يقول انه صابر علي ومتحملني((فضفضة انثى))

[طيبة البشر]

مرحبا بنات

انا بكتب كل اللي عندي مجرد فضفضه اللي بترد جزاها الله الف خير واللي ماتبي ترد براحتها

فالبدايه((انا حياتي ابدا ماعاد تنطاق كنت احب زوجي وللاسف كرهته وكرهني فيه حياتنا وربي صارت جحيم جحيم جحيم جحيم كل يوم هواش وخناق انا حامل وعصبيتي زايده كثير وماتحمل من اي احد كلمه وهوبذات اذا قالي كلمه عصبت طيب وش اسوي من يتحملني غيرك يازوجي مع العلم هذا اول حمل لي تعبت تعبت وربي تعبت خايفه على البيبي مابيه يطلع عصبي ويتاثر فيني
زوجي قالي انه صابر علي ومتحملني وانا قلت له انه مو مجبور يقدر يخليني اذلف لاهلي والله لايردني بجد تعبت نفسيا وجسديا من امس معي صداع مو طبيعي والله حتى الصلاه يابنات مو قادره اصليها من كثر ماراسي ذابحني طيب هو ليش مايتحملني مو انا زوجته
بنات انا صبرت عليه كثيييييييييييييييييييييييييييييييييييييييير والله صابره على العيشه مع اهله والمشاكل ومشاكله هو كوم واهله كوم ثاني وفوق هذا كله يقول انا اللي صابر عليك انتي ماجاك شي تصبرين عليه وبالاخير يقول شوفي فلانه يقصد مرت اخوه يقول شوفيها مهنيه اخوي مو انتي غاثتني دايم هواش ونقره
طيب اخوه بنفسه مو مقصر مع زوجته وعياله وهو ماشوفه الا باليوم ساعه او ساعتين وليته يجلس معي على التلفزيون ويروح ينام ولاقلت له ابي الشي الفلاني مشتهيته يووووووووووه اجلس بالايام والاسابيع مايجيبه لي بحجة تعبان ومالي خلق

اليوم الصباح ارسلت له رساله اني بروح للاهلي خامس رمضان عشان يرتاح مني
انا ابي ارتاح بروح للاهلي اريح نفسيتي عندهم ودي تتعدل حياتنا بس والله صرت احس ببرود ناحيته برررررررود مو طبيعي مالي خلق كلامه ولاحتى نظراته احس نفسي مخنوقه ودي ابكي بس حابسه دموعي عشان البيبي اقول بيني وبين نفسي ان شاءلله اذا جاء يغير لي حياتي

 

[حبيبه فالح]

الله يسخره لك ويفرجها عليك يارب

 

[طيبة البشر]

تسلمين حبيبتي على الرد والله يتمم زواجك على خير ويسخرلك زوجك وماتشوفون نكد ولاكدر ويجعل كل ايامكم افراااااااااااااح يارب

 

[~أغلى الغاليات~]

حبيبتي بعدج عنه مو الحل ..انتي تطلبين من زوجج يصبر عليج بس اسمحي لي ازواج هالايام يبون المره هي اللي تتحمل..حبيبتي لا تتركين بيتج وتتحسفين المشاكل اللي بينكم بتبعده عنج وبدل ما يشوفج تكسرين الخاطر وتعبانه يشوف انه هو المسكين ومتحملج ..العصبيه ما راح تنفعج وهذا زوجج مشاكل اهله طنشيها سوي اللي عليج وبس..وتحملي تقعدين تقولين له اهلك واهلك بيكرهج وبينفر منج ..خصوصا لو كان متعلق باهله..الزواج يبي له صبر وهو بحد ذاته مسؤوليه اللي حسيته من كلامج انج تبينه يستحملج بس ابي اسالج انتي شتسوين له عشان يرد لج هالشي ..سالفه انج مستحمله اهله هذي كلنا نستحملها وفوق هذا كله نجاملهم وما نقصر معاهم..لكن انتي شمسويه له هل تخدمينه وتسوين له الفطور والغدا ولو ما تسوين له هل تقدمينه له بحب ..هل هو حاس بحبج له ..هل لما يكون في البيت مرتاح معاج..؟؟ ولا يبي يهرب منج..؟؟ حبيبتي حقوقج ممكن تاخذينها بالطيب مو بالعصبيه والمشاكل واقولج لو رحتي لاهلج بيدور غيرج وبدل ما يتحسن الوضع بينكم بيتطور لاصعب من الي عايشته..قعدي في بيتج وغيري اسلوبج معاه وبيقرب منج كلنا نحمل وكلنا نتعب بس بعد ما نقعد نندب حظنا ونقول زوجي لازم يدلعني ويستحملني لاني حامل ..اصبري على اهله وعلى تقصيره لين ما يحس بحبج له ..دلعيه حسسيه انه وجوده في البيت راحه لج وله ابعدي عن النكد..لان محد بينضر غيرج..شوفي مرت اخوه شتسوي وسوي نفسها بس بطريقه مختلفه ..حطي في بالج ان دوووم الاخوان يقارنون بين زوجاتهم ..جملي نفسج في عينه..وايعد عن اهله لانج لو حطيتيهم في بالج بتتعبين وبتصير مشاكل وبيوقف مع اهله ضدج وفوق هذا بيخربون حياتج عناد فيج..الله يسخره لج ومثل ما قلت اصبر وابعدي عن العصبيه

