****يـــــا بــــنات يـــــا مـاصـلات****

[papero0o]

:icon28:و الي ماترد على موضوعي بعتبرها وحدة من الماصلات الي يتكلم عنهم الموضوووع ههههههههه

موضوع خونفشااااري عجبني جدن جدن صراحتن
لانو فيه بنات يعملون كيذا وهم مايدرون انو بيجيهم هاذا المرض وانو هاذا الشي مره انو < انلخمت​

اقروه يابنات و ارسلوه لبعض خل البنات يتداركون نفسهم ماله داعي نتوهق بنمونات كبيره من هالامراض​

كافينا امراض الفيس بوك < مازال عاجبها الموضوع هههههههههههههههههه​

هاااااااااااااااااااااااااااي ..​

كيييفكوم ..? ​

يارب تكونون كويسسسييين مره مره مره ...​

ممممممممممممممممممممم .. مره أي ميس يووو .. ​

طبعاً ادري انو مقدمتي مدري وش تبي ... بس المقدمه الي كتبتها .. هي عنوان موضوعي ..​

بنات الـ { إينو } وما ادراك ما الـ {إينو} ​

راح اتكلم عن البنات الي مرره يااي ومره كول وطال عمري ( والله يحييني) ..​

أنتشر في الأونه الأخيره <---ترا متعوب على الكلمه ..​

نظام الدلع عندنا .. البنت الي مو دلوعه غصب بتصير دلوعه .. حتى الخالات صارو مرره ياربيه .. ما لاحظتوا بالله؟

​

من متى ؟!

​

وش صار بالدنيا ؟!​

من متى بناتنا يمططون حكيهم ؟؟​

انا اقول والله اعلم هذولي تربيه الشغالات .. الناني على قولهم ....

​

لما تسألينها .. كيفوك (يعني كيفك) ؟؟ تقول كويّــســه !! وش كويّسه ذي !! انا اخبر الشغالات اللي يقولونها !!​

وش بيضرك لو قلتي الحمد لله ؟ هاااااااه وش بيضرك بس قولي؟؟ ​

لالا وازيدكم من الشعر بيت .. اذا قلتي كيف الحال .. ؟ تقووول وش ذا يااااي مره لو كلالالاس ..

​

لازم تقولون { كيفووك} <---- مع رز البرطم العلوي ... بمصاله ودلع ماصخ​

ولا اذا جو يسلمون على بعض يمه يمه يمه تسمع صراخهم من على بعد عشر كيلوات

​

كأن احد ميت لهم وقسم ان صراخهم يروع .. كنهم ما شافو بعض من سنيييين .. وهم امس شايفين بعض ​

بس هذا لزوم الدلع يعني المخرج عاوز كده ... ​

ومن ناحيه نظامهم .. انا اقول لكم وش نظامهم في السلام ..​

1-اذا شافوا بعض من بعيد صارخوا صراخ قوي مع كلمه يااااااي ( وحطوا يدينهم على خدودهم) وطيروا حواجبهم شوي { يا حماره يا كلبه .. الخ مرررررررررررررررره وحشتيتي ) ​

2-يركضون ركضه النااقه الي بشووويش .. خخخخخخخخخخخ​

3-ما يصافحون بعض أبد. يعني نظام على طول بوسه على الخد​

ملاحظه: ( الي بتمد يدها ترا بتتفشل) ​

4-يوقفون قدام بعض ..ويطالعون بعض .. بعدين فجأه يصرخووون ​

5- يحضنوون بعض ويجلسون ساااااااااعه .. يبربرون في أذنين بعض​

6-بعدين يبعدون.. بس يصيرون ماسكين يدين بعض.. ​

7- كل وحده تريش بالثانيه .. وأول شي يقولونه ( ياااااي مره نحفتي , ياااااي مره التان خطير عليك )​

نجي الحين الستايل .. وهو أهم شي ​

الشعر .. لازم يكون على جنب ويفضل يكون {ويفي} ولونه بني فاااتح خااايس..​

وروج احمر عشان البرطم وكذا .. ​

والنظاره وهي أهم شي .. عشان تغطي البلاوي الزرقاء..

​

هذا غير نظرات الأستحقار الي تطالعك فيها اذا كنتي مو من مستوها ...

