يظل بالبيت و لا يطلع بره !!؟؟

[رب احفظ من أحب]

هلا بنات

أتمنى تكونوا بصحة و عافية و مبسوطين :bigsmile:

بسألكم سؤال غريب شوي

إذا صارت زعلة كبيرة مرررررررررررررررررررة بينك و بين زوجك , و هو السبب طبعا

و ما ودك تروحي بيت أهلك , ما تبي حد يدري لأنك تحبيه :icon26:
و بنفس الوقت منهارة و مغصوصة ... و تحسي روحك تبي تبكي :icon1366:على طووووووووووووول
لأنه السالفة كايدة
و بنفس الوقت ما تبي تتعاملي معاه و لا تشوفيه
علشان تحسي بشوية هدوء و تستوعبي الصدمة و تستجمعي أفكارك , و تعرفي ايش تسوي تالي...



ممكن تقولي له :
اطلع بره البيت , حتى لو تاخذ غرفة بفندق و لا شقة مفروشة !!؟؟؟

و اذا تبي منه شي ترسلي له مسج بالجوال !!!!!


الصراحة الفكرة غريبة شوي و أثارت فضولي
شفتها بالأفلام

شو رأيكم بنات
أنتظر ردودكم .......



دمـــــتم بود

 

[*^ ندى الورد ^*]

حلو الابتعاد في فترة الزعل , لكن مو تتركينه يستانس ويروح لفندق على كذا كل يوم بيزعل ههههه
خلي الفندق اذا تصالحتوا
يعني اذا زعلتوا لاتجلسين معه في نفس الغرفة .

 

[NANDOOOOS]

والله فكره حلوه احسن من انك تطلعي من بيتك واولادك تتاثر نفسيتهم وكمان راح يتادب الزوج
الله يهدي الجميع

 

[قهوة بالبندق]

لا خليه يظل بالبيت لا تعوديه عالطبع ده انتبهي
حتى لو متزاعلة معاه لا تسيبي له غرفة النوم وتمشي تنامي برة البعيد عن العين بعيد عن القلب
بكرة بيتعود كل ما زعلتوا طلع برة ولا يسال ولو اتعود منك انك انتي اللي تطلعي ولو من الغرفة هو بنفسه
بيطردك برة الغرفة لانه اتعود منك انك تخرجي
تقومي تقوليله اخرج

لا تعملي كده

 

[مايصحش هالحتسي]

احسه صعبه تقوليله اطلع برا
بس يفضل انك ماتجلسي معاه

 

[كركدية *_^]

لا خليه يظل بالبيت لا تعوديه عالطبع ده انتبهي
حتى لو متزاعلة معاه لا تسيبي له غرفة النوم وتمشي تنامي برة البعيد عن العين بعيد عن القلب
بكرة بيتعود كل ما زعلتوا طلع برة ولا يسال ولو اتعود منك انك انتي اللي تطلعي ولو من الغرفة هو بنفسه
بيطردك برة الغرفة لانه اتعود منك انك تخرجي
تقومي تقوليله اخرج

لا تعملي كده

مع الاخت :blow:

 

[Oofaa]

لا تجلسين معه في نفس الغرفه وبس وهو بنفسه راح يحس......والله يهديكم لبعض.....

 

[رب احفظ من أحب]

يا بنات
الله لا يجيب الزعل

هي فكرة جت ببالي و حبيت أناقشها معاكم

و أنا مع الأاخت
NANDOOOOS ليش ؟؟
أول شي نفسية الأطفال ما تتأثر و ذه الشي بالمقام الأول
اذا فيه أطفال

و ثاني شي اذا السالفة كايدة مرة خليه يتربى ما يعيدها مرة ثانية
خصوصا إذا سالفة كبيييييييييييييييرة مرة .


و عزيزتي ندى الورد ما أعتقد الرجال يستانس اذا راح فندق
لأنه زوجته مو عنده , و ما عنده حد يكلمه أو ...................

