يكفي خيانه

[ام لــودي]

سويت كل شي بس للأسف يجي للأرداء

 

[مهـــــــــا.]

الله يصبر قلبك ،، وانا من رأي اجلسي بيت أهلك ولاترجعين له الأ بعد ماتعبينه عشان يعرف قيمتك وقوي قلبك ولاخاافين

 

[ام لــودي]

انا من عشرين رمضان عند اهلي

 

[حبيبه تعوبي]

كويس انك قلتي لامه عن سوالفه السوداء
ولا ترجعين اصبري لين يعدل وضعه ويشبع من الوطيات الله يدمرهن ومرده لك واستعيني بالصبر والصلاة

 

[ام لــودي]

الله يجزاك خير
ترى ردودكم توسع صدري
ادعولي

 

[متزوجه ولكن]

الله يرده ويهديه

 

[فوشي ووردي واصف]

الله يفرج همك ويهدي زوجك ويصلحه اللهم امين

 

[*(معجبة بنفسي)*]

ياحياتي انتي الله يهدية مالك الا ربك هو الي بيردة لك واذا انتي طلعتي من البيت لاترجعي له الا بعد ماتحطي النقط على الحروف..

 

[ملحاويه]

الله يفرج عليك

 

[اغلا من اللولو]

ياعمري عليك في الدعاء انا اعرف وحده نفس حالتك زوجها مدمن العاده السريه وناسيهاوطول وقته برا وجلست تدعي ربها واللحين صارت تمل منه تقول 24 ساعه في البيت ما يطلع عليك في الدعاء والله يفرج همك وانتي ارجعي لبيتك واذا جاء من برا لا تسالين وينك البسي له واتزيني قبل يجي وزيني الغرفه في ورد وشموع وحركات واغريه خلي ريحتك كل يوم عطر وحطي مكياج وزيني شعرك خليه يشوفك ملاك عند البنات الي هو يشوف وتحمليه متى مابغى او اي وقت اي شي يطلبه نفذيه هم كذا الرجال يمكن يوم كنتي حامل ماتبينه يجيك مل ودور غيرك بس انتي اجذبيه رجعيه لك لا تخلين البنات الي يكلمهم احسن منك خليك جريه في الكلام اذا طلع زيني الغرفه في شموع ورد وعطريه والبسي لبس جرى وارسلي له رساله جريه مره اغريه فيها وسوي شموع ورد من المدخل الى غرفة النوم واذا جاء تدلعي عليه بحركاته وكلام اغريه وكل يوم بحركه جديده خليه يكرهم ويرجع لك انتي الي تقدرين ترجعينه وجيبي الالعاب الزوجيه ادفعي دمك اهم شي يرجع زوجك وشوفي نعومي عندهم قمصان حلوه وجريئيه

 

[منايا الجنة]

حسبي الله ونعم الوكيل حسبي الله ونعم الوكيل حسبي الله ونعم الوكيل
يا اختي الحبيبة والله لن يفرج كربتك الا الرحمن الرحيم الجئ الية وابكي بين يدية
فهو سبحانه يبتلينا لنناجية ونقف بين يدية
تشغلنا الدنيا بلهوها ومرحها فنغفل عنه سبحانه ونغفل عن التقرب الية فيبتلينا لنرجع الية
وليكفر ذنوبا كالجبال ان لم يبتلينا تبقى هذة الذنوب فتهلكنا
وليمتحن صبرنا وقوة ايماننا ,,,,, انصبر ونتوب ونلجئ الية سبحانه .... ام نجزع ونعترض على ماابتلانا فية فنخسر الدنيا والاخرة
حبيبتي داومي على قول حسبي الله ونعم ... ولاستغفار وصلاة الليل ولو ركعه
وعليك بدعاء الرسول صلى الله علية وسلم عندما اذوه اهل الطايف فشتد علية الكرب
فدعا بعاء جميييييييييييل
اوله ,,, اللهم اني اشكو اليك ضعف قوتي وقلة حيلتي وهواني على الناس
انت رب المستضعفين وانت ربي الى من تكلني الى عدوا يتجهمني ام الى غريب ملكته امري ان لم يكن بك غضب علي فلا ابالي الا ان عافيتك هي اوسع لي ...... الخ
ابحثي عنه في النت كامل
والاستخارة مهمة جدا استخيري هل ترجعي الية ام لا وان شاء الله اذا فية خير هيرجعك هو بنفسة
والله يفرجها لك ولنا

 

[نــور2010]

الله يكون بعونج ام لودي
والله والله والله اقولها لج عن تجربة مالج الا الدعاء والاستغفار وتلاوة سورة البقرة يوميا والمحافظة على الرقية الشرعية
الله يحفظكم ويسعدكم دنيا واخرة
ويهدس وزجك ويصلحه ويرزقه غض البصر

 

[زوجة اعز الناس]

يالغاليه والله العظيم وعن تجربه ويشهد علي ربي ان الدعاء والصلاه وتلاوة القران والاستغفار لها مفعول السحر في تغيير الحال الى ماتتمنينه بس بما انك طلعتي من البيت لاترجعي الا لما يعدل من حاله لاتكوني ضعيفه وتحسسيه بضعفك وترا توك ببداية المشوا العمر قدامك توكلي على ربك وانشاء الله يرجع لك زوجك قوي من نفسك عيشي لنفسك ولولدك حبي نفسك لانك لو انتي ماحبيتيها ماراح احد يحبك ولاتخافي من شي اسمه طلاق ترا ماراح يصير الا الي ربي كاتبه اسالي ربك الخيره وماتوقف الدنيا عند رجال الله يسهل امرك ويكتب لك الخيره

 

[l0l0]

حبيبتي انتي غلطانه لانك طلعتي من بيتك

المفروض ترجعين وتبدين تغييرين من نفسك وتنشغلين عنه مدري ايش شخصية زوجك بس لازم تشغلي نفسك عنه وتهتمي مره بنفسك وبنظافة بيتك وغيري لوكك عشان ترتاحين نفسيا

وثقي ثقة تامه ان زوجك بيرجعلك واختارك انتي من بينهم ولو خيروه بينك وبينهم اكيد بيختارك لانك انتي الشرفيه العفيفه

حبيبتي احب اسالك متى حسيتي بالتغيير يعني يوم رجعتي من نفاسك تقريبا هالفتره او من يوم ما تزوجتيه

 

[ام لــودي]

الله يجزاكم خير
التغير تقريبآ من كنت حامل ب4 وتغير الصدق يوم طلعت من النفاس

 

[ام لــودي]

جرحني الله يجرحه
قهرني الله يقهره
ظلمني الله يظلمه
حسبي الله عليه

 

[ام لــودي]

مشكورين بنات
يعطيكم الف عافيه

 

[ساحرة]

السلام عليكم ورحمة الله وبركاته


هذه الرسالة أقدمها
إلى جميع المحروقات المجروحات
إللي بداخلهم براكين لاتخمد
غضب و ألــــــــــم و حسره
أسئلة تحتاج لإجابات و إجابات
ليه تخون ؟
ليه تغازل ؟
ليه تكلم غيري ؟
أنا قايمة بكل واجباتك
أنا أعمل كل شي عشان أرضيك
أنا جميله ودلوعه
باطلع عنه أربيه
باطلب الطلاق
بابلغ أهلي
بابلغ الهيئــــه
باكلم البنات إللي يكلمهم
باتابع الأرقام إللي يتصل فيها
وبعدين ؟
بتنحل الأمور
لأ
لأ
حاسه بكل لحظة ألم تمــــــرون فيها
الغصه إللي تحرق حناجركم بالدموع
إللي تشهد عليها سجاداتكم و وسايدكم
بس خلونا نحكي بشوية عقل
كل وحده مجروحه تترك قلبها على جنب
وتحكم عقلها الزواج ماحيستمر وأنتي تتبعين مشاعرك وقلبك فقط
الزواج يحتاج لعقلك و ذكاءك و حكمتك
وأهم شي (( صــــــــــبرك ))
ولاتنسين قربك من الله
هو إللي يسمع نجوانا و يجيب دعوانا

أكتشفتي إن زوجك يلعب بذيله
أوكيه وش الجديد ؟
ليه الصدمه ؟
أغلب الرجال حالياً بهالشكل
نخرب على أنفسنا و لانحافظ على بيوتــــنا
ليه مخلين حياتكم الزوجية لعبة قط و فار
وسجين وسجان ؟
باصيده
باراقبه
باتابعه
بالعكس
الغباء نعمه في أحيان كثيره
أستغبي ماحتندمي إطلاقاً
لأن الرجل يكره المرأة إللي تتابعه
وتراقبه و تنتبه لكل شي
أنا لاحظت زوجي يرتاع لمايلاحظ مدى دقتي و نباهتي
فأصبحت أستغبي
لقيت أسهمي أرتفعت أكثر و أكثر
هذي هي طبيعة أغلب الرجال
يحبونــــك أضعف و أغبى منهم
وينفرون من ذكاءك
لأنه يحسسهم بالضعف
والرجل يكره هالخصله أمام زوجته
صدتيه يغازل
أعلنتي حالة الطواريء و الإستنفار
كنك ماصدقتي لقيتي عليه شي؟؟؟
وبديتي التخطيط للإنتقام
وجلستي عاد تجمعين الجديد
والقديم بتطلعينه على راسه
ولقى الشيطان مدخله لك
بدأ يثيرك و يستفزك أكثر
ويفتح لك أبواب شر لها أول مالها آخر
والنتيجه إنتي الخسرااااااااااااااانه صدقيني
الحلول ماحاطول عليكم
لأني حاسه بالبراكين القابله للإنفجار بأي لحظه
وهالكلام ماقلته إلا من تجربه شخصيه بحته
مايهمكم تعرفون مين صاحبتها
الأهم تعرفون النتائج
وإيش النتائج

الزوج مايكلم بنات نهائياً
جواله طول الوقت قدام زوجته
أي إتصال من بنت
أو رساله يوريها هي بنفس سامحه ومبتسم
تسوى عيونه
شايلها من عالأرض شيل
كل وقت و كل لحظه
يقول لها ماشفت أحد بحكمتك وروعتك
لوضعف بأي لحظه رمى الجوال عندها
أوقال لها كلمتني بنت اليوم
الماسنجر لماتجيه إضافه يبلغها و تضحك معه ويلغي الإضافه
لأن أحياناً ياخذون الإيميل من بعض مواضيعه
يحكي لها أي موقف يمر عليه ولوبالشارع أو بالسفر
صايرين مثل الأصدقاء مافيه حواجز أو أسرار أوغموض
هاه وش رايكم بالنتـــــــــــــايج ؟
بس ماجت إلا بعد صبر سنوات
وكفاح من هالزوجه و لحظات ألم مريرة جداً جداً كتمتها قدامه
ياما أستغبت
تعرف إنه يكلم بنت وتروح عنه
حتى ماينتبه إنها صادته
تجلس تلف تلف حوالين نفسها
وسكاكين تقطع قلبها
تنهار
تبكي
تروح لسجادتها وتناجي ربها

بس كانت تقرب من زوجها أكثر و أكثر تحاول تشغله
تشاركه بالنت
حتى يتعود يشاركها
تقول له شفت واحد طلب
إضافتي و أضفته طلع رجال وشته
طلع له قرون وينه هاتي إيميله
كنسلي مسنجرك
قالت له والله لويضيفني تريليون رجال غيرك مابي ولاأشوف

أرضت غروره
لما تلاقيه عالنت تجي تسولف معه حتى لومالها نفس
وماتتعمد النظر للجهاز غضي نظرك عن الجهاز هوبيحاول يخبي المحادثه
تجاهلي كنك ماشفتيها
أستمرت على هالحال

كان يطلع من عندها مشوار
وتعرف إنه طالع يكلم
ماتتصل عليه تتركه ياخذ راحته كنها مادرت
لوتأخر تتصل حبيبي وش فيك تأخرت
(ماتقول معاك إنتظار)
ويرجع يلاقيها بأحلى صورة

أكتشفت إنه مسجل بمواقع الزواج
لأنها أسهل طريقه لصيد البنات
جت قالت له بعد أيام
حبيبي فيه موقع سجلت فيه أسمــه كذا كذا
أنهبل يوم عرف إنها مسجله فيه
لاعبته لاعبته لاعبته

كره هالموقع نهائياً و ماعاد دخله

الصبر وطولة البال كل وحده تعرف زوجها ومداخله ومخارجه لاتقولون مانعرف
تعرفون وش يلفت إنتباههم وش يشدهم
بس يحتاج منكم لفترات طويلة وكفاح حتى تنتشلوهم


ممكن حتى تجي على نفسك وتقولي عادي تكلم بنات
بينهبل لوقلتي كذا

بينجن ليه ماتغارين علي
ردي عليه إذا ماخفت على مشاعري ليه أغار ؟

أجرحي و داوي
أجرحي و داوي

أسلوب الصراخ والمشاكل
والله يابنات ماينفع معهم النتيجه
جوالات ماتدرون عنها
مكالمات في أوقات طلعاتهم وحتى بالعمل
موكل مره زوجك بيكلم من جواله
ولاكل مره بتصيدي رقم ثاني
لهم طرقهم ومداخلهم
وأبواب الشر لين أنفتحت أنفتحت صدقوني

مكالمتك للي يكلمهم بتفتح لك أبواب
ليه تنزلين نفسك لوحـــــــده قذرة ؟
ممكن حتى تجرحك بالكلام
ممكن عناد فيك تتقرب له أكثر
أثقلـــــــــــــــــــــ ـوا
إللي تبي تحافظ على بيتها و زوجها تثقل وتحكم عقلها وتقرب من الله
والله ماتندمون

بكره يجيبها لبيتك ماتدرين
بكره يسوي بلاوي مادرين
خلك نبيهه تابعي بحذر
حتى تكوني عارفه بكل الأمور
موتبقين على عماك
لين يدخل يابيده وحده متزوجها من علاقه
يامنومها في غرفتك
و أنتي عند أهلك مواعد بالعربي

لاإتصالكم بالهيئه بتنفعكم
أما بيرميك فبيت أهلك بحجـــة أتهمتيه و فضحتيه وشوهتي سمعته
والرجال لين حقد حقد
ولاطلعتكم لأهلكم بتنفع
ولاخناقك بينفع ممكن يطق بوجهك
ويقولك خلاص هذا أنا عاجبك هلا
ماعجبك طقي راسك بالجدار
(وأنتم أخبر ببعض هماجة الرجال وعنادهم وبجاحتهم)

أثقلوا و حلوا أموركم بذكاءكم وكيدكم
إللي تبي فعلاً تحافظ على زوجها وبيتها تتحمل وتصبر
حتى لوزوجك عاقل فيه بنات يبلونه في نفسه
إن زان الرجال مازانوا البنات
مايخلون أحد بحاله
والدليل روحي معه لأي سنتر
وشوفي كيف يحلى في نظرهم
لمايشوفونه مع زوجته وتبدأ حركات الإستفزاز
حنا يابنات يامجروحات في زمن الفتن و الشدائد كل يوم يمر نشوف أعظم
هل نخرب على أنفسنا و لانحل أمورنا

أنتي لما تطبخين طبخه ياترى بتطلع تمام لوعليتي النار عليها وطبختيها بدقايق ؟
ممكن تحترق ويروح تعبك وتخسرين

ولاتخليها تتسبك على نار هاديه
حتى لوميته من الجوع
وتطلع زي الورد

العاقله بتفهم كلامي مضبوط
الله يعلم إني ناصحه لكم و متألمـــه للألامكم
موكل زوج ملتزم يخاف الله و يتقيه
ويوم مايلاقي إن زوجته ماتكفيه بيتزوج ثانيـه
ولاكل زوج بيراعي مشاعر زوجته
ولاكل زوج يعشق زوجته ومابيهون عليه يظلمها
حرقة قلبي عليكم
خلتني أكتب لكم اللي بخاطري
فهمتوني يابنات ؟



أشكركم على المتابعه
وأرجو لكم الأستفاده
وحياة زوجية سعيدة
خالية من الكدر والمنغصات

منقووول

 

[منايا الجنة]

الاخت ساحرة بارك الله فيك على النقل الطيب

ام لودي حبيبتي طمنينا عنك ايش اخبارك؟؟؟؟؟
عندي ملاحظة :: بسيطة لايجوز قول الله يظلمك كما ظلمتني فالله سبحانه لايظلم ولو مثقال ذرة وقد حرم الظلم على نفسة وجعلة بيننا محرما
خلي كلمة حسبي الله ونعم الوكيل على لسانك قوليها بحررررررررررقة وشكوى لله

 

[ام لــودي]

الحقوني بنات اكتب ودموعي بعيني
اليوم اتصل اربع مرات ولا رديت انا حالفه لأن اذا رديت تحسفت يهزئني
المهم دخلت المنتدى حقه واثاريه عازم وحده على المنتدى وكاتبه نكها وحاطه حرفها وحرفه بالوسط آآآه
انصدمت انقهرت هذا مايحس حسبي الله عليه
وش اسوي؟؟
ابموت