يقلون اني حاااااامل وبعدي ماتزوجت وش ارد عليهم!!

مريوم الحلوه

مريوم الحلوه

New member
إنضم
2009/06/07
المشاركات
1,767
بنااااااااااااات بقول لكم عن مشكلتي انا اعتبرها عظيمه


وحسبي الله على من كان السبب

حسبي الله ونعم الوكيل

ماادري يبون يخربون بيتي مادري الكل وش يبون مني

انا خلاص بنهار من هالناس االلي ماهمها الا تناظر في حياة غيرها وين راحوا وين جاوا
وش فعلوا وش سووا


المهم

انا بنت كاتبه كاتبه ع سنة الله ورسوله حالي حال اي بنت مخطوبه في محيطنا يزورها خطيبها
تطلع معاه
هالعادات موجوده في محيطنا ومافيها اي شي

المهم انا ملكت في شهر 5 مجرد ملكه من دون مانحدد زواجنا متى واي تاريخ

كل الناس اللي مالها علاقه قالوا ايه لايشوفها ولا يجي معاها الا بعد الشبكه بس خل يخلونها
مكالمات ولازم ماتصير الشبكه الا قبل الزووج بشهر ايه يمكن ويمكن تحمل !!!
افا وش هالتفكير القذر

زوجي انفعل وكل اهله قالوا ماعليك من اللي يقلون هذي زوجتك ولك الحق انك تشوفها وتطلع معاها ومن هالكلام

القهر اللي يتكلم لا من اهلي ولا من اهله
بس يحرضون ياامي ولا ابوي ولا يحرضون اخوه الكبير
اما خواته ماهتمون ابدا باي احد
وامه متوفيه وابوه ماعلي من احد عايش بعالمه


قام يزورني وصارت الضجه وقاموا الحسد يطلعون مليون الف سالفه
بعدها اهجدوووو


مرت الايام وسويت الشبكه
وكل مره شفنا فلانه مع خطيبها ماسك يدها
شفنه فلان رايح لخطيبته
وماعندهم سالفه الا انا وخطيبي


زوجي اصر ان نتزوج قريب يقول انا خلاص ابي اجيبج عندي باي طريقه وباسرع وقت
انا قلت له شلون بعدي ماجهزت شبي ولا شي ع الاقل عطني مهله كم شهر عشان استعد واقضي
قال مو مشكله
حددنا الزواج انا وخطيبي فجأه دون سابق انذار المفروض ابدا مايكون زواجنا باهالتاريخ
بس زوجي قدمه لان مو متحمل الوحده لان عايش بروحه


الناس صار عندها علم

سمعت مصايب من الكلام

قالوا ترى اهي حامل !!!!!!!

قالت فلانه من عذر زاد وزنها لان حامل
ع الرغم من قبل يقلون ان زايد وزني لان من الراحه مع خطيبي
الحين لا من الحمل!!!


وكم وحده قالت هالكلام

فجأه وانا في مناسبه جات لي وحده وانا بطلع قالت لي ليكون بس حامل !!!!


طبعا الخبر وصل لاهل خطيبي 000


اهنا وش راح يصير موقفي انفعلت وماقدرت امسك نفسي وقعدت اصيح خطيبي حاول يعرف السبب
وقلت له لان ابي يعرف مني ولا يعرف من اهله


عصب بالحيل قال منو هذي الحيوانه اللي تقول
انا مو معصب لان قالت حامل

انا معصب لان هالحرمه ماتستحي ع وجهه تتدخل في امور خاصه بين زوجين
وحامل وين الغلط

ومن هالكلام خليها تقول اللي تقوله

طبعا اهله كانوا معي مو ضدي وقاموا يدفعون وقالوا زوجت اخونا مش حامل ولو حاااامل

مب حرام حلال ومن هالكلام

بس تظل تحز في خاطري

ادري والله ان مو حرام ولا شي
بس والله انا ماسويت شي

انا رافضه يدخل علي الا بعد زواجنا بسبوع
بالذمه اصير حامل وانارافضه

انا لزلت عذراء واصير حامل
انا ضد الحمل قبل الزواج مو عشان الناس حاقده بالعنه اللي تلعنهم
عشان نفسي ابي اعيش واستانس
عشان احس بلذة لليلة الدخله

ويقلون اني حامل

بالله عليكم وشلون ارد لهالناس القذره مثل ماقال عنهم خطيبي هذيلي ناس ماتستحي على وجهها مابقى الا يدخلون معانا في غرفة النوم

يقلون اهل زوجي طنشوهم خل يقلون اللي يقلون
عيشوا حياتكم وستانسوا

بس ماادري شلون اصف مشاعري
انا متضايقه بالحيل ماابي يوصل الخبر ابدا لاهلي
لان راح يضايقهم
انا والله مظلومه في كل الاحوال مظلومه فعلت ولو مافعلت
بس اظن اعظم لو مافعلت

قلوا لي شنوا ارد ع هالحاثله اللي خمنوا اني حامل
للاسف ذيلي ناس حاقده وحاسده بس القهر ان انشروا الخبر لكل الناس ويمكن يوصل الكلام لاهلي
وانا اهلي اكيد بيعصبون وانا مالي اي ذنب في الموضوع مو غريبه يصدقون

حسبي الله ونعم الوكيل
حسبي الله ونعم الوكيل
​
 
السلاام عليكم بسعدني اكون اول من يرد عليك
حبيبتي ماااااعليييك من كلاااااام الناس لو جلستي تسمعين لهم ماراح يسكتووون ابدآ والله لو منك مااعبرهم ولا اتكدر
الحمدلله انتي زوجته والحمل لو حصل حلاااال عجل ليش تحاولين تبرررين لهم انك سليمة ووو
طز فيهم انتي عارفة انه كلااام حسساااااد فلا تهتمي ابد ومهما تكلمو لاتردين ابدآ والله يتمم عرسك على خير وتفرحين
الله يجعل حياتك كلها سعاااادة وهناااااء
 
اذا تزوجتي اجلسي فتره لاتحملين عشان يعرفون انهم اذكياء خخخخخخ
 
حبيبتي هدي حالك وطنشي والله التطنيييش يريح البال والي انتي متاكده منها ان هي الي مطلعه هاالكلام واجهيها ووقفيها عند حدها وامبسطي الناس مالهم غير الكلام بعراض الناس والله يسترعليكي ويتمم عليكم بخير ويكفيكم عينهم يااارب واذا عن اهلك اذا هم واثقين فيكي لاتشيلين هم ليش هالناس جالسين معاكي مع خطيبك الله ياخذهم ويشل السانهم
 
مشكووره بداية غير ع الرد ريحتي بالي انا مو مهتمه بس ماابي اهلي يعرفوا

لالان مهما كان راح يتضايقوا اكثر مني
انا واثقه من نفسي

بس موضوع يظل حساااااااس بالحيل ومحرج في نظر البنت اكثر من الرجل
 
مشكوووره الجوااان مجنونه ميدو


الواحد وده يطنش بس مثل ماقلت البنت تتحسس شوي من هالمواضيع وتنحرج انا قررت اواجهم بنفسي
 
ام راكان صدقتي مالي غير الدعاااء

مااقول غير حسبي الله ونعم الوكيل

هذا احسن حل
ربي معي لاني ماغلطت ولا سويت اي شي يغضب الله
وحتى اذا فعلت عمره ماراح يكون حرام لان هو حلال
 
في هالموقف نعرف قيمه قول الرسول عليه الصلاةوالسلام من حسن اسلام المرء تركه مالا يعنيه
فعلا عندن مرض التدخل في خصوصيات الاخرين بمعنى اصح اللقاااااااااااافه ومالهم شغل غير القيل والقال نعوذ بالله منه هذا بدل مايجعلون همهم الاخره انت ماعليك منهم وعيشي حياتك كلام الناس لابيقدم ولابياخر
 
صباااااااااااحو اختي عااااااااااادي انا رائي من راي الاخت اللي تقول اذا تم زواجك تاخري بالحمل عناد فيهم على الاقل شهرين
 
الخصران يفتق المصران وطنشي تعيشي تنتعشي وفليها يابنت الناس حتى في رسول الله عليه الصلاة والسلام تكلمو ليه رزك محروق كذا وووووي
 
ما اعرف .. بس انتي جدا ً تبالغين بـ تهويلك للأمور ..
ومعطيه الموضوع اكبر من حجمه !!

وخير ياطير .. وين المشكله لما الناس تتكلم , مع اني ما شفت احد تكلم كلها وحده سألتك جايز تكون تمزح او تغيضك او اي شي ..
وحتى لو بقصد انتي بعد مالك دخل فيهم .. متزوجه ع سنة الله ورسوله

لا زوجك قال شي ولا اهل زوجك قالو شي ..
اساسا مافيه مشكله نتكلم فيها ..