​

لما تجتمع مع صاحباتها .. كل سواليفهم .. يوووه شوفي مره نحفت .. يوووه مرره سمنت
واااااااااااااااو لونها روعه .. شوفي نفخت شفيفها .. لا لا سوت تجميل بخشمها .. لا ترا نافخه خدودها .. شنطتها تقليد .. جزمتها مااركه ياااي .. ​

ولا السوالف حقتهم .. نص حكيهم { إينو } ​

إينو أنا مررره تفشانه .. وإينو ماما .. مره معصبه مني عشان أنا .. ما عطيتها بوسه الصباح

​

وإينو أحنا .. كل صيف في باغيس ..<--اشوى انها الخرخير وضواحيها​

و دادي يقول لي خذي الفيزا حقتي واشتري الي في خاطرك<---ومن هناك لاعن جدهاااا

​

واينو ايحنا راح نعمل سربرايز لصاحبتنا عشان البيرثدي تبعها

​

وراح تعمل وراح نعمل <--ترا مايقولون نسوي يقولون نعمل
وقسم سوالفهم تجيب لي المرررض .. ما استحملهم . ويحبون يحكون عن نفسهم مررره..

​

وياليت كل حكيهم صدق .. نصه هياط في هياط

​

انا اعرف بنااات .. مع اهلهم غير .. ومع صاحباتهم { إينو} ما ادري وشو هل هو انفصام في الشخصيه ولا ايش بالظبط ؟؟​

ترا انا اسميهم بنات { إينو و كيفوك }​

ولما تسألونهم ايش اكثر حيوان يحبونه .. هنا بتجيك المصاله ​

ياااااااااااااااااااااااااااااااااي مررررره احب الـ Dog ( تسلب اكرمكم الله )

​

زماااان كان عندي بوبي .. يااااااااااي مره وحشني <-- بتسوي نفسها مره حزينه ..​

بس يا حرااااااااام مات .. لأنو المربيه ما اعطته اكل ..

​

ولما تقول لها شي عن القطوه .. بتقول ييييييييع مرره مقرفه .. بس شعرها يتييييح ويوسسخ الأرض<---- مع مية رمشه بعيونها .. ورزه هاالبرطم

​

لالالالالالالالالالا وابشركم .. فيه حيوان جديد صاير موضه ويحبونه .. تعرفون وشو ؟؟​

الهامستر

.. الفار الأبيض زي الي مع نانسي عجرم في فيديو كليب (ياسلام) عرفتوه؟​

مااااره كيووووت وماااره بريئ .. وماااره ياي يخقق .. احس انو البيبي حقي <---- وقسم ما استحمل بصيييح
ما اقول الا يا صبر الأرض بسس ...

​

نجي لنظامهم في الصباح ..​

لما تسألونهم ايش فطوركم ؟؟ طبعاً معروووف كلهم زي بعض سبحان الله ​

تقول لك (كروسان+ كلوب ساندوتش+كورن فليكس+كوفي + اومليت >-- ترا قروي الي يقول بيض )​

لاكن لو جينا للصدق .. خبز صامولي وجبن كرافت.. وعصير ربيع .. <--- ويخب بعد ​

بس لازم عشان برستيجها ما يخرب الله يحييها ..​

ولا لما تزعل وعووووووه انواع البثاره ..​

كل صاحباتها الـ { أينوات}​

يجتمعون حولها .. وش فيك حبيبتي .. ليه انتي مرره Sad .. مين مضايقك علميني بس وأنا اروح أأدبه <---- بس حتسي فاضي ولا هي من جنبها اصلن​

ويسوون افلام وقصص .. وصياح ونياح ​

واخر شي يطلع السبب .. الـ بااااااااااااااااااااااااايخ ​

اعطيكم مثال :​

مره وحده الله يذكرها بالخير.. شفتها مرررره زعلانه وحزينه وضايق صدرها.. كأن احد ميت لها .. جيت سألتها وش فيك ..
سوت لي قصه .. واجتمعوا حزب الـ {إينو} علينا .. وخمخمه وشي الله لا يوركم .. انا ما عطيتهم جوهم ابد ..
جيت جنب البنت الحزينه وسألتها .. طبعاً سااااااااعه تتشكى وتبكي .. ومدري ايش ..​

اخر شي قلت لها طيب الزبده الله لا يهينتس وش تونسين؟

​

.. وش تتوقعون طلعت زعلانه منه ؟؟؟!!!!​

زعلانه عشان أعز صاحبتها .. ما كلمتها امس .. من بعد ما وعدتها انها تكلمها<----- يقططططططع أوم المرض الي كذا .. انا بغيت اصفقهاااااااااااا ​

قلت لها من جدك ولا تمزحين ؟؟
قالت لا أينو هيااا وعدتني .. وانا ما احب كيذااا .. تخيلي ما نمت استناها .. يااااااااااي مره تعبت امس جايه مواصله << انا هنا طقت طبولي .. وقمت ادخن من القهر

​

هو اني اسفهها وامشي ولا اقتلها و لا ولا ....

​

يعني من جد ما ادري وش يحسون فيه بالظبط ؟​

ايه نسيت اقول لكم شي : نص حكيهم English واذا جينا للجد .. ما يفقهون شيئاً فيه هههههههههههههه​

بقول لكم سالفة وحده بعد الله يذكرها بالخير .. ​

هي من نوع الله يحييني ..​

كنا قاعدين انا و بنات خالي المصون .. نستنى السواق بالجامعه .. واحنا كنا ناوين نطلع من الجامعه ونروح نتغدى ..​

وكانت هذي الشخصه واقفه تبربر علينا .. المهم قالت وحده من بنات خالي .. يافلانه تعالي تغدي معنا !! قالت لا والله انا مااااررررررررررررره تعبانه <---- شدو على الراء شوي

​

ما أقدر بروح لبيتي اريح .. <-----ياليييل

​

قالت بنت خالي وهي تمزح يعني : اجل وصلينا للمطعم على طريقك .​

قالت : اسكتي بس والله سيارتي مررره ضيقه حتى ما أقدر امد رجولي من الضيق .. ​

انا جا في بالي قلت وش معها ذي.؟ ​

سياره درّج ؟ ولا صندوق؟ ولا وشو بالظبط​

المهم سلكنا لها .. ومشينا ..​

جا سواقنا وجا سواقها .. وطلعنا مع بعض .. أحنا ركبنا في السياره وكان زحمه كنا 4 بنات​

وهي لحالها ​

المهم مشينا ..الا قالت بنت خالي نوره شوفي هذي سيارة فلانه الي تقول ضيقه ​

واطالع ..وانا الي اقول وش تببببببببي ذي هذي ضيقه الله ابوها .. ؟

​

تبي سياره بحوش الله يحيها ! ولا سياره نظام فلّه ؟ ​

طلعت سيارتها ( بانوراما)

​

ما اقول الا بس يارب لا تسخط علينا <----وجه يصيح

​

والله لو اقعد احكي عن ذا الـ { أينو } من هنا لين بكره ما خلصت ..​

ما يستفاد من الموضوع :​

1- بنات الجامعه بس هم الي بيعرفون اي نوعيه أقصد​

2-أنا ما اقول كل البنات تسذا لأه بس الأغلبيه

​

3-أن كل ساقط وله لاقط <---- اشتهيت اقولها​

4-أن البنات ما كانو تسذا من أول​

5-أذا حسيتي بألم في الراس وثقل في اللسان ترى احتمال كبير تطلعين من بنات { أينو}​

6-الموضوع لي وابن اموه يلطشوه​

7-باقي المستفاد طلعوه انتو​

 

[نبضة دلع]

يالبي على الاينو بس تدرررين تراي صادفت مثل هالاشكال كثير ...

احس من جد تفع الضغط ...

ياي ياي على الدلع اللي يجيب المرض

مشكوره قلبي

 

[sosoooo]

يااااااااااااااااااااااااي موضوع مره مره يجنن خخخخخخخخخخ
شوفي بعضهم يليق علهم وبعضهم لااااااااا
يازين الواحد على طبيعته ويتكلم بكلامه انا مااحب اللي يتكلم مكسر كلامه نصه عربي ونصه بنقالي ااااااا اقصد انجليزي لا ويعتبرونها ثقافه وهم مامعاهم حتى الثانوي خخخخخخخخ
مشكوره بيبرو على الموضوع الاينو

 

[نونة الحنونة]

هههههههههههههههههههههههههههههههههههه
منجد اشياء ترفع الضغط خلاص وصولوا لاوطى درجات السخاااافة

الله يفك عقدهم

قولوا امين

 

[صديقة صديقتي]

هههههههههههههههههههههههههه
يازين حتسيس بس
والله انك صادقه قسم بالله يا(به)بنات
ودي اكفخهن مااااالغاااات صدقتي والله
تسلمييين يابعدي ابردتي سبدي

 

[أنثى تعشق المطر]

papero0o

مشكورة يالغلآ .. طرحك .. كآن رآئع لفئة أنتشرت كثثثير

سوآء بالجآمعة أو خآرجهآ ..أصبحنآ نرآهآ ..

كل ما أخشآهـ فقط أن نعتآد عليهآ ونتقبلهآ مع الوقت ..

كأي ظآهرة .. تنتشر .. حتى تُصبح أمر أعتيآدي ..

.. لايسعني أن أقول إلا الحمدلله الذي عآفآنآ مماإبتلآهم به ..

صحيح .. ان الدلع أمراً مرغوب به للآنـثى (بشكل خآص) ..

لكن .. هذآ لا يسمى دلع .. بل سخآفة وسطحية وتصنّع مقرف ..


برآيفت لكِ..
أنتشر في الأونه الأخيره <---ترا متعوب على الكلمه ..


نظام الدلع عندنا .. البنت الي مو دلوعه غصب بتصير دلوعه .. حتى الخالات صارو مرره ياربيه .. ما لاحظتوا بالله؟

.. يأختي شفيهم الخآلات مو أوآدم ؟؟ وليه هاللفظ بس؟؟
ليه العنصرية هآذي ؟ شذنبهم ربي خلقهم كذا ؟
أدري أن صآحبة الموضوع ماتقصد الإسأة لهم ..
أو التقليل منهم .. لكن .. عند كتآبة الموضوع لابد إن الإنسآىن يراعي أنه اللي بيقرا موضوعه ناس كثثير ومنهم هالفئة ..
بالله وش بيكون شعورهم؟
ياترى هذا ماوصانا عليه ديننا الحنيف؟؟
لاتعتبرين كلامي موجة لكِ شخصياً يالغلآ ..وأتمنى تتقبلينه بصدر رحب

تقبلي مروري

انثى تعشق المطر.!:icon26:​

 

[المهاجره]

بيبروووو يالله حيه
عيوني تعبت وانا أقرأ (×_×)
لاني مصممة أكمل رغم التعب
بس
دمعت عيوني من الضحككككك عالاينو مدري المينو

ماقلتي لنا طيب الاينو وش نظامهن بالبرد يتدحملن والا رقيقااااات

وترى كلمة>> كويس طامرة لنا من مصر مالها علاقة بالشغالالالات حرام لاتظلمينهن كلش على رووسهن

والله يعطيتس العاااافية انتظر الجواااب قبل لايصير شئ لموضوعتس

 

[لتوفي]

اينووووووووووو تعالي بمطخس مطخه محترمه اااامووووووووووووووااااح قسم بلله مت عليك من الضحك فعلا هذولا الانوات اشوف منهم كثير بس في الاخير اذا طولت معهم في الكلام يطلعون على حقيقتهم انا ماعندي ملاغغغغغغغغغغغغغغغغغغغغغه كلهم زويره ووعيره ولمنكسره والي مافيها خير>>>تحريف يسلم بؤؤؤك

 

[Teta]

أنا من بنات الجامعة صدقتي بكلاااااااامك بس وش نسوي أبي اتخرررررررررررررررررررررررررررررررج

 

[papero0o]

بناااااااااااات مشكوراااااااااات على الردود الحلوة مثلكم وفعلا احسن شي يكون الواحد على طبيعتة

 

[papero0o]

أنثى تعشق المطر مو انا الي كاتبة هل مقااااااااال انا ناقلتة لاو قريتي في بداية الرسالة قلت ان الموضوع عاجبني هههههههههههههه
أما عن الخالات سوري واالله مو قصدي لاني مو انا الي كاتبتة المقال ... انا فقط ناقل لان المقال جاني عن طريق الايميل

 

[حواء ثقيف]

ههههههههههههههههههههههههههههههههههههههههه
اضحك الله سنك وربي اني بغيت اموت من الضحك على الاينوا
من جد فيه بنات ودك تلطشينها تلطيش على كلامها الماصخ والمايع والسامج
الله يسعدك على هالموضوع الراااااااااااااااااااائع

 

[aak_700]

ههههههههههههه ياحبي لك والله ضحكتيني .تصدقين مره رايحه لستار سيتي وشفت هالعينه من هالبنات بسم الله علي وعلى بناتي جالسين ماعندنا من الشيطان طريق ومادرينا الا هاللي يصرخون انا قعدت ادور الباب ابهج مادريت الا اللي يجون ويحضنون بعض جلسو على هالحال يمكن ربع ساعه حاااااااااااااااااااااامت تسبدي منهن بغيت اروح اصفقهن الله يقرفهن مايستحن قدام امة لااله الا الله يسوون كذا والله الواحد يشمئز من هالتصرفات وكله كوم ولبسهم كوم والا كلامهم وصراخهم كنهم اولاد مو بنات استغفرالله ...اجل ربعهم واجد الله يهديهم ويستر على بنات المسلمين ..

