يهددني بعد الطلاق اذا تزوجت بياخذ البنت

[القطار السريع]

من بعد ما كتبت موضوعي السابق وهو اني ابي الطلاق وصليت استخارة بس للحين محتارة

صارت تتوضح لي الامور بعد سابع صلاة صليتها

الموضوع يسير ناحية الطلاق اكثر

بس اللي قهرني ان زوجي الفنان العربي والمقيم على كفالتي في ديرتي كل اللي هامه الاقامة

كل مسجاته اليوم هو شلون يدخل الخليج اذا تطلقنا وساعتها لازم يحتاج فيزا

ما فكر بكل العشرة اللي كانت بينا

ما فكر شلون يشوف البنت

ما فكر في ولا شي وانا اللي كنت ذابحة نفسي البارحة من البكا على عشرتنا اللي بتروح لدرجة اني قمت صليت ركعتين وظليت اقرا قرآن ودعاء

اليوم مسجاته كلها تفكيره في الاقامة

بس قهرني مسج منه وهو يقول لي انه ما يبي البنت نهائيا وخلها عندي
بس اذا تزوجت على طول راح ياخذها من عندي

بلقيسيات انا مو كبيرة حتى اذا تطلقت ما اتزوج شوروا علي
​

 

[بنوتة بلادي]

ما يقدر ياخذ البنت إلا إذا المحكمه حكمت بأنج مب صالحه... و إذا تزوجتي الحضانه تسير لأمج... فمو بكيفه...

 

[مكسور قلبي]

حبيبتي هدي نفسك وريحي بالك واسمحيلي بتكلم معك بوضوح

صحيح كل ام لايمكن لها ان تبتعد عن بنتها او ولدها لكن اذا جينا للواقع

وفكرتي فيها من جهه ثانيه انتي راح تتطلقين ومعاك بنتك وهو ايش راح يكون مصير

راح يروح يتزوج وبكل سهاله لانه ماعنده اي مسؤليه لا اطفال ولا شي وانتي بتكون البنت

بيدك ولا راح تعيشين حياتك صح

انا حطيت نفسي مكانك وبرد عليك هذا الرد

راح اطلب لانفصال مع عدم اخذ الاطفال معي اقلها بعد الانفصال اعيش حياتي وهو يتعب حاله ويفكر

بالاطفال ليه اخليه يروح يتزوج وهو متطمن انه ابنه ولا بنته بايادي امينه


فامثل ماهو يبي يعيش حياته انا برضو ابي اعيش حياتي بدون تفكير ومطمئنه




اتمنى تكون فكرتي واضحه



لكي خالص تحياتي

مكـــسور قلـــــبي ​

 

[نحمدة ونشكره]

يا اختي انتي قلتيها انه يهمه الاقامه يعني هو يريد يضغط عليكي حتى تتراجعي عن الطلاق وبعدين انتي خليجيه وجالسه في بلدك اكيد المحكمه تكون لصالحك مو لصالحه لانه هو مو من بلدك لا تخافي ولا تشيلي هم هم كل الرجال كذا لو وصل الموضوع انهم م يتاذون تبدا الحرب النفسيه

 

[براءه طفوله]

مكسور قلبي " شكلك ما حسيتي بالأمومة بعد ، لو أنا مكانها مستحيييييييييل أعطيه بنتي وخصوصا انه بديره وأنا بديره ثانيه ، وبعدين ياما سمعنا عن حريم تزوجوا للمرة الثانية وعندهم عيال من زواج أول ومشت حياتهم عادي
" شوية ذكاء وتخطيط وتمشي الأمور "

 

[انا رائعه]

عندك حلين
الاول قولي له خذها اصلا ما بيها لانها بتكون عائق اما زواجي ..محد بياخذني وعندي بنت
امااااااااااااااااانه خذها


طبعا مجرد كلام عشان لا يفكر يضغط عليك بالبنت


الحل الثاني

قولي تعال خذها بالمحكمه و دامك في ديرتك يحلم ياخذ البنت ولا اعتقد بيقوى محاكمنا

 

[دانة الشام]

تهديده نوع من الضغط عليكي لاأكثر ولاأقل .. كل مايهمه مصلحته الشخصيه كي يضمن الكفالة والاقامة ... إن اتخذتي قرارك لاتأبهي لتهديداته فمثله فناااااان لن يتحمل مسؤولية بنت بدون أمها !!! كوني قوية وصاحبة قرار واعملي لما فيه مصلحتك فقط..ربي يختار لك الخير كله.

 

[دانة الشام]

أعتقد أنك زوجك أيضا اعلامي وله زوجة وأولاد ايضا أليس كذلك؟؟؟ تذكرت استشارتك التي كتبتيها من شهور!!! كوني قوية ولاتقولي لن أتزوج ..!! ربك كريم استمري في الاستخارة وربي يكتبلك الخير كله..

 

[حور الأثرية]

تزوجي وغيري الديكور انا مثلك تركت له اولاده وتزوجت خير منه والا اليوم الاول جيت لحالي

خليتهم فيه وكل عام اجي اشوف اولادي وامشيهم ويحبوني موووت واروح لبلد زوجي والصلاة على النبي والله العظيم ان في مدينة في بلدنا من العادة عندهم ان المراة اذا تطلقت تخلي الاولاد لابوهم وعيب تاخد الاولاد معاها ولو عمره شهر تصوري نسبة الطلاق فيها بنسبة ضئييييييييلة جدا لان الرجااال يشوفون ان هم الحريم الي يتورطوا في الاطفال

 

[ام ديما وبس]

للرفع

 

[ظبي الشمال]

حبيبتي لا تبينين لزوجك أنك متعلقه ببنتك ,,
أغلب الرجال في هذه المسائل يحبون( يمسكون زوجاتهم مع اليد اللي توجعهن)
فنصيحتي لكل زوجه بأن لا تبين تعلقها الشديد بأطفالها أمام زوجها,,
لانه كل يوم راح يهددها بالطلاق وأنه بيأخذ عياله..

بصراحه أنا زوجي لما تصير بينا مشاكل ويجيب طاري الطلاق أقوله عادي أتطلق
بس عندي شرط عيالك تأخذهم معك لأني بعد الطلاق مو فاضيه بشوف حياتي وبتزوج ومابي
أذي ولد الناس بعيالك..والله الحين لوتصير بينا مشكله يقوم يهدي الوضع بس خوفه أنها تكبربينا
وأطلب الطلاق ويتوهق بعياله خصوصا أن أمه ماتحمل أزعاج الأطفال..


حبيبتي الله يكتب لك الخير ..والله يوفقك والله يريح بالك..
أكثري من الأستغفار...

 

[القطار السريع]

فعلا هو شايف نقطة ضعفي البنت
تعبني وايد الله المعين
بس احتاج وقفتكم معاي ومشورتكم
​

 

[حلااميرة الزوق]

ما يقدر ياخذ البنت إلا إذا المحكمه حكمت بأنج مب صالحه... و إذا تزوجتي الحضانه تسير لأمج... فمو بكيفه...

هذة غيرة وحقدربى يسهل امرك

 

[رندا كووول]

عندك حلين
الاول قولي له خذها اصلا ما بيها لانها بتكون عائق اما زواجي ..محد بياخذني وعندي بنت
امااااااااااااااااانه خذها


طبعا مجرد كلام عشان لا يفكر يضغط عليك بالبنت


الحل الثاني

قولي تعال خذها بالمحكمه و دامك في ديرتك يحلم ياخذ البنت ولا اعتقد بيقوى محاكمنا

نفس رايي

 

[القطار السريع]

على كل اللي صار لي ولبنتي
امي جاية تناقشني بموضوع طلاقي
وتقول لي اطول بالي
قهرتني والله قهرتني
​

 

[أحلى أحساس]

آذآ تبينًَ تتزوجينَ تزوجي
فيه محكمه تاخذ حقج
ماعليك منه
تحياتي

 

[حبكـ أنا]

البنات ماقصروو اتوقع يحاوول يضغط عليك

 

[خلود بكر]

فرج الله همك حقيقه انا ماااعرف مشكلتك لكن بالنسبه للحضانه الافضل استشيري محامي وراجعي القانون قبل كل شئ

 

[ام صبا الاموره]

الله يريح بالك ويسر امرك
استشيري محامي او اقري عن طريق النت
بس شوفي اختي بصراحه الي اشوفه من الاقارب اول تشرط الطفل بس لما تتزوج يجلس فتره وشوي شوي يروح لابوه
وبالحاله تروح عليها فرص علشان عندها اطفال وبالاخير الطفل يروح لابوه >>>مادري وش السبب

 

[واثقة]

لا تجعليها نقطة ضعفك

ووافقي فهو يريد لوي ذراعك لضمان ما يريد


عسى أن يكتب الله لك الصالح من أمرك