يوميات زوجة ... طهقانة

[روح الضياء]

يوميات زوجه طهقانه ​

أنـا طهقـانـة

انا طهقانة من جوزي و عمايله وتصرفاته اللي تطهق بلد.. وح احكيلكم عن عاملة من عمايله اللي تفرس​

********​

كنا قاعدين في الفود كورت في مول كبير انا وهو على ترابيزة واحدة والاولاد راحو يلعبوا و مستنيين واحد صاحبه ومراته عازمينهم على العشا​

و احنا قاعدين مستنيينهم قام يشتري سوفت درينك قبل ما ييجوا وساب موبيله اخذت الموبيل ودعبست فيه لقيته كاتب اسمه في البلوتوث: الرومانسى​

ايه يا ابن الايه رومانسى ايه ييجوا يشوفوا​

رجعت الموبيل زي ما كان ولا كاني شفت حاجة وشوية و رجع وشوية كمان وصاحبه ومراته وصلوا وانقسمنا فريقين الستات على ترابيزة والرجاله على ترابيزة​

وانا قاعدة معاها فتحت البلوتوث بتاع موبيلي وكتبت الاسم: احب الرومانسى​

ورحت باعتاله مسج دلع لقيته استقبلها وراقبته لقيت عنيه لمعت وبانت عليه السعادة والرغبة في البلبطة في بحر المغامرة​

طيب لما نشوف حتوصل لحد فين​

راح باعتلي مسج فيها رقم موبيله و سميل فيس​

اوبّا.. بقى كده طيب استنى عليا اما لعبّتك على الشناكل​

********​

طلبت من صاحبتنا نقوم نتمشى ونلف على محلات الاكسسوارات وانتهزت الفرصة و دخلت محل موبيل و اشتريت خط هوليداي من اللي بيشتغل 45 يوم و يفصل.. ورحت مزوغة من صاحبتنا وهي بتسأل على اسعار حاجات في المحل و طلبته و غيرت صوتي وكلمته بدلع واخنفيت​

اصل انا لما اتدلع اخنف الله يمسيكي بالخير يا سكيننة​

أنا: النووووو​

هو(بدهوله و هطل): ا لل للو ايوة

​

أنا: الرومانسى؟​

هو: اهلا اهلا​

أنا: اسيك؟​

هو: كويس ازيك انتي؟​

أنا: كويسه انت قاعد فين ؟​

هو: انا في الفوت كورت قدام محل ...... و ..و​

أنا: ده انت قاعد قريب مني بقى​

هو: اه.. بس انا قاعد مع واحد صاحبي​

أنا: لابس ايه يا رومانسى​

هو: لابس قميص ...و​

أنا: اه شايفاك ده انت هاندسم خالص مالص​

هو(بضحكة بلهاء): هاهاها متشكر يا قمر

​

عرف منين اني قمر الكذاب.. استنى عليا​

أنا: طيب اشوفك تاني ازاي؟​

هو: اتصلي بيا بس قبل 4 العصر بس استني انت قاعدة فين و لابسة اية و ..و​

أنا: اشمعنى بعد 4 انت متجوز؟​

هو: لا لا لا...بس علشان نبقى براحتنا​

يانهار مش فايت.. امال 11 سنة جواز دول اية؟ والعيال اللي ملقحة دول مين؟​

أنا: طيب يلا باي بقى​

هو: استني عايز اشوفك انت قاعدة فين؟ و..و​

انا قفلت الخط و بقيت عايزة اشتري ايد هون وانزل بيها على نافوخه بس مسكت نفسي و قلت والنبي لشخلعه واهشكه وافرجه​

********​

رجّعت الشريحة بتاعتي في الموبيل و اتصلت بصاحبتنا ورجعنا قعدنا على الترابيزة معاهم وكبست على نفسه لحد ما روحنا وهو طول القاعدة عينه زايغة و عمال يبص على كل واحدة حولينا فاكرها هي الزبونة اللي اتصلت.. وانا قاعدة جانبه و لا حاسس بيا​

و احنا مروّحين لقيته منشكح و منهرش و عمال يصفر ويطبل على الدريكسيون اكنّ فرح خالته​

عاملت روحي مش مركزة و قعدت اتكلم مع العيال في اي كلام​

تاني يوم.. راح الشغل و على الساعة 11 اتصلت بيه من الشريحة اياها​

أنا: النوووو​

هو: اهلا يا جميل​

أنا: وحشتني​

هو: انتي اكتر كده برضه متخلنيش اشوفك​

أنا: استنى بس مش نتعرف الاول وبعدين نتقابل​

هو: طيب حشوفك امتى​

يا نهارك مش فايت و كمان عايز تقابلها مع سبق الاصرار والترصد​

أنا: انت عندك كام سنة؟​

هو: 30 سنة وكام شهر​

يا ابن الإيه مواليد 60 و لسة 30 سنة ليه كنت واخد عشر سنين اجازة رضاعة طفل​

أنا: ياه انت كبير عليا انا 25​

هو: وماله هو في احلى من كده​

أنا: بس انا شايفة شعر ابيض في راسك امبارح؟​

هو: ها ها ها ها لا ده من الخضة​

أنا: هيهيهيهيهي​

بدلع بس من جوه بابور مولع

​

هو: طيب انت بتشتغلي فين؟​

أنا: حسب ساعات و ساعات​

هو: طيب​

قاطعته: باي بقى اكلمك بكرة في نفس الميعاد​

وقفلت الخط وانا مولعة وفاضلي لتر بنزين وانفجر​

********​

وفضلت كده اتصل اتدلع عليه و مديلهوش اي معلومات عني خمس ايام لحد يوم الخميس وطبعا سمعني كلام عجب و كذب يودي كلية الطب وقالي نكت عمره ما حكهالي وهراني مسجات معاكسة و ادالت وغرام و اخيرا فاض بيا وقلت لازم اكشفه قدام نفسه​

اتصلت​

أنا: النووو​

هو: اهلا يا حبي​

حبي؟!! و انا كل ما اتصل بيه و انا مراته يقولي نعم يا ماما و لو حد ساله مين يقوله.... البيت​

أنا: فاضي بكرة الصبح عندي تدريب في الناتي وعايسة اشوفك​

هو: طبعا الساعة كام​

أنا: 12 كويس؟​

هو: اوك يا قمر​

أنا: اوك سلام​

هو: استني بس حعرفك ازاي؟​

أنا: زي ما قلتلك قبل ده انا شبه نيكول سابا بس للصراحة عنيا مش زارقة عنيا خضرا وحكون لابسة شورت تنس وبادي بينك​

هو: اتفقنا يا قمر​

وطبعا انا حسيت بالريالة بتنزل على سماعة التليفون وهو بيقول العبارة الاخيرة دي..

استنى اما نشفت ريقك​

ولما روّح سبع البرومبة قلتله عايزين نفسح الاولاد بكرة يا بيسو​

قالي: لا بكرة مش فاضي عندي مشوار واحد صاحبنا عنده المرارة و حيعمل عملية و لازم اروح معاه علشان نعمل التحاليل اللي قبل العملية و..و...و​

وعاملي قصة​

قلتله: طيب اروح انا عند ماما بقى و لما تخلص ابقى تعالى اتغدى معانا​

قالي: لا ما انا يمكن اتغدي معاه​

كمان ناوي على غدا طيب حوقف اللقمة في زورك ان شاء الله​

********​

تاني يوم من الساعة 10 صحي و لبس و نزل مش عارفة ليه بدري كده بس احسن​

اخدت العيال عند ماما وطلعت على النادي ولقيته مستني في المكان اللي اتفقنا عليه وعمال يتصل برقم الزبونة و انا مش مركبة الشريحة اصلا​

اتصلت بيه من موبيلي و قلتله​

أنا: انت فين يا بابا​

هو: ايوة...بزهق... ما انا قلتلك مع صاحبي​

أنا: طيب انا بس حبيت اقولك اننا رحنا النادي علشان ماما عندها ضيوف​

هو: اتسرع و اتلجلج و انا شايفاه حط ايده على راسه.. وقالي: نادي ايه؟​

قلتله: النادي الفلاني​

اللي هو نفس النادي بتاع الرونديفوه​

هو: ليه كده الجو برد العيال حتعيا خديهم و روحي احسن​

أنا: طيب طيب​

بس وعنها و ركبت شريحة الزبونة واتصلت بيه​

أنا: النوووو​

هو: انت فين يا جميل الساعة 2 مش تيجي بقى​

أنا: انت فين بالظبط​

هو: جنب ملعب التنس زي ما اتفقنا​

أنا: طيب انا جايه اهو فايف منتس​

هو: اوك​

بحماس منقطع النظير​

و رحت واخده بعضي و عملت هجوم مباشر عليه من الخلف​

وقلتله: بيسوووو انت هنا​

هو اتلهى و اترزى و بقى عرقه مرقه و قالي انت ايه جابك هنا​

أنا: انا روحت العيال علشان البرد و قلت اجي الف التراك الله امال فين صاحبك.. وايه التسريحة الجميلة دي؟؟ انت رحت عند الحلاق؟ و صبغت كمان.. واو صغرت 5 سنين يا مضروب​

هو: الفار لعب في عبه و قالي لا.. اصله.. اصل.. تعالى نروح ناخد العيال و نتغدى بره​

انا دوست على ريديل وانا واقفة معاه من شريحة الزبونة واستمتعت بوشّه وهو بيجيب الوان والعرق بيفط من سحنته وهو حاسس ان البت جت وحتطب علينا​

قالي: يلاّ يلاّ الجو برد النهاردة​

قلتله: مش حترد على التليفون​

قالي: مش مهم بقى​

قلتله: طيب استنى حروح التويلت و ارجعلك​

قالي: طيب​

و انتهز الفرصة وراح متصل على رقم الزبونة​

رديت بصوتي الأصلي​

أنا: الو​

هو: بتردد..........انت فين؟​

أنا: ما انا لسة قايلالك رايحة الحمام​

هو: ايه.......... بصدمة​

أنا: انت لسه معرفتش يا مدهول اني بشتغلك من اسبوع عاملي فالنتينو يا بيسو.. طيب قبل ما تبص بره بص جوه.. صدق اللي قال زي القرع تمد لبره.. سلام بقى علشان رايحة اقابل الواد بتاعي​

و طلعتله لساني بمنتهى الانشراح.. اللي يضحك في الاخر هو اللي يضحك اكتر​

و قفلت التليفون ورحت عند واحدة صاحبتي اتغديت معاها وسبته طول اليوم يضرب روحه

​

​

هههههههههههههههههههههههههههههههههههه​

منقول للمتعة والترفيه​

:harhar1:





​

 

[ريح العود..]

هههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههه
يقطع ابليسها والله بغيت اموت من الضحك
طعمه والله طعمه
يعطيك العافيه على النقل الجميل ده

 

[passion]

تصدقين كركرت من الضحك روعة اموووت في المصريين ههههههههههههههههههههههه

 

[حنين الامل]

هههههههههههههههههههه ههههههههههههههههههه مت من الضحك يعطيك العافيه

 

[ام فلة]

اضحك والعيال اتشوف ومستغربين وكاني متابعة فلم واتريا النهاية​

 

[العنـــا]

هههههههههههههههههههههههههههههه خطيـــــــــــــــــــــــــــــــــــــــــيرة

احلى شي سالفه عمره 30 ...................اونه ماخذ 20 سنه اجازة رضاعه

كوووووووووووووووووووووووووووووووووووووول

هههههههههههههههههههههههههههههههههههه






يحق له اجازة 20 سنه رضاعه بعد الي صااااااااااااااااار

ههههههههههههههههههههه

دمج خفيف وعسل وماشاء الله عليج غلبتيه

 

