ِِْ}{درس رســـم العيـــن وتضليــلها ~

[دخوون]

​

​

الســلام عليكــم ورحمــة الله وبركاتــه​

يمسيكم ربي ويصبحكــم بخـــيره..​

بعــرض لــكم طريــقه رسم العيــن وإبرازهــا
بالتظــليــل.. درســي عباره عن تطـبيقي لدرس
فنــان أجنــبي أسمه " Faith Te " ..​

فحــبيت افيدكــم مثل ما أنــا استفدت بالدرس
ورســمت العين خــطوه خــطوه وبشرح كل خــطوه
سويــتها حســب فهــمي للتــرجمه>> وحده نص ونص ف العنقريزي

​

المــهم جهــزوا عدتكم بتحتــاجون لــ:

• أقــلام رصــاص من درجــه 2B+H5 ​
• ممحاه PUTTY>> ممحاه لدنه ومرنه,,​
• ممحاه عاديه مابنحتاجها وايد الا لاول خطوه,,​
• فراشي تلوين كلما كانوا ادق كان احسن,,​
• ورق مناسب للرسم بالرصاص( مو وايد ناعم ولا وايد خشن)​
• و Blending stump( المدعكه) شكلها مثل القلم بس مو قلم..بنسخدمها لمزج الظلال,,​
• عشان تثبت اللوحه بتحتاجون للسبري الخاص للرصاص والفحم,,​

​

الحــين بدى وقت الجد جهــزوا عدتكم
وركــزوا معــاي عــدل مــدل,,​

بسم الله الرحـــمن الرحـيم نبــدأ:​

أول خطــــوه​

باستخدام قلم 2B ولازم يكون
مبري عدل ولا تضغطون بالقو ع الورق
نرسم الخطوط الاوليه اللي عليها بنشتغل
بالتظليل وبنبرز العين​

​

ثاني خطــــوه
باستخدام فرشاه متوسطه السمك وبراده الرصاص
نظلل العين كامله ويفضل ان مايكون وايد غامق
اذا بغيتوا تغمقون مناطق مرروا الفرشاه بنعومه ع المنطقه المطلوبه
وبعدين بفرشاه ادق ضللوا عدسه العين وحواف البياض وكسره الجفن
انا هالخطوه ماسويتها بفرشاه لان ماعندي وحده دجيجه
فسويتها بالمدعكه​

​

ثـــالث خطـــوه
ناخذ الباتي ربر ونقص قطعه صغيره ونشكلها
بحيث تكون دجيجه ونسوي اضاءه في عدسه العين
وفي مقدمه العين وفي الجفن السفلي في منبت الرموش
بضربات خفيفه او مسح خفيف,,​

​

رابع خـــطوه
نضيف طبقه ظلال, نستخدم القلم الرصاص وندمجه بالمدعكه
>>> خطوه سهله مثل وضع الميك اب

​

​

خامس خطوه
ناخذ قلم الـ 2B ونغمق كسره الجفن
ونحدد العدسه من فوق والبؤبؤه بهذا الشكل​

​

سادس خطــوه
الحين بنركز شغلنا على العدسه وباستخدام
قلم H5 نظلل حوالين العدسه ونسوي خطوط
خفيفه بتدويره العين ولازم ماتكون وااضحه وايد
ولا بتخلي العدسه كأنها مو طبيعيه وبعدين ناخذ
المحايه اللي قصيناها قبل ونسوي اضاءه خفيفه
على البؤبؤه..​

​

سابع خـــطوه
نرجع نستخدم القلم 2B ونرجع نسوي تحديد
حولين العدسه ونسوي شخوط خفيفه واذا غمقتوا
بالغلط اخذوا البتي ربر وطبطبوا ع المنطقه بخفه,,​

​

ثامــن خـــطوه
وبنفس القلم نحدد حواف العين من داخل بس
مو بصوره كامله بنفس الطريقه اللي في لاصوره
وبعض الخطوط الخارجيه ركزوا على الصوره وطبقوا
نفس الشي او تقدرون حسب نظرتكم تحددون وين
تغمقون وين تخففون مثل ما انا سويت لاني طبقت
على النظر مو بس على الخطوات,,
وحطوا طبقات اكثر من الظلال على حسب رغبتكم
بتكرير الخطوه الرابعه ,,​

​

تاسع خــــطوه
ناخذ قلم الH5 ونسوي خطوط دقيقه بصوره عرضيه
على الجلد وكانه تشققات الجلد بس تكون مووو واضحه
بس في الطبيعه بتحسون انها تكرت ملمس حلوو
ونفس الشي بالنسبهه للحاجب موهوه بالمدعكه شوي
وحددوه بطريقه الشعيرات حوالينه,​

​

عــــاشر خطوه
نبدي الحين نحدد شهر الحاجب بقلم B2 من المنبت لين
نهايه الشعره وخلوا فراغات بين كل شعره وشعره بس فراغات
كلش دجيجه عشان نخلق اضاءه لشعر الحاجب ونوضح
حركه الشعر,,​

​

الخطوه الحاديه عشر
أخر خطوه هي رسم الرموش,,
نحتاج ان يكون القلم اللي عندنا وايد دجيج
ونبدا من منبت الشعر اللي راسمينه
فوق الجفن نبدأ منه ونطلع على بره
بطريقه مرتبه واذا طال الرمس ووصل لمنطقه اغمق
اخذوا الباتي ربر وخلو لها راس دجيج وسوو شخوط خفيفه
كإمتداد للرمش ..​

وبالنسبه لرموش الجفن التحتي نستغل الاضاءه
اللي سويناها في الخطوات الاولى ونخلي مسافه صغيره
بين كل شعر وشعره عسب يعطينا اضاءه للرمش^^..​

​

وهذي هي الصوره النهائيه^^..​

​

اتمــنى ان الدرس كان خفيف عليكم هو مو صعب​

بس يباااله دقه وتركيز ومخ فااضي

..​

ملاحــــظه:​

الموضوع جهــد شخصي لي أنا دخوون
من ترجمه الكلام بطريقه بسيطه
حتى تطبيقي للدرس وترتيب الموضوع,,​

فاللي ماعنده ذمه ينقل الموضوع وينسبه لنفسه
وربه فوقه مو انا اللي بحااسبه ويعله في ذمته,,

​

تحذيــــــــــــــــــــــــــــــــــــــــــــــ ر!!​

ما اسمح لاي حد يستغل درسي في رسم
الاروااااااح أي رسم الاشخاص بهيئه كاملــه تقدرون تستغلون
الدرس في رسم عيــن تضاف للوحه ومووو لاستخدامها
لرسم شخصياات كاملــــــــــه

​

وأخيــــــــرا بعد الهواش الزين أتــريــا تطبيقاتـــكم

​

في أمانــــــة الله وحفــظه~​

​

 

[ربانة بحر]

روووووووووووووووووعه وان شا الله بجرب ارسمها لاني من عشاق الرسم بالفحم والقلم الرصاص

وبخلي ريلي يب لي الاقلامه لانه من المشجعيييين
وشكرا

 

[أم لمو الحلوه]

رائع جداً يا مشرفتنا دخون:bigsmile:

 

[دخوون]

روووووووووووووووووعه وان شا الله بجرب ارسمها لاني من عشاق الرسم بالفحم والقلم الرصاص

وبخلي ريلي يب لي الاقلامه لانه من المشجعيييين
وشكرا

هذا من ذوقج فديتج ^^..
طلعتي مثلي المفضل عندي وبالاخص الفحم:blushing:
اترياا تطبيقج فديتج العفووو
لاهنتي ع الرد الطيب ^^

 

[ملكة العبير]

يسلموووووووووووووووووووووو قلبي



دخوووووون ماقصرتي ياغلاي فديتك وفديت قلبك

 

[مملكتي جنة]

تسلمين على الموضوع الحلو ....و نا احب ارسم العين ..و احاول اتقنها ..

بس اول مرة اعرف انه لها ادوات خاصه لرسمها ..

 

[*سمـآ*]

جنـــــــــان الرسمة

ماشاء الله عليـــــك

:cupidarrow:

 

[سر السعاده]

تسلمين ع الموضوع الرائع يالغلا


مودتي قبل ردي
سر السعاده

 

[*H*1398]

رائعه
يعطيك العافيه

 

[اشراقة جديدة]

يااااااااااااااااااربي

ايه الابداع ده


و الله استفدت كتير ما شاء الله عليك اختي دخوون


و الله انا ما اتردد لحظة في الرد على مواضيك


انا من اشد المعجبين بيك ...

 

[دخوون]

ام لـمو الحلوه
ملكه العبير

لاهنتــوا على الكلمات الطيبه
مملكتي جنة
مو بس رسم العين الرسم كامل
بالرصاص يحتاج لادوات معينه
البعض منها استخدمته في درسي
نورتي موضوعي خيتي ^^
لاهنتي,,

 

[~BUTTER~FLY~]

ما شاء الله درس مفيد

يعطيج ألف عافية دخوون

 

[أمل مغربي]

مشكووووووووووووووره دخون على الدرس الحلو

والمجهود الطيب .. ويعطيك الف عافيه

 

[الموت ارحم]

روووووعه الرسمه :smoke1:

انا امووت برسم العييين ولي كم رسمه :nosweat:

مشكوره يالغلا ع الموضوع الروعه :icon30:

لا حرمنا المولى من جديدتس :in_love:

 

[نداء الإسلام]

خطيييييييييرة

ماشاء الله .. يحفظج من العين ^_~

تسلمين عالدرس الحلووووووو

 

[*روعه*]

يسلمووو انا ر سمت الرسمه بس اكيد مو بجودة رسمتك

 

[*روعه*]

شوفي رسمتي وارجوكي قيميها .. <<<امدحيها شويه عشان تتحمس خخخخخخخخخخخخخخخخ

ردي علي بليييييييييييييييييييييييييز ؟

للاسف ماني عارفه اصغرها اهئ اهئ

 

[دخوون]

شوفي رسمتي وارجوكي قيميها .. <<<امدحيها شويه عشان تتحمس خخخخخخخخخخخخخخخخ

ردي علي بليييييييييييييييييييييييييز ؟

للاسف ماني عارفه اصغرها اهئ اهئ

هلا اختي .. محاوله جيده جدا":clap:
لا تقولي مو بجودة رسمي برويج كيف قبل كنت
ارسم العين

وقبل كان رسمي اردى

محد ينولد وهو يمشي بالعكس تجربتج بس
هي بحد ذاتها فن ورغبتج في التعلم بعد فن
اذا واصلتي وتدربتي في الرسم يدج بتصير
خفيفه .. اكيد بتاخذين وقت شويه بس النتيجه
في النهايه تكون لها ردود معنويه ف البدايه
ويمكن ماتدرين تتطور وتصير لها ردود ماديه:icon30:

ملاحظاتي ع الرسمه..

التظليل تحت العين متسخ تقدرين تمسحينه
مسح خفيف بالبتي ربر

جرب يتقلبين الين بتلاحظين ان قصتها اضبط
من وضعها الحالي يعني كان لازم تقللين
تقويستها من فوق وتزيدينها من تحت شوي
وتنزلين الجفن شويه ع العدسه علشان ماتطلع
الين كانها مبطله على الآخر..
في اخطاء بسيطه غير بس مابذكرها لانج في البدايه
ومو متمرسه وهاي بدايه طيبه لج مع الاستمرار
ان شاء الله بتصيرين كذه:icon30:

استعدتني مشاركتج الفعاله في موضوعي
ربي يعطيج العافيه ولا هنتي :blush-anim-cl:

 

[*روعه*]

مشكوره اختي دخووون ولله حمستيني راح اجرب ارسمها تاني منه اتعود عليها ومنه اضبطها ...

وياريت اختي تعلمينا حاجات تانيه .. انا مره نفسي انمي موهبه الرسم من تاني اللي ضاعت للاسف مع الايام ..

 

[السنيورة عبوره]

مشاء الله تبارك الله