مرحبا بنات
والله انه قلبي محترق من هالريل ما اعرف شو اسوي معه ،، تعبت والله يا أستاذة انه ما تاب عن المغازل ،، في تلفون الف وحدة وحدة وفي هالفترة طايح له على وحدة شكلها مطلقة الحقيرة ،، ويطرشلها مسجات واطرش له مسجات وعندها ولد ومطرشه صور ولدها حقه ،، والله يا أستاذة ومن فترة شفت عنده مسج كاتب فيه ((ممكن اشوف يا ام فلان ))يعني اكيد يشوفها وتشوفه ،،، أستاذة والله اني خايف يعرس ويأخذها ،لانه كله يلمح انه يبا يعرس ،،، ،خبريني شو اسوي ؟؟ شو الحل ؟؟ انا الحين الا اضحك وياه واسولف وعادي ومن داخل قلبي يحترق نار ،، وخصوصاً اليوم يوم شفتها الحقيرة مطرشة صور ولدها ،،، بموت والله من القهر ،،، بنات عندي رقمها وخاطري اتصل بها وهزبها الحقيرة وما خلي كلمة عندها بس ماباه يعرف لانها اكيد بتربع تتصل به وتخبره ،،مابا مشاكل
والله يا أستاذة هو متغير كله يسهر برع البيت وما يرد الا متأخر واايد ،، ويأخذ السيارة الثانية ويسير فيها لانها كشخة ،، ولا قبل ولا يفتكر وعمره ما سار فيها ومخلنها حقي ،، والحين كل يومين وقالي هاتي السيارة ،، ومن اسبوع كان يبغيني اخذ سيارة يديدة على حسابي لانه يبا يبيع السيارة ،، وحسيته يبا فلوس (يمكن لانه يبا يعرس ) وعقب يومين غير رأيه ...والله اني محتره ،،،
أستاذة العلاقة بينا معدومة هو يبات في الصالة وانا في الحجرة ،،، ويوم ارمسه واقوله شو فيك يا فلان شو مشكلتك يتم ساكت ألف مرة رمسته ماشي فايدة ،، واخر مرة قلتله يا فلان انا اعرف سبب المشكلة بينا وهيه بنات الحرام و واني مليانه شوي وانا بسير النادي جان يحتشر عليه وقال نادي ما بتسيرين وماشيء سيره (مع العلم اني مليانه على طولي يعني المتن هب متركز مكان واحد)
أستاذة دخليك لا تقولين لي خبري اهلج أو أي حد ،، أو رمسيه ،، تراه ماشيء فايدة ابا حل من كيد النسا ،، ابا افكار ،،،مابا تستوي مشكلة في بيتي ...خبرني مكيف اسوي وياه وشو الحل
