يهددوني بأولادي ...تكفون يا أهل الخبرة فولو لي عندهم حق أو لا؟؟تم الرد

[رب فرج همي]

بسم الله الرحمن الرحيم
قبل يومين توفيت أم زوجي السابق (رحمهما الله ) ومثل ما قلت لكم إني بتزوج بالعطلة الصيفية إن شاء الله..
أعمام أطفالي بعد ما إستشرناهم وافقوا إن أطفالي يسكنون معاي أنا وزوجي الجديد وبدون ما يوثقوا كلامهم بالمحكمة..
بس بعد ما توفت أمهم قبل يومين تخيلو رجعوا بكلامهم..
من واجبي كمسلمة وكزوجة ولدهم المرحوم وأم أولادهم رحت للعزا وكنت مسافرة وقطعت سفرتي علشانهم بس الغريب إنهم قالو لي إني أنا السبب وانهم بيحرقون قلبي على أولادي مثل ما احرقت قلوبهم على وفاة امهم!! وإني حرمت امهم من ابنائهم ومدري إيش!!!!والله ما حرمتهم منهم
أحيانا أولادي ينامون عندهم يومين ورى بعض ويزورونهم ثلاث مرات بالأسبوع مدري شقصدهم بكلامهم؟!
خلاصة الكلام أبغي أعرف
يقدرون يأخذون أولادي مني أو لا؟؟
أعمار أولادي واحد منهم 8 سنوات والثاني 3 سنوات
الجد والجده والعمه متوفين ..يعني أعمامهم يقدرون؟؟
خصوصا ان اولادهم مرااااااااااااهقين (بقوه)
و صك الولايه معاي تقدر تسوي شوي؟؟
تكفون أي وحدة عندها علم تخبرني هم الحين مشغولين بحزنهم(الله يجبرهم ويصبرهم ويرحمها إن شاء الله) بس خاايفه كثير وأبغي أكون أعرف كيف أتعامل مع الوضع ما أبغي أنصدم
بــــإختصار من الأحق بتربية أولادي أنا أو أعمــامــهم ؟؟

 

[قاهرة الزمان]

حبيبتي الحق لك لان زوجات حموانك مستحيل بربون عيالك واذاصارشيء ارفعي عليهم قضية بتربية ابناك ويكونون عندك والله ييسرلك كل ماتتمنين

 

[رب فرج همي]

دامهم فكروا ياخذون اولادي غصب عني تتوقعي مارح يقدوا يغصبوا زوجاتهم يربونهم؟؟؟
تكفون يابنات لا تبخلون علي الساعات تروح وتعدي وأنا كل شوي داخلة النت
أشوف ردودكم
ويــــــن الإستشاريات ويــــــن الإستاذات تكفـــــــون والله من أول ما سمعت بالخبر وأنــــا أبكي من كل قلبي
خـــــايفة أولادي يروحون مني ويوم كلمهم أخويه قالوا له ما في أحد قالها تتزوج ؟؟؟
يبغوني أتطلق!!عشان عيالي
ياربي صبرني ياااارب والله بين ناريـــــــن نار عيالي ونـــــار العار الناس شنو راح تقول عني جماعتنا مارح ترحمني أبوي عادي يتبرى مني لو بس فكرت بالشيء هذا عندهم الطلاق عاااروالصراحة ما أضمن كلامهم
ولو تطلقت بعدين يستفزوني باي شيء سوي كذا وإلا الثمن عيالك!!!
يارب تفرجها من عندكـ ياااربي

 

[قاهرة الزمان]

شوفي مالك الا تكلمي احد المشايخ وهو باذن الله بيساعدك

 

[حنان 33]

حبيبتي تطمني وريحي بالك مااحد يقدر ياخذ اولادك منك
اولا هم ذكور وولدك الاول وصل السن القانونية بحيث القاضي يخيرة بينك انتي واعمامه
وولدك الثاني باقي تحت السن القانوني يعني حضانته لك وبما انك راح تتزوجين فالحضانة
تلقائيا تتحول لأمك اذا طلبتي من القاضي ان امك تحضن اطفالك اتمنى اكون افدتك
لان اختي كانت بنفس ظروفك وراحت الحضانة لامي لما اختي تزوجت​

 

[رب فرج همي]

مشكورين حبيباتي بس آسفة إني ما فهمتكم النقطة هذي
أنا قلت أولادي بس الكبير ولد والصغيرة بنت
بس أنا شملتهم بكلمة أولادي لأن الولد تشتمل الذكر والأنثى
بس ويييييييين الإستشتاريات الي هنا؟
كيف أتواصل معاهم؟
لازم يكون فيه دفع أو شيء ؟ياليت تخبروني لأني ما أعرف كيف أتواصل معاهم

 

[انثى تعشق رجل]

غاليتي حق الحضانة للام ثم للاب ثم لاهل الام
ثم لاهل الاب
يعني في حال انت تزوجت حضانة عيالك تروح لاهلك مو لاهل زوجك

 

[أ. بيان زهران]

لا يسطتيعون لا شرعا ولا نظاما ،،وبموجب الصك انتي وليتهم حتى قبل وفاة والدتهم ،،لا تتخوفي ربما انفعلو من وفاة والدتهم

اهدئي ولا تسمحي بالتفاوض او النقاش في الامر لانه منتهي تماما وهم يدركون جيدا الامر

الله الموفق ،،،،

 

[البعد همي]

كان الله في عونك وحنن قلوبهم عليك وعلى ابنائك الحضانه لامك اذا تزوجت
انت لاتعاندينهم شكلهم متاثرين بموت امهم

 

[حلااميرة الزوق]

اعانك الله ولاكن تطمنى الاولاد من حقك

 

[كفاني وحسبي]

الام هي من لها الحق حتى لو تزوجتي لان ابوهم متوفي مو عايش وانت مطلقة والله اعلم

 

[شيهانة نجدية]

دخلي بينكم شخصية لها ثقلها عندهم وبعدين مالهم حق ياخذوهم دام ابوهم متوفى وترا اذا اخذوهم والله ليبهذلوا اولادك بس دافعي عنهم لو اضططريتي لمحاكم الله يطمن بالك

 

[حكمة ودبرة]

الله يفج همك

 

[LEMONA]

اختي الحضانة لك وليست لهم
الحضانة في الاسلام للام ثم لام الام ثم لام الاب ثم لاب ثم لاخت الام ثم لاخت الاب
ثم لخالة الام ثم لخالة الاب يعني اقارب الام اولا من اقارب الاب
وانتي اتصلي على اي مكتب محامة واستشيريهم عادي يجوبونك جواب مجاني انا كم مرة اتصلت على مكتب محاماة
وجاوبوني بدون فلوس