إنتوا فاهمين قصدي

و لا عياله موجودين خصوصا اذا متعلق فيهم و يحبهم وااااااااااجد

أول كم يوم ينبسط ريح راسه شوي , تالي يحس بالوحدة و يتعب نفسيا
و أكل عدل ماكو ,,, يعني باختصار ماكو حد معطيه ويه
و لا حد معبره ...
و ذه متعب نفسيا خصوصا لواحد متزوج

تالي
هي فيها حفظ لكرامة المرأة , و كيانها
هي معززة مكرمة و بيتها , و هو اللي يطلع بره

هو الغلطان مو هو اللي يطردها ,,, يعني يا شينه و يا قوة عينه

و بعد هو اللي يتحمل مسؤوليتها هي و العيال
مو يوديها بيت أهلها , و تالي ما يسأل فيها و لا ايش رايكم بنات !!؟؟؟

 

[رب احفظ من أحب]

و الرجال اللي متعود على نمط حياة معين ,
يعني زوجته تهتم فيه , تدلعه , توفر له الأجواء المناسبة
من ناحية كل شي

أعتقد هو أكثر واحد بيتأثر اذا طلع بره البيت , لأنه عالمه كله ينقلب فوق تحت

مو سالفة بس عدم وجود جسدي

 

[Hno0odah]

من رايي لا ايلس في البيت واعتبر وجوده مثل عدمه

 

[رب احفظ من أحب]

أنا مو ضد جلسته بالبيت

أنا من النوع اللي أقلق إذا تأخر
أو ما دق علي اذا وصل مكان يطمني

بس
اذا صارت سالفة مثل الخيانة مثلا
بأي طريقة
لازم يبتعدوا شوي ليهدى الجو
كم يوم و تالي أكيييييييييد يتقاهموا
و يتناقشوا و يشوفوا ايش المشكلة


وين البنات و تفاعلكم
أبغى أعرف رأي البنات

 

[سحابه صيف]

ولا حد يطل كل حد يتم مكانه

عشان التراضي يصير اسرع..

ولا تكبر المشكله اكثر

 

[مجنونة ميدو]

مااظن في رجال بيقبل انه يترك البيت بيقول اذا انتي مو عاجبك الباب يوسع جمل بس من رايي انك تحقرينة في البيت ولا اكلمه وانام على سريري ولا كان صاير شي وبينله انا عايشه لعيالي وبس وكشخ وتعدل وسلامتكم

 

[رب احفظ من أحب]

صح كلامكم

تصير زعلات و تطنش الزوجة زوجها بالبيت
و لا على بالها منه و لا كنه موجود

و في أزواج ينحروا اذا راحت بيت أهلها
لأنها تغير جو , و طلعات و جمعات ووناسة


بس مو فكرة
تستحق التفكير !!؟

 

[ام وسومي]

والله فكرااا قولي له ابي اجلس باليت لوحدي ابي ارتاح وافكر ممكن تتركني ..................والله ونااااسه
ولا قولي له روووووووووووووح بيت اهلك ونااااسه تتبدل الادوااار<<<<متونسه عليهم ماصدقت خبر

 

[احساس الدنيا]

لا تسيبي البيت خليكي معاه .. والله لايجيب الزعل

الله يهدي الجميع

 

[صبيه شقيه]

لا خليه يظل بالبيت لا تعوديه عالطبع ده انتبهي
حتى لو متزاعلة معاه لا تسيبي له غرفة النوم وتمشي تنامي برة البعيد عن العين بعيد عن القلب
بكرة بيتعود كل ما زعلتوا طلع برة ولا يسال ولو اتعود منك انك انتي اللي تطلعي ولو من الغرفة هو بنفسه
بيطردك برة الغرفة لانه اتعود منك انك تخرجي
تقومي تقوليله اخرج

لا تعملي كده

انا معاها كلامها صح