 

[&أم ناصر&]

الله يسخره لك ويفرجها عليك يارب

 

[همسات روحي]

ياقلبي كلام الاخت اغلى الغاليات ميه الميه لا تروحي بيت اهلك هادا الوقت اخريها شوي خليه يتعلق فيك سوي المستحيل عشانه شوفي ايجابياتو لا تطالعي في سلبياتو ادا عصبتي افتكري الشي الحلو عشان تهدي مو تشبيها بعدين الحياة الزوجيه لازم يكون فيهااااا صبر والله يوفقك ويردك للطريق الصح

 

[طيبة البشر]

مشكور بنات على الردود ماقصرتوا والله

اختي اغلى الغاليات اشكرك على اسلوبك الراقي وكلامك الصحيح
بس انا تحملت والله تحملت انا ماقولك عشان فترة الحمل ابيه يدلعني لايدلعني بالطقاق الي يطقني بس ابيه على الاقل يهتم فيني يراعيني مايقولي شي يجرحني
يجيني يقول روحي اطلعي وشوفي الناس برا وانتي بس جالسه بشقتك
طيب انا والله قايله لي الدكتوره لاتتحركين وخليك طول اليوم على ظهرك بس عشانه اقوم واطلع
يقولي اغسلي ملابسي واغسل ملابسه يجلس طول الوقت يتنقدني انتي بشرتك خربت مع الحمل ونحفتي مره ماعاد تهتمين بلبسك بالله عليك ماراح تنقهرين من هالكلام
يقولي الشقه مو نظيفه طيب شسوي مو بيدي الحركه ناهيتني عنها الدكتوره بس هو للاسف انا مابين له اني انقهرت من كلامه بالعكس ارد عليه اقوله بشرتي طول عمري حلوه وبيضا وناعمه ماخربت الا مع الحمل وعشان البيبي كل شي يهون وان شاءلله بعد النفاس بصير مثل قبل واحلى
واهله هو بنفسه يشوف كل شي بعينه يدري عنهم وعن حركاتهم مايحتاج انا اقوله يعني كاشفهم
وشكرا للمرورك ومرور البنات الباقيات

 

[الدنياسراب]

حبيبتي طولي بالك ذكرتيني بحملي اناصرت عصبييييييييييه واكره رجلي بقوه ولااطيق منه اي كلمه
وتازمت حالتي ورحت لاهلي فتره وخلاني مالومه غاثته بعصبيتي لكن ماماالله يخليها صارت توديني يقرا علي الشيخ لحد ماهديت الحمدلله
يوم ولدت رجع حبي له الله يديمه خخخخ لكن كل هذا بسبت الحمل لدرجة اني كنت اطلب الطلاق من شد الي جاني لكن حمدلله عدت ايام الحمل وولدت وافقت من غفوتي
انتبهي لعمرك لاتروحين مثلي وتخلينه ترا الرجال يمل ومايصدق انه من الحمل يحسبك صدق زهدتي فيه