يا [you] ضعي تجربتك جزاك الله الف خير !!!

[قم2005ر]

انا بشرتي جافة وجسمي كلة جاف واعاني دائما من جفاف بشرتي لاني اضع مكياج ويبهت الوجه وضعت كريم جونسون حق الاطفال

والحمد الله احس انها احسن من اول بس لازم كل يوم

 

[قشوووطه]

موضوع حلو وجزاك الله خير فدتي واستفدتي
تجربتي اني بيضا بس على صفار اللي يشوفني يقول عني مريضه الموهم صرت اخذ ماء ورد واثلجه وكل يوم اخذ ثلجه وامسحها على وجهي الى ماتخلص كذا صار وجهي مورد ​

 

[قطرررة ماء]

هلا والله بملكه بعيونه لعيونك هالخلطه لتفتيح البشره وهي حبت بطاطس مسلوقه تهرس ويضاف اليها حليبب بودره وشوي ماء لين تصير سايله بعض الشئ وزعيها على الوجه والرقبه اتركيها 4/1ساعه اغسليهاوشوفي النتيجه بياض ونعومه ولي بشرتها حساسه تتركها10دقايق

 

[ام عبدلله]

صباح الخير اليوم جايبة خلطة ممتازة لبشرة عصير لليمون ملعقتان نشاء بياض بيضة تخلط الجميع وتدهن الوجة وشوفى ان البشرة انشدت وصفى لونها مرتين فى الاسبوع انشاء الله تستفيدو

 

[برأة طفلة]

استعملت شامبو الاطفال بالبابونج رووووعه شوي عليه اتسبح فيه يوم ورى يوم والله جسمي نعومه ماتوصف وريحته خيااااااال
على فكره اذا خلصتي متسبحه مايحتاج ترطبين جسمك هو يرطب البشره بشكل رائع

 

[حنين دنيا]

السلام عليكم أنا عانيت من مشكلة سقوت الشعر و اتضح لي انه من الشمبوا (dove)ما أنصحوا لاحد ....

 

[حلاتي بصفاتي]

مشكورين عالموضوع الرائع بصراحه انا استخدم جليسوليد وليمون وادهن فيه قبل النوم يديني ورجولي واحط قبله زيت اللوز الحلو ممتاز جدا لبشرة الوجه ولليدين والارجل الليمون يابنات جدا مهم لاي خلطه للبياض وبعد استخدم عصير البرتقال مع شوية سكر وافرك يدي به واخليه الين ماينشف وشوفي بعدها كيف النعوووووومه ونسيت اقولكم نفس خلطة الجليسوليد والليمون وزيت اللوز الحلو ادهني فيها الابط والوجه والهالات تحت العين فقط زيت اللوز الحلو ولنفخ الوجه لان عقدتي الخدووووووووود استخدم حبوب الخميره جدا ممتازه وعند الاستحمام استخدم الصابون المغربي +الطاووس +صابونة الغار ممتازه للتفتيح وبعدها ادهني جسمك باي كريم مرطب ضروري لمنع الجفاف يالغاااااااااليات وسلاااااامتكم دعواتكم لي

 

[متزوجه فله]

مساكم وررررد
انا بصراحه كانت بشرتي حلووه بس خررربت من دخلت الكليه وصارت حبوب وبس تتقشر وراجعت عند اخصائي جلديه واعطاني حبوب رواكتان للبشره صراااااحه نتائجها اكثرررررررررر من رااااااااااائعه والله يشهد علي بس اول شهرين مايبيلك تقابلين احد لانها تطلع كل الحبوب والزيوان اللي تحت الجلد بعدين تختفي فجاه وررربي يابنات تسير بشرتك بيبي فيس من جد
سلبياتها انها تنشف عيونك وخشمك بس انا استخدم داااائما قطرة بروزلين قبل الماكياج لانها تطلع الابيض ابيض والاسود اسود وتوسع حدقة العين مررررررره ممتازه هالقطره صراحه

بالنسبه للشعر صراحه انا استخدمزيت النارجين جوز الهند اللي يجي بعلبة حديد نفس علب السمن مو علب بلاستيك واخذ المقدار اللي ابي احطه لشعري واسخنه على النار وبعدين ادق فصه وحده من الثوم واطشها على الزيت واقفل النار على طووول اتركيه 5 دقاايق لين يدفى وادهني فروة الشعر واطرافه مرره مررررررررررره مرررررررررررره ممتاز وانا جربته مع مساج للشعر وانا قاعده على التلفزيون اتفرج يدي بشعري وافرك بفروة راسي

انا صراحه ابي حل لتشققات مررره محرجتني مع زوجي لاني كنت سمينه وضعفت على حبوب الريدكتيل باسبوعين 7 كيلو نزلت يعني بشهر 14 كيلو ولله الحمد وطلعتلي تشققات استخدمت زيت جنين القمح ماسووى معاي اي شي بالعكس ضرني اكثر من انه نفعني لاني كنت ارطب فيه جسمي بدال الكريمات الترطيب ونفخ بطني وللحين اعاني من نفخة كرشي هي اللي تقريبا مخربه علي شكلي


واي وحده تستفيد من تجاربي تدعيلي احمل يااااارب والله يرزقني بطفل معافى

 

[غرآآآآم]

استخدمي جلسويد الاحمر مع عصير اربع ليمونات واحفظيه بعلبه وادهني فيه جسمك بتلاحظي ...... نعومه .. بياض.. صفاء .. لمعه حلوووه ملاحظه ( للجسم فقط الوجه لا تحطي عليه شئ)

 

[آمــيره بكلمتي]

انا ياغاليتي تجربتي مع شعري بس اللي يتحمل الريحة طبعا استخدم زيت دابر مع حلبة مطحونة وحبة السوداء ايضا مطحونة ممكن مقدر بيالة من الحابة والحبة اسوداء توضع في علبة مع الزيت وتستخدم كل بعد 3 ايام لمدة شهرين وبعدين ع حسب وبعد الاستحمام الابد من لف الشعر بطرحة حتى ماينشف من اول استخدام تلاحضين الفرق اما بالنسبة ارائحة الاباط اخذ مكعب مسك وشوية ماء ورد وبودرة جونسون الاطفال واخلطها مع بعض واستخدمها للاباط والمناطق الحساسة

 

[حنين 911]

تجربتي مع الترمس المر والزبادي مررره حلوة

 

[ميف]

تجربتي كانت في تشقق القدمين اوبمعنى اصح معانا تي من تشقق القدمين مافيه خلطه تذكر الا استعملتها ولكن دون جدوى ======\\\\ المهم اني في النهايه وجدت الحل لبس جزمه مسكره يعني مغلقه من الخلف مع د هن القد م باي كريم يعجبك المهم لاتكون القدمين جافه

 

[مولهمتي]

احاول من فتره لاخرى أعمل مره صنفره لجسمي عباره عن زيت زيتون+سكر+شوفان الشربه+عصير ليمون=اليفه ثم اليفه ومره ازيت شعري زيت خروع او زيت زيتون او زيت اللوز ومره مساج لرجولي ملح وماء دافي وسلامتكم

 

[mo0o0o0on14]

انا كان شعري جاف ومتقصف ومره رحت الصالون وقابلت وحده تشتغل مغربيه شعرها ماشاءالله يهبل المهم نصحتني بالحنا وقالت انها تستخدمه اسبوعيا وطريقته غلي ماء مع ثوم وبصل وقشور البصل وقرنفل مطحون وبعدمايبرد يصفى ويعجن فيه الحنا ونتركه فتره وقبل مااستخدمه للشعر اخلط فيه صفار بيضه مع العلم انهاقالتلي بيضه ماحددت انا احط صفار واضيف عليها محلب مطحون وبعدين على الشعر وانا بعد مااغسل شعري ارطبه بالبسلم وماشاءالله شعري اتحسن بكثير عن اول وبرضه احاول اكثر من اشرب المويه ووجهي كان فيه حبوب كثير بعد الشمع استخدمت صابونه الكبريت والحمدلله خفت الحبوب كثير وبعد استخدم مويه ورد ارش فيه وجهي وربي يعينا على طاعته قبل كلللل شي يارب

 

[w@w]

السلام عليكم/ انا من تجريتي الشخصيه : شريت امبولات الصبار وياليتني ما استخدمتها خف شعري من الامام وبينت الفراغات
وما خليت ولا خلطه وما كو فايده قمت احني شعري واحط عليه محلب وحبة البركه وروب وشوية زيت زيتون وشوية خل وحنا والله الخلطه روعه بالنسبه لنعومة الشعر بس الله يهديه زوجي ترجاني اني ما احطها لأنه ما يحب ريحة الحنه
- والخلطه الثانيه للوجه ممتازه بس اول شي تسبب احمرار للوجه بس حطي عليها كريم للحساسيه وهي كريم رتن اي ودوكين4% وافالون واستري عليها

 

[mo0o0o0on14]

انا كتبت في الصفحه اللي قبل عن الحنا لشعري وبرضه استخدم زيت الفازلين بس افرك الفروه بصراحه روووعه وفي خلطة وحده قالتلي عليها شوفان مع حليب للوجه واستخدم للرقبه اسكينول بالليمون امسح بقطنه رقبتي وان شاءالله تتفتح لان لساتوني باديه لكن ابغى شي مجررررب للركب والاكواع وجزاكم الله خير

 

[عروقي شماليه]

اما انا في يوم كنت قاعده اكل موز بعدين اخذت قطعه وفركت فيها يدي وخليتها خمس دقايق بعدين غسلت صراحه خيال نعومه وبياض
صح حطيتها علي وجهي بعد


من بعدها صارت عاده اذا عندي خرجه

 

[صفاء روح]

السلام عليكم انا عضوه جديده في منتدى
واتمنى تقبلوني صديقه لكم
انا تجربتي مع الفازلين >>>حبيب قلبي
اتسبح فيه تسبح
نــــــــــعومه
ومشكوره على موضوع رائع
تقبلي مروري

 

[قلبه موطني]

عجبني الموضوع وحبيت اشارك معاكم.
وعن تجربة..
المقادير:
صابونة دوف مبشورة (أو أي نوع صابون تفضلينه مثل لوكس،كاميه..)
نص كوب ماي ورد
5 ملاعق زيت زيتون
5 ملاعق جلسرين سايل بالليمون
عصير ليمونه واحده

الطريقه :
انقعي صابونة دوف في ماي الورد وخليها إلين بكرى الصبح وبعدها حطيها ع النار مع التقليب المستمر لغاية
ما تلاقي الصابون زي الكريم ومن ثم أضيفي الزيت وبعده أضيفي الجلسرين وقلبي شويه
وبعدها طفي النار وأضيفي عصير الليمون وقلبي مضبوط وحطي الخليط في علبة زجاج (طبعا انا افضل علب الزجاج لانها انظف واحسن من البلاستيك)

طريقة الإستخدام :
إدهني كل جسمك بالخلطه لأنها مثل الكريم راح يتشربها جسمك خليها لمدة 4 ساعات على جسمك
بعدين بللي الليفه وأدعكي جسمك منطقه منطقه بتلاحظين أنها طلعت رغوة ما عليك إلا تنتهي منها وبعد أن تنتهي من الدعك إغسلي جسمك بالماي وشوفي كل الشوائب تخرج مع الدعك

رووووووووووووووووووووعه بصراحه حتى ريحتها حلوه يعني ما تضايق ابدا
والإستمرار عليها يصفي الجسم وينعمه من كل الشوائب التي في الجلد
تخرج مع الدعك روووعه صراحه وتبيضه من أول مرة تلاحظين جسمك يلمع بعدها وتكفي هذه الكميه مده طويله
يمكن لمده شهر ونصف .

وبالنسبه للملاعق أقصد بها ملاعق الأكل ...
مع تمنياتي لكم بالتوفيق..
تقبلي مروري ..
(من اخوان مريم)

 

[فراشة ميمو]

شعري خشن شوي واستعمل فاشكول الثوم مره حلو