يــــــــــابــــــــوـوـوي ..!!!

[حياتي اماني]

يابوي ليه تبكي كل ما شفتك وعينـك لـي ،
تخاف أموت يابوي ... وقبل الموت تبكيني..!

تكفى يابوي لا تبكي وأنا موجود معك وحـي،
أجل بعد الرحيل أشلون في قبري توطينـي..؟

يابوي لو تموت الناس ماتسوى دموعـك ذي ،
وأنا يابوي ميت قبل أموت وأنـت محيينـي..

قسم بالله يابوي لجل عينك شربـت الغـي ،
جرعت الهم والحرمان وبحر الويل يسقينـي..

تحملت السنين اللي طوتني في عذابي طـي ،
وصار الجمر بكفوفي .. وتحت أقدام رجليني..

يابوي ماعلى عمري حسافه ولا بقا بي شي ،
ولكـن بطلبـك يابـوي تكفـى لا تخلينـي...

يابوي مابي غيرك يغسـل جثتـي بالمـي ،
وتكفى قبل لا أتكفن .. يابوي فكلـي عينـي...

بأمر الله يمكن ألمحك وأرحل في عيني ضي ،
وودع وجهك الطاهر مع دنيـاي وسنينـي..

وخل الناس تحملني وترفع راسي ورجلـي ،
وتأخذني على قبري وتكسب أجرهـا فينـي..

وأذا جيت القبر يا بوي نزلني شوي شـوي ،
ووجهنـي لبيـت الله .. وقبلـه المصلينـي...

وحط الطين وأدفني وعزاللي يعـزي فـي ،
ثلاث أيام يابـوي .. يواسـوك المعزينـي...

ورابع يوم يابوي تذكر .. ضحكتي وعني ،
تذكر وش كنت أقول يـوم أنـك تنادينـي..!!

تذكر يوم كنت أنام في ظل النخـل والفـي ،
تجي يمي تصب الما..على وجهي وتصحيني...

تذكر جرة الموال وصوت في حبالـه كـي ،
تذكر يوم أغني لك قصيدي وانت توحينـي...!!

تذكر ضحكتك لا قلتلك يابوي عشقي هـي ،
تذكر كم قصيدة خافيه مـا بينـك وبينـي...

تذكر كل شي كان وأذكر يـوم انـا حـي،
ولكـن أسالـك بالله يابـوي لا تبكيـنـي !!!
​

 

[أبتسامة ملآك]

قصيده رآئعه يعطيك ألف عآفيه دمتي بخير

 

[هدوء أميرة]

تسلمين على الطرح غناتي ماننحرم حضورك
ودي وعبير زهوري ​

 

[منى25]

مشاركتك رآآقت لي كثيرآآ..
وآثارت أشجاني آكثر..
بارك الله فيك غاليتي...
ننتظر جديدك..
​

 

[نغمات النجاح]

نقل رائع
رغم الحزن الشديد فيها
ننتظر جديدك

 

[رمانه العود]

كلمات رائعة اختي حياتي اماني
اثرت فيني كثيرررر

 

[حياتي اماني]

اخواتي العزيزات

تشرفت بمروركم العطر وردكم لي واتمني اكون عند حسسن الظن بي