اجل اسمهم الاينوات وش معناها هالكلمه تكفين

 

[أحب بناتي]

ههههههههههههههههههههههههههههههههههههههههه

مشكوره بيبير على الموضوع .....الاينوا خخخخ *_^

 

[هند بنت عتبة]

هههههههههههههه الموضوع حلو

انا هالنوعية تنرفزني

 

[روز الحب]

هههههههههههههههههههههههههههه والله موضوعك مرررررررررررررره كويُس ههههههههههههه

 

[عبقرية منسية]

مشكورة اختي على الموضوع
فعلا النوعية هذي بدت تزداد مثل <البكتريا>
اكرة المياعة والبنات المايعات خصوصا لما يقولن :<<مرررررررررررررة >>و<اينو>
ودك تضربينهن باقرب ماعندك
مرة كنت بالسوق وجن النوعية هذي وقعدن يضحكن بصوت عالي ،زوجي طلع من المحل وقال قلة ادب ..مو متربيات
لاحظوا النوعية هذي من ((مستحدثين النعمة ))

 

[دمعةوفرح]

شكرآآآآآآآآآآ ع الموضوع ياعسل
ضحكتيني
وذكرتيني في الجامعة الله يقطع ابليسس
وراس فالتها يا بعدي
بس وش معنا اينـــــــــــــــــــــــــــــــــــــــــــو
بلعربي

 

[al3aneedah1987]

هههههههههههههههههههههههههههههههه والله موضوعك روووووووووعه كله كووم وبنات الاينو كوووم عاد هذا انتي تشوفين الاينو بالجامعه بس شلون لا صار الاينو عندك بالبيت ولا صار جمب بيتكم خخخخخخخخخخخخخخخخ كان انتحرتي ، بصراحه اول ماقريت الموضوع جو في بالي بنات الاينو الي بالجامعه بس تذكرت بنت عمي بعد هي من انصار الاينو هههههههههههه والروج الفوشي ولا الاحمر يعني كل الدرج ارواج فوشيا واحمر بجميع الدرجات بعد في شي مااتعرفونه عن الاينو لازم يمشون مع وحده شوي امتن عنهم واطول عنهم عشان يبينون هم النعومات والدلع كله ولا ايميلاتهم لاتجين صوبها كلها نك نيمات وععععععععععععععععععععععععع تجيب المرض اصلا الايميل بكبره يجيب العله تلاقينه (miss dior- cariter-d&g-versace-.....( والرساله الشخصيه لازم تكون فديتك دادي مغسي ع الهديه هههههههههههههههههههههههههههه يااااذا الابو مسكين هههههههههه كل شوي داخل وطالع بهديه وش ذا المهاااايط ولا لما تتكلم تقولين وحيده امها وابوها وانها دلوعه الكل خخخخخخخخ والعكس صحيح فالبيت والله سوالف لين بكره ماتخلص بس صدق المثل الي يقول: اي شي زاد عن حده انقلب ضده) وتحياااتي لكم وتمنياتي لكم بالشفاء العاجل يابنات الاينو
ملحوظه: لازم الموضوع والردود بالبينك بس خخخخخخ لزوم الاينو
اطلع قبل لا تجيني العدوى خخخخخخخ

 

[@فيض الانوثه @]

ياكرهي لهم لاازيد من الشعر بيت عند الاولاد (جينز طيحني )بعد عند البنات تنوره طيحني ولا الاولاد يبينون ....والبنات لا وووووووووع لا تجي لابسه كول البلايز إلي عندها احمر على اصفر على فوشي تقول إيه عشان اصير بنت كوووووول كول لما يموتك والشعر غيييييييييير شمس الشموسه شكل امها ساحبتها معى شوشتها ولله شفت بنات يمشطون عكس اتجاه الشعر قال إيش قال فري يعني طبيعي وكولو كوم والحزام كوم ثاني حاطتو على....... ليه بترقص ولله عجايب واحيانن يجون لابسين تنوره ميدي يعني فوق الكعب بشبر شكلو لبست حقت اخته الصغيره ووووع عليهم سيقان وووعع ولله بنات غريبين ولابعد يحطون مكياج برونزي (انا رييحت الشاليهات ع البحر)كذابه متمرخه بفكس ولافازلين وجالسين في عز الحر قدام الشمس (عشان البرونزي) لاعت تسبدي تعالو الجامعه وشوفو العجب العوجاب