يوميات سندريلا السعوديه..!

[امرأه عابرهـ]

لا اعرف من اين تريدون ان ابدأ قصتي المؤلمه لكن لابأس سأبدأ من حيث انولدة...والله يعينكم!!
بصراحه انا بنت انولدت في تفكك يعني اب وام منفصلين من يوم عمري سنتين..!
طبعا امي كانت صغيره وكان من الصعب انها تتزوج على قولتها وعندها بنت ..فوش سوت برايكم؟؟
رمتني على ابوي من غير اي شفقه اللي متزوج بدوره وحده لو اقولكم شر اكون ظالمه الشر براسه..!
طبعا ابوي يوم حس ان مسؤليه طفله من غير ام صعبه وبما انه حنون على اخته اللي متزوجه صار لها 36 سنه ماجابت اطفال
قرر يتبرع لها بشي يسعدها..........وش تتوقعون كانت هديته لأخته بذكرى زواجها؟؟؟؟؟؟؟؟؟؟؟
طبعا طفلته البكر....اللي هي انا..!
كريم الله يجزاه خير....المهم عشت ايام غريبه في بيت عمتي كانت عصبيع مررررره
وتكره اي حركه او لعب...وكانت تضربني بشكل موب طبيعي..كرهتها وكرهت السكن معها..
كانم ابوي يوديني عند اهل امي بين فتره وفتره...
وياخذني عنده يومين ويرجعني لبيت اخته....اللي تحن علي وفجأه وتعطيني كفين فجأه!!
مع العلم ان اهل امي بمنطقه وابوي بمنطقه وعمتي بمنطقه...
يعني لا انقهرت او صحت ابي اهلي ماااااااااااااااااالي امل....!!




اذا تبوني اكمل ردو لي بليز وشكرا على مروركم لو مريتم...:blush-anim-cl:​

 

[عطر الخزامى]

كملي يا سندريلا

نحن متابعين

 

[&نبض قلبي&]

كملي عزيزتي

 

[لحن الوداع]

كملي نحن متعابعين

عسى ربي يسعدك ويعوض ايام تعبك سعادة يارب

 

[زنوبيا]

كملي نحن متابعين الله يعينج على أهلج

 

[حنون21]

نحن في الانتظاااااااااااااااااااااااااار

 

[fatema]

كملي نحن في الانتظار ......

 

[بدار]

أهلا بك يا الصدر الحنون .. عسى ايامك كلها محبة وحنان .

عزيزتي..

هنا دفتر يومياتك تسطرين فيه ذكريات نقشت في صفحة الألم ، والغرض هو أن نتحرر من مشاعرها السلبية ، وأن نرتقي بحياتنا الحاضرة والمقبلة ، وننطلق بقوة ، وبابتسامة أمل وإشراق .

غاليتي..

لديك مساحة للبوح ، وتذكري بأن لديك مساحة لتحلمي وتتطلعي لغد أجمل ، فالحياة فيها الكثير من الجمال كما فيه المؤلم .

تقبلي ودي

بدار

:icon30:

 

[مرجانة]

كملي الله يعينك
البداية صعبة فكيف التكملة
وأنا متابعتك

 

[الوف]

الله مايضيع احد سبحانه
وخلقنا لعبادته سبحانه
وجعل في حياتنا محطات ابتلاء ...لا ليعذبنا ولكن ...ليرحمنا سبحانه الرحمن الرحيم ويكفر عنا ذنوبنا ويزيد في حسناتنا

وترتفع منزلتنا عنده لان الصابرون لهم اجووووووور بغير حسااااااب

وكما قال صلى الله عليه وسلم((عجبا لامر المؤمن امره كله خيروليس ذلك الا للمؤمن ان اصابته سراء شكر فكان خيرا له وان اصابته ضراء صبر وذلك خير له))رواه مسلم

والبلاء محطة لتكفير الذنوب
والصحابة رضي الله عنهم كانوا يفرحون بالبلاء
لعلمهم انه يطهرهم من الذنوب

فالاحتسااااااااااااااب
بارك الله لك اخيه وعوضك عن حرمانك خيرا

 

[سلة فواكه]

هلا حبيبتي
حياج الله بهالقسم
صدقيني الي ما يحن على طفل برئ مافيه خير
الله يعوضج
ناطرينج حياتي

 

[امرأه عابرهـ]

الصدمه الأولى...!

كانت حياتي جدا صعبه ... وكنت احس بفقدان شعور وجود الأم الحنون اللي تخاف على بنتها لدرجة
اني كنت استغرب حييييييييل لما اشوف وحده من بنات عمي تحظن امها ولا تبكي بحظنها
بس بطبيعة الحال ربي خلقني شخصيه مرنه ولله الحمد يعني غالبا ارضى بالواقع واسكت..مو بس
اسكت لا اسكت واضحك........!
ليييييييييين ماجا اليوم اللي وداني فيه ابوي لأهل امي .. وبذاك اليوم كانو خالاتي كلهم مجتمعين ومعهم امي
اللي لو اقولكم قلبها حجر والله ماتصدقون......!
كانت لما اجي ماتسلم علي مثل العالم والناس تكتفي بالمصافحه ولا كأني طفله ام تسع سنين..!
كنت دائما مستغربه ليه كذا؟؟ ليه هاللي يسمونها امي تعاملني كذا؟؟ ليه مو مثل ام صديقتي هبه ولا مثل
بنت عمي نوف ؟؟
بس كالعاده اضحك واروووح العب..بهذاك اليوم امي جتها نزعه الحنان فجأه تفاجئنا كلنا انها
يوم جاء ابوي ياخذني قالت له لا مستحيل تاخذها بعيد وموب عندك بعد عند اختك مستحيل ...الخ
طبعا انا كنت متعجبه وفرحانه بنفس الوقت وماكنت اتوقع ان امي سوت كذا لهدف في نفسها..!
يوم سألها ابوي وين احطها يعني انتي تبينها؟؟
قالت وهنا الصدمه فعلا...((حطها عندك موب تقلعا بيت اختك)).............!.!!
لحظتها انصدمت..واكلت ثاني كف من امي وانا توني في اولى مراحل عمري...
واكتشفت ان امي سوت اللي سوته عشانها تكره عمتي وتبي تنتقم منها بأبعادي عنها....
بديت احس ان الدنيا قاااااسيه وان الحياه لازم نعيشها كذا...وبديت اقتنع ان ماللفرح مكان بحياتي
اخذني ابوي لبيته بعد هالصراع الطويل مع امي..وبديت احس بأشياء غريبه تصير بالبيت
ملابسي اللي يجبونها لي ابوي وجدتي ام امي وعمتي..تختفي...!
وبعد فتره القى بنتها من زوجها الأول تلبسهم......!! وطبعا مثل ماقلتلكم من فبل كنت جدا مرنه
وماكانت هالحركات البسيطه تأثر فيني.. ياااااااااليتها وقفت على الملابس كان تهون بس بدت
تضربني على اتفه الأمور .. وابوي فرض علي اسميها يمى..يعني كان اصعب شي علي اني اقول هالكلمه لشخص انا عارفه زين انه مايبيها مني لكن يخليني اقولها له كتعذيب لا اكثر ولا اقل...
واذا انا بنت ابوي اقولها خالتي..!! هذاك اليوم بيكون فيه انواع الضربات اللي تحوسنس حوس
والمشكله انها توقت قبل مايجي ابوي بشوي تجي ترضيني عشان مايشوف دميعاتي:dunno:
ولا هين هي داريه اني ما اتجرأ واشتكي له بس مشكله دموعي!!
وانا من غبائي وبرائتي لارضتني استاااااااااانس وانسى الكراتيه اللي لعبته علي فبل شوي...!
مرت الأيام وبديت اكبر وهي كل مالها تزيد كره لي وكانت تحظر حفل الأمهات اللي اتمنى لو تكون امي موجوده عشان احس بالفرحه مثل باقي البنات...........!
كانت لما يمدحوني المدرسات تنهبل ويضيق صدرها ولما يقولون البنت تسرح..او...تسولف بالحصه
تطير من الفرحه وتركض تقول لأبوي شفت بنتك...! كلهم ((لاحضو كلهم بس ))...يقولون انها كسلانه
وغشاشاه ولعابه وماهي راعية دراسه!!!!!
واي اب بهالموقف وش بيسوي برايكم؟؟\طبعا بدأ جسمي يتعود على الطق...وصار من جهتين منها ومن ابوي اللي تكذب وتفتري علي عنده...!
رغم انه حنوون الا انها تعطيه كذبات قووووويه مرره وبما انه يموت فيها فكان معمي عن الحقيقه عمى تااام..وصلت للمرحله الثانويه وبالتحديد بتكلم عن ثالث ثانوي..
ورغم كلي صارل الا انه كنت شخصيه اجتماعيه جدا وكانت علاقتي بجميع المستويات طالبات معلمات..
وماكان للي صار اي وضوح للي حولي كنت دائما ابين للجميع اني البنت الدلوعه عند اهلها ماكنت اقول كذا بالقول لا كنت ابين شكليا ...كنت البس واكشخ واضحك ومستحييييل اخلي احد يشوف دميعاتي..
وطبعا ولله الحمد كان لشكلي دور كبير في تصديقهم لهشي لأني كنت طويله والكل ينجن على جسمي
ويقول شوفو هالدلوعه شلون رزه...! وانا اقول بقلبي ((امحق دلع)):crazy:
ااااه ياني على قولة اخوانا المصريين...بكره انشالله بكمل لكم اصعب اللحظات واكبر الغلطات اللي اقترفتها ؟؟! ارجوووكم ابي احس انه فيه احد متابعني موب اكلم نفسي:no:

 

[عطر الخزامى]

اتصدقين يمكن احسن شي سواه ابوك انه خلاك تقولين لمرت ابوك "يمى" اتصدقين انا ودي اقولها اللحين يمى بعد العمر الطويل وبعد وفاة ابوي مع ان امي ومرت ابوي ضراير بس تصدقين خلاص مع الأيام وبعد وفاة والدي وزواجنا تظل هي شي يتعلق بأبينا رحمة الله
هي زوجته الأولى وكم اخجل ان اناديها باسم ولدها الكبيرة مع ان شعوري الداخلي ودي اقولها يمه لما ازوها فهي ام أخواني وكانت زوجة ابي الله يرحمه بس للأسف محد قالنا قولوا يمه او عمه كان احسن اللحين بس انا معلمة عيالي يقولون لها جده ويعدونها مع الجدات


تصدقين لو تقارنينها مع تصرفات امك معك بتلاقين لها عذر يعني امك كانت جامدة ولا حاولت تحضنك اقل شي خلك ذكية واكسبي قلب مرت ابوك لكي تصلي لقلب ابيك من خلالها

كوني دائما بصفها لان بيتها هو البيت الوحيد المفتوح لك ومرحب بك وغيرها اغلق الباب في وجهك

 

[غدير الحب]

متابعين لك اكملي

 

[(( نبأ ))]

حبيبتي انتي والله

اثر فيني كلامك

بس وااايد عجبني انك قويه وتظهرين قوتك امام الكل

 

[همس النديم]

أوجعتي قلبي والله ..وجددتي مااااااااااااضي مرير .. أحاول

نسيانه ..

ألهمك الله الاجر .. والصبر .. والنصر ..

صادق دعواتي لك حبيبتي ..

 

[كل الوجود]

الله يهدي زوجات الأب الي يتلذذون بتعذيب ابناء ازواجهم
وكأنهم داخلين حرب من يفوز بالرجال

كملي حبيبيتي متابعينج

 

[((شوق القصيم))]

الصدر الحنون

متابعين لك

بانتظااااار ك

 

[قلب وعقل]

دائما أبناء المطلقين يثيرون في نفسي الأسى ولو عاشوا في بيئه طيبه .

 

[الهنا799]

متابعتنج بقلب دامع :sad_1: