يمكن مشكلتي بسيطه بس مع زوجي مالها حل
السلام عليكم ورحمة الله وبركاته :35: انا محتاره وشلون اطرح مشكلتي انا الحمدلله متزوجه من اكثر من عشر سنوات زوجي طيب وكريم بس عصبي بنفس الوقت يعني رايه هو الصح حتى لو انه غلط لاتناقشينه مشكلتي اني الاشياء اللي تخرب بالبيت مثلاتخرب الثلاجه اجلس ست شهور بدون ثلاجه اللمبات مايسويها الابعد مايضلم البيت تخيلو الحمام الله يكرمكم جلس تقريبا سنه بدون لمبه مكنسه كهرباء خربانه اطلبها منه يقولي مشغول احس اشياء مهمه ومايعطيني وجهه واتعب وانا اطلب منه مدري وش اسوي معه فيه اشياء كثيره بس ماقدر اوضح منها الغسيل صاير مشكله بالغسالات ولاراضي يسمع مني عندي غسيل كثير والجو غبار ومتمشكله اذا عندكم طرق تخلي زوجي يحن علي ويرحمني لان لي سنه عندي مشكله الغساله وانا مرة اتكلم ومره اسكت ومره اسايسه ومره ازعل مافاد شي يقولي مليت من حنتك انتي حنانه يقولون كثر الدق يفك اللحام بس مافك لحام زوجي مدري ليه احس اني يأست ودي يكبر ولدي بسرعه ويعوضني يسوي اللي ابيه بدون مشاكل
اسم الموضوع : يمكن مشكلتي بسيطه بس مع زوجي مالها حل
|
المصدر : الأستشارات الزوجية العامة