[روح الضياء]

ريح العود .....​

فعلا إنها دمها خفيف وغير هيك عندها مقدرة إنها ما تنكد ع حالها بسبب عمايله المهببة لالالالا وراحت تغدت كمان مع صاحبتها ... كوووول :essen:​

passion​

ههههههههههههه هاد المطلوب يا عزيزتي نرجع الدم لقلبنا مع شوي مرح :harhar1:​

أم فلة ...
والله نفس شعوري وأنا بقرأ بس الفرق إني كنت بشغلي :blushing: وبضحك لحالي​

حنين الأمل ...​

أضحك الله سنك دوما وفعلا نحن بحاجة لضحكة من القلب أحيانا :shiny:​

العنا ...​

الأخ بيصغر حاله عشان البنات ما يهربو منه ... بده طخ :santa_1:​

 

[البشاير]

يانهار مش فايت.. امال 11 سنة جواز دول اية؟ والعيال اللي ملقحة دول مين؟

​

هههههههههههههههههههههههههههههههههههههه
تحفة المصرية ....من جد كأني بشوف فلم فزيع...
لو زوجها خليجي كان هبدها في الأرض ع العملة المهببة :santa_1:
يعطيك العافية يا حلوة ...وأضحك الله سنك ...:shiny:​

 

[جفت دموعي]

هههههههه تجنن ماشاءالله على اعصابها ماسكه نفسها بس دمها خفييييييييف

 

[هيلين]

اوبّا.. بقى كده طيب استنى عليا اما لعبّتك على الشناكل​

​

​

أموووووت في الــ "اوبّا".............

بتدوخني دحك >> ضحك بالسعودي :bleh:

مشكورة ياقلبي..​

 

[روح الضياء]

البشاير


لو زوجها خليجي كان هبدها في الأرض ع العملة المهببة :santa_1:


هههههههههههههه أكيد هي عارفة ردة فعله وعشان هيك أخدت راحتها


​

 

[روح الضياء]

جفت دموعي

فعلا هي زوجة خفيفة دم وغير هيك ماخدة الامور ببساطة بدون تعقيد....
:a084:
​

 

[روح الضياء]

هيلين

فعلا أخواتنا المصريات بعض كلماتهم بتبث الضحك لما نسمعها

أعانها الله وإيانا وأدام ضحكتك يا رب

:c017:​

 

[حياة مشرقة]

الله يسعدك ويسعد كاتبة القصة..

والله إني بأموت من كثر الضحك..

خاصة وإني كنت في حالة حزن بعد ما قرأت قصة ( شهر عسل ما قد حصل)..

الله يوسع صدرك ويشرح خاطرك..​

 

[روح الضياء]

العزيزة حياة مشرقة

أدام الله السرور في قلبك وقلوب جميع أخواتي القارئات

وفعلا الكاتبه لها أسلوب في معالجة الامور الصعبة والمشاكل بقالب كوميدي يجعل من السهل علينا تقبل الحلول من خلاله

أسعدكي الله أيضا يا غالية :a200:


​

 

[بنت الشيوخ]

ههههههههههههههههههههههااااااااااااااااااااااااايي
والله جااااابته من راسه

اكيد اي رقم غريب حالف مايرد علييييييييه
خخخخخخخ

 

[سأظل أدعو لك]

يستاااااااااااهل

 

[ضحـــى]

ههههههههههههههههههههههههههههههههههههههههههههههههههههههههههههههههه

 

[solaf-mn]

ايه والله هذا الى يبيلهم تعطينه على قد سواته ومن غير ماتحرقين دمك لكن مااعتقد نقدر نسويها 00 الله يوسعلك صدرك000000000

 

[غزالة العرب]

هههههههههههههههههه
والله ماينفع معاهم الا كذا ههههههههههههههه
يسلموووووووووووو