يخوني ويظربني بعد

ليش مصرة على فكرة الجوال .ممكن يسبب مشكله اكبر ويضرب مرة ثانيه لانك تدخلتي بجواله وبدل ما يوديك عند اهلك مدة بسيطة ممكن ما يرجعك للبيت بسهولة لانه يبغى يبعدك عشان ياخذ راحته بالمكالمات .
نصيحة اتركي الشك والتفتيش وراه .
اغلب الرجال طابين بالمكالمات بس هي فتره ويملو لانها حركة جديدة عليهم .
الله يهديه ويسخره لك .
 
الشك يدمر النفسيه

انتبهي تدمرين نفسك عشانه وهو لاهي برفع معنوياته بالحكي الحلو اللي يجي والكذب اللي يرفع فوق

حبي اذا فيه امكن تطلقي والله الزم ماعليك راحه مخك والله تجيك امراض وانتي ماحسيتي
 
حياتي انتي وانا قبل سنتين صار نفس المشكله وفوقها حبتين لدرجة اني اخذت حبوب مهداءه لاني زيك ما عندي صبر بس الدنياء تعلمك الصبر (( انما الحلم بالتحلم ))
والله مافادني صراخ ولا روحه لاهلي ولااااشي غير الدعاء ولاستغفار والتطنيش اصرفي اهتمامك عنه شوفي لك شي تسوينه كروشيه دورات اي شي لان الصراخ والمواجهه تسبب عنده بلادة الموقف ويصير المره الجايه يقولها لك بوجهك ولاهمه (( حبيبتي الدعاء باليل ان الله يعصم قلبه من غيرك ويجعلك قرة عين له والله سحر ويبيلها صبر بس النتيجه تستاهل))


ادخلي النت وشوفي قانون الجذب كثييييييييييييير راح يفيدك يعد اذن اللله
 
شوفي أختي أنا كان زوجي يضربني ,, لأنه إذا عرف أني على حق وأحسن منه يرتبك ويقوم يضرب,, وكنت إذا ضربني أضربه علشان أدافع عن نفسي,, المهم أخر ضربه لي وقفته الحمدالله عند حده,, لأنه راضاني وقلت إذا تبيني ارضى لعاد تمد يدك مره ثانيه,,وراح أخبر أبوي بكل شي وطلع كل فضايحك,, وعطني مصروف شهري,,وجب لي هديه وإذا تكرر الضرب راح أطلع من حياتك,, وشوفي بقولك حاجه مهمه,, أنا رضيت علشان عندي طفلين,,وبعد هو يخوني بكل أنوااع الخيانه لدرجة نفسيتي تدمرت ونحفت ومأنااام الليل,, وتركته لربه وش أسوي جنني,, والله ثم والله لو ماعندي اطفال كان من زمان طالبه الطلاق بس هم نقطة ضعفي,, الشكوى لله الخيانه منتشره بشكل فضيييييييع له رب يحاسبه بس لاتخلينه يمد يده عليك,, وربي يفرج كربتك,,
 
ربي يفرجها علي وعليك وعلى أمة محمد صلى الله عليه وسلم
 
لا تسمحيله يمد إيده عليج هذا مب من حقه اما عن المغازل والتيلفونات السريه ناااااااااادرا تحصلين ريال زين الله يعينج ويصبرج عليه بس نصيحة أخت لا تسكتين عن الضرب ووقفيه عند حده قبل ما يتمادى
 
انتي شاغله بالك بقصة الجوال وخيانته و تاركه المشكله الأهم ( ضربه لك )
انسي الجوال وانسيه معاه ... الله لا يجعله اكبر همك
لا تروحي لبيت اهلك هذا اللي يبغاه ، عنده مايشغله ( خياناته)
ويمكن مايفقدك بعد .. بس لا تسكتي على ضربه ردي له الصاع صاعين اذا ضربك
وافضحيه بعد خلي بنات الناس تكرهه
الحمدلله ماعندك أطفال منه
المشكله انك تحبيه !!!! او يمكن نعمه الحب يخليك تتغاضي عن عيوبه
الله يسخره لك ويسخر لك اهلك وخيار خلقه
 
الله يسعد كل وحده ردت علي ويسخرلكم رجالكم ..انا والله قررت اروح عند اهلي لما هو يجي ياخذني بصراحه مليت منه حتى اليوم الصباح مسوي مشكله طفشني والله انا اعترف انه نجح بتطفيشي لكن خلااص انا أستسلمت الي يصير يصير حتى لو طلقني عادي كلها كم شهر وانسااه ربي يفرجلي ويفرج لكم
 
الله يصبرك والله مابيدي شئ غير اقولك عليك بصلاة الليل انا لقيتها الحل الوحيد لكل ضيقه بحيااتي
وصدقيني اكثر الرجال كذا اصبري واستغفري وادعي والله يفرجها عليك ويسخره لك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل