يخوني مع مين؟؟ مع شغالتي الله حسيبك المشهد قدام عيني

[شجن؟؟]

السلام عليكم اهلين حبوبات كيف حالكم
لساتي مسجله وعضوه جديده حبيت اطلع الى بقلبي اقل شي ارتاح واحس ان احد يشاطرني الى فيني لو من ورى الشاشه

اتظاهر قدام الناس بقوه والصلابه وانا من جواتي منكسره وماعاد فيني حيل

بدايه كنت مثل كل بنت تطمح بزوج حنون ويحبها وتحبه وطيب
جاني ماتمنيت الحمدالله مابي اتعمق بسنوات زواجي ابى ادخل بصلب الموضوع

رزقني ربي اولاد وكنت اجيبهم ورى بعض ماشاء الله بعد ماجبت بنتين و3 اولاد
اضطريت اجيب شغاله وكانت شغتي وسط مو كبيره ولا صغيره

خليت غرفه الشغاله بابعد غرفه بلبت بحيث تكون بعيده عنا وتاخذ راحتها

المهم كنت اشوفها ملقوفه وتحب الاستطلاع وتسال اولادي عن كل شي واولادي يجاوبون عليها بس بعدين نبهتهم مايتكلمون عن اي شي يكون في بلبيت لاي احد حتى الشغاله

صرت الاحظ عليها تحب تطلع قدام زوجي <<قصدي طليقي
وتاخذ من يده الاغراض على انه ماطلب منها هو عادته يحط الاغراض عند بابا الصاله واجي انا ولا هي ويشيلهن
صارت اذا سمعت صوت الباب ترزز بصاله علشان اذا دخل تركض له
هاوشتها على هلحركه وقلت لها مكانك المطبخ ولا بغرفتك ماتطلعين لم بابا ابد سكتت بصراحه خفت منها واحس انها قويه وكنت اخذ احتياطي بكل شي واذا جيت اطلع ترفض بس ماخليها

بلقوه اجرها معي

لاحظت على زوجي دايم يهوجس ويفكر واذا اشرت له بيده اقوله وين وصلت يقولي حلليني واجلس اتريق عليه وهو يتبوسم

بس بصراحه قلبي ناغرني بس تعوذت من الشيطان زوجي بعيني مثالي ومستحيل يغلط

 

[نور عيني.]

انتي كتبتي طليقي؟؟؟؟؟

تطلقتي خلاص بسبب شك بس ولا كيف ما فهمت؟​

 

[أم فاطم]

الله يعينك ولا يبتلينا

 

[كبريائي غايتي]

ربي يسعد قليبك ما لك الا تتخلصي منها لا تخلينه هو

اللي يوديها المطار خلي احد اخوانك يودوها

واكيد راح تبكي و تصارخ هي

بس ما عليك منها واذا جاء زوجك قولي له

و لا من شاف ولا من دري و هو طبعا مستحيل

يتكلم او يجادل في الشئ هذا

لأنها شغالتك انتي وتخدمكم فقط لا اكثر ولا اقل

و اذا اعترض هو على تسفيرها قولي له وش اللي

بيضرك اذا سفرتها انا اللي راح اتضرر مو انت عشان هو

يسكت و ما يحكي اي شئ

تخلصي منها ما لك الا كذا والله يوفقك و يهدي سركم

و يكفيكم شرها اللهم آمين

 

[swiet]

الله يكون معاكي يا اختي ويفرج همك شكليك مررره متاضيقة الله يهون عليكي ويصبر قلبك اللهم امين

تحياتي​

 

[بحب الحياه 1]

اختى ليه ما كتبتى القصه كامله
علشان نعرف ايه الموضوع و ربنا يصبر قلبك

 

[جامعة الحنان]

اكملي ياقلبي الله يبرد على قلبك ...​

 

[شجن؟؟]

لاحظت على زوجي تغير كثيرررر مررررره

صاير مو طايقنا بلمرررره جاء يوم وهذا اليوم تمنيت اني ماخلقت ولا انوجدت على وجه الارض قالي اني ابى اسافر يومين وراح اوديك لاهلك
قلت بلاش اروح يومين مو ساويه
قال لا علشان اكون مرتاح
قلت اوكي رحت قلت لشغاله تجهز اغراضها علشان نروح لم ماما كبير هي قعدت تصيح ماتبغى وتقول انا يجي هنا شغل بيت واحد مو عشره
قلت لاتشتغلين خليك بلغرفه بس ماراح تجلسين هنا لوحدك وتصيح بقوه
رحت لم طليقي وقلت له قال خليها براحتها قفلي عليها الباب ولا تعاسرينها بعدين تحقد سكت وقلت بنفسي ابى اجيها بليل اشوف عن الاوضاع عندها بس ماقلت لطليقي عن التخطيط

وداني لاهلي قبل العصر وكان مبسوط ويقول ان هسفر يبي يعدل وضعي بلعمل وادعيلي ومدري ايش
يوم جاء المغرب دقيت على البيت وردت الشغاله وسالتها انتي خايفه اجي اخذك قال لا كل شي تمام
جت الساعه 10 وقلت لاخوي ابى اروح للبيت ابى اتطمن على الشغاله قلبي مو مرتاح من جلستها قال طيب

 

[ريمآآني]

الله يكون ف عوونج الغاليه

الشغالات ما يتأمنن

ديري بالج ع بيتج و ريلج و عيالج


و سفري هالشغاله ...^_^


بدونهم البيت أمان ... والراحه لج بإذن الله

 

[كبريائي غايتي]

اعذريني اني قاطعتك شجن ما سمعت القصة كامله

كملي

 

[swiet]

اخ يا قلبي الله يصبرك لاتقولي مع الشغاله ​

 

[امونــي]

كلمي ياقلبي
اذا ع الشغالات (لاتشكيلي ابكيلج)
الله يبعد عنا شرهم..

 

[شجن؟؟]

رحت للبيت وكنت اشوف لمبات الصاله مفتوحه قلت يمكن تتفرج على التلفزيون وطفشانه وقلت لخوي يدخل معي كنت خايفه ودخلنا البيت وبشويش جيت ابى افتح الباب فوق سمعت ضحك قوووي قلت اكيد الشغاله مع الجن واقول لاخوي وش رايك ندخل قال ايه انا ابى ادخل وخليك هنا قلت لا ابى اكون معك وسبحان الله رابى اراد اني اكشفه على حقيقته

دخلنا على خفيف ونمشي باطراف اصابعنا وشوي سمعت سوالف طليقي وضحك وقسم بلله لحظتها تمنيت الموت تمنيت حظن امي على طول طرى في بالي

قالي اخوي بهمس الحيواان ادخلي عليه قلت خايفه قال ادخلي وانا وراك قلت طيب والله الى الان اقول كيف جتني القوه يارب انك ماتخلينا من رحمتك

دخلت بصاله ولقيت الحيوانه لابسه من ملابسي وزوجي لابس شورت بس
وجالسه بحظنه

يوم وقفت عند باب الصاله وكانومشغلين موسيقى وعايشين جو

وقفت عند الباب اطالع زوجي هو من الصدمه رمى الشغاله على الكنبه ووقف يطالعيني وعيونه طالعه من مكانه ماتكلمت ولا قلت ولا كلمه على طول توجهت لشغاله وسحبتها مع شوشتها ووديت لغرفتها ولبست عباتها اي كلام يوم طلعت من غرفتها وهي مازالت بين يدي بكشتها
لقت اخوي جالس فوق طليقي وطق فيه رحت سحبت اخوي بلقوه من طليقي واترجاه ان يخليه ربي يحاسبه من انت
قام اخوي يلعن ويدعي ومشينا والشغاله معي وتصيح تقول مافيه شرطه انا توب<<اتوب

 

[نور عيني.]

كملي القصه

 

[مدي الحب]

الله يساعدك وفرج همك

 

[جامعة الحنان]

ربي نصيرك ياقلبي ضيع اخرته عشان دنيته حسبي الله عليهم ...​

 

[shroofh]

يااااارب سترك ومغفرتك


الله يصبر قلبك

 

[نور عيني.]

بس سفرتيها؟؟؟ لو انا منك اقتلها ضرب الاول
حسبي الله ونعم الوكيل على كل رجال ما فكر لا ببيته ولا عياله كل همه شهوته وبس الله ينتقم من كل الرجال الي تفكيرهم كذا​

 

[شجن؟؟]

وحنا بسياره قالي اخوي وش تسويين بلملعونه قلت بكره اسفرها وانا وربي ولا دمعه نزلت يمكن من الصدمه مادري ليه

والشغاله تبكي بقووه تقول سامحيني هو يبغى وقف اخوي على جنب وكنا قريب من بيت اهلي وطاح فيها طق
خليته يطلع حرتي وحرته
وصلنا على بيت اهلي وسحبتها كني اطلع الى يقلبي بجري لها
دخلتها بلغرفه وصكيت عليها
وقلت لامي كل شي اذكر امي قالت لي يابنيتي صيحي طلعي الى بقلبك مايصلح كذا يضرك قلت لها مافيه شي اصيح علشانه واجمع عيالي حولي مادري ليش زي الى خفت لايضيعون مني والله ان كل شي بدون وعي مني

جاء بكره الصباح وراح اخوي وحجز لها والحمدالله تسهلت صارت الرحله بعد يومين كلم اخوي زوجي طبعا اخوي الثاني مو الى كان معي لانه من وقت ماجيت نفسيته اشد مني
تعبااان اول مره يشوف هلمنظر
كلم اخوي طليقي وقاله ابغى كل اوراق الشغاله وجوازها والفيزا وقال طليقي اني مسافر بس روح لشقه وخوذه اختك تعرف المكان ولا جاب سيره الى صار ابد لاخوي ولا هو <<اخوي كان حكيييييم مرره قالي ابى اسفر الشغاله بعدين اتفرغ له
تسهلت وانقلعت الشغاله
بعد شهر اتصلت ام طليقي على تقولي وينك من زمان عنك وعن الاولاد قلت انا عند اهلي وتعبانه قالت وفلان وراه ياقلبي كذا متغير وجهه صاير اسود هي كانت تجرجرني قلت مادري عنه اساليه وعلى طول ودعته وقفلت منها ماحبيت اقولها انا بنفسي مكيفه يقولها هو بطقاق

 

[ثقتي بصمتي]

اووووووف احس مكشوفه من الاول مافي شغاله تجلس
بالحاله يومين معقوله مافكرتي