,.‘؛`,.‘؛`ســـــــــــوالف زوجات الجنـــــــــــوبي(2)فضفضة,.‘؛`,.‘؛`

[الام الحنون**]

ملتقى المغدورات في مستنقع الخيانات.....تجارب وفوائد(فضفضة)
ياليت تشاركين مع وضع الكلمات التي قرأتيها بالرسالة
لان الموضوع الاصل فيه اننا نعرف الزوجات عن كلمات الساقطات




حبيبتي يظهر أنك لاتنتبهي جيدا لردودي
هذه هي الحركة من اسرار الجنوبيين
وهو افتعال الغضب الغير مبرر
للحصول على الدلع أكثر
الآن اتركيه لاتبالِ به(وطنشيه)بدون زعل
خلي اليوم مثل باقي الايام ولا كأن فيه شئ

علم وجاري التنفيذ
مهاجرة ممكن انقل الملفات اللي تخصك عندي في الجهاز للرجوع لها وقتما اشاء

 

[ذكريات الغد]

والله حاولت اكثر من مرة
بالمساج امس المغرب
وبالعشا ء الرومانسي وشموع ودلع
في الليل
واليوم الفجر ..
مساج ودلع علشان اصحيه يصلي فرضه اللي لازم يقومله غضبن على خشمه
وما في فايده
الصراحه نفسي اطنشه اسبوع ... اروق من جد من وجع الدماغ
وش رايك بفكرة التطنيش​

ملاحظة: اول مرة في حياتي اشوف انسان زعلان وما يقول لأ
عملتله مساج ( ياسلام سكت ومبسوط ولماقام وصلى المغرب ماد بوزة شبرين .... العشاء اكل وشبع ومسح اللي قدامه بالف عافيه على قلبه
لكن ولا كلمه قام وحط راسه وشخر )
ما معنى ذلك ؟
والله انا اذا زعلت كــــــــــــــورت ( بمعنى صرت كورة)
لا اذوق لاكل ولا شرب
مدري من وين جايب هالنفس الخضراء

ما شاء الله ​

كنت مثلك سابقا حتى عرفت إنه سر
أنا لما يسوي نفس هذه الحركات وأنا مقطعة عمري عليه وهو راضي بكل اللي أسويه وماد بوزه شبرين ومسوي فيها زعلان ....صرت أقوله وأنا غضبانه بدلع ياخسارة وقتي اللي ضيعته معاك صاير إنسان تحب النكد وتجيبلي الكآبه بأدور لي فيلم أو كتاب أو أي شغله أتسلى فيها وآسفه على وقتك اللي عطيتني ....هذا كله بهدوووووووووووء
والله العظيم لما يروح من عندي .....يرجع بعدها يتلصق فيني ويتمسح كأنه قطو وكلام حلو ونسى كل اللي كان

 

[نواره99]

الله لايغيره عليك ويحفظه لك من نساء السوء ورفقاء السوء هو وزوجي وشباب المسلمين

ويربط على قلب كل زوجه مغدورة
ويهدي اخواني المسلمين الخائنين من جميع بقاع الارض

آميــــــــــــــــــــــــــــــــــــــــــن​

امييييييييييييييييييييييييييين ياارب

 

[واثقة]

السلام عليكن جميعاً ورحمة الله وبركاته
بأمانة يا زوجات الجنوبي
هل تطبقن ما تتعلمنه
أم تسألن وتنسين السؤال
ام تسألن من باب الفضول
لاني أجد أسئلة على دروس قديمه
على العموم أنا سأجيب عليكن برحابة صدر
ولكن يهمني أن تتحسن حياتكن
​

عشان عيون الغاليه مهاجره رديت وللمره الأولى



اكيييييييييييييييييييييييييييييييييييد نستفيد


ولا ليش ندخل؟؟؟؟




قبل فتره صارت لي مشكله مع ماي جنوبي


رجعت لملفك اللي بدون ردود اشوف وش كتبتي قي هذا الموضوع


واستفدت منك ربي يحفظك






تأكدي ان فيه عضوات كثييييييييييييييييييييييييير مروا ولا علقوا .. لكنهم استفادوا

واكثر منهم الزوار





اعتبري ما كتبتي صدقه جاريه لأنه علم بيبقى حتى بعد موتك وتستفيد منه كل قارئه ما بقي الموقع وما بقي عالم النت





وربي يحفظك ويسخر لك ​

 

[الام الحنون**]

والله يا مهاجرة اني احاول استوعب كل كلمة تقوليها... واطبقها بحذافيرها
لكن احيانا اركزعلى نقطة معينه او درس معين لاني اكون بأعاني منها جدا جدا وما اعطي غيرها من الدرس حجمها من الاهتمام
بس مو معناه اني ما اهتم بيها
ومن كثرة ماهو متعبني هذا الجنوبي هو وعياله الله يحفظهم من كل شر وسوء ويهديهم يارب
والله اني انسى لكن يعلم الله وحده مدى استفادتي منك ومن كلامك اللي زي العسل


http://groups.google.com/group/AbuSamirSami

لا وابشرك قايمه اتفلسف واسوي مصلحه اجتماعيه على صاحبات لي ازواجهم جنوبيين
وما عندهم نت في البيت فاحيانا اعطيهم استشارات هاتفيه وفكرت اسوي لهم اشتراك بالجوال شهريا وكل يوم ارسل لهم رساله بها نصيحه او فائدة
والفاتورة عليهم الاثنين
علشان الجنوبي لا يذبحني

علشان كدة انا استأذنت
منك اذا سمحتي لي بحفظ ما تكتبيه
واطبعه لهم ... وهم تقريبا اثنان بس اللي رجالهم جنوبيين

وجزاك الله خير على كل ما تقدميه لنا يا عمدة العمد يا مهاجرة

​

 

[نسمة نهر]

السلام عليكم اذا كان زوجي شرقي كيف اعامله علما باني شماليه

 

[المهاجره]

صباح الخير يا حلوات

مسموح لكن جميعا النسخ والاستفادة المجانية
ونقله لأي امرأة في العالم

عنـــدي ســؤال :blush-anim-cl:​

ليــه أستـــاذة ناعمــــة ماتنــــصح بالملابـــس التنكـــريــه ؟؟؟؟؟​

أتمنــــى تفيـــدينـــي :blow:​

أحلى زوجيـــــنــ​

لانه فيه تغذيه لخياله وخاصة ان الجنوبي ذا نمط خياله واسع
وانت بذلك تنمين الافكار وتحوليها الى سيئة دون قصد
فعندما يشاهدك بملابس الخادمة مثلا التنكرية
فانه يغذي خيالة عندما يرى الخادمات
وكذلك نفس الحكاية مع المريول المدرسي والشرطية وغيرها

اما من وجهة نظري فأحس انها دواء الخائنين المرضى الذين يحتاجون اشباع رغباتهم من قبل زوجاتهم لكي لا يحتاجون ذلك من الساقطات
وكان الله في عونهن

 

[المجروحة*]

شلونج المهاجرة
والله صادني احباط
لما شرطت اشياء ومن ضمنها يعطيني الباسورد حق الكمبيوتر قالي الحين بعطيج اياه بس ماتدخلين الا وانا معاج
وجوال الشغل قلت له دام مافي شي اتخاف منه ليش مب راضي اتشيل الباسورد قالي مب شايله قهرني
مع انه قال في البداية اوكي عشان ارجع
وانا الصراحة بديت معاه ادلعه واقوله كلام جرئ وحلو وتعدل وايد حتى هو ملاحظ هالشي بس لما اقوله يسكت ومايرد احسه بارد زين بعد يبتسم
والله احس خاطري اسمع كلام عدل عشان اقدر اتغير
و قلت له انت ليش حارمني من كلامك مع اني اكتشفت انك وااااااااايد رومانسي وحنون ويطلع منك كلام يذوب بس مب معاي وانا خاطري اسمع هالشي منك ومابي اسمعه من غيرك
طبعا هو مطنش ولا كأني قلت شي
انا ادري اني انا مفروض اخليه يتعلق فيني بس اشلون اذا مافي استجابة منه بعد انا محتاجة دافع اني اكمل اللي بديته عشان اتغير

 

[توما]

