يكفي اهمال وتتمنى رايكم

[مـهره]

:in_love: السلام عليكم ورحمة الله وبركاته

شحالكم خواتي اميرات احلى المواقع

عندي مشكله تخص اعز الصديقات..

حاولت معاها اوصل لحلول تريحها وسنتين من النصايح المختلفه ولا يابت معاها نتيجه

صديقتي معقود قرانها على جريب لهم من سنتين وداشين عالثالثة

المشكله وين؟؟ من ملجت لين اليوم وهي بشكوى دائمة من زوج المستقبل
يمكن كان اول كم شهر لهم معقول لحد ما..بالاتصالات والزيارات:in_love:

بس خلال اقل عن سنه انهى دراسته بالخارج واستقر بالدولة ومنها ما شافت راحة البال
اوقاته بعد الدوام..كلها شباب وسهرات ومرات سفرات
لا يتصل عليها بالاسابيع ولا يزورها..ولا حتى بالاعياد
حتى المصروف..الي عادة يعطيه المالج لزوجته ما عادت تحصله
الا باثر رجعي هذا اذا حصلته اصلا

احاول اتذكر كل التفاصيل..وارتب افكاري

صديقتي متخرجه من الجامعه وبيئتها مغلقة ما تتخيلون..
حتى انترنت او كمبيوتر مااااشي وممنووووووع
ونظرا لانها الكبيرة في البيت وامها مب فاضية لها وايد ..

فان نصحتها بشغله يكون اثرها عكسي دااايما للاسف:dunno:

يت فترة كانت تشتكي من عدم التزامه بالصلاة بالمسيد
وحاولت معاه بشتى الوسائل لدرجة وصت ابوه يقومه
شاف الريال هالشي كبير وزاد عناده وشدته معاها:sly: :icon28: :sly:

على لسانه دايما انتو يالحريم مكارات وهالسوالف الي تعطي كيف انطباعه مش اوكي عن الزواج عموما..كثييير الكذب والتهرب...كيف تعرف لان هم اخوين مالجين على اختين
الاخو الاول ماشاءالله اموره تمام التمام ومتحمس للزواج لكن زوج صديقتي هو الي يماطل بموعد العرس وتقرر يكون عالصيف واخيرا..

بس كيف بتعرس وهي للحين مارست معاه على بر

انا كنت اقول لها طنشيه وبييج ركض..لانها من رقتها ونعومتها وطيييييييبة قلبها..محاصرتنه بالاتصالات والمسجات

حتى لما يسافر بالشهور..تخسر عمرها بالالاف..طبعا ان رد على مكالماتها او مسجاتها

طبعا شي اشيا ايجاية تستوي بس مادية..يعني بيت الزوجية تقريبا جهز..وكله من اختياره الشخصي:dunno:

هي تذكرت استوت لها حادث كبيييير نوعا ما والله نجاها..لا اتصل ولا سئل

ولما اتصل بعدها باسبوع قال لها تستاهلين:sadwalk: :schmoll: :thumbdown:

دشت دورات تستفيد منها للتعيين عسب اتظيع وقت وما اتم تنتظر اتصالاته بس بعد هذا زوج وهي لها حق عليه...


اي استفسار انا حاضرة اهم شي خبروني كيف ترتاح ربيعتي..ويتسخر لها زوجها الي مب عاطنها اي ويه:sadwalk: :shutup:

 

[nono2]

هي متأكدة انه راغب الزواج وانه راغبها ويحبها ومالية عينه ولا الاهل مجبرينه على الزواج عموما او خطبتها هي بالذات ؟؟؟؟لأن تعرفين بعض العوايل يجبروا الولد على الزواج وهو لاهي وطايش ولسا ماشبع من اللعب وبعضهم يكون الولد مفكر بالزواج وراغب لكنهم يجبروه على قريبتهم وهو مايبيها فيعاند الولد عشان الرفض يكون من طرف البنت ...الله يوفقها

 

[كونتيسة]

بصراحة شكله مايريد الزواج ولدلك يماطل ويحاول يخليها تكره

 

[موزة خلفان]

حبيبتي اللي اوله كذا ينعرف تاليه
الرجل عندما يتزوج قريبخ وتكون مفروضه عليه يستكثر فيها حتى المشاعر وتظل هي تجري وراءهالى ان تتعب وتفقد روحها
الله يكون في عونها

 

[شمس الأصيل]

والله من رأيي افضل لها الإنفصال من الآن قبل ما تتزوج وتنجب اطفال وتكون وقعت الفاس في الراس لأن مثل ما قالو الأخوات المكتوب واضح من عنوانه
الله يعينها ويفرج عنها يارب

 

[مـهره]

يزاكم الله خير خواتي عالردود..لكنها للأسف خذت منحى واحد
وهو الانفصال

وهالشي مستحيييل يصير..نظرا لارتباط اختها بأخوه

وهي مش في بالها نهائيا تتخلى عنه..هي طلبها ترويضه كييييف؟

معقولة يكون ماشي حل..؟!!!

 

[some1]

الله يعينها عليه ،، !!
لا تعليق ،،،

 

[شمس المحبه]

والله هي نفسها تعرف إذا ممكن ترويضه ولا مستحيل

وهي اللي تقرر الاستمرار او الانفصال

لأنها هي الوحيده اللي تعرف شخصيته