خطيبي شرقي جنوبي ... جننننني باسلوبه وتطنشيه !!!!
صباح الخير يا جماعه ..
ودي تساعدوني ... بنات والله تعبت من خطيبي مش عارفه اتصرف معاه ...
بقولكم عنه وانتو بروحكم احكمو ...
تخيلو مخطوبين ( عقد قرآن ) ولا يكلمني بالتلفون؟؟؟ كل سوالفنا على المسجات؟؟؟ بالله مايرفع الضغط؟؟
انا مستغربه مايشتاق يسمع صوتي؟؟؟ مايتوله له .. ؟؟ والله استغربت منه ...
واذا تكلمنا قال شحالج شخبارج .. وكيف الدراسه ..... وخلاص؟ بالمسجات بعد ...
بعضهم قالو لي بعض الرياييل يستحون .. انتي خطيبته عادي حاولي تبتدين ... وفعلا بدييت بهالخطوة ..
هو واايد استانس باتصالي ... جربت في كذا مره .. وفيه كذا مناسبه ... بس ابدا مايتصل من نفسه ؟؟
اطلب منه شي مايسويلي ؟؟ يعني قبل فتره راح السوق واشترا اغرااض وجيه .. ( طبعا هو خبرني بالمسج)
فقلت له ودي اشووف اللي شريته صوورلي وجيه ...
قالي حاضر حبيبتي وهو يضحك .. بس انا الحين في المجلس وقت ارجع البيت بصورلج وبرسلهم ...
يعني وعدني .. تميت اتريا اتريا ساعه ساعتين ثلاث ؟؟؟ لا خبر ؟ ..... واليوم الثاني تم يسولف وطبعا انا نسيت سالفه الصور ... بعدين ذكرته مارد عليه ؟!!
انا اعرف شخصيته الجنوبي كسوول نوعا ما ... يوعد ويخلف الكثثير بس الغريب قبل كان يصورلي كل شي ويرسل لي من غير ما اطلب منه بعد ...... ؟؟؟ مب قادره احل هاللغز
استحي الح عليييه ... شو اسوي؟؟
وبعد ...
ولا مره في حياته دفع فواتيري ؟؟ انا تلفوني ماستخدمه دايما بس معاه اكثر شي ... كيف اقنعه يدفعلي؟؟
استحي منه بصراحه ...
ولاحظت الفتره الاخيره صار وااااااايد يطنشني ...
يعني مثلا لو ارسلت له مسج بالليل مايرد علي؟؟؟ مع اني كشفته اني يشارك في موقع ويكون فيه اونلاين؟؟
ويوم اساله وين كنت البارحه يقولي حبيبتي كنت راقد؟ مايدري اني اعرف انه جذاب
وهالموقع مثل مواقع الشات بس من نوع اخر.... يعني الشخص يضيف ناس يعرفهم ويعرضون الصور لبعض ويسولفون ومن هالاشياا ....
وغير ان لو طنشته يووم واحد يزعل عليه واااااايد!!
بقولكم مثال ... قبل كم شهر فلست ... وماقدرت ارسله مسج .. يعني هو طرشلي مسج وبعدين انا طرشته ويوم هو طرشلي مسج انا ماقدرت ارد عليه لأن رصيدي خلص ... في اليوم الثاني انا دخلت الرصيد وطرشتله ... قالي ويين انتي ومن اسلوبه معصب علي ...
قلتله والله فلست ماكان عندي رصيد .. وصدق ماكذبت ...
ماصدقني ولا رد عليه ابدا الا اليوم الثاني ... !!!
واضح جدا انه كان زعلان وماصدق كلامي لما قلت له ماكان عندي رصيد
وللعلم قبل في بداية خطوبتنا كنا نسولف واايد في الماسنجر ويطرشلي صوره ولو راح مكان يصور ورويني ... بس الحين ابدا ... يعني الحين اساله وينك ليش ماتدخل الماسنجر يقولي والله حبيبتي ظهري يعورني وماقدر اقعد على الكرسي ويا ومن هالكلام الفاضي ... يحسبني غشيمه والله مادرى اني فضحته وعرفت ايميله اليديد !! وتاكدت بنفسي ... فتحت ايميل يديد وضفته على اساس اني بنيه ضايعه ( كنت اريد اختبره )
وللاسف كمل معاي ........
ليش يحرمني من العاطفة ويعطي لغيري؟؟؟ واللي قهرني اكثر ... الحين وقت اطلب منه صوره اليديده يستهبل عليه يقولي ماعندي ومادري شو مرات يطنشني بعد نفس سالفه الصور اللي وعدني فيها ...
وتخيلو حاط صورته على الماسنجر !! وتميت استهبل معاه اكثر طرشلي صور له قرييبه يعني واضحه جدا ... حرق قلبي والله
ليش ياخطيبي لييش
( للعلم انا ضفته على اساس اني وحده ماعرفه مش خطيبته)
بعطيكم مثال اخر ... قبل فتره كان عيد ميلاده ... طبعا انا طنشته وسويت نفسي ثقيله عليه
طرشلي مسج معصببب .. كان يتغزل فيني بس انا ارد عليه بابتسامه لأني صدق كنت مستحيه من كلامه ... بعدين رد عليه قالي المفروض تدلعيني اليوم بس شكلج مالج خلق؟!! بعدين يقولي انتي ماعرف اشفيج كله متضايجه بس!!!! حرام عليك ... كيف تحكم عليه بكلامك هذا ... اوقات اكون متضايجه من الكليه اشكيله بس اوقات مب دوووم .... واوقات اكون مستااانسه احاول اخليه يشاركني فرحتي ... واذا كلمني ارد عليه عادي ... ولاحظت كثرت مشاكلته من يوم انقطعت اتصالاتنا ... ماصرنا نعرف متى كل واحد فينا يكون مستانس او متضايج ...
ارييد يشتاق لي ..... اريد يسمعني كلام حلوو ... والله اشتقت لايام اول ... ياليتها ترد .. كنا نسهر طول الليل على الماسنجر ....... آآه ياقلبي الحزين
بنات خطيبي جنوبي شرقي وانا غربي جنوبي ...
قريت واايد عن شخصيته والحمدلله فهمت واايد عنه بس فيه الامور مب عاارفه لها ...
ساعدووووووني الله يجزيكم كل الخير ....