يا حبيبتي يا توما
المشكلة أنك تعيدي صفات الجنوبي التي لا نرددها كل يوم
لانستطيع تغيير شخص غير مقتنع بالتغيير لانه لا يرى أن به بأس
هو هكذا
لا يحب النقاش لان =ليس لديه ما يقوله
ولا يحب المشاكل= لانه لا يحلها
هو يسلي نفسه لانه =لديه مشكلة
المكان الذي لا يوجد به مشاكل ولا مجادلات = ملاذه
فكلما عرضتِ عليه مشاكلك وطالبتي بحلها فهو يذهب للتسلية
لكن كلما وفرت له الاجواء بدون اسئلة ولا حل مشاكل سيمكث بالبيت
يريد أن يعيش بسلام مع من حوله واذا لم تخلقي هذا السلام ذهب يبحث عن السلام خارج المنزل
لسان حاله يقول
فكيني من مشاكلك ووجع الراس وعالجيها بنفسك ومتى ما خلصت ناديني

:tears: حيره معه
زين واذا ودي اناقش معه في أمر؟؟تفور اعصابي اذا رد علي جذي!!!!
لكن احمد ربي ما يطلع عني الا قلييييييل جدا ولا يرضى ازعل يرضيني قد ما يقدر باستثناااء هذاك اليوم اللي طلع فيه وانا زعلانه ولا عبرني
كيف اقنعه ينظر للحياه حياة إيجابيه
دائما أحسه ييأس على عمره ويقول هذي الدنيا
وخااااااااااااااااامل جدا دائما اردد عليه ( ياعبد اسعي وانا وراك )
يعني بخموله ما بيحصل شي
لكن اذا سعى وحاول هنا بيحصل مبتغاه
والمشكله يعرف ان كلامي صح ويقول لي كلامك صح اكيد
بس لا يطبق ابدا ....
بروده يحرق اعصابي
هل من الممكن اغير هالنقطه فيها :tears::schmoll: ام هو صعب التغيير؟
هل هو عنيد واناني فعلا؟

وشيء ثاني ... لما يكلمني وهو معصب ويريد رد ضروري مني
انا اسكت لان اعرف لما اتكلم بيصير شيء ثاني ونتزاعل
كيف اتعامل معه بهالخصوص؟؟؟

انا احبه ولا استغني عنه وهو مثل الشيء بس هالهم جالس على قلوبنا ومنكد علينا :sadwalk:


اختي احب اقول شيء مره كان ودي بشنطه وما كنت ابي اطلع من المجمع وما آخذها
قعدت اضرب له نغزة اني ابيها واذا ما اخذتها اليوم بياخذوها اليوم الثاني وان لو عندي فلوس آخذها بس ماعندي ومن هالكلام وهو وقف جامد مايحرك ساكن
في الاخير قال خليها لنهاية الشهر الحين انا فلست وماعندي فلس طلعت من المجمع ساكته ما نطقت بشيء ، بس مادري مره وحده لقيت نفسي ادلعه وما خليت كلمه الا وقلتها بس صدق هالكلام كان من قلبي يعني ما جذبت عليه ..... ( هههههههههههه النساء يعرفون اذا أرادوا شغله ) المهم يوم ثاني قال لي بنروح المجمع بشتري لك الشنطه ... انا هنااا طرت من الفرحه يعني معقول كلام الدلع والدلال يغيره جذي؟؟؟
بس قعدت افكر شلون بيشتريها وهو بنفسه قال مفلس؟؟؟ يعني معقول كان يخبي عني؟؟
دائما جذي هو كله يقول ما عندي فلوس من يجي نص الشهر بس بالاخير القى عنه فلوس واذا اقول له اكا عندك يقول لا ماعندي ذيلا الفلوس الا عندي <<<<<<<<< شلون تطلع ذي؟؟؟؟؟؟؟؟؟؟؟؟؟؟؟؟ :thumbdown: بخيل هو؟ او البخل ماهي من صفات الجنوبي؟

 

[a.almohairby]

أتخيلي أختي المهاجره ..شو صار بعد كل الاهتمام والي اتعلمته منج اوف منقهره منقهره (..

جاء البارحه من المجلس الي يقعدون فيه طبعا مجلسنا الي في البيت هو فاتحه حق الشباب ..وهو من يقوم من النوم وهو في المجلس لين ما يرجع أيام الويكند اذا ماطلعنا لشليهات البحر ... وحتى في بيت البحر شي مجالس ..ويلسه مع الشباب ..
واذا كان عنده دوام يرقف سيارته جدام الميلس ويتم فيه لين الساعه 10 او 11 الفليل.. ويجي عندي يتعشلى وينام..

اتخيلي الطاااااامه الكبرى... الباحره جاء بعد العشاء وعشاء كان مرتب وكل شي ..والغرفه مدخنه نفس ما قلتي ويه بشوش .. ... زي القمر او ملابس خفيفه الي يحبها الجنوبي ورقه وكل شي ...

سرنا الغرفه وشغلنا التلفزيون عشان اشوف المسلسل الي اتابعه ..يا عدالي وانسدح ف شغل الابتوب ... انا هنيه عصبت .يعني طول اليوم هو في المجلس ويوم يحي عندي بدال ما يسولف وما يتابع معايه يفتح الابتوب ..
فقلتله ليش تفتح الابتوب انا عندك ..
قالي انتي اتشوفين المسلسل ..وانا ما احبه كله صياح وكآبه ...
قتله:.. لا انته يا في الميلس ولا جدام الابتوب وانا مال شي في حياتك..

اتخيييلييي ..قالي والله انا ايلس في المجلس لان اذا يت عندج كله ضرابه في ضرابه وانا في الميلس ارتاح منج..

وانا والله موب جيه بالعكس انا غير ...احب اسولف واضحك .. وابدن ما ادور المشاكل ..بس هو ما يفهم ..
بعدها مارمت اتكلم وكل شي جاء في بالي وتميت اصيح وانا لافه ويهي عنه... بعد 20 دقيقه لوي عليه وتم طول الليل لاوي عليه ...

يعني ما يباني اقوله .... معنه ايبها بطريقه حلوه ؟؟ مثل ما علمتيني حبيبي .. وكلام المعسول والدلع

-ما يباني اقوله انته طول اليوم على البلاك بيري((التيلفون )) وانا عدالك مش مسولي سالفه؟
- وما يباني اقوله انا من شهر اريد اتعشى معاك برع وانته كله مشغول في الدوام ولا في المجلس ؟؟
- ما يباني اقوله اريد اطلع معاك اي مكان عشان نتصارح واقولك الي في خاطري ؟؟

شو اسوي يا المهااااااااااااااجره ؟؟؟ اوووف الجنووبيييين مأسااااااااااااااااااااااااه​

 

[a.almohairby]

شلونج المهاجرة
والله صادني احباط
لما شرطت اشياء ومن ضمنها يعطيني الباسورد حق الكمبيوتر قالي الحين بعطيج اياه بس ماتدخلين الا وانا معاج
وجوال الشغل قلت له دام مافي شي اتخاف منه ليش مب راضي اتشيل الباسورد قالي مب شايله قهرني
مع انه قال في البداية اوكي عشان ارجع
وانا الصراحة بديت معاه ادلعه واقوله كلام جرئ وحلو وتعدل وايد حتى هو ملاحظ هالشي بس لما اقوله يسكت ومايرد احسه بارد زين بعد يبتسم
والله احس خاطري اسمع كلام عدل عشان اقدر اتغير
و قلت له انت ليش حارمني من كلامك مع اني اكتشفت انك وااااااااايد رومانسي وحنون ويطلع منك كلام يذوب بس مب معاي وانا خاطري اسمع هالشي منك ومابي اسمعه من غيرك
طبعا هو مطنش ولا كأني قلت شي
انا ادري اني انا مفروض اخليه يتعلق فيني بس اشلون اذا مافي استجابة منه بعد انا محتاجة دافع اني اكمل اللي بديته عشان اتغير ...

................
أختي المجروووووووووووووحه..

انا بعد ريلي حاط باسورد في التيلفون مال الدوام والتيلفون الثاني .. فا قمت انا بعد وحطيت باس ورد في موبالي..
هذاكي اليوم قتله عطني الباسوورد مال تيلفووون ماعطاني اياه .... وفي يوم من الايام قالي انا حطيت باسورد في التيلفون لان الدوام طلبوا لسريه على الايميلات الي توصله ... بس ما صدقت لانه قبل ايام الاشهر الاولى ماكان الباسورد موجود...

والحين ما اعرف كيف اوصله .... اكيد في شي ....

 

[بنات بوظبي]

مملكه الحب
أميرة ذهبية

:surrender:

الله يوفقك المهاجره دنيا واخره وتاخذين الدكتوراه انشاء الله ويسهلها عليك ويفتحها بوجهك وين ماتكونين
بس عندي استفسار بسييييط انا جنوبيه غربيه وزوجي جنوبي وعلى ماأعتقد شرقي
مشكلته الاولى كثييييييييييييييير السفر مع اصدقاءه
انا اجتماعيه كثيير واحب السفر مثله قليل ماياخذني معه وغالبا سفرات جماعيه يحب ان الناس حواليه ومانسافر لوحدنا ابد :icon28::icon28::icon28:ودي يترك هالخصله وانه يبطل يسافر بدوني حاولت بكل الطرق مش عارفه شالحل الله يفتحها عليييييك
وبعدين ابي احسن الطرق للدعوه لان زوجي مو محافظ على الصلاه ضروري
شكرا مقدما​

مرحبا

اول مره اشارك فالملف الجنوبي بعد ما تاكدت........

وسؤالي نفس الاخت .. شو رايكم الحل؟ بس بالنسبه لي انه بعلي بيسافر كعلاج مع ابوه مدة شهر .. وما رضى نسير معاها .. بحجه انه يمكن خوانه بيلحقوه على الدوله اللي بيسافرها كعلاج عقب اسبوع من سفره ..

 

[قلب مكسووور]

السلام عليكم يازوجات الجنوبي وعزيزتي المهاجره
الله يعطيكم العافيه
عزيزتي المهاجره ماهي الطريقه الانسب للتعامل مع الجنوبي المعدد
كيف اقدر اقنعه ياخدني معه بسفراته مع المحافظه على العدل
يعني سفره انا وسفره هيه مع اني عارفه ان الاولى ماتحب تسافر وماتقدر عشان اطفالها وانا لحالي ماعندي شي

 

[نواره99]

الي تعاني من سفر الجنوبي وحابه تروح معاه
اولا اقترحي عليه السفر حتى لو في اجازه الاسبوع وسافري معاه من غير الاطفال وحاولي تكون سفره مميزه يتذكرها الجنوبي عشان يتشجع يوديج كل مره وياه وحاولي تكونين عروس اشتري ملابس جديده والخ
وحاولي انج تشجعينه ع السفر انج ادورين ع الاماكن السياحيه او تختارين الفندق الي تسكنون فيه مع الصور او تسوين جدول سياحي وان شاء الله اكون افدتكم

 

[ام وسومي]

انا ابي اعرف اذا كان زوجي جنوبي .................
احس انه جنوبي وافكاري مشوشة

 

[نواره99]

شوفي قسم الصحه النفسيه في المثبت موضوع المهاجره الانماط بطريقه ناعمتنا سهله

 

[المهاجره]

عشان عيون الغاليه مهاجره رديت وللمره الأولى



اكيييييييييييييييييييييييييييييييييييد نستفيد


ولا ليش ندخل؟؟؟؟




قبل فتره صارت لي مشكله مع ماي جنوبي


رجعت لملفك اللي بدون ردود اشوف وش كتبتي قي هذا الموضوع


واستفدت منك ربي يحفظك






تأكدي ان فيه عضوات كثييييييييييييييييييييييييير مروا ولا علقوا .. لكنهم استفادوا

واكثر منهم الزوار





اعتبري ما كتبتي صدقه جاريه لأنه علم بيبقى حتى بعد موتك وتستفيد منه كل قارئه ما بقي الموقع وما بقي عالم النت





وربي يحفظك ويسخر لك [/center]

الله يسلم عيونك
ومشكورة ع الكلمات الذهبية
ويارب يكتب لي ولكم لانكم واقفين معي
الأجر والثواب
ويعافينا ويعافي ازواجنا وذريتنا
ويسخرهم لنا يارب

 

[نواره99]

السلام
اخباركم ياحلوات مع الجنوووبي ^_*

 

[انا"غيييير"]

8888888888

مبسوطين الحمدلله

ماشي حالنا يوم علينا ويوم عليهم..

 

[نواره99]

8888888888

مبسوطين الحمدلله

ماشي حالنا يوم علينا ويوم عليهم..

هذا هو:showoff: