يا عالم ياهوه ليه حنامو بمثل هالحريم؟؟؟؟؟؟؟؟؟؟؟

[من القطب الشمال]

السلام عليكم ورحمة الله وبركاته ....
خواتي البلقيسيات..انا باعرض موضوع وشوفو انتو وجابوني امانه ..انا بشوف وباسمع عن الحريم عندنا بالخليج ...عندهم الكثير من الوصفات العجيبه للنفاس وللدوره الشهريه ...واللبس العجيب من شراريب وطرحه على الراس وبنطلون او سروال طويل من تحت الملابس وحتى بعز الاجواء الحاره غير ان الوحده ماتسبح وكمان بعض الحريم قابلتهم تقلي لاتشطفي نفسك بالماء طول هالفتره اذا دخلت الحمام اكرمكم الله جميعا ...نظفي نفسك بمنديل بس عشان مايصير ويصير للرحم ولاتتعطري واكل وشرب كله روائحه نفاثه يارب لك الحمد روائحه فضيعه بالجسم ...وربي الحريم اللى شفتهم بهالحاله ريحتهم مقرفه مره كيف تصبرو ياناس بافهم ..وكله كوم والكبو كوم ثاني اختي جربتها هالنصايح زوجها بغى يطردها من البيت من الريحه يقول هذي نجاسه مو اهتمام هذا قرف ..تابت بعدها من هالحركات ..والوحده لما تنتهي من النفاس الاوهي كبر البلون من الحلبه والرشاد والاعشاب الثانيه واللحم الى غدى وعشى ...ويالله وربي عذاب ...الحين انا منومه بمستشفى احدى الدول الغربيه لظروف صحيه ولساتي ما ولدت ادعولي بس ..شفت العجب لبس طبعا ما يحتاج اقلكم على لبسهم رغم برودة الجو والمكيفات ,بتعبي الوحده كوب كبييييير ثلج بتاكله ولا كأن الاخت توها والده ....بيشربو المشروبات الغازيه زي مابنشرب حنا القهوه والقشر ..
بياكلو الشيبس ...الارز والمكرونه ...ميزتهم الحلوه انهم بيمشو طول الوقت...لو قدرت صورت لكم بعض نماذجهم بس اخاف يقولو اش عندك تصوري اش فيه ويكبرو الموضوع ...تعالو شوفو الخفه والرشاقه والمشيه تقولي هذي مو والد دوبها ..الاجسام سمبتيك ...معاي بنفس الغرفه وحده حامل وعندها نزيف ولاكأن فيها شي بتاكل كل شي نفسها فيه البطن مو باين نهائي بالشهر الخامس عندها طفلين من قبل ....وامورها تمام والله لاعندهم تمر معبوط ولا قهوة قشر ولا قرفه ولامسلوقة لحم ولاخواجوا ولامره وكبو ..وبيتحممو كل يوم مرتين الصبح والساعه من سبع للتسع بالليل الحمامات شغاله وحده داخله وحده خارجه ...ريحة الوحده لما تمر تقولي ماره من جنب نكتار ولى زهور الريف ....عطور وكريمات وياسلام على الريحه ....افكر في الحريم عندنا عفنت ريحتها مسكينه والغرفه والبيت بريحة الاعشاب والكبو ..فوق ذا ما تسبح ...ولا عطر ولا اي شي معطر من ملطفات الملابس ولاغيره ..حنا المسلمين دين النظافه والطهاره ...ياعالم الله جميل يحب الجمال وش رحمك يخرب ومايخرب ...الله خلق هذا العضو وهو الرحم عضله قويه تتحمل ينزل بالوقت الى لازم يرتخي وينزل فيه وينقبض بالوقت المناسب ...سبحان الله الله هيئه لذا الشي وربي انعدمو الحريم من هالوصفات الوحده حتى ما عاد فيها حيل تمشي ولى تشيل شي ...افيقو ياحريم وبلاها هالوصفات اللتى ما انزل الله بها من سلطان ..كفايه قشر مع التمر وشوربه وتمشي الوحده وتشرب الشاي الاخضر قبل النوم او زنجبيل ..وتتحرك وتتنظف بلا مره بلا شمم من لما اطلع من غرفة العمليات ابدل ملابسي طبعا ما اتحمم الابعد يومين من العمليه القيصريه واعطر ملابسي والحمد لله لان اذا ماشميتيه من البدايه رح تتعبي من ريحته يسببلك غثيان وصداع وبس لا شمم ولا غيره والحمد لله من احسن مايكون اكلي وجسمي وعادي ونفس الشي الوالدات طبيعي ...انا وامي وخواتي اجسامنا نفس الشي والحمد لله ..فكرو بعقلانيه شويه ..ولو تدرو هنا يقولو لهم الاطباء اشربو بارد وكلو الاكل بارد عشان مايزيد النزف ويتمدد الرحم !(فما قول اخواتي )ارجو الرد ...جزاكم الله الف خير ***

 

[عيشالك]

اه ياربي والله صدقتي حتى ماادري مين اللي اخترع هالووصفات
وكويس اني قريت الموضوع وانا لسى حامل باول مولود علشان ارمي هالخرافات بعيدومااطبقها بالذات مسألةالشاور ذي مااستسيغها
يسلموووووووووووو:3:

 

[تعبت انا]

اما يشربوووو غازياااااات هنا الغلط يعني تنصحي اشرب غازيات بدل الحلبه لين ماتفتت الكلى واطيح بالمستشفى بين غسيل كلى وليش العنا
حنا عندنا الطب النبوي والنبي وصانا بمسك الطهاره للنظافه
والاشياء البارده تجيب اللوز مين ينفعني اذا مرضت وعيالي وين اوديهم
لاتنعجبي كثير في الغرب
هم مقرفين لابعد درجه
مكفي ياكلو لحم الخنزير
حنا نحافظ على الرحم والمنطقه عشان ازواجنا بعد الاربعين
اما هم عادي عندهم يشتغلو من ورى
اذا خرب اللي قدام .............اما من ناحية النظافه فيه كريمات معطره للجسم
بدل ماتنقلي لهم خبراتنا .......جبتي لنا كسلهم واهمالهم في انفسهم
الام لازم تتغذى ....والطفل لازم يرضع ....وكل ذا يبيله اكل واهتمام
مو غازيات وثلج انا جربت بنفسي ومو من احد اذا اخذت دش والدوره علي يصيبني صداع نصفي والدم يوقف ..ونا مابيه يوقف ويسببلي كيس بالرحم واروح ادور العلاج ....والله ثم والله بعد ولادتي طلعت بالحوش وكان هوى
بدون شيله او شي على اذني صابني صداع والم فوق الراس
كل شي له سبب
ماراح اطول
بس فدى الخليجيات المهتمات بسلامتهم ...ماقارنهم بالاجنبيات ..اللي تطلع من بيت اهلها وهي عمرها 17 سنه بس همها شي واحد يكون لدي صديق .........ايش جاب لجاب
طيب ماقلتي الاجنبيات يغيرون اللوك على الاربعين ولا تروح وتقابل زوجها بكلفها وبنطلونها الجنز الازرق
انتهى ​

 

[من القطب الشمال]

شكرا خواتي على الرد ..بس يا اخت تعبت انا ,انا مو معجبه فيهم وربي يشهد عليه اني اقرف منهم ومن لبسهم واكلهم حتى حابسه نفسي بالغرفه ما اطلع الا لما بسخن اكلي او اجيب مويه ...وما انصح بشرب الغازات واكل الثلج بس اقلك انه ما خذين الامور سهالات مو زينا ..غير كذا انا بمستشفى ديني مسيحيا فاكثر الوالدات فيه متزوجات زواج حقيقي وكثير عندهم اكثر من طفل ..انا بقلك انهم بيتحممو يوميا وهما مو مسلمين ولا ملتزمين دينيا بعقيدتهم هما انا بقول الكلام لاني ابغى اوضح انه احنا دين النظافه واكثر ايمانا بان الله هيئ كل عضو لوضيفته التي خلق لها فيكفينى العنايه الالاهيه من الكبو والمره والخوا جوا ...فهمتي قصدي ياغاليه ..صار عند الحريم من كثر ايمانهم بهذا المعتقد الخاطئ احساس بالتعب فعلا اذا ما عملت كذا او سوت هذي الوصفه ..فكري يا اختي شوي ...وانا تكلمت عن موضوع محدد اش جاب سالفة اللى تطلع من بيت اهلها والى تقابل زوجها مدري عشيقها بالجينز والكلف لايكون بتقوليني شي ما قلته لا تعصبي ...كل اخت مسلمه على راسي من فوق والخليجيات بالذات ...اناما انتقصتهم وعلى فكره انا انسانه ملتزمه جدا بعاداتي وتقاليدي وحجابي وديني قبل كل شيء ..فكيف اعجب بهذي الاشكال ..انا بتكلم عن فكر عندنا ماله علاقه بدين ولا مذهب انا بتكلم عن خرافات لاتشطحي بعيد عن الموضوع رجاء..

 

[تعبت انا]

ايه فكرت اختي .....بس هم مايؤمنو بالاعشاب او مايعرفوها ماعندهم ثقافه مثلنا نحب الطبيعه والاعشاب هاذي مين خلقها ....الله سبحانه ..... وحلو الوحده تتسلى وتهتم وقت الاربعين بنفسها مو شرط تهمم على نفسها
بس حريمنا نشيطات ولهلوبات ...باهتمامهم ...ماهم كسولات
كل وحده ادرى بنفسه لو اخذت شور مرتين باليوم وهي نافس ايش يصير لها واللي مايصير لها شي تعرف نفسها
هم بس يبلعو من الحبوب
وفيه مثل يقول الوقايه خير من العلاج اقي نفسي ولا اروح اتعالج ....وسلامتك ....انتي في نقطة الدش واستخدام الاعشاب مختلفه صح ...........والشبس واللحمه
اترك اللحمه واكل شبس ونا نافس
بطاطا مقرمشه ايش تفيد هاذي
​

 

[قلب حماده]

اخاااالفك الرااي تماااااما
يااا حلونا وياحلو وصفاتنا وخلطاتنا
مو اذا طلعنا من النفاس تلقي الظهر تعبان
والافرازات والمويات كأنها سييل

لاافراط ولا تفريط

 

[من القطب الشمال]

طيب اتركينا منهم .....انا ليه ما كبر كرشي وليه ما تعب من الاستحمام ....وليه مافيني هوى .....وليه رحمي قوي يارب لك الحمد والفضل والمنه ....وانا ما اسوي سواتكم وعلى فكره عندي بالرحم عمليات كله بس الحمد لله عضلة الرحم قويه من فضل ربي .....اكتفي بتناول الى كتبته بموضوعي وطبعا انا ما اشرب لا غازات ولا اكل الشبس حتى وانا طيبه ...يترى انا بعد اخذ مثلهم حبوب ولى كسوله ماني لهلوبه ..انا استغرب من سالفة مويات واوساخ وخرابيط ولا مره زوجي شكى من البلاوي الى اسمع الحريم يشتكون منها ..انا احمد ربي اولا واخيرا ما اشمت باحد ..بس الى اخذت هالوصفات مره وما اخذتها بحملها الثاني ...رح تحس انها تعبانه وسوايل وافرازات وكل الى تقولون عليه لانها اعدمت نفسها من البدايه ...بعدين الطب طلع دراسات عجيبه في سالفة الرحم الى تسمونه خربان ...بدون ما تدخلي باللعب بنفسك وبخور وبلاوي كل شي يرجع لطبيعته بامر الله اما اذا اشتغلتي فالله المستعان تحملي خطاك ..هذا العضو الله خلقه لهالوظيفه كيف ما يرجع الا اذا لعبنا فيه بوصفات خرافيه الله هيئه للحمل والولاده ولاخراج دم الحيض والنفاس ولتحمل الحياه الجنسيه مع الرجل ...سبحان الله العظيم ..وانتو تقولو لا لازم نظبطه حنا

 

[فيافي الورد1]

يا اخوات هناك من يبالغ في الاهتمام فترة النفاس
وهناك عادات خاطئة
اما الاستحمام مشكله
اللي اعرفه النفاس كل صباح لابد ان تستحم بماء دافي
اصلا كيف تتحرك الدوره الدمويه عندها بدون استحمام
السوائل الحارة كل ناس وطريقتهم
وفعلا مثل ماذكرتي فيه ناس يبالغوا كثير

 

[فتاة هادئه]

اولا اختي الغرب عندهم معتقدات وعادات ولكل شعب عاداته وتقاليده
اما من ناحية النظافه فلم ارى في حياتي نساء لاتهتم بنفسها وشكلها في نفاسها فكل من ارى تشع النظافه منه والرائحه العطره هناك فئه قليله جدا ولاكن الان الفتيات بدات تفهم وتعى اما من ناحيت الغسولات من خوا جوا و المره فهي مفيده اختي للجسم ككل فاذا لم تستفيدي انتي منها فلا يمنع انها تفيد غيرك واذا اختك عملت مارأت او قيل لها واهملت نفسها فهذا بسبب تفكيرها واعتقادها اما من ناحيت مقارنتك للغرب فلكل منبهر بما يفعلون فقد ذكره الرسول صللى الله عليه وسلم بننا سوف نتبعهم القذة بالقذه ولو دخلو جحر ضب لدخلتموه والحديث فيما معناه فلم ارده نصا
وانا اعلم يقينا انك لستي مهتمه بهم وبما يفعلون ولاكن نظافتهم بانفسهم واجسادهم هو ماشدك لهم لاكن لاتعممي حديثك بقولك في الخليج فما يحدث في الدول العربيه والغربيه اشد من عادات ومعتقدات واسأل الله ان يقومك بسلامه

 

[من ربي حبيته]

بصراحه اميل لرأيك بقوه

 

[من القطب الشمال]

ارجو يا اخت فتاه هادئه انلا اكون ممن يعنيهم الحديث النبوي الشريف ...للاسف حتى الان ما احد فهم قصدي من المو ضوع ...وهذا يحزني كثيييييييييير عموما شكرا لكل من رد على مو ضوعي

 

[فتاة هادئه]

لا ياختي انا فاهمه عليك كثير بانه ماضرهم مايعملونه وانهم ياكلون مايحلو لهم فلم يتقيدو بأنظمه معينه من المأكل والمشرب والملبس وانهم ليس موسوسين من ناحية انفسهم بان مايفعلونه سوف يضرهم او ينفعهم وياثر عليهم مستقبلا فلكل جسد قدره تحمل فاجسامهم قد اعتادة على ذالك وانا اقول لك اننا نحن في الخليج لم يتقيد بهذي العادات الا جداتنا ومن مضى اما الفتيات الان لم تعد تهتم للعادات وخاصه في الاكل فهي تعمل الرجيم اثنا نفاسها وتتبع حميه صحيه وتمشي وتلتحق بنوادي الصحيه من اجل ان تستعيد جمال جسدها وتستخدم العطور وان حدث لها شي فهو بأمر الله اولا واخير فليس لانها خالفت العادات وجزاك الله كل خير

 

[من القطب الشمال]

شكرا حبيبتي على كلامك الحلو ...انا كتبت هالكلام من قهري وربي ...اعرف بعض الخوات من بني لحمتنا حملو وولدو هنا وجايبين معهم هالاعشاب وحتى الكبو تخيلي ..اجسامهم مره معدومه ...وللاسف ازواجهم لما يشوفو الحريم الغربيات طبعا من كلام زوجي بيقولو شوفو الاجسام والمشيه مو حريمنا دوب جايبه واحد او اثنين الا هي خربانه من كل مكان ..زوجي طبعا بيقلي الكلام الى بيدور بين الرجال ويقول والله حرام يتكلم كذا بالمسكينه يكفي انها صاينه نفسها وطاهره ..بس تعالي فهمي بعض الرجال حسبي الله عليهم ونعم الوكيل ...يعني لو هالوصفات تنفع كان نفعتهم هذولا الخوات ...لا وكمان كانو رح يوصولو بهالاغراض من البلاد لما عرفو انى على وشك ولاده غير عن الى ارسلوها لي ...قلت انا ما استخدم هالاشياء نهائي

 

[@زينة@]

اختلاف الري لايفسد للود قضيه كل وحده ادري بلي هيه تسويه عني انا اشوف اهم شئ شرب الاشياء الساخنه ونكثر سوائل عشان الامساك يوثر علي الخياطه لمي تكون ولاده طبيعي ومن ناحيت الاستحمام تتحمم الوحده وتاخد لها دش وتحاول ما تطول اما الكبوا ما اسويه لاني ما اتقبل ريحته واتشطف بمويه وملح ومطهر طبي لاني اشوف ماله لازمه غيري لازم يعمله وكل انسان وقناعته
اما بعد القيصريه الوحده ماتقدر تتحمم الابعد اليوم الثاني عشان العمليه اما العطور امي تعطر لي مناديل وتخليني اشمها عشان الزوار يكونوا متعطرين بعطور قويه فا ماتتئثر الوحده باريحه
والغرب ترجع الوحده لحياتها العمليه بعد اسبوعين من الولاده عشان كدا مابيصح لها تتدلع اربعين يوم زي الي عند اهلها
والله يعطيك العافيه ياقلبوا علي موضوعك والله يسهل عليك ولادتك ويقومك باسلامه

 

[زوجة الناظر]

والله الموضوع وييييييييييييييين والردووود وين !


كاتبة الموضوع قصدها


انو حنا اهل النظافة فليش في بعض الحريم


ما تتسبح ولا تغسل المنطقةالحساسة بالموية !


كيف الشخص يتحمل ريحة جسمه العادية يومين في عز الحر

فما بالكم بوحدة بالاربعين وادوية وعلاجات الحريم وريحتهم اللي تصك الراس !


ما يمنع الوحدة تعالج نفسها وتشرب سوائل دافية

وتدفي نفسها بس ماتوصل للقذارة !


مشكورة اختي على موضوعك

خير الأمور الوسط ,,,,

الاعتدال والنظافة والاهتمام بالنفس وفعلآ المشي مفيد للجسم​

 

[روزاليندا]

انا بصراحة كنت ببكريتي ما اصدق حكاية خلطات واهتمام واكل واهملت نفسي كثير ومااستعملت شي من خلطات النفاس بس كان همي يرجع جسمي ماكان عند ام تفهمني امي الله يرحمها ونفاس ببيت اهل زوجي وكنت اقوم واروح واجي بس بعدين عانيت الامرين تقولين عجوز بجسم شابة وبعد ماكبرت وجالست الحريم عرفت اني اهملت نفسي وندمت بس مانفعني الندم حاولت اعوض بنفاسي الثاني صح استفدت كثير بس مازال عندي بعض المشاكل لكن الحمد لله الله يعوضني خيرر وانصح كل حامل او نفاس تهتم بنفسها وتسوي لها جدول للنفاس بدون افراط

انا مع اختي (تعبت انا ) مليون بالمية وماعلينا من الغرب واذا كان لهم ميزة علينا فهي ميزة الرياضة والمشي والنشاط الصباحي بس لانه مشكلتنا كثر الجلسة والنوم والخمول هي اللي جابت لنا الامراض
والله المستعان

 

[قلب وفي]

الله يعين والله انا ماعمري اهتميت من ناحيت الاكل والاستحمام

دائما اسوي الي ابيه ما افكر في الصحه والوم نفسي

طبعا النفاس ماحملت علشان اكون نفاس بس اذا صار ماراح اكول ذي الاشياء ما احبها اعود نفسي على الاكل المفيد فواكه وخضاااار

 

[نوال الخير]

كل وحده تعرف ايش اللي يناسبها وتعملوه من خلطات او ادوية النفاس اماااااااااا النظافه اوووول مره اسمع انه النفاس ماتتروش !!! لييش ايش السبب ؟؟اهم شيء بالنفاس النظاااااااافه والاستحمام يومياً ..

 

[يفداني بقلبه]

ما ادري عن النفاس بس الحلبه عشان الحليب يدر لكنها تسمن
والاكل لازم تتغذى زين
بس لاتفرط بالاكل
والنظافة لازم تسبح مين هذه اللي ماتسبح حتى القيصري عادي تسبح
ما يضرها النظافة مهمه انامعك في هذا

 

[Tatoo]

يسلمووو حبيبتي على الموضوع فعلاً في مبالغه في بعض النساء بفترة النفاس وانا وعارفه قصدك