ياختي الحياة ماندري قد ايش مخبيه لنا بلاوي ومشاكل ,
مابين غمضة عين وانتباهتها يبدل الله من حال الى حال
ممكن تفقدين غالي او يتغير عليك فجأه
(الله يخليك لي غاليك ويخليهم لك ان شاءالله) ..
لكن المصايب والبلاوي كثيره ولازم يكون عندنا مناعه ضدها

ماننهار عند ابسط مشكله ,
وانتي منهاره بدون مشكله اصلا .. وش بتسوين وقت الضيق .. ؟

كرري دايما لاحول ولاقوة الا بالله العلي العظيم .. وحسبي الله وهو يكفي
 
يا أختي
خلي الناس تقول اللي تقول ماهمك أحد مادام زوجك معاك
اللحين تخربين أحلي لحظات حياتك عشان الناس قالت ولا ماقالت
عيشي حياتك وخلي الناس اخر همك
بعدين الرجال يلاقيها من الناس ولا منك يا أختي نسيه الدنيا و مافيها
بعدين الناس مبسوطه بحياتها وأنت تفكري فيهم وفي كلامهم
ورضا الناس غاية لاتدرك
وعليك بالدعاء
اللهم من أراد بي سوء فاأشغله في نفسه
اللهم رد كيدهم في نحرهم
و لاتفرطي في لحظاتك الحلوه عشان كلام الناس
 
مشكووورين ع الردود

حبيبتي همس هي مو وحده اللي تكلمت كثر يعني صارت سيرتهم عني

وحده بس اللي قالتها في وجهي ولا الباقي من وراي او جدام اختي

مثل ماقلتي في مصايب اعظم انطنش ابرك لنا


انا ع النفسي ماعظمت بس الناس اللي مسويه ضجه
يعني وحده تقول البنت الي تحمل المفروض زوجها يطلقها ؟؟
وش قصدها هذي بالذمه
ماهو خراب بيوت
مهمه كان ادري ان المشكله بسيطه بس تضايقني

جيت فقط افضفض لا اكثر
من الحره اللي فيني
وابي اعرف كيف ارد لناس الحاقده اذا جاوا وقالوا لي في وجهي
لان للحين بس وحده
 
عااااااااااااااااادي حبيبتي هم كده الناس حسد وحقد يا لطيف والله يا اختي انا حصلي اكتر منك بس الحمد لله
بس حبيبي كادهم والحمدللله الله يخلي ليه
وانت طنشي ولا تخلي ف بالك شي اتبسطي مع حبيبك
الله يوفقك
 
ياااااااااحبيبتي ماتسمعين باللي يقول طنش تعش تنتعش عييييييييييييييييشي حياتك!!!!!!!!!!!!!!!!! ولاعليك الا من رضا رب الناس موفقه،،،،،،،،،،،، سبحان الله وبحمده سبحان الله العظيم...........
 


الله يكون في عونك حبيبتي

ويفرج همك

كلام الناس لا يقدم ولا ياخر
 
عااادي ورددي المثل

يخاطبني السفيه بكل قبح
فاكره ان اكون له مجيبا
يزيد سفاهة وازيد صمتا
كعود زاده الاحراق طيبا


وقولي لأي وحده تسألك ليه
كلن يرا الناس بعين طبــــــعه؟؟
 
يقولج اختي..
كل من يرا الناس بعين طبعه...
اذا انتي رحتي على كلام الناس لاتودي ولا اتييب بس اذا تعمقت فيه... بتتعبيييين وبتخربين حياتج وسعادتج بيدج..
واذا عن سالفة اهلج اتخافين يتضايقون منج... اهلج لازم يكون عندهم ثقة فيج
واذا فكرتي اتسوين هالشي اهو مو عيب ولا حرام لان خلاص انتي في ذمته واهو مسؤول عنج..
مجرد ان ملجتووو محد له شغل فيكم ..
حبيبتي احلى مرحلة اهي الخطوبة وانا فيها بعد.. اهي مرحلة حلوة لاتخسرين حلاوته علشان اوادم ماتستاهل...
بس الي عليج اتسوينه دايما اختي في حياتج...
اول ماتبين تطلعين من البيت حطي لج حصالة حق الصدقة.. كل يوم قبل لاتطلعين قطي مبلغ بسييط كلش فيه وطلعي من الباب بريلج اليمين واول ماطلعتي دايما خلي المعوذات في السانج..." سورة الاخلاص، سورة الفلق، سورة الناس".. وآخر كلامي... " ان خاطبكم الجاهلون قولو سلاما"
والله يوفقج اختي...
 
حبيبتي ملك الا ادعاء من اراد بك شر فااشغله في نفسه​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل