ينات ساعدوووني حلولي مشكــلتي..سريعا..الاستاذه ناعمه رجاء لو موجوده..اعطيني رايك..!!

ودي اعيش بسلام قال:
استخيري باستمرار
بس لو منك ارفض عاااااااااااااااااالى طولللللللل
استغفرالله واتوب اليه
استغفرالله واتوب اليه
استغفرالله واتوب اليه
أنقر للتوسيع...
انا مع اختي في كلااامهااا
اله يعينك
 
غاليتي أوصانا نبينا محمد صلى الله عليه وسلم أن نزوج من نرضى دينه وخلقه

فهل ترضين دين هذا وخلقه؟؟؟

طبعا لا لذلك اتبعي سنة نبينا محمد في الزواج وانتظري صاحب الخلق والدين

ويبدو لي أن الله يحبك حيث كشفه لك سلفا وبوضوح .....ولو أنكم سألتم عنه لمدحوه لكم

فهذه الأمور على الأغلب خفية ولا يعرفها الناس عن الشاب

إحمدي الله على السلامة ولاتخاطري بالزواج به على أساس أنه سينصلح فهذا شئ في علم الغيب

هذا رأيي الخاص وفي النهاية هذه حياتك

هداك الله لأحسن السبل بإذنه​
 
انتي اقبلي قبول مبدأي .. واطلبي الشوفة الشرعية .. وحاولي تتفقين ويا حد من اخوانج .. أو أمج إنكم تتمون ويا بعض رواحكم .. وانسي الاحراج والخجل شوي .. وكلميه بعقلانية وجدية .. وبدون تردد ..

{أنا أعرف إن لك علاقات قديمة.. بس ما أعرف إذا انتهت والا لا}

وقولي له السالفة باختصار بدون ذكر التفاصيل ولاتدخلين في حوارات وياه ..

وقولي له: {سؤالي هو انته ليش تبى تتزوج؟}..

انتي بهالطريقة تكونين ضربتي أربع عصافير بحجر واحد ..

اولا: فرضتي احترامج عليه إنج ماتبين حياة زوجية متوترة .. وإنج واضحة وصريحة وماتحبين اللف والدوران .. وهو لازم يبادلج نفس الاحترام والوضوح.
ثانيا: إنج تعرفين من ردة فعله حجم قوته لمواجهة المواقف الصعبة.
ثالثا: تريحين نفسج من هم التفكير في ماضيه .. وتحطين النقاط على الحروف .. وانتي لج حرية الاختيار من خلال اقتناعج بشخصيته وبكلامه وياج .. ياتوافقين ياترفضين..!
رابعا: تعطينه الفرصة إنه يعبر عن رأيه .. وتعطينه الفرصة إنه يدافع ويقول اللي في خاطره.. ومنها عرفتي باللي يفكر فيه.






!أحاسيس ملونة! قال:
اختي للاسف انا ماراح اتحمل اقوله ولاكلمه انا جدا عصبيه واخاف بكرى اي غلطه بدون قصد يسويها.اقوله انت تسوي وتسوي وعملت وانا عرفت وكذا ماراح اتحكم باعصابي عارفه نفسي..

للاسف اموضوع الخطبه ماشاء الله عليه نشره لكل العايله ماخلا احد الا درى هذا وحنا لسه ماقلنا لاايه ولا لا..وهذا غلط طبعاا
وهذي الحركه من جد كرهتها منه..

ياختي ماتحمل اقوله روح ورد وطير وارجع والله اختي ماشاء الله عليكي عندك قدرة مكلتي..اني انا ماراح اقدر انسى بهالسهوله واغيره..

انااخاف اوافق رجع ثاني
اخاف ارفض يجيني واحد مادري عنه زي ماقلتي واتورط فيه

جتني حاله نفسيه من هالموضوع
والله الناس طقت وينتظرون الجواب وانا طقيت بعد وابي ينتهي هالموضوع بسرعه لاني طفشت منه وانقلبت راسه منه


ياااااااااااارب ياعظيم ارشدني للصواب وارزقني بالزوج الصالح سواء هو او غيره اكتبلي لي الخير يالله
أنقر للتوسيع...



العمر كله إن شاء الله حبيبتي ...

الغالية .. إنتي ما انتبهتي لكلامي ..؟؟؟؟

أنا أقولج في الشوفة الشرعية .. أو إذا بينكم كلام .. ياليت تقولين له بس بدون عصبية ..

إنتي إذا من الحين تقولين (إذا سوى شي بدون قصد) .. إنتي إذا كنتي تبين واحد بدون أخطاء روحي لزمن غير زمانج.. ولازم تكونين إنسانة بلا أخطاء .. يمكن هو بعد في مخيلته إنسانة بمواصفات معينة .. وبيحصلج بمواصفات مختلفة عن اللي في باله.. بيقول إنتي وإنتي..!!!

إنتي مش كاملة .. ولا أي إنسان كامل .. كل واحد له جواتب إيجابية وجوانب سلبية في شخصيته .. بس تأكدي إن أسلوب المعاير .. يعني إنج تعايرينه بالماضي .. حتى لو (لاسمح الله) خانج في المستقبل .. ما ينفع إنج تستمرين في الزواج..!!!!

لا حبيبتي .. هالأسلوب ما ينفع للزواج بشكل عام .. إنج تكونين عصبية .. وإنج تحطين راسج براسه .. (المرأة الذكية هي التي تعرف كيف تقود الرجل) بس من وراء ستار ....!

المرأة حكمت العــــــــــــــــالم من وراء ستار .. ما يت على زوج .. كلمة توديه وكلمة تجيبه .. وبالدهاء والحيلة .. ياعزيزتي كل اللي تبينه بيصير ..

حبيبتي .. إفرضي حسن النية في تعاملج وياه أي حد وخصوصا الزوج .. لاتستبقين الأحداث .. اسأليه في الشوفة الشرعية باللي قلت لج إياه .. أو على الأقل حـــــــــــــــــــــــاولي .. المحاولة مابتخسرج شي .. ومن بعدها قرري باللي تحسين فيه ..خذيها خطوة خطوة .. لاتنقزين من الحين .. لين بعد الزواج لخيانته (بعيد الشر) وصلتي لإنج تقولين ما أقدر أسامحه .. وبتقولين له إنته خنت وانته سويت وانا عرفت .. إنتي بأسلوبج تقدرين تكسبينه لصفج .. بس بذكاء .. وتقدرين تحببينه وتقدرين تكرهينه فيج ...!

اقري قصة برود مطر .. مليون بالمية بتنفعج .. اقريها .. واقري اللي بين السطور .. ولاتخلين الأوهام والأفكار السلبية توديج وتييبج .. الأفكار السلبية تجذب الأفعال الخاطئة منه قبل ماتكون منج..!!

ما هكذا تورد الإبل يا عزيزتي .. التعامل مع الزوج يبى له لباقة وذكاء .. ولو إنه غلط عليج .. بس إنتي تقدرين تلعبين صح بس بدون ماتكشفين أوراقج كلها .. خلج إنسانة بسيطة قدامه .. بس بدون غباء .. خلج مصحصحة وذكية بس بدون ماتبينين له هالشي ..

وأنا ما قلت لج سالفتي علشان أستعرض عضلاتي .. لا والله .. كنت أبغي أقول لج إن الإنسان ممكن إنه يتغير بس ايدج على ايده وباتفاق من بينكم .. مب بس من جهة معينة .. يعني أنا ما كنت أقدر إني أغيره إذا هو مب حاب إنه يتغير .. وهو مابيتغير إذا أنا ماساعدته ...!!

الزوج والزوجة .. مكملين لبعضهم .. يعني إنتي فيج نواقص هو يكملها وهو فيه نواقص وإنتي تكملينها ....

أتمنى إني قدرت أوصل لج الفكرة ..!!

تحياتي
 
انتي الى الان على برررر
لو مكانك بعد استخارتي شفت هالشي اقول هذي نتجية الاستخاره
انتي حتى لو قبلتي ماراح تنسين انك شفتي هالشي بجواله
ويصير الشك معك طوول عمرك ,, اتركيه الله يعوضك باللي احسن منه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل