الله التقرير عجيب
والصور روعة ,, والاماكن حلوة ... الله يهنيكم
تصلحين تصيرين صحفية هههه
لان بعد تقريرك عجبتني المانيا ,, الله يعطيك العافية

 

[الاماسة]

ماشاء الله تبارك الله 00 الصور روووووووووووعة والاروع اسلوبك 0000000 كملي الرحلة انتظرررررررررررررررررك

 

[مشاعل666]

ماشاء الله التقرير عجيب
والصور روعة ,, والاماكن حلوة ... الله يهنيكم
تصلحين تصيرين صحفية هههه
لان بعد تقريرك عجبتني المانيا ,, الله يعطيك العافية

اهلين وسهلين بحبيبتي عبقرية

كلك ذوق ياقلبي .. والله مو شينة اصير صحفية ... عز الله اندمرت الصحافة:bigsmile:

بس والله المانيا رووووعة وفيها كل اللي في الدول الأوروبية الثانية

بس الناس كل تفكيرها ان المانيا للعلاج وبس ...

اسعدني مرورك...:blush-anim-cl:
​

 

[مشاعل666]

ماشاء الله تبارك الله 00 الصور روووووووووووعة والاروع اسلوبك 0000000 كملي الرحلة انتظرررررررررررررررررك

هذا من ذوقك حبيبتي

شرفني دخولك موضوعي

تحيااااتي
​

 

[عبقرية منسية]

اهلين وسهلين بحبيبتي عبقرية ​

كلك ذوق ياقلبي .. والله مو شينة اصير صحفية ... عز الله اندمرت الصحافة:bigsmile:​

بس والله المانيا رووووعة وفيها كل اللي في الدول الأوروبية الثانية​

بس الناس كل تفكيرها ان المانيا للعلاج وبس ...​

اسعدني مرورك...:blush-anim-cl:​

اي والله صادقة ,, حتى عمي الله يحفظة لما سافر لها
ماشفت من الصور غير صورة هو وعيالة داخل بيتهم فقط
وبعض الصور لبيوت كئيبة :sadwalk:
علشان كذاا كلش ماعجبتني ،،:thumbdown:
بس مدري لية في نااس ممتعين بالسفروتفرحين لما تسافرين معهم ( وانت منهم ) وفي ناااس ممملين بالسفر :surrender:
خلاص السفرة الجاية انا وانتي بنروح لكنداااا ونتصور اهم شئ نتصور على البحر :bleh:

 

[هدوء أميرة]

ما شاءالله ياميشو روعــــــــــه تسلمين الله يهنيكم يارب ويخليلك ابو الشباب:santa_1: آمين
لى عودة